粤语课程-零基础300日精通

【阿门粤语课第374期】今日句子：点解要有“嫡”“庶”之分?“宗法制度”，系以“血脉”嚟衡量一切嘅价值，包括最重要嘅政治地位同个人身份。宗法制度嘅社会，最基本嘅、最普遍嘅、最本质嘅内核就系“嫡庶”。简单啲嚟讲，大老婆生嘅仔就叫嫡(嫡出)，小老婆生嘅仔就叫庶(庶出)。比如周代嘅大王，佢同王后生嘅仔就好大机会系“太子”(嫡出)，而其他仔女好难摆脱俾人统治嘅命运。 今日俗语：观音坐轿

【阿门粤语课第373期】今日句子：好多女权主义者都吾明白咩叫真正嘅尊重。真正嘅尊重系“平视”，而吾系“区别对待”。喺承认两性生理结构差异嘅基础上，平等对待女性，而且仲要平等对待男性。而唔系追求特权，因为特权嘅来源就系承认差异。所以，真正嘅平等吾系“女士优先”，更吾系要求离婚男人净身出户。 今日俗语：桂姐卖布，一匹还一匹

【阿门粤语课第372期】今日句子：中低收入嘅女性系微商嘅主要用户，所以大多数微商产品“类目单一，门槛较低，性价比高”，相比线下或者传统电商有价格优势；微商近半数嘅用户分布喺三四线城市，由于获取信息嘅渠道匮乏，他们更容易接受“人际传播”同“朋友圈购买”，都更容易受“口碑同KOL”嘅影响。唔同年龄用户购买产品侧重点唔同，30岁以下用户以靓为主，30岁以上用户以食为主。 今日俗语：跪地hei（食气）猪乸 

【阿门粤语课第371期】今日句子：春眠不觉晓，春困何时了？一到春天，就有一种点瞓都唔够瞓嘅感觉。晏昼唔瞓，晏昼崩溃嘅情况几乎每日都喺度轮回。上海市第六人民医院中医科副主任医师彭文波解释，经过成个冬日，人体嘅阳气消耗唔少。春季阳气运动，会令人精神昏倦。究其原因，系由于人体适应气候转暖要散热，体表末梢血管扩张，流向皮肤嘅血液增多，内脏、大脑嘅血液供应相对减少。机体新陈代谢活跃，当食物入面营养供应不足嘅时候，大脑能量转换效率就会降低。加上春季暖风阴离子较多，对人产生镇静、催眠作用，春困就应运而生。 今日俗语：黑狗偷食，白狗当灾

【阿门粤语课第370期】今日句子：超过80%嘅女性喺体检嘅时候会被诊断为宫颈糜烂。宫颈糜烂系由激素变化导致嘅柱状上皮外翻，就好似人有时会有口腔溃疡一样。呢个系正常嘅生理现象，并唔系一种疾病。 今日俗语：煎煎炒炒

【阿门粤语课第369期】今日句子：腋臭系常染色体显性遗传，所以呢，大概80%嘅臭狐同遗传有关，父辈有，仔女就有。但并唔系传女唔传男，无论男女都有可能！罪魁祸手之一就系分布喺腋窝皮下嘅大汗腺，但系请注意，大汗腺只系为异味提供咗原料，原料本身并没有味道，经过寄生喺皮肤表面嘅细菌加工，于是乎就成阵除，呢个讨厌嘅助纣为虐者就系大名鼎鼎嘅葡萄球菌同类棒状杆菌。 今日俗语：好极有限

【阿门粤语课第368期】今日句子：用设计师山本耀司嘅话讲，人好难认识自己，只有喺困境入面先可以发现自己，感受生活入面嘅痛正系认识自己嘅最好途径，人生即修行，唔一定非要野蛮其体肤先可以释放天性。 今日俗语：扑飞 

【阿门粤语课第367期】今日句子：去佛国斯里兰卡旅行，首先要搞明白一件事：呢个国家对于一切对佛教不敬嘅行为都持零容忍态度，唔理系你嘅手臂纹有佛像，定系曾经喺佛像前摆不雅蒲士影相，侮辱过僧侣，呢啲都有可能成为被拒绝入境或者遣返出境嘅原因。斯里兰卡地方法律规定，任何非善意对待佛教形象或佛教制品嘅行为都系一种严重犯罪。喺旧时，游客因为衣冠不整企喺佛像前影相而受到处罚嘅例子屡见不鲜。2010年，美国歌手阿肯申请斯里兰卡签证遭拒，原因系佢嘅MTV入面曾出现过衣着暴露嘅大波妹喺佛像前跳舞。 今日俗语：扑水

【阿门粤语课第366期】今日句子：肯尼亚系非洲范围内第11个实施“禁塑令”嘅国家，喺佢之前，埃及、索马里、埃塞俄比亚、厄立特里亚、乌干达、卢旺达、坦桑尼亚、博茨瓦纳、南非、摩洛哥分别实施咗相关法令，其中执行得最彻底嘅莫过于卢旺达。好多游客会因为呢度整齐洁净、规划有序嘅街道，而对佢有好感，但如果一个人系事先经历过喺卢旺达机场入境处俾搜身揾胶袋嘅遭遇，或者对于呢个非洲最干净、最环保嘅国家又会有唔同嘅看法。备受国际旅客青睐嘅游猎目的地肯尼亚，自从2017年8月28日起正式实施“禁塑令”。“禁塑令”规定，地方政府有权对喺肯尼亚境内生产、销售或使用胶袋嘅人士处以最高四年监禁，及3.8万美元（约合人民币25万元）嘅罚款。 今日俗语：讲嘢有骨 

【阿门粤语课第365期】今日句子：自2018年1月起，泰国政府面向全国20处知名海滩实施“禁烟令”，执行严厉嘅处罚条例——新华社曼谷消息称，泰国海洋与沿海资源部将会喺海滩、客船及观光船上设立监控点，一旦发现掉烟头者，将根据《海洋鱼沿海管理促进法》第17条，对违法者执行一年监禁或者罚款100000泰铢（约合人民币19900蚊）嘅处罚，而对严重触犯法律者，不排除同时执行两种处罚。需要注意的是，泰国同样都唔系一个电子烟友好国度，持有电子烟或贩卖电子烟及同类产品喺该国均被视为违法犯罪。不明情况嘅外国游客，如携带电子烟、烟油、水烟或类似尼古丁雾化装置入境，极有可能会面临50万泰铢（约10万元人民币）嘅高额罚款，或刑期最高10年嘅入狱指控。 今日俗语：老鼠钻牛角尖——死路一条

【阿门粤语课第364期】今日句子：根据联合国环境规划署提供嘅数据，自上世纪50年代首次有登山者入驻珠峰以嚟，有超过140吨垃圾留低咗喺呢度，佢哋嚟自一代又一代登山者嘅“赠予”，喺每一个登山季沉淀累积，逐渐拥有咗今日嘅规模。根据粗略统计，每年进出南坡珠峰大本营嘅游客总人数系7万到10万之间，海拔5300米以上冇任何厕所，导致每年约有近12吨人类排泄物留喺珠峰。绝大多数情况，佢哋堆积多年都无法被降解，一旦冰雪消融，仲会污染当地嘅水源，只能依靠有限嘅人力搬落山。 今日俗语：茶楼搬屋——另起炉灶

【阿门粤语课第363期】今日句子：日本女权主义者唔成气候，自然首先归咎于日本社会对妇女嘅压抑。但系我觉得唔系唯一原因。就大多数日本妇女嚟讲，佢哋宁愿安于目前嘅状态，而对女权主义表示淡漠，说明佢哋嘅处境并非我哋想象中咁难顶。我甚至听一个后生女说过咁样讲话：佢庆幸自己系个女仔，如果工作实在难啃，仲有嫁人呢一条退路可以行。男人，就咩退路都冇。资源贫乏、国土狭小嘅日本，喺战后系依靠日本民族嘅勤奋发展起身嘅，直到宜家，日本人仲保持住勤勉嘅工作态度，以至于近年嚟出现咗“过劳死”呢个词。的确，好多患者嘅死因竟然系过度劳累，呢个唔可以令每天疲于奔命嘅日本人冇一种凄然之感。因此，妇女唔积极进入社会，都有可以理解一面。 今日俗语：杀人放火金腰带，修桥整路冇尸骸

【阿门粤语课第361期】今日句子：万圣节其实系天主教对其它文化嘅节日吸收同重新诠释。简单啲嚟讲，Halloween其实系万圣节前夜，起源于古凯尔特人嘅“萨温节”（Samhain），喺每年嘅10月31号。古凯尔特人嘅新年系11月1日。而Hallow系“圣人”嘅意思，万圣节嘅英文名应该系All Hallow's Day，每年嘅11月1日，嚟纪念基督教圣人。凯尔特人信基督教，又信鬼节，所以将呢两个节融到咗一齐。名就叫All-hallow eve嘅缩写，意思就系“万圣节前夜”，习俗确实沿袭咗自己嘅鬼节。 传说喺新年前夜，鬼魂会嚟到人间去串门，后生仔就聚集喺一齐戴晒鬼怪面具，拧住灯笼送啲鬼返屋企，真系好鬼搞笑。因为爱尔兰气候湿冷，唔产南瓜，最早嘅灯笼系芜菁整嘅，一种生得似萝卜嘅蔬菜。后嚟大量爱尔兰移民嚟到美国之后，开始用美国盛产嘅南瓜做灯笼，先将呢个南瓜节播撒到全世界。西方人认为呢一日各种恶鬼出没，死咗嘅人嘅灵魂都会离开阴间，喺世间游走，呢一日嘅晚黑都会好危险。人类为咗吓走啲鬼怪，就打扮成仲核突过啲鬼。历史的今天：2017年10月31日1992年10月31日 伽利略蒙冤360年后获平反　　1992年10月31日，伽利略蒙冤360年后，终于获得梵蒂冈教皇的平反。　　梵蒂冈教皇约翰·保罗二世31日在梵蒂冈说，当年处置伽利略是一个“善意的错误”。他对在场的教廷圣职部人员和20来名红衣主教说：“永远不要再发生另一起伽利略事件。”　　伽利略是意大利著名的物理学家和天文学家。由于他在1632年发表了《关于两种世界体系对话》的作品，支持和发展哥白尼的地动说，于1633年被罗马教廷圣职部判处终身监禁，后改为软禁，直至1642年去世，终年78岁。 今日俗语：前世捞乱骨头