Eth maitin d'Aran

Era actualitat dera Val d'Aran en aranés. Vielha e Mijaran netejarà 3 km deth arriu Garona dempús de recéber era autorizacion dera Confederación Hidrográfica del Ebro (CHE). OVIHUEC encete ua naua etapa, ara entà hèr sostenible eth ramat antiincendis de Vilamòs. Eth capitol 15 d'"Eth hiu der Archiu", eth mot horaviat e un auanç des espòrts damb era presencia aranesa en Mondiau junior d'esqui de hons de Lillehammer.

Era actualitat dera Val d'Aran en aranés. Enquia eth 8 de març en Arber, Alemanha, se dispute eth mondiau junior de biatlon. Ua competicion ena que per prumèr còp auram a un aranés, Biel Gonzalez Fuentes. Parlam d'aguest espòrt damb Carlos Lannes director técnic de biatlon dera RFEDI. Ua uelhada ara resta dera actualitat esportiua e culturau d'Aran damb eth Barbacans de Canejan.

Era actualitat dera Val d'Aran en aranés. Eth Parlament reconeishie ara Val d'Aran com ua administracion singulara, que suposarà, a efectes pràctics, plaçar ath Conselh Generau d'Aran per dessús de quinsevolh auta administració local. Presentam era exposicion fotografica 'Esperits dera Bòrda' de Morma Arrojo que retrate es gats deth pòble de Bossòst. E eth Cimalh dera lengua nòsta, aué ath torn deth dia internacionau dera lengua mairau.

Era actualitat dera Val d'Aran en aranés. Aué parlam deth Casau en linha, un servici gratuït que impulse eth SAED peth que, a trauès dera television, permet seguir activitats en dirècte e sentér-se acompanhades as persones granes que non pòden gésser de casa. Er Espitau Val d'Aran a aquerit ua naua cunhèra termica que incorpòre un reanimador. Un equipament que permet aplicar de forma integrada es prumèri suenhs as repopets acabadi de nèisher.

Era actualitat dera Val d'Aran en aranés. Meritxell Nus e Ares Rafel, dues palhareses restacades pera figura de Palmira Jaquetti. Era prumèra a hèt era novèlla "Torneu-vos cant" (Pagès Editors) e era segona a creat eth compde d'Instagram @palmirajaquetti.

Era actualitat dera Val d'Aran en aranés. Aué parlam des coms coma hònt de vida, un projècte d'Aran pera Natura tà recuperar aguesti elements tradicionaus. Eth capitol 14 d'"Eth hiu der Archiu" e eth mot horaviat.

Era actualitat dera Val d'Aran en aranés. Lèu a punt da barrar es Jòcs Olimpics d'iuèrn de Milano-Cortina auem analizat damb Marc Gomez es modalitats de mès nivèu tecnic des espòrts diuèrn damb esquís o ua taula, eth freeski o freestyle. Tanben, ua uelhada ara rèsta dera actualitat esportiua.

Era actualitat dera Val d'Aran en aranés. Hèm ua uelhada ath sòni frustat de hèr uns jòcs olimpics d'iuèrn en Pirenèu e parlam de teatre, damb Teatròlha, eth nau grop format en Es Bòrdes, que representen un classic deth teatre gascon 'Eth congelador'. E un nau Cimalh dera Lengua Nòsta, 'Milhor ahraga'.

Era actualitat dera Val d'Aran en aranés. Er espaci de coworking impulsat per HèPIC barre eth 2025 damb ua plea ocupacion des sues places entà trabalhadors fixes. Pendent er an, tanben i an passat ua quarantia de persones en estades cuertes. Tanben parlam de 'Los 39, el fuerte navidad' de Jose Luis Muñoz, era novèla ena que s'inspire era serie de época de RTVE que s'a d'estrear enguan.

Era actualitat dera Val d'Aran en aranés. Eth arquitècte, catedràtic e academic Josep Lluís i Ginovart premanís eth dusau, des tres volums sus eth romanic dera Val d'Aran, tara Enciclopèdia istòria, patrimoni e identitat dera Acadèmia Aranesa de la Lengua Occitana.

Era actualitat dera Val d'Aran en aranés. Eth Parlament apròve era tramitacion pera via rapida dera Singularitat dera Val d'Aran. Un nau capitol de 'Eth hiu der Archiu' aué era administracion de justicia en Aran en segle 16. Tanben un nau mot horaviat.

Era actualitat dera Val d'Aran en aranés. Seguiment dera vaga deth professorat ena Val d'Aran a on es docents reclamen baishada de ràtios, mès recorsi e recuperar un 25% deth poder adquisitiu perdut. Ua uelhada ara actualitat esportiua e eth un nau article d'opinion de Jusèp Loís Sans.

Era actualitat dera Val d'Aran en aranés. Era prèvia dera jornada de vaga en Aran deth collectiu des docents. Espòrts, bona actuacion dera equipa espanhòla en prumèr Mondiau FIS de Freeride en Andòrra damb era medalha de bronze de Núria Castan e era linha atrevida e planchada d'Abel Moga que demore entath rebrembe.

Era actualitat dera Val d'Aran en aranés. Vielha apròve nauetats en gestion culturau, urbanisme e subvencions municipaus e eth Conselh Generau impulse canvis urbanistics entath sector ramadèr. Era Conselheria d'Agricultura dera Generalitat licite milhores d'accés en Toran que s'haràn ena tardor. E parlam damb Joan Corominas e dera sua novèlla "El biberón de la quinta", ua istòria que parle des orrors dera guèra espanhòla mès tanben der amor damb apunts fantastics.

Era actualitat dera Val d'Aran en aranés. Era salut mentau, er isolament sociau e eth léser ahèrs prioritàris en Plan d'Accion comunitària d'Aran Salut. Un nau capitol d'"Eth hiu der Archiu" mos pòrte entàs ahèrs judiciaus deth segle 14. E plantejam un nau "Mot horaviat".

Era actualitat dera Val d'Aran en aranés. Eth Conselh Generau d'Aran e Lo Congrès Permanent de la Lenga Occitana, signen un convèni de collaboracion tà desvolupar airines digitaus en aranés. Tanben hèm ua uelhada ara agenda damb es espòrts e era presentacion deth libre "El biberon de la quinta", de Joan Corominas.

Era actualitat dera Val d'Aran en aranés. Ampli resum deth prumèr Mondiau de freeride FIS damb era equipa espanhòla classificat en 5au lòc, damb ua medalha de bronze tà Nuria Castàn en snow e un 8au lòc en esqui tà Abel Moga. Tanben hèm ua uelhada ara dusaua e darrèra jornada dera Copa d'Euròpa masculina d'esqui aupin disputada en Baqueira Beret. Eth cimalh dera lengua aué que parle deth kalaallisut, era lengua parlada en Groenlandia.

Era actualitat dera Val d'Aran en aranés. Un huec en Gessa movilizaue as Pompièrs d'Aran que recomanen prudència damb es cendres e revisar es humenèjes. Parlam tanben der eslàlom dera Copa d'Euròpa ena tornada dera competicion ena Val d'Aran e d'uns possibles Mondiaus d'esqui militars entà 2027.

Era actualitat dera Val d'Aran en aranés. Eth resum dera 46au Marcha Beret en ua dimenjada qu'a amassat lèu 900 esquiadors de hons e que ja campe entath 50au aniversari. Aué e deman Beret torne a acuélher era Copa d'Euròpa d'esqui aupin masculina, damb 6 esquiadors ena equipa espanhòl entre es qu'auem ath joen local Marc Ubeira e tanben Quim Salarich qui abans d¡'anar tàs jòcs olimpics de Milano Cortina. E tanben hèm ua uelhada ath prumèr Mondiau de freeride FIS que se hè en Andòrra, a on auem 5 riders espanhòls, Abel Moga, Nuria Castan, Eli Marina, Pol Sabidó e Jokin Ruiz de Larramendi.

Era actualitat dera Val d'Aran en aranés. Damb era Marcha Beret, comence ua setmana de molta activitat entàs espòrts d'iuèrn. Ne parlam damb May Peus, president dera RFEDI. Actualizam eth projècte Alert Pyr damb Gemma Arjó, cap dera Seccion d'Evaluacion Estrategica de Risc Territoriau de Pompièrs e Emergéncies. Es dites e arrepervèris d'heruèr damb Ficu Vergés; un nau capitol, er 11au, d'"Eth hiu der Archiu", e un nau mot horaviat.