Claim OwnershipПіК Свабоды
Subscribed: 274Played: 23,201
Subscribe
© Copyright 2013 - Радыё Свабода, RFE/RL, Inc.
Description
«ПіК Свабоды» — гэта штодзённая YouTube-праграма і падкаст, у якой журналісты Свабоды абмяркоўваюць галоўную падзею дня з палітыкамі, грамадзкімі дзеячамі, экспэртамі і аналітыкамі. Вострыя пытаньні і актуальныя камэнтары пра важныя падзеі для Беларусі і беларусаў.
2063 Episodes
Reverse
Міжнародны крымінальны суд пачаў расьсьледаваньне справы супраць рэжыму Лукашэнкі за злачынствы супраць чалавечнасьці. Што гэты працэс можа азначаць для Лукашэнкі? У Беларусі па абвінавачаньні ў карупцыі затрымалі міністра. Чаму рэжым за 32 гады не перамог карупцыю, маючы паўнату ўлады? Праз вайну на Блізкім Усходзе цэны на нафту падскочылі да самага высокага ўзроўню з 2022 году. На росьце цаны нажываецца Расея, а як Амэрыка хоча гэта спыніць? Госьць «ПіКу Свабоды» - блогер і прадпрымальнік Аляксандар Кныровіч.
КДБ прызнаў «экстрэмісцкім фармаваньнем» беларускія выдавецтвы, якія друкуюць кнігі па-беларуску, і распаўсюднікаў кніг. Частка выдаўцоў цяпер за кратамі. Чым вылучаецца «справа выдаўцоў» у рэпрэсіўным канвэеры ў Беларусі? Ці выдаваць кнігі па-беларуску стала злачынствам у Беларусі? Новы віток рэпрэсіяў супраць выдаўцоў кніг і журналістаў абмяркуем зь пісьменьнікамі Сашам Філіпенкам і Аляксандрам Лукашуком, а таксама старшынёй Беларускага ПЭНу Тацянай Нядбай і дырэктарам фонду Kamunikat.org Яраславам Іванюком.
У які бок хіліцца вайна на Блізкім Усходзе? Якія наступствы для Беларусі мае і будзе мець гэтая вайна? Як адказвае Захад на пагрозу «Арэшніка» у Беларусі? На гэтыя пытаньні ў праграме «Палітыка зь Юрыем Дракахрустам адказвае гісторык і палітоляг Роза Турарбекава.
Як па эканоміцы і па ўладах Беларусі можа ўдарыць вайна на Блізкім Усходзе? Што будзе рабіць новая партыя Бабарыкі? Ці засталіся ў беларусаў, якім пагражае арышт, магчымасьці выехаць з краіны? Знайшлі раней невядомы асобнік кнігі Францішка Скарыны. Чаму гэта сэнсацыя? Пра ўсё гэта мы пагутарым у сёньняшнім «ПіКу Свабоды», у якім возьмуць ўдзел кіраўнік Агенцтва эўраатлянтычнага супрацоўніцтва Валер Кавалеўскі, эканамічны аглядальнік Андрэй Махоўскі, прадстаўнік ініцыятывы BelPol Уладзімер Жыгар, палітычны аглядальнік Віталь Цыганкоў, прадстаўнік фонду BySol Зьміцер Ягораў і выкладчык Карлавага ўнівэрсытэту Аляксандар Паршанкоў.
Вашынгтон без гарантый: як вайна з Іранам астуджвае Менск? Вайна і «вялікая зьдзелка»: ці абваліцца дыялёг Менску з ЗША? Чым скасаваньне санкцыяў ЭЗ 10 гадоў таму адрозьніваецца ад цяперашняга скасаваньня амэрыканскіх санкцыяў? На гэтыя пытаньні ў праграме «Палітыка зь Юрыем Дракахрустам» адказвае палітычны аналітык Арцём Шрайбман.
У інтэрвію «Люстэрку» Уладзімер Зяленскі вызначыў новую палітыку адносна Беларусі. Ці можа Ўкраіна пачаць баявыя дзеяньні супраць суагрэсара? Чаго ў Кіеве чакаюць ад супрацы зь Ціханоўскай? Абмяркоўваем у праграме «Палітыка зь Юрыем Дракахрустам» з былым амбасадарам Украіны ў Беларусі Ігарам Кізімам
Каму і на што беларусы гатовыя даваць грошы? Гэтыя пытаньні абмяркоўваюць былыя палітвязьні Павал Севярынец і Юрась Зянковіч, кіраўнік каманды збораў фонду BySol Аляксандар Кухта, прадстаўніца праваабарончага цэнтру “Вясна” Сьвятлана Галаўнёва і стваральнік ініцыятывы BelAid Андрэй Стрыжак.
Аляксандар Лукашэнка наведаў Маскву і сустрэўся з Уладзімірам Пуціным – што стаіць за гэтым візытам і як ён можа паўплываць на становішча Беларусі? Палітоляг і гісторык Аляксандар Фрыдман аналізуе палітычны сэнс сустрэчы. Тым часам над Гомлем фіксавалі ў чацьвер палёты расейскіх дронаў-камікадзэ, а «Кібэрпартызаны» заявілі пра кібэратаку на прадпрыемства «Хімвалакно», прадукцыя якога выкарыстоўваецца расейскай арміяй. Каля Крычава выявілі новыя прыкметы магчымага разьмяшчэньня ракетнага комплексу «Арэшнік» – што гэта можа азначаць для рэгіёну, тлумачаць журналіст Свабоды Андрэй Шаўлюга і ўкраінскі экспэрт. Акрамя таго, працягваюцца вострыя спрэчкі вакол «пашпарта Новай Беларусі» – гэтую тэму абмяркоўваюць Андрэй Саньнікаў і Франак Вячорка.
Палітык Мікола Статкевіч дома пасьля інсульту за кратамі і амаль месяцу ў рэанімацыі. Што адбывалася з палітвязьнем за кратамі апошнія месяцы, калі ён адмовіўся пакінуць Беларусь, і стаў сымбалем нязломнасьці і ахвярнасьці. У выніковым "ПіКу Свабоды" абставіны вызваленьня Міколы Статкевіча абмяркоўваем з палітычным аглядальнікам агенцтва «Позірк» Аляксандрам Класкоўскім, сябрай сям’і Статкевіча і Адамовіч рэдактаркай Аксанай Колб, яго паплечнікам Яўгенам Вільскім і былым турэмным лекарам Васілём Завадзкім. Таксама ў нашым эфіры: як Коля Лукашэнка вярнуў сьвятло ў беларускія гарады; Саміт Трампа без Беларусі; Кіеў абвастрае адносіны зь Менскам.
Расейскі публіцыст Аляксандар Няўзораў у інтэрвію для «Свабоды» агучыў жорсткія і правакацыйныя ацэнкі — пра вайну ва Ўкраіне, ролю Лукашэнкі, будучыню Беларусі і правал пратэстаў 2020 году. Ён сьцьвярджае, што рэвалюцыя ў Беларусі правалілася, бо ёй «кіравалі занадта добрыя людзі». Няўзораў перакананы: лёс Беларусі вырашыцца не ўнутры краіны, а звонку — разам з крахам «рускага міру».
Ці засьведчыла Мюнхенская канфэрэнцыя ў бясьпецы аднаўленьне эўраатлянтычнага адзінства? Ці ёсьць гэтае адзінства ў палітыцы адносна Беларусі? Наколькі глыбокія пасткі як мяккай, гэтак і жорсткай палітыкі Захаду адносна Беларусі? Гэтыя пытаньні ў праграме «Палітыка зь Юрыем Дракахрустам» абмяркоўваюць палітычны аналітык, супрацоўніца Цэнтру аналізу эўрапейскай палітыкі Кацярына Глод і экспэртка ў палітычнай камунікацыі, удзельніца кааліцыі за вызваленьне палітвязьняў у Беларусі Анастасія Касьцюгова.
Служба вонкавай выведкі Расеі, а за ёю і прадстаўніца МЗС Марыя Захарава, робяць алярмісцкія заявы пра чарговыя спробы Захаду адарваць Беларусь ад Расеі. Гучаць словы пра «геапалітычную гульню», «змовы» і нават пра неабходнасьць гарантаваць бясьпеку Беларусі ўсімі даступнымі сродкамі. Ці гэта проста інфармацыйная атака? Ці падрыхтоўка глебы для яшчэ больш глыбокай вайсковай прысутнасьці Расеі? І ці ёсьць у Захаду ідэі і жаданьне гэтаму супрацьстаяць? У «ПіКу Свабоды» бяруць удзел мэтадоляг Уладзімер Мацкевіч, дарадца Сьвятланы Ціханоўскай Франак Вячорка і расейскі журналіст Цімур Алеўскі.
Сёньня стала вядома, што Аляксандр Лукашэнка атрымаў запрашэньне ў Нью-Ёрк на паседжаньне «Рады міру» — новай ініцыятывы Дональда Трампа. Аднак у ЗША паляціць ня ён, а міністар замежных спраў Максім Рыжанкоў. Гэта выглядае як асьцярожны дыпляматычны манэўр. Бо ў той самы час расейская СВР раптоўна заявіла пра пагрозу «каляровай рэвалюцыі» ў Беларусі і «заходні сцэнар». Сыгнал з Масквы прагучаў акурат тады, калі зьявілася магчымасьць нават сымбалічнага кантакту Менску з Захадам. У «ПіКу Свабоды» пра гэта размаўляюць палітычны аглядальнік Радыё Свабода Валер Карбалевіч і Аркадзь Мошас зь Фінскага інстытуту міжнародных адносінаў.
Якія вынікі слуханьняў у Каардынацыйнай Радзе з удзелам Сьвятланы Ціханоўскай? Ці гатовая яна падзяліцца сваёй уладай? Ці магчымы кампраміс паміж непрызнаньнем Лукашэнкі і дыялёгам зь ім? Ці патрэбны дэмсілам сталы беларускі прадстаўнік у ЗША? На гэтыя пытаньні ў праграме «Палітыка зь Юрыем Дракахрустам» адказваюць старшыня Каардынацыйнай Рады Арцём Брухан і адзін з кіраўнікоў фракцыі «Беларусы» у Радзе Вадзім Пракоп'еў.
А 16:30 падвядзем вынікі тыдня зь Дзьмітрыем Гурневічам. Чаму ўлады паспрабавалі зэканоміць на вулічным асьвятленьні і чаму адступілі ўжо празm дзень? Ці здольнае анлайн-абурэньне ўплываць на рашэньні рэжыму Лукашэнкі? Абмяркоўваем з эканамістам, кіраўніком праекту «Кошт ураду» Уладзімірам Кавалкіным. Гаворым пра рэзананснае інтэрвію Марыі Калесьнікавай Юрыю Дудзю і спрэчкі вакол яго — разам з палітычным камэнтатарам Віталём Цыганковым. Напрыканцы — спорт: Алімпійскія гульні ў Італіі і беларускі спорт ва ўмовах ізаляцыі. Наш госьць — былы алімпіец Сяргей Далідовіч.
Сярод каго КДБ вярбуе шпіёнаў і шпіёнак? Як украінскія спэцслужбы выявілі агентку Іну Кардаш, якая пад выглядам журналісцкай працы шпіёніла для КДБ Беларусі? Як можна адмовіцца ад супрацы са спэцслужбамі? І што пагражае выкрытаму агенту спэцслужбаў Беларусі ў Эўразьвязе і іншых краінах? Мэтады і працу спэцслужбаў Беларусі ў «ПіКу Свабоды» Ганна Соўсь абмяркоўвае з украінскім журналістам Аляксандрам Загародным, прадстаўніцай беларускай Народнай амбасады ў Славеніі Аляксандрай Мамаевай, якую спрабаваў завэрбаваць КДБ, адвакатам, экс-кандыдатам на прэзыдэнта Алесем Міхалевічам і дарадцам Ціханоўскай у юрыдычных пытаньнях Леанідам Марозавым.
Як вярнуцца да нармальнасьці ў Беларусі? Цана вызвалення: што дапушчальна, а што — не? Пра што можна размаўляць з рэжымам Лукашэнкі? У праграме «Палітыка зь Юрыем Дракахрустам» спрачаюцца прадпрымальнік Аляксандар Кныровіч і палітычны аналітык Вадзім Мажэйка.
У першыню ў гісторыі незалежнай Беларусі сярэдні заробак у краіне перавысіў 1000 даляраў. Як гэта стала магчымым і ці багацеюць беларусы? Кітай упершыню стаў другім гандлёвым партнэрам Беларусі, абагнаўшы Эўразьвяз. Што адбываецца зь беларускім рублём і ці варта баяцца інфляцыі? Глядзіце “ПіК Свабоды” з эканамічным аналітыкам Сяргееем Чалым.
Таксама гаворым пра нечаканы паварот украінскай палітыкі да беларускіх дэмакратычных сілаў з Аленай Бабаковай, журналісткай, дасьледчыцай Atlantic Council.
Што зьменіцца для пацыентаў і мэдыкаў у адпаведнасьці зь дзяржаўнай праграмай «Здароўе нацыі»? Што акрамя абмежаваньня абортаў прадугледжвае новы Кодэкс аб ахове здароўя? 98 мільярдаў рублёў на мэдыцыну на пяць гадоў – гэта шмат ці мала? Абмяркоўваем з прадстаўнікамі Аб’яднага пераходнага кабінэту доктарам Станіславам Салаўём і эканамісткай Алісай Рыжычэнкай, а таксама з анколягам Надзеяй Пятроўскай.
Чаму Зяленскі сустрэўся зь Ціханоўскай і запрасіў у Кіеў? Якія наступствы гэта будзе мець? Ці вярнуў Лукашэнка сабе легітымнасьць? Як Трамп памяняў Беларусь?
На гэтыя пытаньні ў праграме «Палітыка зь Юрыем Дракахрустам» адказваюць украінскі палітоляг Яўген Магда і палітычныя аглядальнікі Радыё Свабода Валер Карбалевіч і Віталь Цыганкоў.
Download from Google Play
Download from App Store
United States
Пляскі, бо там пляскалі ў ладкі?
Потом, когда очередной штам гриппа или кори отправит вашу "лялечку" на тот свет, вы будете винить кого угодно, только не себя за "рациональный скептицизм". Удачи
Цікава. Шупа, цытуючы прамовы, не адзначае, што амаль усе прамовы былі па-расейску. Там нехта падняў гэтае пытанне, на што Рак-Міхайлоўскі адказваў, што недасканала валодае беларускай мовай. Тое ж самае з "Няхай жыве Беларусь", там часцей крычалі "Да здравствует Белорусская республика". А вось цытуючы бальшавікоў, цытаты ідуць ужо мовай арыгіналу. І правільна не Рэзаўскі, а Рэзаускі, з націскам на У.
Пра злачынствы партызан трэба было даць канкрэтны факт, запраўды, а так атрымалася ні пра што