Claim Ownershipبعدك على بالي
Subscribed: 7Played: 197
Subscribe
© Rozana
Description
مونولوج داخلي يدور في عقول السوريين جميعا.. بكل ألوانهم وتوجهاتهم.. موالون ومعارضون وحتى مقاتلون.. تجمعهم أفكار واحدة لا يتحدثون عنها إلا في ضمائرهم!
131 Episodes
Reverse
قد ما كانت الكارثة كبيرة بشحطة قلم بتتقيد ضد مجهول.. فجأة كل ذكرياتك بينهيها المجهول، ضحكات ولادك، صور عرسك دفاترك القديمة، حبك الأول ومشوارك الأول.
كان عم يرجف قصب لما حط رجلو بباب المطار حامل جواز السفر وكل أوراقه كاملين.. وما ترك فرع ما فيش فيه اسمه عن طريق واسطات.
طبختنا السورية وثورتنا السورية احترقت لانو الأيادي كترت.. ومن كتر من مامرق علينا اسمنا نسيناه شعرنا شاب وضهرنا انحنى.. بيوتنا وأملاكنا ماعادت أملاكنا.
أنا برسم وهم جديد بتنفذ بالصرماية.. مقتبس من خطاب لسيادته.. اللهم إنّي صائم، لك سيادته بشوف أبعد مننا، لأنه طويل وسيادته بعيد عن أرض الواقع.
لما لقوا الشغلة أكبر من سيناريو ليبي أو أي سيناريو مؤامرة في العالم لعبونا عالمكشوف وهدوها فوق راسنا.. يا محلا يلي صار بليبيا واليمن من يلي صار فينا... بكفي أعداءهن معروفن.
المرأة المطلقة ما شرط تكون فاشلة،ممكن تكون ضحية رجل فاشل.. والثورة ممكن تكون ضحية أشخاص فاشلين وعابرين.. المرأة والثورة بيشبهوا بعض أحلامهم متقاربة مشاريعهم متجانسة.
من فترة رحت لعند طبيب نفسي.. لأن ما عم إتوازن.. قلي خير.. قلتلو المجازر والمآسي ماعم تخليني أتوازن.. قلي بس المجازر بعاد عنك.
توقيت رمضان الدرامي والبرامجي مع الانتصار العسكري على العزل واستهداف صيامهم وعلاجهم وحصارهم صار عادي وأقل من عادي.. موت كتير تحت الأنقاض صار أكتر من عادي.
عالحاجز 200 إذا محمل، وللجمارك ألف إذا محمل، وللشرطي 500 والله يرزقك بحسنة المتطوعين.. شو رأيك نعمل تعديلات وزارية؟.
عم يسألني كيف عم تكرموا المرأة في سوريا؟.. في مرأة ما بتعرف إنو في حقوق للمرأة، مو مارق من ناحيتها أي تكريم.. وفي مرأة عم تستثمر المناسبات لتهنأ القائد الخارق.
عين الحسود فيها عود.. عم نعزف عليه كل المقامات.. ماعدا المقامات المقدسة يلي فجأة نبعت ببلادنا نبع والشاطر بدو يحميها...قتلوا أحياء كرمال أموات.
نحن بزمن كل شي غالي إلا إنت.. ورجيني مراجلك وقنينة غازك فاضية وكهرباء بيتك مقطوعة وبرادك فاضي وابنك سنو عم يوجعه.. ورجيني مراجلك وانت عم تأمن ربطة الخبز عالدور...والدور من باب توما لحرستا.
الدكتور همه جيبتك قبل مرضك.. إذا مو قد مرضك لا تمرض.. وكيف هالعباد عايشة ما بعرف.
إذا عم أرجع بذاكرتي متر عم يقشعر بدني ..فكيف اذا بدنا نرجع 8 سنين.. الرجعة من الرجعية؟!.. القصة صار بدها صفنة متل الصفنة يلي عم أصفنها بالغوطة المدمرة وحمص المدمرة وحلب المدمرة.
شبك رتعبت.. بس حدى يقلك الك ولا للديب.. عريف إنو بدو مصاري.. هيك من الباب للطاقة الذكية.. بالأحوال الجيدة هالكلمة ما بتخوف.. بس بأحوالنا المجيدة.. صارت هالجملة بتخوف؟.
زلمة معتر.. وحظو معكر.. سوري في عندو إحساس.. ئلي خلصت مدري خلصنا مدري ما عنا احساس.. قلي خلصنا والله متنا ..ماتت ناس لتعيش هالناس.
شفت البلد خضرا وشبابيكا على العالم ..والعالم عم يقصدها من كل مكان.. قالتلي الله يرضى عليك لا تحكي بالسياسة.. قلتلها يامو أنا ما بحب السياسة بس سياسة البلد إنو بيدخلو كل تفصيلة بحياتنا بالسياسة.
بدهون يدحشو الاستقرار السياسي الاجتماعي والاقتصادي بالانف دحش.. نحنا يلي شمينا هوا الحرية وشمينا ريحة المؤامرة علينا وشمينا ريحة الغدر والخيانة وشمينا الكلور والكيماوي هلاء مافينا نشم اي شي صايبنا زكام!.
يا حزرك ليش الناس طفشت برات هالبلد؟؟.. لاء مو منشان الحرب ودحر الإرهاب ولا منشان الطرقات المحفورة والحواجز الطيارة ولا منشان قطع كل شي تقريباً من حقوق المواطن.
يلي عايشين برا داخلين على الله ليرجعو ويكحلو عيونهون بشوفة هالبلد.. اشتقنا ندحش المصاري بإيد الشرطي.. ونمشي الحيط الحيط ونقول يارب السترة.
Comments
Download from Google Play
Download from App Store
United States