Claim OwnershipМАРШОНАН ПОДКАСТ
Subscribed: 3Played: 34
Subscribe
© Marsho Radio
Description
Нохчийчоьнах лаьцна подкаст - кхузахь оха дуьйцу республикица боьзначу коьртачу хиламех, адамийн бакъонех, иштта йукъараллехь, политикехь, социалан агIонехь долчу хьолах а. Цул сов, билгалдоккху оха, царах лаьцна дIахьедар стенна оьшу а.
58 Episodes
Reverse
Кадыров а, "терроризм эшорах" бина кхайкхам а, Украинана дуьхьал тIом бан низамехь йоцу вербовка йар, тикток-эскарш а, Делимханов Адам а, иштта - Соьлжа-Галара кIоштана Путинан цIе тиллар а – цунах а, и доцчух а лаьцна хезар ду шуна Маршо Радион 59-чу подкастехь.
ЧВК "Вагнеран" йолахой "Ахматехь", лачкъийначу Сулейманова Седин гIуллакх дерзор, кадыровхоша лачкъийна волонтер СИЗО-хь кхалхар, оьрсийн салташа вийначу хIусамдех 24 шарахь компенсаци йаккха хийза нохчо – цунах а, и доцчух а дуьйцур ду шуна Маршо Радион 58-чу подкастехь.
Нохчийчуьра вахархо полицихь кхелхина, Тепсуркаевн гIуллакх Европан кхеле кхаьчна, ткъа Бельгира депортацин набахтера арахецна нохчийн мухIажар – цунах а, и доцчух а лаьцна дуьйцур ду Маршонан 57-чу подкастехь.
Теракт йинчул тIаьхьа кадыровхошна совгIаташ декъна, ПIаьнгазан чIожера маьждиган имамах "Кадыровн агент" аьлла, лахара алапа оьцучийн рейтингехь йу Нохчийчоь – цунах а, и доцчух а дуьйцур ду шуна Маршо Радион 56-чу подкастехь.
Нохчийчуьра йезткъе ткъаяссна процент Путинехьа, Ичкерин агIончийн Белгородан кIоштара рейд, Соьлжа-ГIалахь "кхетош-кхион хьехамашца" кхерамаш тийсар, лачкъийна йигинчу Сулейманова Седех хилларг цахаийтар – цунах а, и доцчух а дуьйцур ду Маршонан 55-чу подкастехь.
Омонхойх леттачу нохчин набахтера хьелаш чIагIдар, Къилбаседа-Кавказера волайнхоша бакъоларйархошка гIо дехар, шен накъостана урс диттинчу нохчийн эскархочунна кхо шо тохар – цунах а, и доцчух а дуьйцур ду шуна Маршо Радион 54-чу подкастехь.
Украинхойн йийсархой оьцу кадыровхоша шайчаьрца хийца, Украинерчу тIамана цхьана баттахь ши миллиард ахмиллиард (2,6 миллиард) сом дайъина Нохчийчохь, адамаш дехачу меттигехь 12 сахьтехь сов тIом бина гIалгIайн къайлахчу сервисаша.
КъорIан дагорна кхел кхайкхийна Соьлжа-ГIалахь Журавель Никитина, дуьненахь акцеш дIайаьхьна лачкъийначу Сулейманова Седигахьа, Сочихь лаьцна Навальный Алексейн безамна зезагаш дохку тренер, ткъа Украино дIахьедина, ГIалгIайчоьнан дIакъаста бакъо хиларх - цунах а, и доцчух а хезар ду шуна Маршо Радион 52-чу подкастехь.
Оьрсийчоьнан къилбехь Навальныйн безамна акциш дIайаьхьна, Нохчийчуьра бахархой Туркойчуьра арабохур бац аьлла ЭрдогIана, КъорIан дагорна бехкевинчу Журавель Никитина кхо шо ахшой доьху, ткъа Кадыровс шен гонна совгIаташ доькъу- цунах а, и доцчух а лаьцна хезар ду шуна Маршо Радион 51-чу подкастехь.
Нохчийчуьра полицина дина тIелатар, Москвахь герзаш диттинарг нохчо хила тарло, КъорIанца кхиазхочо бинчу "бегашна" тIехула икххина дов – цунах а, и доцчух а лаьцна хезар ду шуна Маршонан 50-чу подкастехь.
Доьзалехь латточу гIелонах йедда Нохчийчуьра йоI йийна хила тарло, Кадыровн кIентан рогIера совгIат, "Ахмат" спецназан оьрсийн националисташца даьлла дов – цунах а, и доцчух а дуьйцур ду шуна Маршонан 49-чу подкастехь.
Делимханов Адаман инарла-майоран чин, Нохчийчуьра веддачу кIантана гIело йарх дийцар, Кадырв Адаман кхерамаш – цунах а, и доцчух а дуьйцур ду оха Маршонан хIора кIиранах арахоьцучу 48-чу подкастехь.
Думин депутатаца Кадыровн дов, украинхойн дIалаьцначу Мелитополехь кадыровхойн тасадаларш, армин "сий дайарна" нохчочунна таIзар дар, Муцураевн иллеш даржочарна керла гIуданаш деттар. Цунах а, и доцчух хезар ду шуна Маршо Радион хIора кIиранах арайолучу 47-чу подкастехь.
Нохчийн эвлахь стаг вен хила тарлун бахьанаш; божаршца уьйраш йара аьлла, Нохчийчохь ницкъбина стаг махкара дIавахар; Къилбаседа Кавказера мухIажарш дIа ма ло аьлла бакъоларйархоша бина кхайкхам; Кадыровгахьа ша вуй дIахаийтинчу латархочунна критика йар – цунах а, и доцчух а
ладогIа таро йу шун Маршо Радион 46-чу подкастехь.
Америко санкцеш йухаэцахь, украинхойн йийсархой дIалур бу ша элира Кадыровс, амма тIаьхьо "троллинг" йара иза бохура. Даймахкахь гIело хьегийтинчу нохчочунна тховкIело йаларх сацам бийр бу Эрмалойчоьнан кхело. Кадыровн говр лачкъор толлуш гIо дехна Чехин полицино.
Шена дуьхьалболчаьрца йистйаккха аьлла Кадыровс, терроризмана бехкевинчу Нохчийчуьра вахархочуьнгара францхойн махкалла дIадаьккхина, Венехь митинг хIоттийнера депортацин набахтехь нохчо кхелхинчул тIаьхьа.
Нохчийчуьрчу Iедална пиар йарна лерина контент-центр, лачкъийна вигина боксехула дуьненан чемпион 10 баттахь лаьцна латтор, набахтехь хан токхучу нохчочо мацалла кхайкхор – цунах, кхиндолчух дуьйцур ду Маршо Радион 43-чу подкастехь.
Швейцарин Iедалхоша Оьрсийчу депорт йийр йац Батаев Iелина, Кадыровн йоI – цхьана меттахь исс комиссина йукъайахийтина, ткъа ГIалгIайчохь виъ батIалхьажо лаьцна стаг верна бехкевина – цунах а, и доцчух хезар ду шуна Маршо Радион 42-чу подкастехь.
Нохчийчуьура кхел дуьхьал йу Мусаева Зарема маьршайаккха, цуьнан могушалла дика йоццушехь; Кадыров Рамзана дуьхьалдIа эфир хIоттийна, йуха а къобалдина цо КъорIан дагорна бехкевечунна йеттар, ишта кхерамаш тесна мехкан урхалхочо спортхошна а, блогершна а "нохчийн гIиллакх-оьздангалла бехдарна". Цунах а, и доцчух а хезар ду шуна Маршонан 41-чу подкастехь.
Дубай конференци хьовсийна Кадыровн бераш, инарлаш бина Путина Украинехь тIом бинчу кавказхойх, бардан Муцураевн иллина тIехула дина таIзар – кхунах а, и доцчух а дуьйцур ду шуна Маршонан 40-чу подкастехь.
Comments
Download from Google Play
Download from App Store
United States