本週Jer住你

69 Episodes

Reverse

本週Jer住你 EP65 :「JER住你」要暫時同大家告一段落！嘉賓專訪：樂壇「13妹」- 黃丹儀專訪 3/3

2021-08-0301:06:01

正所謂「吊頸都要唞吓氣」經過一年多時間，每週Jer住大家，傾吓音樂，分享創作，軟硬件tip屎，好歌推介，我地都覺得是時候要停落黎，休息一下，想想下一步；所以今集將會係小修前最後一集，感謝大家一年多來的支持鼓勵，期待休息回來將會有新面目新內容再同大家見面！今集我地一如以往會問「13」5條假設性問題，從不同角度我地可以更佳多方面了解，「13」對於做show，音樂創作，以及人生觀既個人看法，記得萬勿錯過！仲有「本週JER住推介：KW 朱敏希 - 分開下」一兩位本地近期冒起既作曲填詞人，合作無間一同創作填詞編曲，有型歐美曲風，好記既歌詞，值得大家留意KW 朱敏希 - 分開下 YouTube link: https://youtu.be/xZobfvnVrbM

本週Jer住你 EP64 : 樂壇「13妹」- 黃丹儀專訪 2/3

2021-07-2631:10

「13」今集會同我地逐一分享下做Show既有趣事同驚險嘢，台上其實危機四伏，佢親眼目睹多次危險狀況；突發狀況又如何「執生」？促成佢努力寫出多首大熱作品源於佢唔想再走tour？最近黎明演唱會又如何對佢既人生有新的啟發？「Jer住Tech Talk」「13」仲會同我地分享寫歌既時候如何轉key轉得順滑又流暢！仲有「本週JER住推介：Senza A Capella - 唱到聲沙」一本地無伴奏人聲合唱團，自家作曲填詞編曲作品，編曲唱功編曲演繹都稱得上上乘，少有本地 acapella樂隊既佳作！「Senza A Capella 」YouTube Channel link：https://www.youtube.com/channel/UCtRLiaksM04E4yQr2B7qAcg

本週Jer住你 EP63: 樂壇「13妹」- 黃丹儀專訪 1/3

2021-07-1931:49

人稱「13」既黃丹儀，作曲編曲監製電影配樂演唱會音樂總監連唱歌都得，我地有幸捉佢上黎同我地傾左一個詳盡又學到嘢既計！一連三集將會有唔同既音樂tip屎俾大家；今集「13」仲會充當「本週Tech Talk」講師，講下如何「執歌」可以執得快而準！特別 chord voicing 又可以點樣聽得出黎，千祈唔好錯過！仲有「本週JER住推介：Claudia Koh許東晴- 分割線」一沒有電音，沒有強勁節拍，今次換來優美旋律動人聲線細膩歌詞一樣精彩，同樣音樂製作一手包辦，此女子前途無可限量！「Claudia Koh許東晴- 分割線」YouTube link： https://youtu.be/gH0ck3Hj16g

本週Jer住你 EP62: 網上買架生係咪仲方便仲有so？嘉賓專訪： 6號@RubberBand 2/2

2021-07-1347:03

好多愛好音樂製作既朋友都鍾意網上購物，無論軟件同硬件好多時喺網上選擇會更多，今集我哋會綜合幾個知名嘅樂器網購平台，分享一下佢哋嘅好處，以及購買時須知事項。6號@RubberBand part2 訪問中會回答我地提出既5條「假設性問題」，係音樂，工作，導演，人生各方面，同我地分享佢獨有既睇法，仲有RubberBand既下一步會有什麼大計，佢都一一話你知。仲有「本週JER住推介：Candice霖霖 - 好彩有你」一反慣常兒歌做法，以小孩子天真純淨既聲線唱出大人既音樂，JPop活潑輕快既節奏，不簡單既旋律編曲，用心既歌詞，原來兒歌也可以不兒歌！「Candice霖霖 - 好彩有你」YouTube link： https://youtu.be/EmAxCkseOo4本集提到網上購物平台網址如下：thomann.desweetwater.comVintageking.com本集提到網上討論平台網址如下：gearspace.com

本週Jer住你 EP61: License Manager - iLOK 是什麼？嘉賓專訪： 6號@RubberBand 1/2

2021-07-0546:19

現今嘅軟件開發商往往為咗確保使用者使用有版權嘅軟件，都會將授權配合Licence Manager一同使用，方可啟動軟件；iLOK就係其中一款License Manager，我哋會分享一下唔同年代iLOK嘅分別，同埋當中使用既麻煩事。終於集齊所有 RubberBand成員！ 6號@RubberBand今集佢會同我哋講吓入行經過，作為港台導演如何搖身一變成為樂隊主音，再變成依家好多流行曲嘅MV導演？被公認為香港最好男聲之一，佢有冇特別嘅方法練聲，養聲呢？留意今集訪問。仲有「本週JER住推介：葉巧琳 Mischa Ip - 怪物（心獸Version）」復古電子曲風，好記嘅hookline，好un嘅節奏，人靚聲甜，仲要自己作曲！無得唔支持！「葉巧琳 Mischa Ip - 怪物（心獸Version）」YouTube link： https://youtu.be/2okrOUPloiw

本週Jer住你 EP60: 唱片公司只會用固定班底？

2021-06-2933:24

有網友問：唱片公司是否只會用固定班底？新進音樂人就好難入行？「你紅唔理歌好唔好聽都多人搵」又是否真實存在？阿維今次 Tech Talk 同我地講下「Sample Rate」 Sample Rate 在digital錄音世代尤其重要。因為佢係影響音質既最重要因素，初初接觸數碼錄音既朋友最容易「瀨嘢」亦係呢個環節！有興趣既朋友記得留意仲有「本週JER住推介：仲夏獨舞 Lonely Dance- The Boogie Playboys」 Rockabilly 節奏，編曲，混音，連唱法都義無反顧地一致！加上貼地反應社會現況既歌詞，絕對係時代曲當中一個奇葩！「仲夏獨舞 Lonely Dance- The Boogie Playboys」YouTube 連結：https://youtu.be/xidThk8VhPY

本週Jer住你 EP59: 破舊立新等於逢新必反？嘉賓專訪：泥鯭@RubberBand 2/2

2021-06-2058:47

樂壇不斷有新血加入，百花齊放更多選擇當然是一件好事，但係當媒體焦點一面倒聚焦在新晉組合既同時，其他繼續努力既音樂單位，不論新舊，也許會被一窩蜂集中某幾個單位的媒體討論中被遺忘，努力就此流進大海；甚至有歌手既宣傳策略要稍作調整；呢一波風潮來的勁，帶來樂壇「小陽春」外也讓音樂人/宣傳人感到措手不及，是好是壞？你地會點睇？阿維今次 Tech Talk 同我地講下如何使用 Multi Band Compressor，唔同既frequency有唔同做法，自己試試如何可以調到「高音甜，中音準，低音勁」！嘉賓專訪：泥鯭@RubberBand part 2 假設性問題，原來泥鯭企出黎做 Lead Singer 一樣無問題！仲有「本週JER住推介：I Wish - Jace Chan」商業旋律既典範，食入hookline既歌詞，好UN既節奏，輕鬆快歌無得輸！「I Wish - Jace Chan」YouTube 連結：https://youtu.be/u4euYsaXS2k

本週Jer住你 EP58: 電腦備份一頭煙？？嘉賓專訪：泥鯭@RubberBand 1/2

2021-06-1453:59

你地有無定時備份（BackUp）電腦既習慣？有無試過Back Up左都死harddisk？備份唔知去左邊度？今集Tech Talk同大家分享一下Back Up既小經歷，同埋大家Back Up既各種辦法？總有一種既安全又合心意。嘉賓專訪：泥鯭@RubberBand 除左打鼓外，唱歌，彈結他都好勁！佢會同我地分享學鼓心得，入行經歷，夾RB有無難到佢既地方？仲有「本週JER住推介：告別式 - iii」 CantoPop罕有既Dream Pop曲風，全長7分幾鐘既歌曲，帶你遊走生與死之間既感受空間！「告別式 - iii」YouTube 連結： https://www.youtube.com/watch?v=qCWN0zfTVeU

本週Jer住你 EP57: 有獎問答遊戲得獎名單公佈 / 嘉賓專訪：混音大師 Raymond Chu

2021-06-0601:09:30

「本週JER住你一週年酬賓週有獎問答遊戲」完滿結束！感謝大家大大力支持，收到唔少網友提交答案，當中有部份網友的而且確比我地既「陰濕」問題「陰」到！所以我地今集會同大家拆解答案同公佈得獎名單，有參加既你記得留意。遠至80年代「真的愛你」90年代「皇后大道東」，近至近年軒仔「the brightest darkness」，衛蘭「It’s ok to be sad」，都係出自佢一雙耳朵既mixing作品，業界人人稱他為「大師」既 Raymond Chu，地位絕對超然，功力非凡深厚；能夠請到佢黎同我地分享下，係佢心目中「混音」究竟係乜嘢一回事，如何達致一個「舒服」既混音，不同年代流行曲混音上既演變等等，從大師口中道出一字一句，彷彿聽到錢幣撞擊聲一個一個入落你個袋度一樣！混音對於一首流行曲出街時好唔好聽，關係極重！關心本地流行曲製作既你，就記得不能錯過呢個訪問啦。想了解更多關於 Raymond Chu既作品可瀏覽以下網址：https://ray.com.hk

本週Jer住你 EP56: Acoustic Guitar soft synth 對對碰, 嘉賓專訪：阿偉@ RubberBand 2/2

2021-06-0649:45

Soft-synth 科技一日千里，有啲soft synth既聲驟耳聽可以話係真假難分！今集我地同大家介紹兩款好用既acoustic guitar sampler：Ample Guitar 同 Real Guitar，比較一下兩者既特性同用法，係咪結他手既你，對於編曲都一定有幫助。繼續阿偉@RubberBand專訪part 2；初學者該如何揀bass？製作人同樂手會點揀？飲食生意又是否會繼續發揚光大？阿偉都一一同我地分享本週JER住推介：「Kerryta - 心野」Dusty Bottle 主音 Kerryta 作個人發展既單曲作品，EDM hiphop 加上型格vocal, 為廣東樂壇keep住帶來新衝擊。Kerryta - 心野 YouTube 連結：https://youtu.be/QXES2OQX6sE

本週Jer住你 EP55: drum loop 必備 Stylus RMX 嘉賓專訪：阿偉@ RubberBand 1/2

2021-05-2445:24

Drum Loop soft synth 黎講「Stylus RMX」可以話係大部分音樂人都有買黎「守門口」，好聲，易用，功能強，係佢既特性，亦解釋到為何咁多年使用度都屹立不倒；今集Tech Talk 同大家探討吓佢既好處與用法。你地敢問我地咁答，一次過回答一個網友13條問題！一次過滿足你13個願望！阿偉@RubberBand專訪，除左分享下演唱會既點滴，仲會由學bass，夾band，組成 RubberBand，甚至揀bass貼士，都一一同大家分享！本週JER住推介：「關心妍 - 腍」K歌不K歌，用心製作聽得出就係好歌！關心妍 - 腍 YouTube 連結：https://youtu.be/yn1zv3g2Ujs

本週Jer住你再次直播 ! 即時解答造歌迷思！音樂製作恩物呀！

2021-05-2401:18:15

本週Jer住你 EP54: 本週JER住酬賓週有獎問答遊戲 !!!

2021-05-1607:401

今集簡簡單單！因為「本週JER住酬賓週有獎問答遊戲」開始喇！我地為左感謝大家一年來既一直支持，舉辦「本週JER住酬賓週有獎問答遊戲」，今集將會發問10條同呢個channel過去一年有關既問題，大家可以係香港時間 5月31日深夜11:59前，將答案inbox至「本週JER住你」Facebook Page m.me/jeraldpodcast 如果多過一位答對全部問題，我地將會係節目內以抽籤方式抽出一位幸運兒，佢將會得到我地三個為你精心準備，對你音樂路上有幫助既「JER住禮物包」，郵寄到你屋企！郵費我地俾！即刻豎高耳仔，聽聽d問題，再從頭到尾睇番所有集數喇！

本週Jer住你 EP53: 本週JER住你週年慶 YouTube Live即將舉行! 阿正@RubberBand專訪 2/2

2021-05-0948:37

多謝大家支持！本週JER住你終於JER咗你地超過52週啦！感謝過去一年大家既支持，我地會繼續努力，俾更多有趣同有用既內容俾大家；為咗聽取更多意見，黎緊將會係香港時間5 月 16號下午1pm ，將會有我地第二次 YouTube Live！除左傾傾計聽聽大家意見之外，我地將會公佈一個有獎遊戲活動，來答謝大家一年來既支持！想知道活動詳情就記得準時入來YouTube Live 一齊傾啦！維Sir Tech Talk 今次分享下如何攞 Gain 既 tips，攞太大又怕爆，攞太細又驚唔夠大粒，如何拿捏呢？今集話你知。當然仲有阿正@RubberBand專訪 part 2，想知道佢點樣遇上隊友組成RubberBand？彈咩show最拗？唔做音樂最想做咩？乜嘢令佢有國際巨星show都推job唔接？記得留意喇！Jer 住推介新歌 - 「許東晴 Claudia Koh - 830」詞曲編監唱範範掂！歐美曲風耳目一新。許東晴 Claudia Koh - 830 YouTube Link ： https://youtu.be/VcSR-hkf9Lk

本週Jer住你 EP52: 網上睇紅館show即將成為大趨勢？阿正@RubberBand專訪 1/2

2021-05-0251:05

演唱會有復甦跡象！黎緊越來越多歌手宣佈紅館演唱會時間，但疫情，座位上限，現場Live Feed科技進步下，愛音樂既你，會唔會選擇買網上入場卷睇show？平一半，又可以重溫，足唔足以取代現場表演者既震撼感？阿正@RubberBand同我地傾下show後感，何時愛上結他，型佬彈show都係會「拗底」既情況，同埋分享係Berkeley讀音樂既點滴。維Sir Tech Talk 同我地推介 Imperfect Samples. 「缺陷才是美」呢個道理就係呢個 soft syth 既宗旨！唔信聽聽。Jer 住推介新歌 - 「張蔓姿 - 姿態」自家詞曲創作，型格編曲，創造cantopop更多無限可能！張蔓姿 - 姿態 YouTube link: https://youtu.be/Cp0kOJxexgERyan最新溫哥華吃喝玩樂channel ： THE BIG VAN YouTube link： https://youtu.be/vG_Vh3OYeNo

本週Jer住你 EP51: 廣東樂壇之改朝換代？ Swing/Snowman 「第三人」- 填詞人林寶專訪 2/2

2021-04-2535:18

每逢樂壇頒獎典禮結束大家都會熱烈討論，今次Viu TV頒獎典禮都唔例外，大家一致洗版既話題就是本地樂壇已經改朝換代，一代新人輩出，舊人銷聲匿跡；我地點睇，你又會點睇呢？林寶專訪part2: 我地繼續以「假設性問題」考考佢，睇下係填詞人路上遇上唔同分岔口，佢會有點樣既選擇！「本週Jer住 Tech Talk」維Sir 會講下 Double Tracking 既功能同用法。仲有「本週Jer住推介」王菀之 - The Pink Room , 揉合音樂、視覺、文字多樣藝術結合起來既作品；「全才藝術家」呢個名 Ivana當之無愧！「王菀之 - The Pink Room」YouTube 連結： https://youtu.be/DHPshvhQpEc

本週Jer住你 EP50: Swing/Snowman 「第三人」- 填詞人林寶專訪 1/2

2021-04-1943:49

「本週JER住你」黎到第50集喇！！今集搵黎 Swing/Snowman 堪稱「第三人」既鬼才填詞人林寶同我地傾吓計；講下佢點樣入行，點解會變成 Swing御用填詞人，最深刻既作品又係邊首等等；浪漫又得，玩嘢有得，有深度亦得！想知點解可以咁厲害？記得留意今集喇。

本週Jer住你 EP49: Rubberband 演唱會音樂總監 - Patrick Lui 雷柏熹專訪

2021-04-1152:18

Patrick Lui 雷柏熹剛剛完成 Rubberband 紅館演唱會音樂總監工作，佢會同我地分享一下由籌備，練習，彩排，演出整個演唱會既過程，有趣事，困難之處同埋一些深刻感受；作為國際級得獎爵士音樂家，Patrick又會點睇本地爵士樂同Cantopop既關係呢？今集Tech Talk 會同大家講講下什麼是DeEsser；顧名思義就係將 “S” 音 “de”左佢；咁應該點用？落幾重？阿維Sir話你知。仲有本週Jer住推介： Manson張進翹【今天我不想做嘢】輕鬆既編曲，貼地既歌詞，配合慵懶既唱法，聽完大家都想「射波」唔返工！Manson張進翹【今天我不想做嘢】 YouTube連結：https://www.youtube.com/watch?v=sfX57NmP34M

本週Jer住你 EP48: 唔識樂器 = 寫唔到歌？

2021-04-0433:50

有人問：「寫歌係咪一定要識樂器先可以？」，有人問：「依家編曲係咪唔可以fade out 結尾？」，又有人問：「錄音室房聲係咪越dry越dead越好？」；一切問題，都會係金集「ep1 - ep10 漏網 Q&A」同你地一一解答。基於上集Tech Talk大家反應熱烈，阿維Sir今集仲會同大家講多d關於 EQ既小心得，記得留意。仲有本週Jer住推介：力臻 - 都市爬行復古既synth pop 編曲，迷幻既dream pop唱功，值得推介大家一聽。力臻 - 都市爬行 YouTube連結：https://www.youtube.com/watch?v=DcuRsDXfcgc

本週Jer住你 EP46: EQ 是什麼？

2021-03-2841:05

于逸堯專訪 2/2 - 阿Yu話你知唱片製作係乜嘢一回事「EQ」可以解釋為「情緒智商」，但係音樂上通常指 Equalizer -均衡器。「本週Jer住 Tech Talk」同大家講下乜嘢係「EQ」，高音甜，中音準，低音勁係咪透過調教 EQ真係可以做到，還是只是天荒夜談?另外，于逸堯專訪part 2，我哋發問左10條「音樂假設性問題」，從阿Yu嘅解答當中，可能顛覆你對唱片製作既了解；唱得好未必做得開心，唱得唔好反而有可能係成功嘅要素！仲會有本週Jer住推介：驚愕花 Gainorva - 無感強勁節奏，有層次既編曲，有火既演繹！大家記得留意。驚愕花 Gainorva - 無感 YouTube連結：https://youtu.be/MRrIdb0-XRg

#box-pro-ellipsis-171478389369634{-webkit-line-clamp:2;}本週Jer住你