Claim OwnershipMusow ka kɛnɛ
Subscribed: 3Played: 37
Subscribe
© France Médias Monde
Description
Musow ka kɛnɛ y'anw ka jɛmukan kura ye RFI MANDENKAN kan.
Tarata o Tarata, kuma bɛ di muso jɛsirilenw ma, minnu ka baaraw lakodonnen tɛ manden duguw la.
241 Episodes
Reverse
Ka kɛŋɛ ni musow ka tɔgɔladon ye n’a bɛ fɔ a man ko "journée internationale des droits des femmes" anw y’a latigɛ ka kuma di musow ma; ninjuguyawale nɛsinna olu minnu ma. An ye kuman di fana dɛmɛdon cakɛda Akwaba Mousso fana ma; olu cɛsirilen don o muso kofɔlen ninnu ladonni na. Côte d Ivoire jamana kɔnɔ san o san dɔ be ka fara musow hakɛ kan olu minnu niimantɔrɔlen don. LEILA MANDE ka musow ka kɛnɛ.
Muso don min lakodɔnnen don kosɔbɛ seko ni dɔnko kɛnɛ kan Farafinna. Mali jamanaden don nga a ye baara kɛ jamana caaman na jaabɔ la. A ye jɔnjɔn caaman ta o baara hukumu kɔnɔ, iko FESPACO ani Sotigui Award kɛnɛ kan. Koumba Kanouté y'ale de bisimila.
Bi musow ka kɛnɛ kɔnɔ, an bɛ kuma sunkalo labɛnw de kan muso dɔw fɛ. O hukumu kɔnɔ, Koumba Kanouté ye kuma di Mme Aichata Traoré ma ka bɔ Mali la, nin y’a le san 16 ye furu la. A bɛ ɲɛfɔli kɛ an ye, a b'a ka sunkalo kɛ cogo di a buranna na. An k'a lamɛn
N'i ye san 30 sɔrɔ kasɔrɔ i ma furu ɲiningali dɔw be yen, olu be gan i da la kosɛbɛ. O ɲiningali nunu kun te k'a dɔn ibefɛ ka min kɛ i ka diɲɛlatigɛ kɔnɔ, nga u bɛ tali kɛ i dusukankow la, i n'a fɔ i bɛ ka mun kɔnɔ, i bɛ ka kɔrɔ dɛ, denko b'a tuma de la dɛ. Du caman kɔnɔ, ka san 30 sɔrɔ kasɔrɔ i ma furu o ye jɔrɔnanko ye min be na ni kuma caman nasugu bɛɛ ye. Bi Lalaïcha DOUCOURE n'a ka mɔgɔ welelenw be ka kuma sigidalamɔgɔ ani dukɔnɔmɔgɔ caman de kan ka musogana walima cɛganaw dalafuruko la.
Bi bi in na, ka kɛ muso ye o te taa cɛsiri ni timinadiya kɔ barisa sisan musow kan ka k'u sen don latigɛbaw tali la, ka ɲɛmaayaw sɔrɔ ani ka kɛ misali ɲumanw ye. O de kama bi, kalansow dayɛlɛlen don musojɛkuluw fɛ walasa ka musolakaw kalan ɲɛmɔgɔya kɛcogo ɲuman na ani ka yiriwa sira don u kɔrɔ. O kɛrɛfɛ, kalanso nunu ka kɛtaw ye jumɛnw de ye? Yala u be yɛlɛma don musow ka adamadenya kɛcogo yɛrɛ la wa?
Ka kɛɲɛ ni kuma caman ye muso furulenw da la den ko la, muso caman de ka diɲɛlatigɛ gɛlɛyalen don bi, wa dɔw fana ka furu sara k'a sabu kɛ waleya in ye. Walasa k'a kow faamu ni ka fɛɛrɛ sɔrɔ a la, aw ka jɛmukan mandi Musow ka kɛnɛ, ale be kuma o de kan bi. Ka a ko gɛlɛyaw dɔn ni ka fɛɛrɛ sɔrɔ a la, Lalaïcha DOUCOURE n'a ka mɔgɔ weelelenw be kuma o de kan bi.
Bi musow ka kɛnɛ bɛ kuma saniya de kan, jɛɲɔgɔnmaw ani furuɲɔgɔnmaw ni ɲɔgɔn cɛ. Yala sanuya bɛ se ka matarafa cogo di olu ni ɲɔgɔn cɛ. Kasɔrɔ sanuyabaliya kɛlen don ka degun ni gɛlɛyaba lase jɛɲɔgɔnmaw ni furuɲɔgɔnmaw ma, sabu la ale ɲɛnɛmaya jɔsen dɔ ye. Jɛɲɔgɔnmaw ka sanuya sigilen bɛ minu kan, Koumba Kanouté n’a ka mɔgɔ welelenw b’o ɲɛfɔ an ye.
Bi musow ka kɛnɛ kan, an bɛ kuma, jɔnmaya walima ɲagaribɔwalew kan, minnu be ta ka ɲɛsin musow farikoloɲɛnajɛkɛlaw ma, cɛsawura bɛ minnu na. Koumba Kanpouté n’a ka mɔgɔ welelenw be baro sigi an ye.
Bi musow ka kɛnɛ kɔnɔ, an bɛ kuma npogotigini lajɔlenw ka gɛnni de kan, ka bɔ kalanyɔrɔw la. Salon zuluyekalo la, RD Congo kalanko minisiri tun ye dantigɛli kɛ ka dan sigi npogotiginin lajɔlenw ka gɛnni na. Koumba KANOUTE n'a ka mɔgɔ weelelenw bɛ kuma o de kan
Bi musow ka kɛnɛ kan, an be kuna musow cayabaliya de kan ntolantan latigɛtakuluw kɔnɔ. Yala o cayabaliya in sɔrɔla mun de fɛ ? Koumba Kanouté n’a ka mɔgɔ welelen bɛ ɲɛfɔli di an ma o kan.
San yɛlɛman labɛnw hukumu kɔnɔ, musow cɛsirilen don kosɔbɛ. Manden dugu caman na, a ɲanajɛw labɛn ye muso caman jɔrɔnanko fɔlɔ ye. Sabu la k'a daminɛ, u musow yɛrɛw ka masiriminɛnw na fɔlɔ, ka taa se fini dontaw ma, sokɔnɔminɛnw foo ka taa a kɛ balofɛnw ye, u be nin bɛɛ de ɲɛsigi, yasa ka se ka sanyɛlɛma ɲanajɛw kɛ u sako la. Nga muso nunu be sanyɛlɛmaɲanajɛw labɛn nunu kɛ cogo di? u be gɛlɛya jumɛnw de sɔrɔ u ka labɛnniw senfɛ, ani u be gɛlɛya nunu kun coko di?
Ka kɛɲɛ ni tunkalatagalaw tɔgɔladon kɛrɛnkɛrɛnnen, min be laɲanamaya san o san desanburukalo tile 18, Aw ka jɛmukan mandi « Musow ka kɛnɛ » be kuma bi, tunkannaden musomanw ka gɛlɛya de kan. U bɛ minnu sɔrɔ baaraɲini na, u tɛ segin ka na faso kɔnɔ. Nunu be gɛlɛya jumɛnw sɔrɔ baaraɲini na, fɛɛrɛ jumɛn ka kan ka bila senkan walasa ka nin muso dɛmɛ? Lalaïcha DOUCOURE n'a ka maa welelenw bena kuma olu de kan bi.
"Musow ka kɛnɛ " be kuma nin sen in na, gwɛlɛya min kan, o be du caaman kɔnɔ. O ye lujuratɔmusow ka baarako gɛlɛya de ye. Gwɛlɛya jumɛn b'u sɔrɔ u ka baaraɲini na? fɛɛrɛ jumɛn ka kan ka bila senkan walasa ka nin mɔgɔ nunu jɔyɔrɔ dɔn? Lalaïcha DOUCOURE n 'a ka mɔgɔ weelelenw be kuma olu de kan bi
Sidabana kɛlɛli kalo hukumu kɔnɔ, an ka jɛmukan mandi be kuma bana in de kan kɛrɛnkɛrɛnnenya la, ɲɛtaga belebele minnu kɛra bana in kɛlɛli la ka se bi ma. An bena kuma bana in kɛlɛli dɛmɛw jɔli kɔlɔlɔw fana kan. Lalaïcha DOUCOURE ye wele bila banabagatɔw ka kulu dɔ ma ani kɛnɛya tigilamɔgɔ don.
Ka kɛɲɛ ni ɲankatawale ani binkanniwale kɛlɛli ye musow fanfɛ, aw ka jɛmukan mandi be kuma "16 jours d’activismes campagne" dibiw de kan. Tile tan ani wɔɔrɔ wulikajɔw sera ka na ni yɛlɛma minnu ye an be kuma o de kan bi. Lalaïcha DOUCOURE ye weele bila, musow ka hakɛ lasafabaga dɔ ma ale bena cama ɲɛfɔ an ye. An k'u lamɛn
Bi ye novanburukalo tile 25 ye, don kɛrɛnkɛrɛnnen min tara diɲɛ kɔnɔ, ɲankata ani fariyawalew kɛlɛli la musolakaw fanfɛ. Bi an tena hakili jigi dɔrɔn kɛ ni waleya nunu kan, an bena fɛɛrɛw de ɲini bi walasa ka dan kari waleya nunu na min na musow bɛ se ka tanga cogoya min na. Musow ka hakɛ lafasabagaw ani sigidalakow dɔnbagaw, olu kumana an ye fɛɛrɛ dɔw kan, u ni Lalaicha DOUCOURE ka baro senfɛ.
Ni san laban nunu kɔnɔ, musso caman de wulilen don k'u sen don yɛlɛma ani yiriwalibaaraw la. O muso nunu be k'o baara nunu waleya ni kɛnyɛrɛye baaraw de ye, n'an k'o ma ko "entrepreneuriat feminin". Bi, Lalaïcha DOUCOURE n'o muso nunu dɔw de ben'aw baro aw ka jɛmukan mandi kɛnɛ kan.
Bi aw ka jɛmukan, muso ka kɛnɛ, be kuma baarakɛdenw ka baarabolo lakodɔnni de kan sariya sirafɛ.O bɛ kɛ sababu ye ka degun wuli ka bɔ nin dɛmɛbaga ninnu kan. Lalaïcha DOUCOURE n'a ka mɔgɔ welelenw be kuma o de kan.
Bi musow ka kɛnɛ kan an bɛ kuma musow jɔyɔrɔ de kan kɛlɛw ɲɛnɛbɔli la ani bɛn kumaw sabatiliw la. Ɔkutɔburukalo tile 31 san 2000 diɲɛ tɔnba ka lakanako bolofara ye latigɛ ta u ye min tɔgɔda ko "résolution 13.25", musow, bɛn ani lakana kan. O latigɛ in b'a laɲini musow sen ka don kɛlɛ kumaw la, a ɲɛnɛbɔliw ani musow ka lakana ka bɔ cɛ ni musoya binkaniw ma. O la Koumba Kanouté ye wele bila musow ka hakɛw lafasalikɛla belebele fila ma. Fɔlɔ ye Mme Hadja saran Daraba Kaba ye, ale bɛ bɔ La Guinée, ale ye "Réseau des femmes Mano pour la paix REFMAP" jɛkulu ɲɛmgɔ dɔ ye. Filanan ye Mme mada Sangaré ye ka bɔ Côte d’ivoire ale fana ye musow ka hakɛw lafasalikɛla belebele ye.
Musow ka kɛnɛ be kuma bi, kunkow ka bolomafara de kan de kan. Kɔɲɔ ani denkundi bolomafarako minnu bɛ ka musow ka jɛw tiɲɛn. Lalaïcha DOUCOURE n'a ka maa welelenw bena kuma o de kan
Comments
Download from Google Play
Download from App Store
United States