DiscoverІнтэрвію - Радыё Свабода / Радыё Свабодная Эўропа
Інтэрвію - Радыё Свабода / Радыё Свабодная Эўропа
Claim Ownership

Інтэрвію - Радыё Свабода / Радыё Свабодная Эўропа

Author: Радыё Свабода

Subscribed: 22Played: 299
Share

Description

Радыё Свабода / Радыё Свабодная Эўропа - міжнародная мэдыйная арганізацыя, якая перадае навіны і інфармацыю для краінаў Цэнтральнай і Ўсходняй Эўропы, Каўказу, Сярэдняй Азіі, Расеі, Блізкага Ўсходу і Балканаў.
163 Episodes
Reverse
Наколькі законным было выкарыстаньне ўзброеных сілаў для здушэньня пратэстаў? Якая была матывацыя такога выкарыстаньня? Які вынік гэта дало? Як доўга войскі былі задзейнічаныя ў гэтых апэрацыях? На гэтыя пытаньні ў інтэрвію Свабодзе адказвае вайсковы экспэрт Аляксандар Алесін.
Аляксей Анісін, дэкан факультэту міжнародных дасьледаваньняў і дыпляматыі Англа-амэрыканскага ўнівэрсытэту ў Празе, расказаў пра свае дасьледаваньні. Адна з тэмаў ягоных навуковых артыкулаў — пераход дзяржаўных сілаў бясьпекі на бок пратэсту.
Пісьменьніца, настаўніца і літаратуразнаўца Ганна Севярынец — пра філязофію перамогі, разбуральнасьць помсты, гістэрыку як паказчык паразы і галоўныя прынцыпы жыцьця, якія дапамогуць перамагчы, а таксама пра тое, чаму пакуль ня варта абнародаваць усе пазытыўныя навіны. Ганна Севярынец перакананая, што «на нашым баку праўда, сіла, упэўненасьць і большасьць».
Што адбываецца зь беларусамі апошніх паўгода? Ці скончыцца рэвалюцыя грамадзтва палітычнай перамогай? Калі гэта можа адбыцца? Якой будзе новая Беларусь — больш ці менш беларускай? Пра гэта ў інтэрвію Свабодзе гаворыць сацыёляг, былы дырэктар Інстытуту сацыялёгіі Акадэміі навук Беларусі Генадзь Коршунаў.
Беларуская рэжысэрка і журналістка тэлеканалу «Настоящее время» Вольга Абрамчык расказвае, як рабілася дакумэнтальнае кіно "Мы ня ведалі адзін аднаго да гэтага лета" аб масавых пратэстах у Беларусі, чым гэты фільм унікальны, чаму яго будзе цяжка, але абавязкова трэба паглядзець.
Былы амбасадар Беларусі ў Аргентыне, сябра Народнага антыкрызіснага кіраваньня Ўладзімер Астапенка – адзін зь ініцыятараў адкрытага ліста дзяржаўных службоўцаў за адстаўку Аляксандра Лукашэнкі. Паводле яго, за адстаўку падпісалася ўжо каля 600 дзейных і былых супрацоўнікаў дзяржаўнага кіраваньня.
Дарадца Сьвятланы Ціханоўскай у міжнародных справах Франак Вячорка – пра плян перамогі, стратэгію далейшых дзеяньняў, спосабы міжнароднага ўзьдзеяньня на рэжым і працу над памылкамі.
Мэлінда Гэрынг, намесьніца дырэктара Цэнтру Эўразіі ў амэрыканскай аналітычнай установе Атлянтычная рада (Atlantic Council), тлумачыць, чаму Беларусь будзе ў сьпісе замежнапалітычных прыярытэтаў новай адміністрацыі ЗША. Гэрынг была адным з аўтараў дакумэнту Атлянтычнай рады «Байдэн і Беларусь: стратэгія для новай адміністрацыі».
Грамадзкі дзяяч і бізнэсовец, дырэктар ТАА «Сымбаль Бай» Павал Белавус – пра затрыманьне супрацоўнікаў крамы, сем гадоў працы папулярнай крамы, ціск уладаў, свой першы сьцяг і часы так званай мяккай беларусізацыі, калі прэм'ер Румас фатаграфаваўся зь бел-чырвона-белым сьцягам.
Былы кандыдат на прэзыдэнта, былы палітвязень, каардынатар грамадзянскай кампаніі «Эўрапейская Беларусь» Андрэй Саньнікаў – пра імпэрскасьць расейскай дэмакратычнай апазыцыі і паблажлівае стаўленьне да пагрозы так званага «лукашызму» для Расеі і сьвету, а таксама пра тое, чаму ўсім патрэбная праца над памылкамі.
Андэрс Ослунд, швэдзкі эканаміст, дарадца расейскага ўраду на пачатку 1990-х, старшы навуковы супрацоўнік амэрыканскага аналітычнага цэнтру Атлянтычная рада (Atlantic Council) стаў адным з аўтарам дакумэнту «Байдэн і Беларусь: стратэгія для новай адміністрацыі». Ослунд расказаў, колькі грошай трэба Лукашэнку і хто з расейскіх алігархаў рыхтуецца танна купіць «Беларуськалій», «Гродна-Азот» і «Нафтан»
Ян Максімюк размаўляе зь беларускім паэтам і перакладчыкам Андрэем Хадановічам, які расказвае, што яму напісалася і пераклалася падчас побыту на нямецкай стыпэндыі на польска-літоўскім памежжы.
Расейскі палітык, грамадзкі дзяяч і блогер Максім Кац лічыць, што вясной пратэсты ў Беларусі зноў стануць масавымі і ў выніку прывядуць да перамогі. Блогер тлумачыць, чаму ня варта параўноўваць пратэсты ў Беларусі і Расеі, чаму Пуцін ня хоча быць прэзыдэнтам АМАПу і чаму Крэмль будзе падтрымліваць Лукашэнку толькі на словах.
Юрыста заснаванага Аляксеем Навальным Фонду барацьбы з карупцыяй, беларуса Ўладлена Лася невядомыя вывезьлі на мяжу зь Беларусьсю. Пасьля гэтага ён даехаў да аэрапорту і пакінуў краіну. У інтэрвію «Свабодзе» ён расказаў падрабязнасьці.
Адказны за рэгіянальнае разьвіцьцё ў Народным антыкрызісным кіраўніцтве і лідэр Руху “За Свабоду” Юры Губарэвіч у інтэрвію “Свабодзе” расказвае пра распрацаваны ім плян разьвіцьця рэгіёнаў Беларусі і тлумачыць, чаму павелічэньне паўнамоцтваў мясцовых уладаў палепшыць дабрабыт беларускай правінцыі.
Расейскі пісьменьнік і публіцыст Віктар Шэндэровіч – пра тое, што яднае, а што адрозьнівае пратэсты ў Расеі і Беларусі, чым небясьпечныя для ўладаў Расеі і Беларусі Сьвятлана Ціханоўская і Юлія Навальная, і чаму падзеньне аўтарытарных рэжымаў у абедзьвюх краінах непазьбежнае.
20 студзеня ў Парыжы памёр Барыс Забораў. Многія СМІ ў той дзень напісалі: «Памёр самы вядомы ў сьвеце беларускі мастак». Ці сапраўды ён такім быў? За што яго цанілі? Якую спадчыну Барыс Забораў пакінуў нам? Што трэба зрабіць для ўшанаваньня яго памяці? На гэтыя пытаньні адказвае беларускі мастак, які таксама жыве ў Парыжы, – Раман Заслонаў.
Найлепшая футбалістка Беларусі ў 2016 і 2017 гадах, брамнік Натальля Васкабовіч адзіная з жаночай зборнай Беларусі па футболу падпісала ліст вольных спартоўцаў. Яна расказвае пра страхі іншых спартоўцаў, тлумачыць, чаму цяпер трэба скасоўваць сусьветныя чэмпіянаты сьвету ў Беларусі, гаворыць пра стан жаночага футболу ў Беларусі і стэрэатыпы пра яго, кшталту «ногі стануць крывыя».
Адзін з самых вядомых беларускіх опэрных сьпевакоў Ільля Сільчукоў расказвае пра звальненьне зь Вялікага тэатру Беларусі за падтрымку ўльтыматуму Ціханоўскай і зварот супраць гвалту, ад'езд зь Беларусі, а таксама пра тое, як здымаліся знакамітыя відэакліпы «Магутны Божа» і «Мова».
Хакеістка-айцішніца Юлія Абасава расказвае, як яна запусьціла пэтыцыю супраць правядзеньня хакейнага чэмпіянату сьвету ў Менску, якую падпісалі каля 60 тысяч чалавек; як праходзілі Калядныя турніры Лукашэнкі, на якіх яна была судзьдзёй; чаму жанчыны гуляюць у хакей і чаму разьвіцьцё хакею ў Беларусі не адпавядае ўкладзеным у гэты від спорту сродкам.
loading
Comments 
Download from Google Play
Download from App Store