راديو صاصا

38 Episodes

Reverse

2025-06-0209:271

راديو صاصا

كنوز

2022-07-3005:54

صحاب..كنوز

ميلاد راديوصاصا

2019-11-0712:52

اهلا بيكم ف راديو صاصا(تقاديم كتير لحلقات راديو فاتت) فاصلين من فواصل الراديو في عيد ميلاد راديو صاصا ..هنتكلم أوْلى عن الل إتولد وسطهم الراديو ،اول من سمعه ،أول من شجعه وخلاه يشوف النور ..إهداء لمستمعي راديو صاصا الأوائل بقدّم الحلقة دي. (وأما آجي أقابله يتمنع ..نور عيني قلبي من جوا) نانسي ..دايما بتقولي محدش فارق معاكي ودا يقول إن فيه حاجة واحده فارقه معاكي ،الحاجة دي هي الل كل الناس ما وفوهاش جواكي. إنتي من أمتع الأصدقاء الل صاحبتهم الل جواهم خير وجدعنه ورجوله، القلائل الل بيفهموني من غير ما أتكلم فعلا(ليس الامر أنكِ فقط جميلة ) إنتِ أختي الكبيرة بلا منازع ..خالص. (أنا هفضل يحبيبي أفتكرك عمري ما هنساك.. ) علاقتنا بدأت واستمرت وكمّلت رغم كل الظروف ،فضلت مقدّر مزاياكي وفضلت عارف مقامك وفضلت محترم حكمك عالأشخاص الل أنا منهم. اتعلمت منك أكمّل فالعلاقات حتى لو الشغف قلّ،واتعلمت مني أكمّل أعاتب وأبقى عالناس ..إنتي تفرقي معايا أياً كان مكاني جواكي. مش ناسي لما كنتي بتعدّي عليا ف شبرا نيجي الشغل سوا ولا سيلنترو وسط البلد ولا استقبالك ليا لما جيت من قلاوون ..حقيقي أنا مكنتش هرجع مرجعتش إلا لما قولتيلي ارجع وهناك زعلوا مني افتكروني مخبي قراري لكني مكنتش أخدت قرار لحد مانتي اديتيني القرار الل نفذته. الزمالك يوم ماعزمتيني فTBS ،يوم ما رحنا قهوة فwater way يوم مارحنا تدريب ف مستشفى الشيخ زايد وحميات العباسية ،لما رحنا المسجد الأزرق ولما رحنا شارع المعز ولما رحنا الغورية ولما رحنا مسجد المؤيد ..يوم المطره ف وسط البلد وكوستا ،خروجاتك شيء غير ،كنت بكون مبسوط وإنتي بتقوليلي نخرج وما أفوتش أي فرصه أكون معاكي ،إنتي علمتيني أمشي بميّة دايما أخد بالي من الdehydration إني عرفت الAroma therapy لما كنت بstalk accounts صحابك عالانستجرام أتمنى الل مقدرتش أشوف account ه لانه كان private إنه يفتحه public ،شكرا على تمر المدينة وسلطات البنجر والجزر والجوافة ،وعالمشروم ،يوم ماجبتي البسبوسة ،وإنك أشركتيني ف حياتك وحكيتيلي عنك ،عاوز أقولك إنك إنتي البنت الل حكيت عنها قبل كدا الل كانت ف ٢٠١٦ وإني كنت بstalk you قبل ما نتصاحب وف يوم سألتك علىtwitter account بتاعك وكنت نسيت أمسح الsearch history ،ظهرلك ساعتها وانتي بتكتبي اسم account ك إني كنت حاولت بأكتر من اسم ألاقيكي، شكرا كل مرة على متولي، شكرا عليكي إنتي، كنت مصر يكون معايا حاجة منك مقدرش أستغنى عنها وماقدرش أشيلها فأصريت تحشيلي ضروسي. (أمانه عليك ماتنساني..) رغدة ..مش عارف أبدأ منين ،من الأم الل جواها مساحة أقول وأنا مطمّن جواها حنان تسمعني بلا ملل من حكاياتي المصيرية أو التافهة، الل اهتمت هي بيها اهتمامها بحكاوي طفل بيتعرف عالدنيا جديد، ولّا كونك المستمعة الذهبية الأولى لراديو صاصا وأخت المستمعة الذهبية التانية ..عن طيبتك وأدبك وأخلاقك عن ثقتك فالناس وتوقعاتك فيهم الل لو ماكانتش بتطلّع أحلى مافيهم فكانت بتحرج وحاشتهم وتشجعهم يتحسنوا..تسلم إيد الل رباكي مش ناسي يوم ما عملتي مسقعة لما حكيتلك إن ماما بتتصل بيا تعيط إنها نسيِت تديني مسقعة كانت عملاهالي مخصوص عان فولتها نفسي ف مسقعة اورجانيك ،ولا يوم لما رحت قلاوون واتصلتي تدعميني وتطمّني عليا ولاّ لما اتصلتي تطمني عليا وأنا ف طنطا لما حصلت تفجيرات ولاّ كلامك الجميل عن أمجد وماما كلامي عنك خلاهم يحبوكي من قبل مايشوفوكي ويفضلوا يسألوني عنك ويطمنوا عليكي ولا يوم ما عرضتي عليا لو أنا احتاجت فلوس في نقل الشقة ،شكرا إني لما أروح أي مكان وأقابل حد يعرفك يشكر فيكي ..لإن ساعتها بحس بشرف إني اعرفك. (كلنا بنقول هننسى....) سعيد مش عارف إنت سمعت الراديو قبل كدا !ولاّ هتسمع الحلقة دي ! لكني عرفت إنك شبعان ياسعيد ولما بتنصح بتبقى صادق ،مقدر كل الل عملته معايا لما احتجتك ،نفعتني وبدون استغلال وعارف إنك متحمس ف علاقاتك برده وإني ف يوم كنت محل توقعاتك وإني خذلتها ،وإني كان ممكن أتصرف أفضل لكني عارف إني بتغيّر وبتعلم وبشوف الصورة كامله قبل وأثناء وبعد وانا الل سعيد إني قابلتك ف حياتي. مش ناسي الطبخ والمساج إنك كنت حابب حاجات أنا بحبها ،إنك كنت بتيجي تشرب معايا قهوة إنك علمتني بشكل عملي إزاي أدخّل الدخان على صدري ..وأول كحة كحيتها. (بنحب نغني وصوتي هارب مني) ياسمين ..تالت مستمعة ذهبية مش بس للراديو إنتي بتسمعي بصدق واهتمام وبدون تأفئف ،بتهتم بأصغر المشاكل وتسمعي باهتمام أقل التفاصيل لحد ماتطمن وتدعم وتحل وتتالع ،إنتي صديقة ذهبية بمعنى الصداقة الحقيقي وبتكملي دا بغفرانك ومسامحتك ،إنتي كمان راجل فالأزمات ،مسئولة وحرّة ..حرّة بيور ووجودك ف حياة أي شخص إضافة مهمة ودايما بحكي عن جنان الخروجات الل خرجناها لما اتمشينا الصبح بدري ،شعور الزوغان من الشغل رغم اننا كما ناوين نروح ولا لما خروجه تخلص وهنروّح فنخرج تاني ف حته أبعد. عمر (بنلقى راحتنا ويا الغرب ..ومش ويا حبايبنا) بشكرك على تعليمي الشيشة والسجاير والقعاد عالقهوة ، معتقدش إني قعدت تاني من وقتها ،شكرا عالترحاب أول مجيت الشغل ..أول كباية شاي إتعملتلي ،يوم مامضيتلي أجازه اعتيادي أسبوع لما رجعت من الجيش ،يوم ما خليت د.ناهد تستناني تمضيني ،ويوم كلمتها انها متوديش اسمي تحقيق لما مرحتش النبطشية ،يوم ما إنت حسيت إن عيان هيعمل مشكلة فقمت وجيت وقفت جنبي بس تطمني،شكرا على محاولاتك الوصال ،على مساعداتك الل موقفتهاش وقت الخصام شكرا إنك ف يوم حاولت تتغير. أشكر محمود علاء شجعني كأول مستمع ذكر ذهبي ،وإني كنت بستمتع بشرب القهوة وياه وحكاياته وحكاويه وبطريقه حياته واهتمامه بنفسه. (ورده أيام).