في عام 2021 أطلقت نية التسليم والوضوح
وهاذ العام نيتي هي الامتداد والاستمرارية
علاش نتحمس ونحط نوايا للعام، هل تعلمت واستفدت من الأمر؟ وش تقييمي ولا رؤيتي للعام لي فات ووش راني حابة في هاذ العام ... هذا وش حكيت في حلقة اليوم
كيفاه تغيرت نظرتي لمجال تطوير الذات، ووش أضاف لي في رحلة الحياة... هذا الشي لي حكيت عليه في هاذ الحلقة.
ونتا/نتي .. وش هي نظرتك لهاذ المجال؟ وهل سبق وساعدك أو خذلك؟
حسيت من قبل بلي أي شي تجي ديرو ماهوش كافي؟ وبلي الحاجة لي تحب ديرها كاين لي دارها قبلك؟ وممكن بطريقة أفضل منك
هاذ الشي أنا حبسني لسنوات، ولد عندي شعور الخوف، الغيرة وأنني غير كافية .
إذا حاب تسمع عن تجربتي مع هاذ المشاعر وكيفاه عدت نتعامل معاهم؛ فأهلا بك في هاذ الرحلة.