DiscoverMASA Mongolia-Podcast
MASA Mongolia-Podcast

MASA Mongolia-Podcast

Author: MASA

Subscribed: 123Played: 5,015
Share

Description

МАSА буюу Америкт төгсөгчдийн холбооны Удирдах зөвлөлийн гишүүн Л. Мягмаржавтай хийсэн сонирхолтой ярилцлагыг эндээс хүлээн авч сонсоорой. Тэрээр бидэнтэй өөрийн эзэмшсэн экологич мэргэжлийн онцлог болон АНУ-ын засгийн газрын GlobalUgrad, Fulbright тэтгэлэгүүдэд хэрхэн шалгарч, Америкт хэрхэн суралцсан тухай түүхээсээ хуваалцлаа.

114 Episodes
Reverse
Подкастын маань энэ удаагийн дугаарт АНУ-ын засгийн газрын 100%-ийн тэтгэлэгтэй оюутан солилцооны хөтөлбөр болох Global UGRAD хөтөлбөрөөр University of Southern Indiana-д суралцсан А.Жаргалмаа оролцлоо. Тэрээр өөрийн яагаад Америк улсад суралцах болсон түүх, оюутан солилцооны хөтөлбөрт хэрхэн бэлдэж, тэнцсэн талаарх өөрийн туршлагаасаа хуваалцсан юм. Мөн мэргэжлээ хэрхэн сонгох, хэл сурахын тулд юун дээр анхаарах ёстой зэргээр Америкт суралцахаар бэлдэж буй оюутан, ЕБС-ийн сурагчдад зөвлөгөө өглөө.
Энэхүү дугаарын зочноор 2019-2021 онд АНУ-ын University of Colorado, Boulder -ийг тус улсын засгийн газрын 100%-ийн тэтгэлэгт FULBRIGHT магистрын хөтөлбөрөөр, сэргээгдэх эрчим хүчний чиглэлээр сурч төгссөн Ч.Бямбасүрэн оролцлоо. Түүний хувьд англи хэлийг хэрхэн үр дүнтэй суралцах тухай өөрийн туршлага дээрээ үндэслэн АНУ-д суралцах зорилготой хүмүүст үнэтэй зөвлөгөө өгсөн бөгөөд суралцаж төгссөн мэргэжилийнхээ онцлог, нэн чухал хэрэгцээний талаар бидэнтэй хуваалцлаа. Тус дугаарыг сонсохыг хүсвэл доорх линк дээр товшоорой. 
Подкастын маань шинэ дугаарт 2022-2023 оны хооронд АНУ-ын засгийн газрын 100%-ийн тэтгэлэгтэй оюутан солилцооны хөтөлбөр болох Global UGRAD хөтөлбөрөөр АНУ, Жоржиа мужийн Атланта хот дахь Oglethorpe их сургуульд нэг улирлын турш суралцсан Б.Хүслэн оролцлоо. Тэрээр өөрийн яагаад Америк улсад суралцах болсон түүх, оюутан солилцооны хөтөлбөрт хэрхэн бэлдэж, тэнцсэн талаарх өөрийн туршлагаасаа хуваалцсан юм. Мэргэжлээ хэрхэн сонгох, хэл сурахын тулд юун дээр анхаарах ёстой болон Америкт суралцахаар бэлдэж буй оюутан, сурагчдад зөвлөгөө өглөө. Тус ярилцлагыг түүний суралцаж байж үед цахимаар хийсэн болно.
Тус дугаарын зочноор МУИС, Бизнесийн Сургуулийн багш, 2017-2018 оны хооронд Harvard Kennedy School -д Нийтийн Удирдлагын чиглэлээр магистрын зэрэг эзэмшсэн С.Санасэр оролцлоо. Түүний хувьд өмнө нь АНУ-ын Utah Valley State College, California International University зэрэг сургуулиудад суралцаж байсан бөгөөд Harvard их сургуульд ороход ямар бэлтгэлтэй байх хэрэгтэй, сайн боловсрол ямар үнэ цэн авчирдаг талаар бидэнтэй ярилцав. Мөн өөрийн туршлага дээр үндэслэн англи хэл сурч Америкт боловсрол эзэмших, тус орны соёлыг таньж мэдэх, суралцах хүсэлтэй оюутан залууст хэрэгцээт мэдээлэл хуваалцлаа.
Энэ удаагийн дугаараар бид АНУ төдийгүй дэлхийд нэр хүндтэй Harvard Law School-д гурав дахь магистрын зэргээ эзэмшсэн А.Мандуултай ярилцлаа. Тэрээр АНУ-ын их сургуульд элсэн суралцахын тулд давах ёстой шалгуурууд, сургалтын төлбөрөө төлөх боломжууд болон хуульч мэргэжлээр сурахын тулд юу бэлтгэсэн байх шаардлагатай талаар ярилаа. Мөн Англи, Америк болон Монгол улсын боловсролын системын давуу болон сул тал, оюутан багш нарын харилцаа хандлага, цаашид юун дээр анхаарвал зохилтой зэрэг олон хэрэгтэй мэдээлэл, зөвлөгөөг өгсөн тул тус дугаарыг маань сонсож ирээдүйн боловсролдоо хувь нэмэр оруулаарай.
loading
Comments