Aksont Föderal

Bih vielne Schwiizo isch de Thuogao-dialekt überhaupt nöd beliebt. Ganz andersch gseht das bim Felipe Ramos, us Brasilie, us. Sit 4,5 Johr lebt er ih de Schwiz und chan mittlerwiile sogar es bizeli Schwiizerdütsch rede i unterschiedliche Dialekt. Und siehe da, de Thuogao-dialekt gfallt ihm am beschte. Egal ob Flugbegleiter, Schauspieler oder Mr. Bum Bum, er versuecht alles zum berüehmt werde.

Genau das isch de Bettina Tanner ihres Motto gsi, wo sie s'erscht mol ihri 7 Sache packt het und eifach mol loszottlet isch. Vier Johr lang isch sie jetzt scho unterwegs. Asie het sie scho immer mega greitzt, bsunders die indonesisch Insle Java. Döt het sie sogar en Bungalow, eh Chatz und 3 Surfbretter. Wegem Corona-Virus het sie vo hüt uf morn alles müesse stoh und ligge loh. En Grossteil vo dene Sache sind drum immerno uf de Insle. 

Ecuador isch ä wunderschöns Land. Ällei d'Trauminsle Galapagos und d'Ande bütet scho verschiednsti Kulissene für en perfekte Instagrampost. Aber da isch no laaang nöd alles. Ecuador hett au u gueti Lüt. Eini devo isch d'Veronica Carrasco. Sie isch ime chline Tal ganz ide nöchi vo Quito ufgwachse, gnauer xseit in Valle de los Chillos. Sit bald 5 Johr lebt d'Veronica mittlerwile scho ide Schwiiz. Vo dere Reis hett sie üs verzellt.

Was reimt sich uf Hockey? - Okey! Okey, Folg Nummer 3 mitem Ishockey Spieler Nicolas Müller. Mit 16ni uf Schwede usgwanderet und mittlerwile en College Athlet ide USA! Er isch ä cooli Socke aso sofort anehocke, mit dä Hose und inelose.

Dä Bernhard Shaquille aka Rapture Boy isch ziemlich uf d'Welt cho, woner ide Schwiz acho isch. Zitat: "Es isch bööös böööööös chalt!" Aber dä Südafrikaner isch vo sim Mami richtig guet erzoge worde und grüesst sogar wildfremdi Mensche uf de Stross. Üses Gspröch isch zum Teil richtige deep shit und genauso tüüfgründig sind sini Songs. Me diskutieret sogar über Müüs und eine macht sich, je noch Asicht, zum Aff - wie sich das halt so ghört ufere Safari.

Wer steckt do dehinder, Wie isch es passiert und Was suss no alles so vorchunnt. Am beschte eifach mal inelose und falls immer no Froge ufchömed, eifach wiiterlose und sie werdet denn viellich irgendwenn beantwortet.