Claim OwnershipПіК Свабоды
Subscribed: 273Played: 22,873
Subscribe
© Copyright 2013 - Радыё Свабода, RFE/RL, Inc.
Description
«ПіК Свабоды» — гэта штодзённая YouTube-праграма і падкаст, у якой журналісты Свабоды абмяркоўваюць галоўную падзею дня з палітыкамі, грамадзкімі дзеячамі, экспэртамі і аналітыкамі. Вострыя пытаньні і актуальныя камэнтары пра важныя падзеі для Беларусі і беларусаў.
2040 Episodes
Reverse
Рэдактарка праекту «Plan B» Вольга Лойка аналізуе кадравыя рашэньні Аляксандра Лукашэнкі ў эканамічным блёку, а таксама ацэньвае пляны уладаў у эканоміцы на гэты год і магчымыя наступствы гэтых крокаў. У другой частцы эфіру іраназнаўца Міхаіл Круціхін расказвае пра масавыя пратэсты ў Іране, іх гістарычны кантэкст, унутраны палітычны расклад у краіне і сцэнары далейшага разьвіцьця падзеяў.
Чаму сучасная турма – падарожжа на іншую плянэту? Якія ўрокі вынікаюць са «змовы» Фядуты-Зянковіча? Якой бачыцца Расея былому палітвязьню? Ці магчымае паразуменьне паміж Беларусьсю Лукашэнкі і Беларусьсю яго апанэнтаў? На гэтыя пытаньні ў праграме «Палітыка зь Юрыем Дракахрустам» адказвае літаратуразнаўца, паліттэхноляг, былы палітвязень Аляксандар Фядута.
Як зьменіцца беларуска-амэрыканскі дыялёг пасьля затрыманьня Мадура? Ці патрэбная дэмакратыя Трампу? Ці прыняла Эўропа «стратэгію Шрайбмана» для Беларусі? На гэтыя пытаньні ў праграме «Палітыка зь Юрыем Дракахрустам» адказвае палітычны аналітык Арцём Шрайбман.
Цыклён «Улі» ударыў па Беларусі: сотні вёсак без сьвятла, транспартны каляпс у Менску. Амаль праз тыдзень пасьля арышту Мадура Лукашэнка заявіў, што такое ў Беларусі выключана. Але што ён насамрэч зразумеў з амэрыканскай апэрацыі і чаго баіцца? У жывым эфіры "ПіКу Свабоды" з Ганнай Соўсь падсумоўваем найважнейшыя падзеі тыдня з экспэртамі - грамадзкім дзеячом Мікалаем Халезіным, журналісткай Кацярынай Базанавай, былой дэпутаткай Віцебскага гарсавету, кіраўніцай “Нашага дому” Вольгай Карач і мэдыяэкспэрткай Ірынай Сідорскай.
Ці паўторыць Лукашэнка лёс Мадура? Чаму Лукашэнка асуджае ЗША – і чаго ён баіцца? Ці зрынаньне Мадура прывядзе да дэмакратызацыі Вэнэсуэлы? Беларуская апазыцыя і кейс Мадура: новыя магчымасьці ці ілюзія? Беларускі і міжнародны кантэкст амэрыканскай апэрацыі ў Вэнэсуэле абмяркоўваем у жывым эфіры «ПіКа Свабоды» з экпэртамі – палітолягам і гісторыкам Розай Турарбекавай, амэрыканістам, дарадцам Агенцтва эўраатлянтычнага супрацоўніцтва Антонам Пянькоўскім, гісторыкам Яўгенам Красуліным, юрысткай-міжнародніцай Кацярынай Дзяйкалай і журналісткай Кацярынай Базанавай, якая спэцыялізуецца на лацінаамэрыканскай тэматыцы.
Колькі будзе палітвязьняў у канцы 2026 году? Ці сустрэнуцца сёлета Лукашэнка і Трамп? Што зьменіцца ў дэмакратычных сілах? На гэтыя і іншыя пытаньні ў праграме «Палітыка зь Юрыем Дракахрустам» адказваюць палітычныя аглядальнікі Валер Карбалевіч і Віталь Цыганкоў.
Ці вызваленьне ўсіх палітвязьняў – галоўная мэта цяпер? Як дамагчыся перамоваў з Лукашэнкам? Ці паўторыцца 2020 год, але зь іншым, пераможным вынікам? На гэтыя пытаньні ў праграме «Палітыка зь Юрыем Дракахрустам» адказвае філёзаф, мэтадоляг, былы палітвязень Уладзімер Мацкевіч.
Якім быў 2025 год для Беларусі і беларусаў паводле Сьвятланы Ціханоўскай? Што яна лічыць перамогай, а што паразай году? Як зьвернецца Ціханоўская да беларусаў у навагоднім віншаваньні? Пра гэта ды іншае Ганна Соўсь гаворыць зь лідэркай дэмакратычных сілаў Беларусі Сьвятланай Ціханоўскай.
Якую Беларусь зьбіраецца прадстаўляць Віктар Бабарыка? Ці спраўдзіцца разьлік Лукашэнкі на канфлікт паміж Бабарыкам і Ціханоўскай? Ці ёсьць шанцы на адлігу ў Беларусі? На гэтыя пытаньні ў праграме «Палітыка зь Юрыем Дракахрустам» адказвае журналістка, сябра аргкамітэту партыі «Разам» Яўгенія Сугак.
Выступаючы на Ўсебеларускім народным сходзе, Лукашэнка адрэагаваў на расьсьледаваньне Свабоды пра лякацыю расейскага «Арэшніка». Ён зьняпраўдзіў тое, чаго мы не сьцьвярджалі. Пра гэта раскажа ў эфіры “ПіКу Свабоды” аўтар расьсьледаваньня. У нашым выпуску мы таксама пагаворым з палітолягам Аляксандрам Фрыдманам пра вызваленьне 123 палітвязьняў і з журналістам Аляксандрам Атрошчанкавым пра заявы Лукашэнкі на УНС.
Чаму Калесьнікава падзякавала за вызваленьне Лукашэнку? Хто палітычна выйграў ад «вялікай угоды»? Што зьменіцца ў Беларусі і ў дэмсілах у выніку вызваленьня знакавых герояў 2020 году?
Па гэтых пытаньнях у праграме «Палітыка зь Юрыем Дракахрустам» спрачаюцца сталы прадстаўнік Аб'яднанага пераходнага кабінэту ў пытаньнях нацыянальнага адраджэньня Павал Баркоўскі і старшыня Рады Цэнтру новых ідэяў Антон Раднянкоў.
Што будуць рабіць дэпартаваныя палітвязьні? Чаму іх вывезьлі ва Ўкраіну, дзе ідзе вайна? Чаму не вызвалілі Пачобута? Ці скасуе Эўразьвяз санкцыі на беларускі калій? Гэта спэцыяльны эфір, прысьвечаны вызваленьню палітвязьняў, у якім мы раскажам вам самыя апошнія і правераныя навіны, і камэнтуем іх з палітычным аналітыкам Ігарам Тышкевічам і грамадзкім дзеячам і сузаснавальнікам Свабоднага тэатру Мікалаем Халезіным у жывым эфіры.
Працягваюцца перамовы спэцпасланьніка ЗША ў справах Беларусі Джона Коўла з Лукашэнкам пра вызваленьне палітвязьняў. Шэраг крыніцаў паведамляюць пра тое, што сёньня магчымае вызваленьне і дэпартацыя больш за 100 палітзьняволеных, у тым ліку знакавых палітвязьняў. Калі інфармацыя пацьвердзіцца, мы выйдзем у жывы эфір. Заставайцеся са Свабодай!
Пра што дамовіўся Коўл з Лукашэнкам? Калі чакаць вызваленьня новай групы палітвязьняў? Як будзе арганізаваная дапамога ім? Як зьвязаныя вызваленьні палітвязьняў і дазвол Міжнароднага Алімпійскага камітэту праводзіць спаборніцтвы ў Беларусі? Абмяркоўваем у жывым эфіры з аналітыкам Свабоды Юрыем Дракахрустам. Госьці эфіру — Прадстаўніца Аб’яднанага пераходнага кабінэту ў сацыяльных пытаньнях Вольга Зазулінская, выканаўчы дырэктар Беларускага фонду спартовай салідарнасьці Аляксандар Апейкін, адзін зь лідэраў фракцыі «Беларусы» у Каардынацыйнай Радзе Андрэй Ягораў.
Як працуе прапаганда, наколькі яна эфэктыўная, як падбіраюцца кадры, хто насамрэч прымае рашэньні? Унутраную «кухню» БТ раскрывае былая палітзьняволеная, журналістка, дакумэнталістка Ксенія Луцкіна, якая працавала на дзяржаўнай беларускай тэлевізіі 15 гадоў. Журналістка расказвае, як пасьля вызваленьня зь яе спрабавалі зрабіць «другога Пратасевіча».
Лукашэнка патрабуе ад Літвы дыялёгу і агучыў свае патрабаваньні. Сьвятлана Ціханоўская зьбіраецца пераяжджаць зь Вільні ў Варшаву, а разам зь ёй і супрацоўнікі яе Офісу. Хто перамагае ў гібрыднай вайне Беларусі зь Літвой? Дзьмітры Гурневіч размаўляе з палітычным аглядальнікам Валерам Карбалевічам.
Нядаўна апублікаваную Стратэгію нацыянальнай бясьпекі Злучаных Штатаў камэнтуе амэрыканіст, дарадца Агенцтва эўраатлянтычнага супрацоўніцтва Антон Пянькоўскі.
Да чаго прывядзе крызіс у адносінах паміж Беларусьсю і Літвой? Навошта Лукашэнка езьдзіў ў М'янму, Аман і Альжыр? Ці захочуць беларусы ў Эўропу? Юры Дракахруст абмяркоўвае вынікі тыдня з палітычным аналітыкам Арцёмам Шрайбманам.
Як ставяцца беларусы да працоўных мігрантаў і да памілаваньняў палітвязьняў? Ці зьмянілася іх стаўленьне да вайны Расеі з Украінай? Які выбар робяць апытаныя паміж Расеяй і Эўропай? У праграме «ПіК Свабоды» пра вынікі апошняга апытаньня гараджанаў Беларусі распавядае кіраўнік праекту «Беларуская ініцыятыва» брытанскага Chatham House, доктар паліталёгіі Рыгор Астапеня.
Ці стане Сяргей Ціханоўскі голасам беларусаў у ЗША? Ці трэба апублічваць унутраныя канфлікты ў камандзе Ціханоўскага? Ці вычарпаны канфлікт былога палітвязьня з офісам ягонай жонкі? Хто зацікаўлены ў эскаляцыі беларуска-літоўскага канфлікту? Чаму прапаганда ўчапілася за гісторыю з прылётам дрона зь Літвы, не заўважаючы сотні дронаў з боку Расеі? Пра гэта ды іншае ў жывым эфіры пагаворым з палітыкам, кіраўніком Агенцтва трансатлянтычнага супрацоўніцтва Валерам Кавалеўскім.
Download from Google Play
Download from App Store
United States
Пляскі, бо там пляскалі ў ладкі?
Потом, когда очередной штам гриппа или кори отправит вашу "лялечку" на тот свет, вы будете винить кого угодно, только не себя за "рациональный скептицизм". Удачи
Цікава. Шупа, цытуючы прамовы, не адзначае, што амаль усе прамовы былі па-расейску. Там нехта падняў гэтае пытанне, на што Рак-Міхайлоўскі адказваў, што недасканала валодае беларускай мовай. Тое ж самае з "Няхай жыве Беларусь", там часцей крычалі "Да здравствует Белорусская республика". А вось цытуючы бальшавікоў, цытаты ідуць ужо мовай арыгіналу. І правільна не Рэзаўскі, а Рэзаускі, з націскам на У.
Пра злачынствы партызан трэба было даць канкрэтны факт, запраўды, а так атрымалася ні пра што