Claim OwnershipSBS Karen - အဲးစ်ဘံအဲးစ် ကညီ
Subscribed: 5Played: 63
Subscribe
© Copyright 2025, Special Broadcasting Services
Description
Independent news and stories from SBS Audio, connecting you to life in Australia and Karen-speaking Australians. - တၢ်လၢအလီၢ်အိၣ်လၢနကဘၣ်သ့ၣ်ညါအီၤခဲလၢာ် ဘၣ်ဃးတၢ်အိၣ်မူဖဲကီၢ်အီစ-တ့လယါအပူၤ- တၢ်ဟ့ၣ်ကူၣ်၊ တၢ်သံကွၢ်သံဒိးဒီး တၢ်ဂ့ၢ်တၢ်ကျိၤ လၢအဘၣ်ဃးဒီး နၦၤတ၀ၢ သ့ၣ်တဖၣ်။
799 Episodes
Reverse
Practise speaking the dialogue from episode#92 Asking for donations (Med). - မၤလိထံသးလၢတၢ်ကတဲသကိးတၢ်ဖဲ တၢ်မၤလိအကူာ် #92 တၢ်ဃ့တိၢ်မၤဘူၣ် (Med).
Learn how to ask for money or donations in English. - မၤလိဘၣ်ဃး ကဘၣ်ဃ့ကျိၣ်စ့ မ့တမ့ၢ် တိၢ်မၤဘူၣ်လၢအဲကလံးကျိာ်ဒ်လဲၣ်အဂ့ၢ်.
Iran တၢ်ဒုးတၢ်ယာ်အံၤ အတကွီၣ်ဟဲလဲၢ်ထီၣ်ဒ်သိးလီၢ်ကဝီၤတၢ်သဘံၣ်သဘုၣ်တခါအဃိ လၢအနံၣ်အါမးအတီၢ်ပူၤ သကုၤဟီၣ်ခိၣ်ဒီဘ့ၣ် ရ့ၣ်နီၣ်သိအပှ့ၤသ့ၣ်တဖၣ် ဟဲဒိၣ်ထီၣ်ဝဲလၢ အဒိၣ်ကတၢၢ်တဘျီန့ၣ်လီၤ. တၢ်ဒုးတၢ်ယာ်မ့ၢ်ယံၤထီၣ်န့ၣ် တၢ်လီၤဘၣ်ယိၣ်သ့ၣ်တဖၣ်အိၣ်လၢ အကကဲထီၣ်ဝဲ တၢ်တံာ်မုၢ်တံာ်တာ်ဒီး ဂံၢ်သဟီၣ် တၢ်ဆါတၢ်ပှ့ၤ ကွီၤဘျးစဲသ့ၣ်တဖၣ်, လီၤဆီဒၣ်တၢ် တၢ်တီဆှၢသိကျဲအလီၢ်ခိၣ်သ့ၣ် လၢအမ့ၢ် Hormuz ထံဒိၣ်စ့ၤ—Strait of Hormuz— န့ၣ်တၢ်ကးတံာ်လီၤကွံာ်အီၤအဃိန့ၣ်လီၤ. ပှၤပဲၤထံနီၤဖးတၢ်သ့ၣ်တဖၣ်စံးလၢ တၢ်ဘၣ်ဒိဘၣ်ထံးသ့ၣ်တဖၣ်န့ၣ် တၢ်စးထီၣ်တူၢ်ဘၣ်လံဝဲဒၣ်အီၤ- လၢအမ့ၢ်ဝဲဒၣ် အတၢ်ဘၣ်ဒိဘၣ်ထံးသ့ၣ်တဖၣ်အိၣ်ဒီး ဟီၣ်ခိၣ်ဒီဘ့ၣ် မုၢ်ကျိၤဝဲၤကွာ် အတၢ်ဘၣ်ထွဲ ဒီး စ့သိၣ်သွံ စ့အလုၢ်အပှ့ၤလီၤသ့ၣ်တဖၣ်န့ၣ်လီၤ.
ဖဲအဝဲအတၢ်ကတိၤလီၤအဆိကတၢၢ်တဘျီအပူၤ ကီၢ်အမဲရကၤဒီး အံးစရ့ အတၢ်ဒုးသကိး Iran န့ၣ် Donald Trump စံးလၢ အဝဲအတၢ်ဒုး Iran အံၤဘၣ်သ့ၣ်သ့ၣ် ကယံၤန့ၢ်ဒံးလၢတၢ်ဆိကမိၣ်ပာ်အီၤန့ၣ်လီၤ. တၢ်ဒုးတၢ်ယာ်အံၤ သလၣ်လီၤအသးသကုၤလီၢ်ကဝီၤဒီတခါအပူၤချ့မးဒီး ဘၣ်ဒိဘၣ်ထံးဝဲဒၣ် ဟီၣ်ခိၣ်ဒီဘ့ၣ်ကျိၣ်စ့တၢ်ဆါတၢ်ပှ့ၤအဖၠါသ့ၣ်တဖၣ် အဃိ, ဖဲတၢ်ဃုထၢ တၢ်ထံၣ်ဘၣ်ဃးတၢ်ဒုးအံၤအဂ့ၢ်အပူၤန့ၣ်, အါတက့ၢ် ပှၤအမဲရကၤဖိသ့ၣ်တဖၣ် ထီဒါဝဲဒၣ် တၢ်ဒုးတၢ်ယာ်အံၤန့ၣ်လီၤ.
ဖဲ Lebanon အပူၤန့ၣ် ပှၤသံအစှၤကတၢၢ်အိၣ်ဝဲ ၅၂ ဂၤဒီး ပှၤအါန့ၢ်အဂၤ ၁၅ဝ ဘၣ်ဒိဘၣ်ထံး, မ့ၢ်လၢ Israel ပာ်အတၢ်ဟူးတၢ်ဂဲၤ တၢ်ပညိၣ်လီၤဖဲ Iran သိၣ်မှံၤသုးကရူၢ်, Hezbollah အလိၤ, ဖဲလၢအခးလီၤ မျိာ်သၣ်ဒီး ဒြိသ့ၣ်တဖၣ်ဆူ Israel အိၣ်တကပၤဝံၤအလီၢ်ခံန့ၣ်လီၤ. Lebanon ကိတိာ်ခိၣ်ကျၢၢ် တြီဃာ်ကွံာ်ဝဲဒၣ် Hezbollah သုးမုၢ်ဒီး တၢ်ဘံၣ်တၢ်ဘၢအတၢ်ဟူးတၢ်ဂဲၤသ့ၣ်တဖၣ်, ဒီးတကတီၢ်ဃီန့ၣ် ဘီမုၢ်စၢဖှိၣ်ကရၢ ဟ့ၣ်သဆၣ်ထီၣ်လၢ တၢ်ကမၤစၢ်လီၤကွံာ် တၢ်သဘံၣ်သဘုၣ်ဖဲဟီၣ်ကဝီၤအံၤအပူၤန့ၣ်လီၤ.
Dr. Cynthia Maung လၢအဘၣ်တၢ်သ့ၣ်ညါစ့ၢ်ကီးအီၤလၢ သရၣ်မုၣ် စ့ၣ်သံၣ်ယၣ်, ခဲကနံၤအံၤ ဟဲတုၤဖဲ အီစထြ့လယါကီၢ်ပူၤ ထံၣ်လိာ်သကိးသးဒီးလီၢ်ကဝီၤ ပဒိၣ်ပှၤဘၣ်မူဘၣ်ဒါဒီး ကညီတဝၢသ့ၣ်တဖၣ်န့ၣ်လီၤ.
Practise speaking the dialogue from episode #104 Talking about school exams | NAPLAN - တၢ်မၤလိအကူာ်အံၤ မ့ၢ်ဝဲတၢ်တဲမၤလိထံသး ဒီး တၢ်တဲသကိးတၢ် #104 တဲသကိးဘၣ်ဃးကၠိတၢ်ဒိးစဲးသ့ၣ်တဖၣ်အဂ့ၢ် | NAPLAN
Learn useful English for talking about school tests, studying, exam pressure, and when you do really well. - မၤလိသကိးအဲကလံးကျိာ်လၢတၢ်သူအီၤသ့အဘျုးအိၣ်သ့ၣ်တဖၣ် လၢအမ့ၢ်တၢ်တဲသကိးဘၣ်ဃး ကၠိလံာ်လဲၢ်အဂ့ၢ်, တၢ်မၤလိအဂ့ၢ်, တၢ်ဒိးစဲးအတၢ်ဆီၣ်သနံး, ဒီး ဆၢကတီၢ်ဖဲလၢနမၤအီၤန့ၢ်ဂ့ၤဂ့ၤအဂ့ၢ် သ့ၣ်တဖၣ်န့ၣ်လီၤ.
ကီၢ်စၢဖှိၣ်ပဒိၣ်အတၢ်ရဲၣ်တၢ်ကျဲၤလၢ တၢ်ကသူၣ်ထီၣ် အီစထြ့လယါကီၢ် လ့ၣ်မ့ၣ်အူဃ့ၢ်ချ့အကျဲန့ၣ် သုးအသးဆူမဲာ်ညါတပတီၢ်, လၢအစးထီၣ်ဝဲဒၣ် ခံနံၣ်အတီၢ်ပူၤ တၢ်ဂုၤထီၣ်ပသီထီၣ်အပတီၢ်တၢ်ရဲၣ်တၢ်ကျဲၤ လၢကသူၣ်ထီၣ် Sydney ဒီး Newcastle အဘၢၣ်စၢၤ လ့ၣ်မ့ၣ်အူဃ့ၢ်ချ့အကျဲအဂီၢ်န့ၣ်လီၤ. တၢ်သူၣ်ထီၣ်ဘှီထီၣ်န့ၣ် တၢ်ကစးထီၣ်ဝဲဒၣ်အီၤဖဲ ၂ဝ၂၈နံၣ်န့ၣ်လီၤ. တၢ်တိၤကျဲၤအံၤ ဘၣ်ကွၢ်ဆၢၣ်မဲာ်ဒီး ကျိၣ်စ့အတၢ်လၢာ်ဘူၣ်လၢာ်စ့ ဘူးထီၣ်လၢ ဒီလၣ် ၉ဝ ဘံလယၢၢ်အမဲာ်ညါ ဘၣ်သဂၢၢ်စ့ၢ်ကီးဝဲဒၣ်ဒီး ကမျၢၢ်တၢ်ပဲၤထံနီၤဖး ခီဖျိလၢအတၢ်စံၣ်စိၤအိၣ်လၢ အတံာ်တာ်ယံၤ ဘၣ်ဆၣ်သနာ်က့ ပှၤဆီၣ်ထွဲတၢ်ဂ့ၢ်အံၤသ့ၣ်တဖၣ် ဂ့ၢ်လိာ်ဘှီလိာ်ဝဲလၢ လ့ၣ်မ့ၣ်အူကျဲ လၢအကျိၤအထီအိၣ်ဝဲဒၣ် ၁၈ဝဝ ကံလိမံထၢၣ်အံၤ အကဒုးဆီတလဲဝဲဒၣ် ခိခိၣ်ဟီၣ်ကဝီၤဟံၣ်ဃီတၢ်အိၣ်တၢ်ဆိးဒီး တၢ်တ့ထုးထီၣ်တၢ် သကုၤ မုၢ်ထီၣ်ကၢၢ်ခိၣ် ဟီၣ်ကဝီၤအပူၤန့ၣ်လီၤ.
If you’ve spent any time in Australia, you’ve probably noticed how relaxed the style is. You might notice activewear, surf brands and casual clothes everywhere. But there’s another side to Australian fashion. Aboriginal and Torres Strait Islander designers have been creating clothes and accessories for thousands of years — and that work is very much alive today. You’ll see it on runways, in global fashion campaigns and in everyday clothing. Find out what makes First Nations fashion different, how it connects to the environment and what you should be aware of if you want to wear it. - နမ့ၢ်ဟဲအိၣ်ဘၣ်ဖဲအီစထြ့လယါကီၢ် လၢတၢ်ဆၢကတီၢ်ဖးယံၤဖိတခါအတီၢ်ပူၤန့ၣ် အတၢ်အိၣ်ဆိး လုၢ်လၢ်အဒိအတဲာ်သ့ၣ်တဖၣ် အိၣ်ပှဲၤဒီးတၢ်သးလီၤကဆှၣ် ဖှံဖှံညီညီဖိ ထဲလဲၣ်န့ၣ် နကသပလီၢ်ဘၣ်နသးန့ၣ်လီၤ. နကထံၣ်ဘၣ်ဝဲဒၣ် တၢ်ကူကၤ တၢ်လိာ်ကွဲအတၢ်ကူတၢ်သိးသ့ၣ်တဖၣ်, တၢ်ဒိးလပီခီၣ်ဖံး အကလုာ်တၢ်ပနီၣ်သ့ၣ်တဖၣ် ဒီး ကူသိးလၢ တၢ်သိးအီၤမုၢ်ဆ့ၣ်မုၢ်ဂီၤအဂီၢ်သ့ၣ်တဖၣ် လၢတၢ်လီၢ်ကိးပူၤန့ၣ်လီၤ. ဘၣ်ဆၣ်သနာ်က့န့ၣ် ပှၤအီစထြ့လယါဖိ အလုၢ်လၢ်က့ၢ်ဂီၤ လၢအဂၤတကပၤအိၣ်ဒံးဝဲဒၣ်န့ၣ်, ပှၤအိၣ်အါမး ဖဲအဝဲသ့ၣ်ဟဲတုၤသီအခါ အတနၢ်ဟူဘၣ်ဝဲတၢ်ဂ့ၢ်အံၤဘၣ်န့ၣ်လီၤ. အဘီးရကၠံၤနၢၤ ဒီး ထီရ့ၣ်စထြ့ၣ်အးလဲးဒၢၤ ဒံၤစဲနၢၤ—ပှၤတ့တၢ်အက့ၢ်အဂီၤသ့ၣ်တဖၣ် တ့ဒုးအိၣ်ထီၣ်ပာ်တ့ၢ်လံဝဲဒၣ် တၢ်ကူတၢ်ကၤဒီး တၢ်ဒဲးကံၣ်ဒဲးဝ့ၤပီးလီသ့ၣ်တဖၣ် န့ၢ်လၢအနံၣ်အထိအါမးလံ— ဒီး တုၤမုၢ်မဆါတနံၤအံၤန့ၣ် တၢ်ဖံးတၢ်မၤသ့ၣ်တဖၣ်အံၤ အိၣ်မူအိၣ်ဂဲၤဒံးဝဲဒၣ် မူးမူးနီၣ်နီၣ် န့ၣ်လီၤ. နကထံၣ်ဘၣ်ဝဲဒၣ်အီၤဖဲ တၢ်လဲၤဟးထီၣ်ပာ်ဖျါသးအပျဲၢ်စီၣ်တၢ်ဟးကျဲဖီခိၣ်, ဖဲဟီၣ်ခိၣ်ဒီဘ့ၣ် တၢ်ဂဲၤလိာ်ပာ်ဖျါ fashion—ဖဲၣ်ရှ့ၣ် အပူၤဒီး ဖဲကိးနံၤဒဲးကူကၤသ့ၣ်တဖၣ်အကျါန့ၣ်လီၤ.
ကမျၢၢ်ဆူၣ်ချ့တၢ်အံးထွဲကွၢ်ထွဲအတၢ်မၤစၢၤသ့ၣ်တဖၣ်မ့ၢ်ဟဲအါထီၣ်နာ်သက့ ပှၤအီစထြ့လယါဖိလၢအဘၣ်ခဲစၢၣ်တၢ်ဆါ ၉၉ မျးကယၤန့ၣ် လၢတၢ်ကူစါယါဘျါအတၢ်လၢာ်ဘူၣ်လၢာ်စ့အဂီၢ် ဘၣ်ထုးထီၣ်သူဝဲဒၣ် ကျိၣ်စ့လၢအနီၣ်ကစၢ်စ့ထၢၣ်ပူၤဒၣ်ဝဲန့ၣ်လီၤ. တၢ်အံၤမ့ၢ်ဝဲ အီစထြ့လယါခဲစၢၣ်ကီၣ်ကးကရၢ — Cancer Council Australia ထံကီၢ်ဒီဘ့ၣ်တၢ်ဃုထၢပာ်ဖှိၣ်စရီ လၢခံကတၢၢ် အတၢ်ဃုထံၣ်ပာ်ဖျါလၢ အပှဲၤဒီးတၢ်လီၤကမၢကမၣ်သပှၢ်ပှၢ်န့ၣ်လီၤ. တၢ်ဃိထံသ့ၣ်ညါအသီအံၤစံးဝဲဒၣ် တၢ်လဲၤခီဖျိခဲစၢၣ်အတၢ်လဲၤကျဲအပူၤန့ၣ် ကျိၣ်စ့ အတၢ်ဝံတၢ်ယိာ်ဃၢ လၢကသံၣ်ကသီ ဒီး တၢ်သူတၢ်စွဲ အတၢ်လၢာ်ဘူၣ်လၢာ်စ့အဂီၢ် လိၤလိၤမ့ၢ်ဂ့ၤ, တလိၤလိၤဘၣ်မ့ၢ်ဂ့ၤန့ၣ် အိၣ်ဝဲဒၣ်ခံခီယၢ်ပၤလၢၤန့ၣ်လီၤ. တၢ်လၢာ်ဘူၣ်လၢာ်စ့လၢ တၢ်မၤန့ၢ် တၢ်အံးထွဲကွၢ်ထွဲဒီး တၢ်ကူစါယါဘျါအဂီၢ်န့ၣ် ဘၣ်ဒိဘၣ်ထံးတၢ်နးမး လီၤဆီဒၣ်တၢ် လၢပှၤထူလံၤဖိအပှၤတဝၢသ့ၣ်တဖၣ်အဂီၢ်န့ၣ်လီၤ. ပှၤထူလံၤဖိအပှၤတဝၢန့ၣ် ဘၣ်ကွၢ်ဆၢၣ်မဲာ်ဒီး သွံၣ်ခဲစၢၣ်တၢ်ဆါအါမး ဒီး တၢ်သံတၢ်ပှၢ်အနီၣ်ဂံၢ်စ့ၢ်ကီးအိၣ်ဝဲအါမးန့ၣ်လီၤ.
တနံၣ်အံၤ လူနၤ နံၣ်ထီၣ်သီ — Lunar New Year အံၤ စးထီၣ်အသးဒီး တၢ်မၤလၤကပီၤ တူၢ်လိာ်မုာ်ဝဲဒၣ် ကသ့ၣ်နံၣ်, လၢအစးထီၣ်အသးဒီး တၢ်ဒွဲၣ်ထီၣ်မ့ၣ်ဖီ ဖဲကီၢ်ဘံယၢၢ်နါအပူၤ ဒီး တုၤလီၤဝဲဒၣ်ဆူ ဟီၣ်ကီၣ် တၢ်ဆါတၢ်ပှ့ၤဖၠါအပူၤ ဃုာ်ဒီး မလ့ရှါကီၢ်ဒီး ဖဲးရူ အကျဲမုၢ်ခိၣ် တၢ်မၤဘူၣ်မူးပွဲသ့ၣ်တဖၣ်န့ၣ်လီၤ. ဟံၣ်ဖိဃီဖိသ့ၣ်တဖၣ် ပာ်ဖှိၣ်ထီၣ်သကိးသးတပူၤဃီအီၣ်သကိးတၢ်တပူၤဃီ, ပှၤလဲၤတၢ်ဖိသ့ၣ်တဖၣ် ထံၣ်ဘၣ် ပလၢၢ်ဘၣ်ဝဲဒၣ် လုၢ်လၢ်ဆဲးလၤ ထူသနူအမူးအပွဲသ့ၣ်တဖၣ်, ဒီး ဟီၣ်ခိၣ်ဒီဘ့ၣ်အပူၤ ခိၣ်နၢ်သ့ၣ်တဖၣ် ဆှၢဝဲဒၣ် တၢ်ကစီၣ် လၢတၢ်အိၣ်ဃူအိၣ်ဖိးအဂီၢ်, ဒီး ကဲထီၣ်ဝဲဒၣ် နံၤကသုၣ်ကသီ လၢအဘျးစဲန့ၢ်ဝဲဒၣ် ပှၤတဝၢ သကုၤ အ့ရှၢၢ် ဒီး ဟီၣ်ခိၣ်ဒီဘ့ၣ်အပူၤန့ၣ်လီၤ.
Practise speaking the dialogue from episode #96 At a swimming lesson (Med). - မၤလိထံသးလၢတၢ်တဲသကိးဖဲတၢ်မၤလိအဲကလံးကျိာ်အကူာ် #96 ဖဲတၢ်ပှီၢ်ထံအတၢ်မၤလိတခါအပူၤ (Med).
Learn how to talk about swimming in English. - မၤလိဘၣ်ဃး ကဘၣ်တဲသကိး တၢ်ပှီၣ်ထံအဂ့ၢ် လၢအဲကလံးကျိာ်ဒ်လဲၣ်.
အီစထြ့လယါကီၢ် ကရၢလၢအအိၣ်ခိးကွၢ်ပှၤပှ့ၤသူတၢ်ဖိသ့ၣ်တဖၣ် လိာ်ဘၢလိာ်ကွီၢ်ဝဲ စူဖၢၣ်မၣ်ကဲၣ် တၢ်မၤဘျးစဲ Coles ဖဲကီၢ်စၢဖှိၣ်စံၣ်ညီၣ်ကွီၢ်ဘျီၣ်န့ၣ်လီၤ. ACCC ကရၢအံၤ ပာ်ဒ့ၣ်ပာ်ကမၣ်ဝဲဒၣ် Coles လၢ အလံၣ်အီၣ်လီအီၣ် ပှၤပှ့ၤတၢ်ဖိသ့ၣ်တဖၣ် လၢအဘၣ်ဃး အဝဲသ့ၣ်ဒုးလီၤတၢ်အပှ့ၤဒီးတၢ်အီၣ်တၢ်အီ အကလုာ်ကလုာ်သ့ၣ်တဖၣ်န့ၣ်လီၤ. တၢ်အံၤမ့ၢ်ဝဲ တၢ်မူးတၢ်ရၢ်တခါလၢ အဘၣ်ဃးဒီး ပှၤပှ့ၤသူတၢ်ဖိသဲစးဂ့ၢ်ဝီ အတကွီၣ်ဖးလဲၢ်န့ၣ်လီၤ.
Australia’s hot, dry climate and unique landscapes make it one of the most bushfire-prone countries in the world. As climate change drives higher temperatures and drier conditions, we can expect more frequent and more intense bushfires in the future. But once the fire is out, how do you return home safely, find support, and look after yourself? - ဟီၣ်ခိၣ်ဒီဘ့ၣ်အပူၤ အီစထြ့လယါကီၢ်ပၣ်ဃုာ်ဖဲ ထံကီၢ်လၢမ့ၣ်အူအီၣ်ပှၢ်တပှီၤကဲထီၣ်အအၢကတၢၢ်သ့ၣ်တဖၣ်အကျါ မ့ၢ်လၢထံကီၢ်အံၤ အမူခိၣ်ကလံၤသီၣ်ဂီၤ ကိၢ်, ဃ့ထီ ဒီး ဟီၣ်မဲာ်ဖံးအတၢ်လီၤဆီသ့ၣ်တဖၣ်အဃိန့ၣ်လီၤ. မ့ၢ်လၢမူခိၣ်ကလံၤသီၣ်ဂီၤတၢ်ဆီတလဲ ဒုးအိၣ်အါထီၣ် တၢ်ကိၢ်သဟီၣ်ဒီး တၢ်အိၣ်သးဃ့ထီဒိၣ်ထီၣ်အဃိ, ခါဆူညါန့ၣ် ပမုၢ်လၢ်ပာ်အီၤသ့လၢ မ့ၣ်အူအီၣ်ပှၢ်တပှီၤလၢအဆူၣ်မးနးမးသ့ၣ်တဖၣ် ကကဲထီၣ် အါထီၣ်ဝဲ တလီၢ်လီၢ်န့ၣ်လီၤ. ဘၣ်ဃးဒီး ပှၢ်တပှီၤမ့ၣ်အူအီၣ်တၢ်, တၢ်ရဲၣ်တၢ်ကျဲၤ အရ့ဒိၣ်အဂ့ၢ်န့ၣ် ပှၤအီစထြ့လယါသ့ၣ်တဖၣ် တၢ်ဒုးသ့ၣ်နီၣ်ထီၣ်အဝဲသ့ၣ်ထီဘိန့ၣ်န့ၣ်လီၤ. ဘၣ်ဆၣ်သနာ်က့ ဖဲမ့ၣ်အူလၣ်လီၤပံာ်ကွံာ်ဝံၤအလီၢ်ခံန့ၣ် တၢ်ကကဲထီၣ်အသးလဲၣ်? မ့ၣ်အူမ့ၢ်လီၤပံာ်ကွံာ်လံတဘျီ, နကဘၣ်က့ၤဆူနဟံၣ်ပှဲၤဒီးတၢ်ပူၤဖျဲးဒ်လဲၣ်, နကဘၣ်ဃုမၤန့ၢ်တၢ်ဆီၣ်ထွဲမၤစၢၤဒီး ကွၢ်ထွဲလီၤနနီၣ်ကစၢ်အသးဒ်လဲၣ်?
ပှၤအီစထြ့လယါပိာ်မုၣ်ဒီး ဖိသၣ်လၢခံကတၢၢ်တဖု လၢအဝဲသ့ၣ်အနီၣ်ကစၢ်ဒၣ်ဝဲ ကဟဲက့ၤကဒါဆူဟံၣ်သ့ၣ်တဖၣ် ဘၣ်တၢ်ဆှၢက့ၤကဒါအဝဲသ့ၣ်ဆူ ဆံရံယါ ဒဲကဝီၤအပူၤ မ့ၢ်လၢအတၢ်ဘၣ်ဘျးအိၣ်ဒီး IS ကရူၢ်အဃိန့ၣ်လီၤ. ပှၤကညီ ၃၄ဂၤ ကရူၢ်အံၤ တနၤဃီအတီၢ်ပူၤန့ၣ် ဟးထီၣ်ဝဲဖဲ al-Roj တၢ်လီၢ်လၢအအိၣ်ဖဲ ထံကီၢ်အံၤမုၢ်ထီၣ်ကလံၤစိၤတကပၤ — ဘၣ်ဆၣ်သနာ်က့ မ့ၢ်လၢ တၢ်ဆဲးကျိး အတၢ်နၢ်ပၢၢ်ကမၣ်လိာ်သးဒီး Damascus အဃိ တၢ်ဆှၢက့ၤဆူၣ်ကွံာ် အဝဲသ့ၣ်ဆူဒဲကဝီၤအံၤအပူၤန့ၣ်လီၤ.
ဃိးနံၣ်အတီၢ်ပူၤ အီစထြ့လယါကီၢ် တနံၤအတီၢ်ပူၤ တၢ်ထိၣ်ဃူအနီၣ်ဂံၢ်လၢပှၤဘၣ်လီၤဃိးပူၤန့ၣ်အိၣ်ဝဲဖဲအပတီၢ်အထီကတၢၢ်န့ၣ်လီၤ.ဖဲ Productivity Commission တၢ်ဃုထၢပာ်ဖျါနီၣ်ဂံၢ်နီၣ်ဒွးအသီတခါအပူၤန့ၣ် ထံၣ်ဘၣ်ဝဲဒၣ် ဖဲ၂ဝ၂၄ — ၂ဝ၂၅နံၣ် ကျိၣ်စ့နံၣ်အတီၢ်ပူၤန့ၣ် လၢတနံၤဘၣ်တနံၤအဂီၢ် ပှၤလီၤဃိးပူၤတၢ်ထိၣ်ဃူအနီၣ်ဂံၢ်န့ၣ်အိၣ်ဝဲ ၄၅,ဝဝဝ ဂၤဃၣ်ဃၣ်န့ၣ်လီၤ. ပှၤသ့ပှၤဘၣ်စဲၤနီၣ်သ့ၣ်တဖၣ်စံးဝဲဒၣ် နီၣ်ဂံၢ်နီၣ်ဒွးအံၤ ဒုးနဲၣ်ဖျါဝဲရှဲရှဲဖိလၢသနူကျိၤကျဲအံၤ အတၢ်တုၤထီၣ်ထီၣ်ဘး တၢ်ကဲထီၣ်လိၣ်ထီၣ်တအိၣ်ဘၣ်န့ၣ်လီၤ.
တၢ်ခးသံပှၤဂီၢ်မုၢ်ကဲထီၣ် ပှၤသံအိၣ်အဂၤ ၁ဝ ဝံၤအလီၢ်ခံပှၤခဲနဒၢ်ဖိသ့ၣ်တဖၣ်အိၣ်ပှဲၤဒီးတၢ်သူၣ်အုးသးအုးန့ၣ်လီၤ. တၢ်အံၤမ့ၢ်ဝဲ ထံကီၢ်အံၤအပူၤ တၢ်ခးသံတၢ်ဂီၢ်မုၢ်ဂီၢ်ပၤ ကဲထီၣ်သးအနးကတၢၢ်သ့ၣ်တဖၣ်အကျါတခါန့ၣ်လီၤ. ပှၤခးသံတၢ်တဂၤန့ၣ် ခးသံဝဲဒၣ်ပှၤအဂၤ ၁ဝ လၢအပၣ်ဃုာ်ပှၤကၠိဖိ ဃုဂၤ, ဒီး ပှၤအဂုၤအဂၤ လၢအဒၣ်စ့ၣ်အါမးဘၣ်ဒိဘၣ်ထံးဝဲဒၣ်န့ၣ်လီၤ.
Did you know that IVF is not the first, but in fact the last step in a sequence of fertility treatments? In Vitro Fertilisation is regulated by state and territory laws. It can also be expensive and emotionally challenging. Here’s what to expect when aiming to start a pregnancy with IVF in Australia. - တၢ်လၢ IVF န့ၣ် အတမ့ၢ် ပတီၢ်အဆိကတၢၢ်တခါဘၣ်န့ၣ်နသ့ၣ်ဧါအီၤစ့ၢ်ဧါ, နီၣ်နီၣ်တခီ တၢ်အံၤမ့ၢ်ဝဲ တၢ်ကူစါယါဘျါ ဖိအိၣ်တသ့ဘၣ် အပတီၢ်လၢခံကတၢၢ်တခါန့ၣ်လီၤ. တၢ်လၢ IVF န့ၣ် ကီၢ်စဲၣ်ဒီး ကဝီၤဒိၣ်တၢ်ပၢသ့ၣ်တဖၣ် ဖီၣ်ဂၢၢ်အီၤဒီး သဲစးတၢ်ဘျၢန့ၣ်လီၤ. မ့ၢ်ဝဲတၢ်တခါလၢအတၢ်လၢၤဘူၣ်လၢၤစ့အိၣ်အါမးဒီး ဆီတလဲ သးအတၢ်တူၢ်ဘၣ်သ့ၣ်တဖၣ်သ့ဝဲစ့ၢ်ကီးန့ၣ်လီၤ. ဖဲအီစထြ့လယါကီၢ်ပူၤအံၤ မ့ၢ်အိၣ်ဒီးတၢ်ပညိၣ်လၢ ကအိၣ်ဒီးဟုးသးခီဖျိ တၢ်မၤန့ၢ်အီၤဒီး IVF န့ၣ် ကဘၣ်မုၢ်လၢ်ပာ်တၢ်မနုာ်သ့ၣ်တဖၣ်လဲၣ်.
Comments
Download from Google Play
Download from App Store
United States