Claim Ownership獨毒讀不如眾讀讀
Subscribed: 18Played: 94
Subscribe
© dnreadalonereadtgtla
Description
由「界限書店」、「獵人書店」及「留下書舍」三間香港獨立書店共同營運——每周分享好書、聊聊八卦。
24 Episodes
Reverse
如何書寫將軍澳這個常被標籤為「天橋之城」、「睡房城市」的新市鎮——或四十萬人的家？二十幾位來自區內區外的創作者，花上數月行行走走、反覆思量，試驗一種創新但貼地的地方述說模式，合力編寫專屬於此地的指南——《將軍澳，可以這麼說》。
邀請你，從書頁之間，以地方為本，重新發現將軍澳精彩的五十幾面！
主持：煙腸遮Jerry
#深度遊 #書店 #podcast #界限書店 #社區 #將軍澳可以這麼說
為配合政府推動深度遊，我地決定積極討論下遇到深度遊嘅遊客類型，以及深度遊於香港書店的可行性，並歸納出以下要點（笑）：
界限書店遇到的遊客種類分析
不同地區遊客的特色
各類遊客會購買的書種
政府推深度遊要包括書店嗎？
我們歡迎遊客與否
今次真係帶大家睇下遊客眾生相～歡迎介紹其他國家嘅朋友上黎界限，聽到尾有彩蛋（就是廣告）XD
主持：店長爸&店長呢
以上店長發言並不代表本店立場哈哈哈哈哈
#深度遊 #書店 #podcast #界限書店 #遊客 #獨毒讀不如眾讀讀
界限書店1.0前店長Ma嘅首次同最後一次登場！借《獨立書店似顏繪》說當年，你仲記得1.0嘅樣嗎？店長Ma最後嘅致謝及訣別。
終於聽到店長Ma真身喇！1.0的時候，店長Ma會間中躲在他小小的工作間，處理日常事務，通常幕後的工作總是比較少人看見，不如今次就聽聽在他位置所看見的。
無論如何，希望店長Ma日後一切安好，謝謝你開始了界限。
完全私心的一集。經濟不景氣，大家已經難捱，仲要遇上一啲無聊人三不五時 9up 投訴，某啲部門又無啦啦咁積極例行巡查……
咁大個香港，係咪連幾間小小嘅書店都容納唔到？與其自己一個嬲，不如搵埋行家一齊嬲，又不如錄低佢，同大家一齊嬲。
獵人第一次有嘉賓，但呢個嘉賓唔係第一次受邀lol 又係《誌》總編關震海様（さま）。今次嚟傾傾《香港職人》呢本好書背後故事。
（PS. 錄音是首次使用online meeting錄音軟件，所以有少許雜聲，先抱歉了）
傾咗呢啲：本書已經做咗兩年幾？點解揀呢幾個行業？邊個職人最深刻？點睇香港vs日本「職人」態度？
話說既然搬完舖，不如就講下我地兩個店長係搬舖上有無咩意見不合喇。
搬舖嘅過程好有趣，因為發現明顯我地大家無論思考，還是性格都南轅北轍，由開始決定要搬個下已經有好多唔同反應lol
咁啱因為店長呢對MBTI有啲認識，咁不如就跟住MBTI去解讀下究竟我地兩個點解咁唔同喇～
除左講各自有咩唔同，仲會講下我地理想中店長嘅模樣～
主持：界限書店店長爸&店長呢
MBTI屬性
店長呢：ENFP
店長爸：INFP/ISFP
精選：
知道要搬舖嘅反應？
搬舖邊個係大力士？
做左店長之後就成日病？
究竟兩個店長各自嘅社交模式有幾唔同呢？
話說，界限搬左新舖？！咁大件事大家知唔知呀～搬近左旺角站，多左水機同梳化，行街經過可以隨便上黎坐XD
新舖地址：旺角亞皆老街16號旺角商業大廈20樓A室
#獨毒讀不如眾讀讀 #podcast #界限書店 #開店日常 #MBTI #合作 #ENFP #ISFP #書店
《4拍4家族》上映數周，票房和聲勢，明顯不及同期的幾部本地作品。但其實，依電影的命題（記憶與遺忘），當中涉獵的議題（家人、和解、流散……），以及少有的「廣東歌音樂電影」類型，即使先不論作品好壞，會吸引到的討論度，理應比現時高。
導演賴恩慈是資深劇場工作者，但她形容，在商業電影市場上，自己是新手，也因此，在宣傳和定位上，一直懵懵憧憧，到發現大眾其實不了解電影的主題，更遑論入場時，已有點遲。
而她選擇瘋狂謝票，與觀眾交流，也呼籲喜歡作品的觀眾宣揚開去。她坦言票房失利已無法改變，但仍希望能讓更多觀眾看到自己的作品。
音樂無法成為電影的 gimmick，但成為她堅持的動力。她說，希望香港音樂電影的一扇門，可以由自己推開。即使這次光是推門已力竭，但至少為有意創作同類電影的人，留下一串門匙。
主持：「留下書舍」岑仔 ／ 嘉賓：《浮世薔薇》作者閭丘露薇
大概傾咗： 閭丘露薇係咪做過「戰地記者」？／《浮世薔薇》書名點解？／係咪有題材新聞唔寫得所以寫小說？／記者識寫新聞代唔代表識寫小說？／點解會被編輯批評又要大改？／小說是紀錄時代的好載體嗎？／無論用咩形式，其實都係講故仔。
大概傾咗:
獵人上星期去咗睇港足，結果店長萱有強烈嘅文化衝擊？店長Wayne同店長萱嘅運動員生涯？店長W居然曾經係呢項運動嘅港隊？幾時第一次發現香港體壇ON99?運動又有咩推薦嘅文學同漫畫？
1｜無界限開咪：揭秘！獨立出版社嘅前言 feat.後話文字工作室
作為一間書店，其中一個最親近嘅行業一定係出版社。
尤其係獨立書店同獨立出版社，兩者嘅諗法、做法都會有頗相近嘅地方。
今集界限店長爸就搵左自己曾經係入面做過實習嘅強勁獨立出版社——「後話文字工作室」過黎傾下佢地有趣嘅理念同做法～
兩位後編分享左佢地做書嘅樂趣，講下獨立出版同傳統出版嘅分別，仲會開名/唔開名地講下做編輯遇到嘅一啲千奇百怪嘅情況（嗱，我淨係負責問問題，估唔估到邊本書就睇你地喇XD）今次係史無前例大公開！千奇唔好錯過！
主持：界限書店店長爸
嘉賓：後話文字工作室@pscollabhk
精選：
獨立出版社嘅權力架構？
有無試過同作者鬧交？
如果揀一本做得好靚但質素唔好嘅書定質素好好但好醜樣嘅書？
如果咩都唔理，最想點出/出一本點嘅書？
PS. 店長爸IT白癡，第一次錄podcast，錄音嘅質素有啲奇怪|-|多多包涵
後話最新出版：鄒芷茵《小食部》現已於界限書店有售～
#獨毒讀不如眾讀讀 #香港podcast #獨立出版 #香港獨立出版 #界限書店 #後話文字工作室 #boundarybookstore
主持：「留下書舍」岑仔 / 嘉賓：《庭刊》創辦人 張麗珊/陳珏明
大概傾咗： 今時今日點解仲要出紙本？ /《庭刋》唔「停刊」，念念不忘賣報紙 / 印出嚟就係唔同 / 整合，排版有意思 / 出報紙又燒錢又有風險？ / 會唔會蝕本？ / 出版門檻原來唔係想像中咁高
廣告：《庭刊》紙版「留下書舍」有售
主持：界限店長呢
嘉賓：Michelle & Toby @藝跡文化
大概傾咗：繪本/漫畫/藝評唔係藝術書？邊一類最容易入門？點解藝術書要咁大本咁厚，收書同寄書又有咩要留意？英文藝術書又點入返嚟？香港得返連鎖書店有藝術書？由七份一@wontonmeen到而家，怪人都唔少，仲要俾人挑機？真正嘅遺珠唔係書，而係⋯⋯？
大概傾咗：
忙到斷氣，但都去咗貿發局書展同動漫節？同台灣書商網友見面傾咗咩？有咩「敏感書」出現喺書展？介紹港漫動力十五本，店長Wayne有無排隊排到傻咗？店長萱/Wayne各推介一本書同漫畫，揀咗啲咩？
特別嘉賓：菠蘿包
年輕時入行做報紙，常有前輩說，一份報紙的格調，取決於副刊。作為資深飲食記者，呂嘉俊把副刊解讀為「精緻生活」。例如每天的吃喝，我們亦可以去思考，一菜一飯背後的歷史和脈絡。以小見大，甚至可以折射城市，以至國族的盛衰轉變。
撰寫歷史初稿，是記者的天職。阿俊也說，飲食記者同樣是記者，考證、調查、追訪的技能，缺一不可。他直言，著書是基於記者的使命感，無法接受一些歷史、事實就此被抹去。
在美感崩壞的時代，堅持精緻地生活，也是保存意志的方式。
主持：界限店長呢
嘉賓：Candy@我的悅讀角落
喺香港做「閱讀帳」，係做公關定真係愛書？邊啲post最受歡迎，分享太深嘅書有冇人睇？原來Candy係界限打手，但唔覺得自己係說書人？睇書有咩小習慣？快問快答！從讀者同店員睇書店營運有咩分別，又比較欣賞近年邊啲獨立書店嘅project？香港獨立書店嘅一堆經營問題，其實係咪店長呢諗多咗？其他地方嘅獨立書店嗎，有邊啲係香港值得借鑑？Candy同店長呢理想嘅閱讀／買書／獨立書店的氛圍係點，如果自己開會玩啲咩？香港讀者除咗「課金」，仲有咩可以做？
大概講咗咁多： 多謝留下出手相救？會員同買唔起北島嘅中學生？絕對唔係書展又唔係日文嘅奧特萊斯？獵人出版，鼓勵大家來成為撕紙狗吧！！！！！
主持：「留下書舍」Kris / 嘉賓：《誌》主編關震海
大概傾咗：點解要做返紙本？／呢期《Side B》有咩睇？／阿海沉迷推理小說的原因／調查記者與推理小說家的臭味相投？／《誌》的傳媒實驗，報道都可以買樓花？
主持：界限店長Mi & 呢
大概傾咗：兩個店長前排都去咗旅行，一個関東一個関西，我哋發現——日本總有一間書店喺左近，唔到你唔要？大小書店各有生存之道，又有Lounge又有Cafe？大型書店都冇乜商業味，而地區專櫃係每間書店必備？除咗有書塔／書山，仲有準備自立門戶嘅店員？獨立書店仲玩埋寫真發佈會，搞到店長呢要同店員用手指傾偈？日本真係好多人睇書，賣書竟然賣到落廣告？店長Mi去村上春樹圖書館，中咗個大伏？要了解日本文化，睇書比起親身踩場更方便？
主持：「留下書舍」岑仔 / 嘉賓： 以前寫旅行遊記，現在寫網絡安全嘅Pazu薯伯伯
大概傾咗： 那些年他在西藏讀《天葬》/ 十幾年前高新科技震撼了西藏街坊 / 各大電子閱讀平台邊個最好? / 有咩秘技可以買平價電子書？ / 睇咗電子書點解仲要買多本紙本書？ / 電子書反而難 take notes? / 薯伯伯計劃緊出紙本書 / 實體書店仲好有價值，唔好死！
主持：獵人書店萱／Wayne
大約噏咗呢啲: 兩場《悲情城市》包場Recap講者部份分享，點解香港人應該睇呢套電影？臺灣本省人到底經歷咗啲咩，主流文化中消失的「本省人」論述？《總統的親戚》呢本書點樣揭示臺灣本省／外省家族嘅Ups and downs?
《人選之人－造浪者》好無睇？劇集裡面嘅選舉同真實經歷有咩分別，講嘅政治Too Simple Too Naive? 香港人係咪流哂口水？推薦最快變成歷史書的《特區選舉：制度與投票行為 》，店長萱又點睇無哂選舉同……公民黨解散？
Comments
Top Podcasts
The Best New Comedy Podcast Right Now – June 2024The Best News Podcast Right Now – June 2024The Best New Business Podcast Right Now – June 2024The Best New Sports Podcast Right Now – June 2024The Best New True Crime Podcast Right Now – June 2024The Best New Joe Rogan Experience Podcast Right Now – June 20The Best New Dan Bongino Show Podcast Right Now – June 20The Best New Mark Levin Podcast – June 2024
Download from Google Play
Download from App Store
United States