Збор-два: Парк муабети

Се враќамеее со нова епизода од подкастот Збор-два: Парк муабети со одличен разговор со поетеса, скопска шемаџика и дама со полн глас и исправена става! Зборуваме за идеи, патуваме низ муабети и теми, за тоа како е да живееш со отворено срце и да шириш љубов, како да се радуваш и како постојано да се чудиш. Свемирски и вселенски муабети, по бистроа низ Франција и на плажи по Охрид, рашетани и расеани во нашите весели муабети и моменти разменуваме збор-два, три, четирии... Ова е ода за спонтаноста, за моќта на идеите и за големината на светот и нашата желба да живееме присутно и целосно во него! Прекрасната илустрација за оваа епизода е дело на извонредната илустраторка и дизајнерка Катерина Николовска - Тери. Нејзините автентични креации може да ги погледнете на инстаграм акаунтот extra_teri_strial а повеќе може да погледнете и на нејзиниот Behance профил <3 Нови епизоди секој вторник, а во меѓувреме следете нѐ на: Instagram | Spotify

Во оваа епизода од подкастот Збор-два: Парк муабети, разговарам со девојка која за првпат ја запознавам во парк, балерина по професија, а во слободно време талкач по мисли и идеи. Во оваа епизода зборуваме за музиката, настојуваме да танцуваме наместо да чекориме, да се радуваме и да уживаме во идејата на непредвидливото патување низ последните 24 часа на Земјата. Низ разговорот одекнува ритамот на љубопитноста, а ние сме само двајца млади кои се обидуваат да го фатат што повеќе. Прекрасната илустрација за оваа епизода е дело на извонредната Бианка Бојковска. Нејзините автентични креации може да ги погледнете на инстаграм акаунтот biankaboj Нови епизоди секој вторник, а во меѓувреме следете нѐ на: Instagram | Spotify

Во оваа епизода од подкастот Збор-два: Парк муабети разговарам со две девојки кои случајно ги запознав во парк а кои се вистински уживатели на животот. Во оваа епизода скокаме по теми, се протегаме во јога пози, дишеме длабоко на врвот од планина и се тегнеме на лежалки покрај море. Исполнета со уживање и вивидни сцени, оваа епизода е убав потсетник дека е прекрасно да се биде жив. Извонредната илустрација за оваа епизода е дело на талентираната АнаМарија Мишачковска. Нејзината уметност може да ја погледнете на инстаграм акаунтот @mishackovska Нови епизоди секој вторник а во меѓувреме следете не на: Instagram | Spotify

Во третата епизода од подкастот Збор-два: Парк муабети повторно разговарам со рандом луѓе кои ги запознавам во парк. Во оваа епизода се стоплуваме во разговорите за важноста на пријателството, се потсетуваме на убавите работи во животот, сонуваме во бои и слушаме за навидум најдобрата travel дестинација - Крушево! Нови епизоди секој вторник а во меѓувреме следете не на: Instagram | Spotify

Во втората епизода од подкастот Збор-два: Парк муабети одиме правец вселена, шетајќи се низ мислите на Горазд Китановски - Кени и неговите перцепции за светот. Во епизодата разговараме за какво е доживувањето да читаш поезија во автобус, за неговата нова иницијатива "НИЕ" и за личните борби против досадата позната како комфор. Прекрасната илустрацијата за оваа епизода е дело на талентираната Гаја Смилевскa. Нејзината уметност може да ја погледнете на инстаграм акаунтот Holographings. Нови епизоди секој вторник а во меѓувреме следете не на: Instagram | Spotify | 

Во оваа прва епизода ќе ја слушнете приказната за тоа што би се случило ако се осмелам да зборувам за позитивни и убави работи со луѓе кои за првпат случајно ги запознавам во парк. Следете не на:  Instagram | Twitter | Spotify | Apple Music

Време е за убави и позитивни муабети во парк. Наскоро се гледаме со нашата прва епизода!