Javnstøðubrillur

Ber til at tosa um javnstøðu í bygningum og býarrúmum? Hví eru kendastu arkitektarnir sum oftast menn? Fer tað at ávirka byggilistina, at mannfólk hava fingið størri áhuga fyri matgerð? Og hvussu hevði Glasir sæð út, um skúlin varð teknaður við konufólkahond? Albert Isfeld, arkitektur, hyggur at arkitekturi í javnstøðubrillum Vertur: Óluva Zachariasen

Hvussu ávirkar okkara málbrúk javnstøðuna í samfelagnum? Hvønn týdning hevur okkara tosingarlag fyri møguleikarnar hjá dreingjum og gentum at mennast? Skapa orðini veruleikan? Ella er tað veruleikin, sum skapar orðini? Eydna Skaale, retorikari, hyggur at retorikki í javnstøðubrillum Vertur: Óluva Zachariasen

Hvønn leiklut hava kvinnur og menn í okkara søgu? Hvørjar søgur verða fortaldar, og hvørjar eru fjaldar? Hevði Føroyingasøga sæð øðrvísi út, um ein kvinna skrivaði hana? Og hvønn týdning hevur søguskrivingin fyri okkara samleika sum fólk og kyn? Hans Andrias Sølvará, søgufrøðingur, hyggur at søgu í javnstøðubrillum. Vertur: Óluva Zachariasen