Discoverព្រឹត្តិការណ៍​កម្ពុជា​ប្រចាំថ្ងៃ
ព្រឹត្តិការណ៍​កម្ពុជា​ប្រចាំថ្ងៃ
Claim Ownership

ព្រឹត្តិការណ៍​កម្ពុជា​ប្រចាំថ្ងៃ

Author: RFI ខេមរភាសា / Khmer

Subscribed: 570Played: 6,145
Share

Description

រៀងរាល់ថ្ងៃ ពី​ថ្ងៃចន្ទ ដល់​ថ្ងៃ​អាទិត្យ យើង​នឹង​លើក​យក​ព្រឹត្តិការណ៍​ក្តៅគគុក​ជាងគេ​បង្អស់​មួយ នៅ​កម្ពុជា​ មក​ពន្យល់​ ដោយ​មាន​អន្តរាគមន៍​ពី​ឥស្សរជន​នយោបាយ អ្នក​ជំនាញ ឬ​មន្រ្តី​សង្គមស៊ីវិល។
2189 Episodes
Reverse
លោក ហួ យ៉ៃ ស្នងការរងនគរបាលខេត្តកំពត និងបក្ខពួក ១០នាក់ត្រូវបានសមត្ថកិច្ចខេត្តព្រះសីហនុចាប់ខ្លួនកាលពីយប់ថ្ងៃទី១២ ខែវិច្ឆិកា ឆ្នាំ២០២៦ ពីបទពាក់ព័ន្ធករណីគ្រឿងញៀនជិត ១តោន។ ក្នុងចំណោមជនសង្ស័យសរុប ១១នាក់ ដែលពាក់ព័ន្ធគ្រឿងញៀន ៨៧៤គីឡូនេះ ក៏មានជនជាតិឡាវ ៣នាក់ផងដែរ។ តើការចាប់ខ្លួនមន្ត្រីនគរបាលដែលពាក់ព័ន្ធនឹងគ្រឿងញៀនឆ្លុះបញ្ចាំងយ៉ាងណាពីបញ្ហាគ្រឿងញៀននៅកម្ពុជា?
ក្នុងសន្និសីទសារព័ត៌មានរួមជាមួយលោកនាយករដ្ឋមន្រ្តី ហ៊ុន ម៉ាណែត កាលពីថ្ងៃទី១៥ វិច្ឆិកាកន្លងទៅ ប្រធានាធិបតីបារាំង លោក អេម៉ានុយអែល ម៉ាក្រុង បានស្នើឱ្យរដ្ឋាភិបាលកម្ពុជាបន្ត​ស៊ើប​អង្កេត​រក​ជន​សង្ស័យ ​ដែ​​ល​មាន​ជាប់ពាក់ព័ន្ធក្នុង​ករណី​បាញ់​សម្លាប់​​​លោក​ លិម គិមយ៉ា នៅប្រទេសថៃ កាលពីឆ្នាំ២០២៥។ អ្នកតាមដាននយោបាយកម្ពុជានានា បានមើលឃើញពីការព្រួយបារម្ភខ្លាំងរបស់បារាំង ចំពោះ ឃាតកម្មលោក លិម គិមយ៉ា និងជំរុញឲ្យកម្ពុជារិះរកយន្តការឆ្លើយបំភ្លឺរឿងនេះឲ្យបានច្បាស់ ដើម្បីមុខមាត់ប្រទេស។ តើកម្ពុជាគួរមានការឆ្លើយតបយ៉ាងណា ចំពោះសំណើររបស់បារាំងលើសំណុំរឿងឃាតកម្មលោក លិម គិមយ៉ា?
នៅថ្ងៃទី១៩ ខែវិច្ឆិកា ឆ្នាំ២០២៦នេះ លោកនាយករដ្ឋមន្ត្រី ហ៊ុន ម៉ាណែត បានប្រតិកម្មទៅនឹងការរិះគន់រឿងរៀបចំកិច្ចប្រជុំកំពូលហ្វ្រង់កូហ្វូនី ដែលថាកម្ពុជាចាយលុយច្រើន ហើយមិនបានប្រយោជន៍អ្វីសោះសម្រាប់ប្រទេសនេះ។ តែលោក ហ៊ុន ម៉ាណែត បញ្ជាក់ថា រដ្ឋាភិបាលកម្ពុជាបានចំណាយត្រឹម ១៥លានប៉ុណ្ណោះ សម្រាប់ការរៀបចំកិច្ចប្រជុំដ៏ធំមួយនេះ។ អ្នកតាមដានសង្គមខ្លះ យល់ឃើញថា កម្ពុជាទទួលបានផលប្រយោជន៍ទាំងការទូត និងនយោបាយ ខណៈខ្លះទៀតលើកឡើងពីការរិះគន់តិចតួច។ តើការរៀបចំកិច្ចប្រជុំកំពូលហ្វ្រង់កូហ្វូនីលើកទី២០ ជាការខាតបង់ ឬមានផលចំណេញសម្រាប់កម្ពុជា? 
កិច្ចប្រជុំកំពូលអាស៊ានលើកទី៤៩ និងកិច្ចប្រជុំពាក់ព័ន្ធនៅហ្វីលីពីន ត្រូវបានបិទបញ្ចប់កាលពីថ្ងៃទី១៧ ខែ​វិច្ឆិកា ឆ្នាំ២០២៦។ អ្នកជំនាញផ្នែកវិទ្យាសាស្ត្រនយោបាយខ្លះយល់ឃើញថា ហ្វីលីពីន ក្នុងនាមជាប្រធានអាស៊ានប្តូរវេន បានត្រឹមបន្តអនុវត្តការងារដែលម៉ាឡេស៊ីបន្សល់ទុក នៅក្នុងជម្លោះព្រំដែនកម្ពុជា-ថៃ។ តែអ្នកវិភាគខ្លះទៀតយល់ថា ជំនួយរបស់ហ្វីលីពីននៅមានកម្រិត និងមានចំណុចតិចតួចសកម្មជាងម៉ាឡេស៊ី។ តើហ្វីលីពីនបានជួយអ្វីខ្លះក្នុងជម្លោះខ្មែរ-ថៃ ធៀបនឹងម៉ាឡេស៊ី អំឡុងពេលហ្វីលីពីនធ្វើជាប្រធានអាស៊ានប្តូរវេនពេញ ១អាណត្តិឆ្នាំ២០២៦?
បើទោះបីថៃបានព្រមានទុកជាមុន កុំឲ្យកម្ពុជាលើកឡើងពីជម្លោះព្រំដែនជាមួយថៃ ប្រាប់​បណ្តាមេដឹកនាំ​ប្រទេសសមាជិក​ហ្វ្រង់​កូហ្វូនីក៏ដោយ តែការរា​រាំងនេះត្រូវបានបរាជ័យ។ នៅទីបំផុត ​កម្ពុជាបានប្រាប់មេដឹកនាំប្រទេសនិយាយភាសាបារាំងពីការបាញ់ប្រហារមុន​របស់ទាហានថៃមកលើកម្ពុជា ដែលបណ្តាល​​ឲ្យស្លាប់មនុស្សជាច្រើន និង​រារាំងជនភៀសសឹកខ្មែរ ២ម៉ឺននាក់មិនឲ្យចូលទៅផ្ទះរបស់ពួកគេវិញ។ តើការលើកផលវិបាកពីជម្លោះព្រំដែនកម្ពុជា-ថៃ ក្នុងវេទិកាហ្វ្រង់កូហ្វូនី អាចជំរុញឲ្យមានដំណោះស្រាយយ៉ាងណា?
loading
Comments