Claim Ownershipཀུན་གླེང་གསར་ཤོས། - ཨ་རིའི་རླུང་འཕྲིན་ཁང་།
Subscribed: 3Played: 2
Subscribe
© ༢༠༡༠་ལོའི་ཨ་རིའི་རླུང་འཕྲིན་ཁང་གི་བདག་དབང་།
Description
ཨ་རིའི་རླུང་འཕྲིན་ཁང་ནི་སྐད་ཡིག་༤༠་ལྷག་ལ་གསར་འགྱུར་དང་གནས་ཚུལ་རྒྱང་སྲིང་བྱེད་པའི་ཨ་མི་རི་ཀའི་རྒྱལ་སྤྱིའི་སྐད་ཡིག་སྣ་མང་གི་རྒྱང་སྲིང་ཁང་ཞིག་ཡིན། བདུན་ཕྲག་རེར་ཨ་རིའི་རླུང་འཕྲིན་ཁང་གིས་ཆུ་ཚོད་༡༥༠༠་ཙམ་དང་། མི་དུང་ཕྱུར་གཅིག་དང་ས་ཡ་༢༣་ཡས་མས་ཤིག་ལ་གསར་འགྱུར་དང་གནས་ཚུལ། སློབ་གསོ་དང་རིག་གཞུང་བཅས་ཀྱི་ལས་རིམ་རྒྱང་སྲིང་བྱེད་བཞིན་ཡོད། ཞིབ་ཕྲའི་གནས་ཚུལ་VOANews.com དྲ་རྒྱ་བརྒྱུད་ནས་ཤེས་པར་མཛོད།
600 Episodes
Reverse
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་སྐུ་ཚབ་ཨུ་རུ་སུར་གྲོས་མོལ་ཆེད་དུ་ཕེབས་པ་དང་། ཨ་རིའི་གཞུང་གི་སྔོན་རྩིས་དང་སྲིད་གཞུང་སྒོ་རྒྱག་ཉེན། ཨ་རིའི་ཕྱི་སྲིད་དྲུང་ཆེས་བོད་དོན་རྒྱབ་སྐྱོར་ཐད་ཡིག་འབྲེལ་གནང་པ། ཨ་རི་དང་མཐུན་ཕྱོགས་རྒྱལ་ཁབ་བར་གྱི་སྒོ་ཁྲལ། ཧྥི་ལི་པིན་སི་ཀྱི་སྲིད་འཛིན་ཟུར་པ་བཀག་ཉར་བྱས་པ་སོགས་ཡོད།
དཔེ་ཀློག་ལས་རིམ་དུ་བཙུན་དགོན་དགེ་ལྡན་ཆོས་གླིང་གི་དགེ་བཤེས་མ་བློ་བཟང་བྱང་ཆུབ་ལགས་དང་ལྷན་དུ། ཁོང་གིས་རྩོམ་སྒྲིག་གནང་བའི་དཔེ་དེབ། དགེ་ཚུལ་གྱི་བསླབ་བྱ་གཅེས་བཏུས་ཞེས་པ་དེའི་ནང་དོན་དང་དགོས་དམིགས་སོགས་ཀྱི་ཐད་བཀའ་མོལ་ཞུས་པ་ཡིན། །
དྲ་སྣང་གི་བོད་དུ་༧སྐུའི་ཕྱག་དེབ་གསར་པ་དང་རྒྱ་ནག་གི་ལན་འདེབས། རྒྱལ་སྤྱིའི་སྡིངས་ཆར་བོད་ཕྲུག་སྐོར་གྱི་གཏམ་བཤད་དང་འཁྲབ་སྟོན། བཙན་བྱོལ་བོད་མིར་དམིགས་པའི་རྒྱའི་དྲ་དམག བཙན་བྱོལ་བོད་མི་ཡུ་ཌོབ་ཟིན་ཐོ་བའི་ལས་འགན་སོགས་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་ཀྱི་བུད་མེད་སྒེར་ལངས་དུས་དྲན་སྲུང་བརྩི་དང་། ཡུག་ཀེ་རན་གྱི་དམག་འཁྲུག་ཟླ་གཅིག་རིང་མཚམས་འཇོག་རྒྱུའི་མོས་མཐུན། ཊམ་གྱི་སྒོ་ཁྲལ་འཕར་སྣོན། པ་ལི་སི་ཐན་ནང་འཇིགས་སྐུལ་རིང་ལུགས་ཀྱི་གཏོར་རྒོལ། གྷི་རེན་ལན་ཌིའི་འོས་བསྡུ། རྒྱ་ནག་གི་ཚོགས་ཆེན་གཉིས་མཇུག་སྒྲིལ་བ་སོགས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་སྤྱི་ཟུར་སྒོ་རབ་པདྨ་བདེ་ཆེན་ལགས་གདན་འདྲེན་ཞུས་ནས་བོད་ཀྱི་བུད་མེད་སྒེར་ལངས་བྱུང་ནས་ལོ་༦༦་འཁོར་བའི་དུས་དྲན་དང་འབྲེལ་བུད་མེད་ཀྱི་ལས་འགུལ་སྐོར་ལ་་བགྲོ་གླེང་ཞུ་རྒྱུ་ཡིན།།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་བསྒྲུབ་བྱ་ ༧༥ ལ་དགེ་ཚུལ་གྱི་བསླབ་སྡོམ་སྩལ་བ་དང་། ཨ་རི་དང་ཡུག་ཀེ་རན་གྱི་གྲོས་མོལ། ཨུ་ཡུག་དམག་འཁྲུག་གི་གནས་སྟངས། སེ་རི་ཡའི་ནང་གི་མི་གསོད་ཁྲག་སྦྱོར་གྱི་གནས་སྟངས་གསར་པ། ནུབ་ཆིངས་སྒྲིག་འཛུགས་ཀྱིས་བྷོ་སི་ནི་ཡར་གནང་བའི་ཁས་ལེན་སོགས་ཡོད།
ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་ཡུ་རོབ་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་བཀྲས་མཐོང་དབང་པོ་ལགས་སུ། ཡུ་རོབ་ནང་༢༠༢༥ ལོའི་བོད་ཀྱི་ཉིན་མོ་སྲུང་བརྩི་ཞུ་བཞིན་པ་དང་། བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་༦༦ པ་སྲུང་བརྩི་བྱས་སྟངས་སོགས་ཀྱི་ཐད་བགྲོ་གླེང་ཞུ་རྒྱུ་ཡིན།།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་གཞུང་འབྲེལ་གྱི་གསུམ་བཅུའི་དུས་དྲན་སྲུང་བརྩི་དང་།ཀུན་གླེང་ལས་རིམ་དུ་བསྟན་འཛིན་དབང་འདུས་ལགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དྲུང་ཆེ་བསོད་ནམས་ཚེ་རིང་དང་། བོད་ཀྱི་ཆབ་སྲིད་བཙོན་ཟུར་ངག་དབང་འོད་འབར་རྣམ་པ་གཉིས་དང་གླེང་མོལ་ཞུས།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཊམ་གྱིས་ཨུ་ཡུག་གཉིས་ལ་ཞི་བདེའི་གྲོས་མཐུན་འཇོག་རྒྱུ་ལས་གདམ་ག་གཞན་མེད་པ་དང་། ཧ་མ་སི་ལ་མི་གཏའ་གློད་གྲོལ་གྱི་འབོད་སྐུལ། ཝང་དབྱིས་ཨ་རིའི་སྒོ་ཁྲལ་ལ་སྐྱོན་བརྗོད། ཐེ་ཝན་གྱིས་གློབ་ལེབ་ཁང་གི་ལས་འཆར་ལ་བསྔགས་བརྗོད། ཧོང་ཀོང་ཁྲིམས་ཁང་གིས་དམངས་གཙོ་དོན་གཉེར་བར་བསྐྱར་ཞིབ་བྱས་པ་སོགས་ཡོད།
ཀུན་གླེང་དུ་རྡོ་རྗེ་ཚེ་བརྟན་གྱིས་བོད་དང་ཐེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་དྲུང་ཆེ་བཀྲ་ཤིས་ཚེ་རིང་དང་། བྱང་ཨ་རིའི་བོད་ཀྱི་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་རྣམ་གཉིས་གདན་འདྲེན་ཞུས་ནས་ཨ་རིས་ཡུ་རོབ་དང་ཡུཀ་རེན་ལ་འཛིན་པའི་སྲིད་ཇུས་ལ་འགྱུར་བ་ཐེབས་ནས་ཐེ་ཝན་གྱི་བདེ་འཇགས་སྲུང་སྐྱོབ་ལ་ཉེན་ཁ་འབྱུང་མིན་སོགས་ཀྱི་ཐད་བགྲོ་གླེང་ཞུ་རྒྱུ་ཡིན།།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་སྲིད་འཛིན་གཞོན་པ་སོགས་ཀྱིས་མཐའ་མཚམས་སུ་གཟིགས་སྐོར་དང་། སྒོ་ཁྲལ་ཕྱི་འགྱངས་བྱས་པ། ཨ་རིའི་ཁྲིམས་འཛིན་ལས་ཁུངས་ཀྱིས་རྒྱ་ནག་གི་དྲ་ལམ་སིམ་འཛུལ་བ་ཁག་ཅིག་ཁྲིམས་ལ་གཏུག་པ། ཨུ་རུ་སུ་དང་འབར་མའི་མཇལ་མོལ། ལྷོ་ཀོ་རི་ཡ་དང་པོ་ལན་ཌིའི་མཉམ་འབྲེལ། དམག་སྦྱོང་ཁྲོད་ཀྱི་ཆག་སྒོ་སོགས་ཡོད།
ཐེངས་འདིའི་ཁ་བའི་མི་སྣ་ལེ་ཚན་ནང་ཕུན་ཚོགས་ལྷུན་གྲུབ་ལགས་ཀྱིས་རྒྱུད་སྨད་སྔགས་རམས་པ་སྨན་པ་ཨ་ཏི་ལགས་དང་ལྷན་དུ། ཉེ་ལམ་བོད་ནང་སྐུ་གཤེགས་པའི་ཤར་རྒྱལ་མོ་ཚ་བ་རོང་གི་མཁས་དབང་ཆེན་མོ་བཙན་ལྷ་ངག་དབང་ཚུལ་ཁྲིམས་དམ་པའི་སྐུ་ཚེའི་ལོ་རྒྱུས་སྐོར་བགྲོ་གླེང་ཞུ་རྒྱུ་ཡིན།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་ལ་བརྟན་བཞུགས་བསྟར་འབུལ་དང་། སྲིད་འཛིན་ཊམ་གྱིས་གྲོས་ཚོགས་གོང་འོག་གཉིས་ཀའི་འཐུས་མི་རྒྱས་འཛོམས་སར་གཏམ་བཤད་གནང་བ། ཡུག་ཀེ་རན་གྱིས་ཨ་རི་དང་གྲོས་མཐུན་འཇོག་འཆར། ཡུ་རོབ་ཀྱིས་ཡུག་ཀེ་རན་ལ་རོགས་སྐྱོར། རྒྱ་ནག་ཏུ་བཅའ་སྡོད་ཨ་རིའི་གཞུང་ཚབ་ཀྱི་དྲ་ཚིགས་ལ་གཏོར་བརླག་བཏང་བ་སོགས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་གདན་འདྲེན་ཞུས་ནས་ཨ་རིའི་སྲིད་འཛིན་ཌམ་གྱིས་ཁོང་ཉིད་སྲིད་འཛིན་གྱི་འགན་ཡུན་གཉིས་པ་བཞེས་པའི་གྲོས་ཚོགས་རྒྱས་འཛོམས་སར་གསུང་བཤད་ཐོག་མ་གནང་བ་དེའི་ནང་གི་གཙོ་གནད་ཁག་ལ་བསྐྱར་ཞིབ་བྱེད་རྒྱུ་ཡིན།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིས་ཡུག་ཀེ་རན་ལ་གོ་མཚོན་གྱི་རོགས་སྐྱོར་རེ་ཞིག་ལ་མཚམས་འཇོག་བྱས་པ་དང་། ཨ་རིའི་སྒོ་ཁྲལ་གསར་པར་རྒྱ་ནག་གིས་ལན་འདེབས། གྷ་ཛའི་འཚོ་དོད་རོགས་སྐྱོར་བཀག་སྡོམ། རྒྱ་ནག་གི་ཚོགས་ཆེན་གཉིས་འགོ་ཚུགས་པ། ཨ་རི་དང་ལྷོ་ཀོ་རི་ཡའི་དམག་དོན་མཉམ་འབྲེལ་སོགས་ཡོད།
ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་བོད་དང་རྒྱ་ནག་གི་གནད་དོན་དབྱེ་ཞིབ་པ་ཀུན་དགའ་བཀྲ་ཤིས་ལགས་གདན་ཞུས་ཀྱིས། དེ་རིང་སྤྱི་ཟླ་༣ པའི་ཚེས་༤ ཉིན་ནས་འཚོགས་འགོ་ཚུགས་པའི་རྒྱ་ནག་གི་ཚོགས་ཆེན་གཉིས་ཞེས་པ་དེའི་གཙོ་གནད་དང་། ༢༠༢༥ ལོར་རྒྱ་ནག་གི་སྲིད་ཇུས་འཛིན་ཕྱོགས་སོགས་ཀྱི་སྐོར་ནས་བགྲོ་གླེང་ཞུ་རྒྱུ་ཡིན།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱ་ནག་གཞུང་གིས་བོད་ནང་ལོ་གསར་རིང་དམིགས་བསལ་དམ་དྲག་དང་། ཨ་རིའི་ཕྱི་སྲིད་དྲུང་ཆེས་བོད་ཀྱི་ལོ་གསར་ལ་འཚམས་འདྲི། ཨ་རིའི་རོགས་དངུལ་བཅད་པའི་ཁོངས་བོད་མིའི་རོགས་དངུལ་ཡང་ཚུད་ཡོད་པ། རྒྱལ་ཚོགས་སུ་བོད་ཀྱི་ཁོར་ཡུག་དང་འགྲོ་བ་མིའི་ཐོབ་ཐང་སྐོར་ལ་གླེང་སློང་། ཉི་ཧོང་གི་མེ་སྐྱོན་སོགས་ཡོད།
ཀུན་གླེང་ལས་རིམ་དུ་འཇམ་དབྱངས་རྒྱ་མཚོ་ལགས་ཀྱིས་དགེ་བཤེས་བློ་བཟང་གྲགས་པ་ལགས་དང་ལྷན་དུ་བོད་ཀྱི་ལོ་གསར་གཞུང་འབྲེལ་གྱིས་སྲུང་བརྩི་ཞུ་སྟངས་དང་། དགུང་གསར་ཉིན་གསུམ་རྗེས་ཀྱི་ལྷ་ལྡན་སྨོན་ལམ་ཆེན་མོས་མཚོན་པའི། བཅོ་ལྔ་མཆོད་པ། བྱམས་པ་གདན་འདྲེན་ལ་སོགས་ཆོས་ཕྱོགས་ཀྱི་བྱེད་སྒོ་ཁག་གི་སྐོར་ལ་བཀའ་མོལ་ཞུས་པ་ཞིག་ཡིན།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བཞུགས་སྒར་དྷ་རམ་ས་ལར་བོད་རྒྱལ་ལོ་ ༢༡༥༢ ཤིང་ཕོ་སྦྲུལ་གྱི་གཞུང་འབྲེལ་ལོ་གསར་སྲུང་བརྩི་གནང་བ་དང་། སྲིད་འཛིན་ཊམ་ནི་དེ་རིང་ཛེ་ལན་སི་ཀེ་དང་མཇལ་འཕྲད་གནང་རྒྱུ་དང་ཁ་སང་དབྱིན་ཇིའི་སྲིད་བློན་དང་མཇལ་མོལ་གནང་བ། ཐེ་ཝན་གྱིས་རྒྱ་ནག་གི་དམག་སྦྱོང་ལ་ཁ་རྡུང་བཏང་བ་སོགས་ཡོད།
ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་བོད་མིའི་སྒྲིག་འཛུགས་ཀྱི་བོད་ཡིག་གསར་འགྱུར་ཚན་པའི་སྤྱི་ཁྱབ་རྩོམ་སྒྲིག་པ་ཟུར་པ་སྐལ་བཟང་མཁས་གྲུབ་ལགས་གདན་འདྲེན་ཞུས་ནས་བོད་ཀྱི་ལོ་གསར་གྱི་བྱུང་རབས་དང་བོད་ལ་ལོ་གསར་རིགས་མ་འདྲ་བ་ཅི་ཙམ་ཡོད་མེད། ལོ་གསར་ལ་ཆེད་དུ་གྲ་སྒྲིག་བྱ་དགོས་པ་སོགས་ལ་བགྲོ་གླེང་ཁག་ཅིག་ཞུ་རྒྱུ་ཡིན།།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ སྲིད་འཛིན་ཊམ་གྱི་བློན་ཆེན་ལྷན་ཚོགས་ཐེངས་དང་པོ་གནང་བ་དང་། རང་བྱུང་གཏེར་ཁའི་སྐོར་གྲོས་མོལ་གྱི་མ་ཟིན་གཏན་འབེབས། རྒྱ་གར་གྱི་གྲུ་གཟིངས་གཏོར་བྱེད་འཕུར་མདེལ་ཚོད་ལྟ་ལམ་ལྷོང་། གདོད་མའི་མི་རིགས་ཀྱི་གཙང་ཆུ་སྲུང་སྐྱོབ་ཀྱི་ལས་འགུལ། ཐེ་ལེན་དང་འབར་མ་རུ་མི་བདུན་སྟོང་ལྷག་བཀག་ཉར་བྱས་པ་སོགས་ཡོད།
བུད་མེད་ལེ་ཚན་ནང་སྐབས་བདུན་པའི་དགེ་བཤེས་མའི་རྒྱུགས་སྤྲོད་ནང་ཨང་རིམ་དང་པོ་སོན་མཁན་རྡ་ས་དགེ་ལྡན་ཆོས་གླིང་གི་དགེ་བཤེས་མ་བློ་བཟང་བྱང་ཆུབ་ལགས་དང་ལྷན་དུ་ཁོ་མོའི་སློབ་སྦྱོང་གི་བརྒྱུད་རིམ་དང་། དགེ་བཤེས་མ་ཞིག་གི་ངོས་ནས་བོད་མིའི་སྤྱི་ཚོགས་ཁྲོད་ཞབས་འདེགས་སྒྲུབ་ཕྱོགས་སོགས་ཀྱི་ཐད་ལ་གླེང་མོལ་ཞུས་ཡོད།
དྲ་སྣང་གི་བོད་དུ་ཚེ་རིང་སྐྱིད་ལགས་ཀྱིས་གྷུ་གྷལ་བརྡ་འཕྲིན་བཟོ་ལས་ཁང་གི་ལས་འཆར་འགན་འཛིན་བསོད་ནམས་དོན་ལྡན་ལགས་དང་ལྷན་གྷུ་གྷལ་འཚོལ་ཞིབ་ལས་ཁུངས་ཀྱིས་བོད་པའི་ལོ་གསར་ལས་གཞི་དང་འབྲེལ་ནས་ཐུན་མོང་མ་ཡིན་པའི་འགུལ་རིས་གསར་པ་སོགས་དེ་རིང་སྤེལ་འཆར་ཡོད་པའི་ཐད་བགྲོ་གླེང་ཞུ་རྒྱུ་ཡིན།།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་གྲོས་ཚོགས་སུ་སྔོན་རྩིས་གྲོས་ཆོད་བཞག་པ་དང་། ཨི་སི་རལ་དང་ཧ་མ་སིའི་བར་གྱི་མོས་མཐུན་གསར་པ། ཨ་རི་དང་ཡུག་ཀེ་རན་གྱིས་གཏེར་རྫས་ཐད་གྲོས་མཐུན་འཇོག་རྒྱུ། ཟངས་ཀྱི་སྒོ་ཁྲལ། ཨ་རིར་གནས་སྤོར་གཞིས་ཆགས་ཀྱི་གསེར་གྱི་བྱང་བུ་སོགས་ཡོད།
ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་ཆབ་སྲིད་བཙོན་ཟུར་རྣམ་སྐྱིད་ལགས་གདན་འདྲེན་ཞུས་ནས་ཉེ་ཆར་ཇི་ནི་ཝ་ལྷན་ཚོགས་སུ་རང་གི་མྱོང་བ་གཞི་ལ་བཞག་སྟེ། བོད་ཀྱི་ཆབ་སྲིད་བཙོན་པ་དང་བོད་མི་ཚོས་རྒྱ་ནག་དམར་ཤོག་གཞུང་གི་སྲིད་ཇུས་གདུག་རྩུབ་ཅན་གྱི་འོག་ཏུ་དཀའ་ངལ་མྱོང་བཞིན་པ་དཔང་བོ་བྱས་ཡོད་པ་དེའི་ཐད་ནས་བགྲོ་གླེང་ཞུ་རྒྱུ་ཡིན།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱལ་ཚོགས་སུ་ཡུག་ཀེ་རན་གྱི་ཐད་གྲོས་ཆོད་བཞག་པ་དང་། ཨ་རི་དང་ཧྥ་རན་སིའི་སྲིད་འཛིན་གྱི་མཇལ་འཕྲད། ཛེ་ལན་སི་ཀེ་ནི་ཡུ་རོབ་ཀྱི་འགོ་ཁྲིད་རྣམ་པ་དང་མཇལ་འཕྲད། ཨ་རིའི་དམག་དཔུང་གི་འགྱུར་བ། ཊམ་གྱི་སྒོ་ཁྲལ་གསར་པ་སོགས་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་དིང་རིའི་ས་ཡོམ་གྱི་ཞེ་དགུའི་མཆོད་འབུལ་སྨོན་ལམ་གནང་བ་དང་། ཁོར་ཡུག་ལས་འགུལ་བ་མཚོ་སྔོན་ཚེ་རིང་ལགས་ཀྱི་བཙོན་འཇུག་ཟླ་བ་བརྒྱད་འཕར་འགྱངས་བྱས་པ། ཨ་རི་དང་ཨུ་རུ་སུའི་སྲིད་འཛིན་རྣམ་གཉིས་མཇལ་འཆར། བླ་ཆེན་པོབ་ཀྱི་སྐུ་གཟུགས་གནས་སྟངས་ཇེ་ཞན་དུ་གྱུར་བ་སོགས་ཡོད།
ཀུན་གླེང་ལས་རིམ་དུ་སླེབས་ལ་ཉེ་བའི་བོད་ཀྱི་ལོ་གསར་པ་འདི་ལོ་ནག་འཁེལ་ཡོད་སྟབས། བོད་ཀྱི་རྩིས་གཞུང་ནས་ལོ་ནག་རྩིས་ཕྱོགས་སོགས་དང་འབྲེལ་བའི་སྐོར་ལ་བསྟན་འཛིན་དབང་འདུས་ལགས་ཀྱིས་བོད་ཀྱི་སྨན་རྩིས་ཁང་གི་རྩིས་རམས་པ་བསྟན་འཛིན་སྙན་གྲགས་ལགས་དང་ལྷན་དུ་གླེང་མོལ་ཞུས་པ་ཡིན།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་ཕྱིར་བཞུགས་སྒར་དུ་ཞབས་སོར་བདེ་བར་འཁོད་པ་དང་། ཨ་རི་དང་ཡུག་ཀེ་རན་གྱི་འབྲེལ་ལམ། ཧ་མ་སིས་རྩིས་སྤྲོད་བྱས་པའི་ཨི་སི་རལ་གྱི་ཨ་མ་ཞིག་གི་ཕུང་པོ་ངོ་འཕྲོད་བྱུང་མེད་པ། ཨ་རིའི་ཞིབ་དཔྱོད་ལས་ཁུངས་ཀྱི་འགན་འཛིན་གསར་པ། ཐེ་ཝན་གྱི་བདེ་འཇགས། རྒྱ་གར་གྱི་འོས་བསྡུ་སོགས་ཡོད།
ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་དཔལ་ལྡན་ཁྲི་བརྟན་ནོར་བུ་རྩེ་དགོན་པའི་མཁན་པོ་བསྟན་པ་གཡུང་དྲུང་རིན་པོ་ཆེ་དང་རྒྱལ་སྤྱིའི་ལིག་མིན་རྐྱ་ཆོས་ཚོགས་ཀྱི་འགན་དགེ་བཤེས་འཛིན་བསྟན་འཛིན་དབང་རྒྱལ་རིན་པོ་ཆེ་རྣམ་གཉིས་གདན་འདྲེན་ཞུས་ནས་དགུང་ལོ་༡༠༠་ལ་ཕེབས་པའི་སློབ་དཔོན་བསྟན་འཛིན་རྣམ་དག་རིན་པོ་ཆེས་བཙན་བྱོལ་སྤྱི་ཚོགས་སུ་བོད་ཀྱི་ཆོས་དང་རིག་གཞུང་། ཁྱད་པར་དུ་གཡུང་དྲུང་བོན་གྱི་བསྟན་པ་འཛིན་སྐྱོང་སྤེལ་གསུམ་གྱི་མཛད་རྗེས་སོགས་ལ་བཞག་པའི་མཛད་རྗེས་ཐད་བགྲོ་གླེང་ཞུ་རྒྱུ་ཡིན།།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཡོ་རོབ་མཉམ་འབྲེལ་གྱིས་ཨ་རི་དང་ཚོང་ལས་གྲོས་བསྡུར་གནང་རྒྱུའི་རེ་བ། ཡུག་ཀེ་རན་སྲིད་འཛིན་གྱིས་ནང་ཁུལ་གྱི་གཅིག་སྒྲིལ་དང་ཨ་རིའི་སྐོར་གསུང་བ། འཕྲུལ་རིག་ཚོང་ལས་ཁང་མ་ཡེ་ཁི་རོ་སོ་ཕྷ་ཊི་ཡིས་ཆིབ་སི་གསར་བཟོ། ནུབ་མཚོ་ཁའི་པེ་ལི་སི་ཐན་པ་ཚོ་ཕྱིར་རང་ཁྱིམ་ལ་ལོག་པ་སོགས་ཡོད།།
ཐེངས་འདིའི་དཔེ་ཀློག་ལས་རིམ་དུ་བོད་ནང་གི་སྙན་ངག་པ་ཁག་ཅིག་གི་སྙན་ངག་དབྱིན་ཡིག་ཏུ་སྒྱུར་པ་ཉི་མའི་ལན་བུ་བསྲེག་པ་ཞེས་པའི་བརྗོད་བྱ་དང་། ཁྱད་ཆོས་སོགས་ཀྱི་ཐད་ལ་ཕུན་ཚོགས་ལྷུན་གྲུབ་ལགས་ཀྱིས་དེབ་འདི་དབྱིན་ཡིག་ཏུ་སྒྱུར་མཁན་བུ་ཆུང་བསོད་ནམས་ལགས་དང་ལྷན་དུ་བགྲོ་གླེང་ཞུས་ཡོད།དེ་རིང་གི་ཀུན་གླེང་ཁོལ་ཕྱུང་ལས་རིམ་དུ་ཚེ་རིང་སྐྱིད་ལགས་ཀྱིས་དམིགས་བསལ་སྐུ་ཚབ་ཟུར་བ་སྐལ་བཟང་རྒྱལ་མཚན་ལགས་སུ་༧སྐུའི་གཅེན་པོ་སྐུ་ངོ་རྒྱལ་ལོ་དོན་གྲུབ་ལགས་ཀྱིས་བཙན་བྱོལ་བོད་གཞུང་དང་རྒྱ་ནག་དམར་གཞུང་དབར་འབྲེལ་མཐུད་ཀྱི་ཟམ་པ་བཙུགས་པའི་ཐད་བགྲོ་གླེང་ཞུ་རྒྱུ་ཡིན།།
གླེང་གསར་འགྱུར་ནང་ཆབ་སྲིད་བཙོན་ཟུར་རྣམ་སྐྱིད་ཀྱི་གཏམ་བཤད་དང་། ཊམ་གྱིས་ཛེ་ལན་སི་ཀིར་སྐྱོན་བརྗོད། ཧ་མ་སིས་ཨི་སི་རལ་གྱི་མི་གཏའ་བཅུ་རྩིས་སྤྲོད་བྱ་རྒྱུ། ཧོང་ཀོང་གི་གསར་ཁང་བདག་པོ་ཇཱི་མི་ལའེ་སྐོར་གྱི་རེ་འབོད། ཁོར་ཡུག་སྲུང་སྐྱོབ་པ་དཔལ་ཆེན་སྐྱབས་ལགས་འདས་གྲོངས་དང་རྗེས་དྲན་སོགས་ཡོད།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་རྒྱ་གར་ལྷོ་ཕྱོགས་ནས་ལྡི་ལི་རུ་ཞབས་སོར་འཁོད་པ་དང་། ཨ་རི་དང་ཨུ་རུ་སུའི་གྲོས་མོལ། ཡུ་རོབ་ཀྱིས་ཡུག་ཀེ་རན་གྱི་ཐད་ཆེས་མཐོའི་ཚོགས་འདུ་འཚོགས་པ། ཁེ་ན་ཎའི་གནམ་ཐང་གི་གནམ་གྲུའི་ཆག་སྒོ། རྒྱ་ནག་གི་བཅོས་རིག་Deepseek ལྷོ་ཀོ་རི་ཡའི་ནང་བཀག་སྡོམ་བྱས་པ་སོགས་ཡོད།
ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་རྒྱལ་སྤྱིའི་བོད་དང་བཙན་གནོན་འོག་གི་གྲངས་ཉུང་མི་རིགས་ཀྱི་མཐུན་ཚོགས་ཀྱི་ཚོགས་གཙོ་ཚེ་རིང་པ་སངས་ལགས་སུ། དབྱིན་ཇིའི་རྒྱལ་ས་ལོན་ཌོན་དུ་རྒྱ་ནག་གི་གཞུང་ཚབ་ཁང་ཆེན་པོ་ཞིག་གསར་རྒྱག་བྱ་རྒྱུའི་འཆར་གཞིར་འགྲོ་བ་མིའི་ཐོབ་ཐང་ལས་འགུལ་བ་སྟོང་ཕྲག་མང་པོས་ངོ་རྒོལ་བྱེད་བཞིན་པའི་སྐོར་ལ་བགྲོ་གླེང་ཞུ་རྒྱུ་ཡིན།།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱུད་སྨད་གྲྭ་ཚང་དུ་༧གོང་ས་མཆོག་ལ་བརྟན་བཞུགས་བསྟར་འབུལ་དང་། གཞིས་བྱེས་ལྷ་ངམ་ཕུན་གསུམ་ནས་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་ལ་བརྟན་བཞུགས། མཁས་དབང་བཙན་ལྷ་ངག་དབང་ཚུལ་ཁྲིམས་ལགས་དང་སྤྱི་ཟུར་སྨན་པ་ཐོགས་མེད་ལགས་སྐུ་གཤེགས་པ། ཡུག་ཀེ་རན་གྱི་ཞི་བའི་གྲོས་མོལ་སོགས་ཡོད།
ཀུན་གླེང་དུ་འཇམ་དབྱངས་རྒྱ་མཚོས་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་འབུམ་རམས་པ་ཚེ་དབང་རྡོ་རྗེ་དང་ལྷན་ཁོང་གིས་འདོན་སྤེལ་གནང་བའི་ཞིབ་འཇུག་སྙན་ཐོ། དྲང་སྲོང་སྲིན་བུ་རིའི་གནས་སྤོའི་ལས་གཞིར་དཔྱད་པ་ཞེས་པའི་ནང་འཁོད་པའི་རྒྱ་ནག་གཞུང་གི་སྐྱེ་ཁམས་གནས་སྤོའི་ལས་གཞིའི་དམིགས་པ་དང་ཤུགས་རྐྱེན་སོགས་ཀྱི་ཐད་གླེང་མོལ་ཞུས་ཡོད།།
ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱ་གར་གྱི་སྲིད་འཛིན་ནི་ཕོ་བྲང་དཀར་པོར་སྲིད་འཛིན་ཊམ་དང་མཇལ་འཕྲད་གནང་བ་དང་། ཡུག་ཀེ་རན་ལ་གཏོར་རྒོལ། སྲིད་སྐྱོང་གིས་སྦེལ་ཀོབ་ཏུ་གཟིགས་སྐོར་གནང་བ། དབྱིན་ཇི་དང་རྒྱ་ནག་གི་ཕྱི་སྲིད་བློན་ཆེན་གྱི་ཐུག་འཕྲད། སྦེལ་ཇེམ་གྱི་ངོ་རྒོལ་སྐད་འབོད་སོགས་ཡོད།
ཀུན་གླེང་རྡོ་རྗེ་ཚེ་བརྟན་གྱིས་བོད་ཀྱི་སྲིད་ཇུས་ཉམས་ཞིབ་ཁང་གི་འགན་འཛིན་ཟླ་བ་ཚེ་རིང་དང་བོད་དང་རྒྱ་ནག་གི་གནད་དོན་དབྱེ་ཞིབ་པ་ཀུན་དགའ་བཀྲ་ཤིས་རྣམ་གཉིས་གདན་འདྲེན་ཞུས་ནས་སྐུའི་གཅེན་པོ་བཀའ་བློན་ཁྲི་ཟུར་རྒྱལ་ལོ་དོན་གྲུབ་ལགས་ཀྱིས་སྐུ་ཚེ་ཧྲིལ་པོར་བོད་དོན་འཐབ་རྩོད་དང་བོད་རྒྱའི་འབྲེལ་མཐུད་གནང་བའི་མཛད་རྗེས་སོགས་ལ་བསྐྱར་ཞིབ་ཞུ་རྒྱུ་ཡིན།།
Comments
Top Podcasts
The Best New Comedy Podcast Right Now – June 2024The Best News Podcast Right Now – June 2024The Best New Business Podcast Right Now – June 2024The Best New Sports Podcast Right Now – June 2024The Best New True Crime Podcast Right Now – June 2024The Best New Joe Rogan Experience Podcast Right Now – June 20The Best New Dan Bongino Show Podcast Right Now – June 20The Best New Mark Levin Podcast – June 2024
Download from Google Play
Download from App Store
United States