Claim Ownershipeuroradiofm
Subscribed: 999Played: 151,260
Subscribe
© All rights reserved
Description
Free Belarus Radio - Радыё для Беларусі ад 2006 г. Музыка СHR Top 40/Alternative Rock + навіны пра краіну і свет, дыскусіі, гісторыі, інтэрв'ю.
4998 Episodes
Reverse
Трамп паставіў дэдлайн Ірану, а ў Лукашэнка з дэмсіламі сузалежныя адносіны? — Еўразум за 7 красавіка | Новости Беларуси за 7 апреля by Euroradio
7 красавіка Аляксандр Лукашэнка правёў нараду па пытаннях развіцця Беларускай нацыянальнай біятэхналагічнай карпарацыі (БНБК) і прызнаў: прадпрыемствы не выходзяць на поўную загрузку, не выконваюцца планы, захоўваецца дэфіцыт абаротных сродкаў.
Кіраўнік краіны падкрэслівае, што “грошай у бюджэце няма і не будзе”: дадатковая падтрымка можа быць толькі часовай і з абавязковым вяртаннем сродкаў. Ці стане біятэхналагічная стаўка новым драйверам эканомікі — ці гэта чарговая спроба падтрымаць праблемныя праекты?
На гэтым фоне зніжаюцца золатавалютныя рэзервы, вагаецца кошт золата, а сітуацыя на валютным рынку залежыць ад паводзінаў прадпрыемстваў і насельніцтва. Што адбываецца са знешнім гандлем? Ці ёсць ціск на курс і чаго чакаць далей?
Акрамя таго, улады працягваюць гаварыць пра ўкараненне лічбавага рубля, з’яўляюцца новыя дадзеныя па заробках, а рынак жылой нерухомасці дэманструе неадназначныя тэндэнцыі. Ці ёсць падставы для аптымізму і што гэта значыць для беларусаў?
Пра гэта і не толькі пагаворым з эканамісткай Анастасіяй Лузгіной у чарговым эфіры Еўрарадыё.
Ад чарговага візіту ў Мінск спецпрадстаўніка Трампа па Беларусі Джона Коўла чакаюць, што будуць вызвалены калі не ўсе, то большасць вязняў, афіцыйна прызнаных палітычнымі зняволенымі. І што практыка пакідаць у Беларусі тых, хто не жадае быць дэпартаваным, не толькі захаваецца, але і пашырыцца да спынення рэпрэсій. Як мінімум, што не будзе палітычна матываваных крымінальных прысудаў. З іншага боку, Лукашэнка актыўна распавядае пра “тысячы збеглых”, якія мараць вярнуцца ў Беларусь. У самой дыяспары пашыраецца кола тых, хто імкнецца абмежаваць уплыў Ціханоўскай на дэмсілы. Як мінімум, пашырыць самастойнасць Каардынацыйнай рады ад Офіса. А ёсць яшчэ Уладзімір Мацкевіч з яго арганізацыйна-дзейнаснай гульнёй… Агулам гэта можа сведчыць пра пачатак працэсаў па перафармаціраванні дэмсіл.
Як перамоўны працэс паміж Вашынгтонам і Мінскам уплывае на канфігурацыю дэмсіл і іх стратэгію? Чым адметная сітуацыя з вызваленнем палітвязняў, і чым будуць займацца дэмструктуры, ад Офіса да Кааліцыі за вызваленне палітвязняў, калі ўсе афіцыйна прызнаныя палітзняволенымі выйдуць на свабоду? Што чакае дэмсілы і дыяспару агулам у бліжэйшай перспектыве, і ці сапраўды ім неабходна рэструктурызацыя? На гэтыя ды іншыя пытанні ў эфіры Еўрарадыё адказвае экспертка па палітычнай камунікацыі, сяброўка Кааліцыі за вызваленне палітвязняў у Беларусі Настасся Касцюгова
“Пасля 1945 года на гэтых землях (размова пра вёску Ападышча Іванаўскага раёна БССР) арудавалі ўзброеныя фарміраванні, чальцы якіх зніштажалі актывістаў і мірных жыхароў”, — распавядаюць у відэасюжэце, які распаўсюджвае Генпракуратура РБ у сваім ТГ. Калі вы думаеце, што размова пра карнікаў НКУС ці іншых забойцаў, якія разам з Чырвонай арміяй прыйшлі з Расіі на тэрыторыю нашай краіны, то памыляецеся. Генпракуратура генацыду беларускага народа з боку камуністычнага рэжыму не бачыць. І злачынстваў асобных “партызан” падчас нямецкай акупацыі. Але добра бачыць злачынствы з боку “нацыяналістаў”.
Ці сапраўды ў гісторыі беларусаў быў перыяд, які варта назваць часамі генацыду беларускага народа, і калі дакладна гэта адбывалася? Хто праводзіў палітыку генацыду, як сталася, што бальшавіцкі рэжым абыходзіцца ўвагай? Чаму да трагедыі вёскі Ападышча менавіта цяпер вырашылі прыцягнуць увагу лукашэнкаўскія прапагандысты, і што наконт злачынстваў расійска-бальшавіцкіх камісараў і партызан у часы вайны? Пра гэта і шмат што іншае мы і разважаем у жывым эфіры Еўрарадыё з кандыдатам гістарычных навук Яўгенам Красуліным
Звычайна гендар успрымаюць як асобную тэму. Пра жанчын. Пра роўнасць. Пра правы. Але што, калі гендар — гэта не тэма, а спосаб бачыць уладу? У новым выпуску “Гендар гэп” мы паглядзім на некалькі, здавалася б, розных падзей: як у новай оперы перапісваюць вобраз Рагнеды, чаму “жаночая піўная” выклікае абурэнне, і навошта дзяржава крыміналізуе “прапаганду” ЛГБТ і чайлдфры. Гэта як быццам зусім розныя гісторыі. Але ў іх ёсць агульная логіка.
Чаму рэжым Лукашэнкі паставіў за мэту не толькі перапісаць вобраз Рагнеды, але і зрабіць гэта па-руску? Чаму “жаночая піўная” — гэта нармальна, а “мужчынскі клуб” — сэксізм? Навошта дзяржава крыміналізуе “прапаганду” ЛГБТ, і ці знікае гендар, калі ў медыйным полі дамінуюць тэмы кантролю, бяспекі і забаронаў? Пра гэта і шмат што іншае мы і разважаем у жывым эфіры Еўрарадыё з медыяэксперткай і гендарнай даследчыцай Ірынай Сідорскай
ШІ і здароўе: ці варта верыць чату GPT — Еўразум за 6 красавіка | Новости Беларуси за 6 апреля by Euroradio
На арганізацыйна-дзейнасную гульню плануе ў канцы красавіка на тыдзень сабраць у адным месцы прадстаўнікоў палітыкі, бізнесу, медыя і грамадзянскай супольнасці метадолаг і былы палітвязень Уладзімір Мацкевіч. Мэта — паспрабаваць сфармуляваць агульнае бачанне таго, як беларускай эміграцыі жыць і дзейнічаць далей. Колькасць удзельнікаў абмежаваная, а тых, каго запрашалі, але яны адмовіліся, Мацкевіч папярэдзіў: “Па выніку вы прайграеце”. Дарэчы, Уладзімір Мацкевіч — адзін з тых, хто лічыць вельмі важнымі выбары ў Каардынацыйную раду.
Што з сябе ўяўляе арганізацыйна-дзейнасная гульня, і чаму тыя, хто адмаўляецца ад удзелу ў ёй, прайграюць? Чаму выбары ў КР варта было б перанесці на восень па просьбе асобных палітычных гульцоў, і чаму ўсе мусяць падладкоўвацца пад палітычны графік асобных жа гульцоў? Што стаіць за жаданнем пэўнай часткі дыяспары “адмяніць КР”, і што чакае дэмсілы ў бліжэйшай перспектыве? На гэтыя ды іншыя пытанні ў эфіры Еўрарадыё адказвае філосаф і метадолаг Уладзімір Мацкевіч.
Рада ААН па правах чалавека працягнула мандаты Спецыяльнага дакладчыка і Групы незалежных экспертаў па Беларусі яшчэ на адзін год. Гэта рашэнне пацвярджае, што, нягледзячы на поўную адсутнасць супрацоўніцтва з боку Мінска і спробы рэжыму заблакіраваць працу міжнародных механізмаў, збор доказаў парушэнняў правоў чалавека будзе працягнуты.
Якое значэнне для беларусаў і Беларусі мае рашэнне Рады ААН па правах чалавека датычна працягнення мандата спецдакладчыка і як гэта паўплывае на становішча беларусаў? Ці магчымы збор доказаў і матэрыялаў адносна парушэння правоў чалавека ва ўмовах, калі ні спецпрадстаўнік ААН, ні незалежныя эксперты не могуць наведаць Беларусь? Ці варта разлічваць на тое, што сабраныя матэрыялы непазбежна стануць асновай для будучага правасуддзя і прыцягнення вінаватых да адказнасці, і ці атрымліваецца ў дэмсіл і дыяспары вырашаць праблемы, з якімі сутыкаюцца дэпартаваныя палітвязні? На гэтыя ды іншыя пытанні ў эфіры Еўрарадыё адказвае дарадца Святланы Ціханоўскай па юрыдычных пытаннях Леанід Марозаў.
Чатыры спакойныя тыдні без “шарыкаў з беларускімі цыгарэтамі” і без спроб нелегальнага перасячэння мяжы з боку Беларусі — такія простыя ўмовы для пачатку дыялогу паміж Вільняй і Мінскам агучыў прэзідэнт Літвы Наўседа. І амаль адразу аэрапорт Вільні вымушаны быў прыпыняць прпацу праз “шарыкі”, а цягам чатырох дзён, з 30 сакавіка па 2 красавіка, з Беларусі ў Літву спрабавалі незаконна перабрацца 117 замежнікаў. А гэта ставіць пад сумнеў не толькі хуткае вырашэнне пытання транзіту праз Літву ў порт Клайпеды калію з Беларусі, але і вяртання цягнікоў Мінск — Вільня. Што для рэжыму (размова пра транзіт у дадзеным выпадку) вельмі непрыемна на фоне скарачэння прыбыткаў ад перапрацоўкі расійскай нафты. Якая нечакана перастае быць таннай.
Чаму расійская нафта даражэе, і як гэта звязана з войнамі ў Іране і Украіне? Чым адметная сітуацыя з падаражэннем аўтамабільнага паліва ў Беларусі і ў Польшчы? Куды Лукашэнка працаўладкуе тысячы “збеглых”, якія просяцца назад, калі ўсе працоўныя месцы ўжо занятыя, і навошта Пратасевіч падставіў АНТ, СТБ і БелТА, пакінуўшы іх без ютуб-каналаў? Пра гэта і шмат што іншае мы і разважаем у жывым эфіры Еўрарадыё з рэдактаркай выдання “План Б”, эканамічнай аглядальніцай Вольгай Лойка.
У Беларусіі даражэе паліва — чаму? — Еўразум за 3 красавіка | Новости Беларуси за 3 апреля by Euroradio
Выбары ў Каардынацыйную раду чацвёртага склікання пройдуць неўзабаве — прагаласаваць можна будзе з 11 па 17 мая. Прыём спісаў скончаны, завяршаецца праверка іх на адпаведнасць усім патрабаванням. І хоць на 80 мандатаў прэтэндуюць ужо 175 чалавек, адмова пэўных сіл і асобных гульцоў браць удзел у выбарчай кампаніі нарадзіла шмат дыскусій, у тым ліку наконт мэтазгоднасці далейшага існавання КР. А яшчэ ж ёсць пагроза інфільтрацыі ў склад дэлегатаў агентуры і іншых “кансерваў”. І не варта забываць пра помслівасць рэжыму.
Чаму выбары ў КР не перанеслі на восень па просьбе асобных палітычных гульцоў, ці былі кансультацыі на гэты конт і з кім? Ці існуе неабходнасць перафармаціравання самой структуры КР, і ці ёсць магчымасць для падвышэння значнасці і ўплывовасці Каардынацыйнай рады? Ці знайшлі спосабы перакрыць дарогу ў КР для агентуры, і як на імідж КР уплывае адмова шэрагу палітыкаў і структур браць удзел у выбарах? На гэтыя ды іншыя пытанні ў эфіры Еўрарадыё адказвае спікер Каардынацыйнай рады Арцём Брухан
У Беларусі 28 сакавіка падаражэла аўтамабільнае паліва, і зараз літр бензіну АІ-95 каштуе 2,64 рубля, АІ-98 — 2,86 рубля, дызельнага паліва — 2,64 рубля. І ўжо анансавана дата чарговага падаражання — 4 красавіка. У той жа час, у лепшых традыцыях антызаходняй прапаганды, у “Беларуснафце” заявілі, што паліва ў Беларусі каштуе прыкметна танней, чым у Польшчы: “95-ы бензін у нас таннейшы прыкладна ў 2,2 разы, дызпаліва — у 2,5”.
Чаму паліва ў Беларусі даражэе, хоць беларускія НПЗ атрымліваюць нафту не з Ірана, а з Расіі, і ці адэкватнае параўнанне з цэнамі на аўтапаліва ў Польшчы? Ці атрымалася ў Расіі зарабіць на дарагой нафце праз вайну ў Іране, і ці пойдзе ў Беларусь “амерыканская нафта з Венесуэлы і Азербайджана”? Ці зробіць новы блок беларускай АЭС больш таннай электраэнергію для беларусаў, і чаго чакаць ад курса валют? На гэтыя ды іншыя пытанні ў эфіры Еўрарадыё адказвае аўтар і вядоўца праграмы Оптымум на канале “Беларусы і рынак”, эканамічны аглядальнік Андрэй Махоўскі
У Мінску ізноў запахла амерыканскай нафтай. Людзі з добрай памяццю злавілі флэшбэкі з 2020 года. Лукашэнка ізноў хоча крыху адпятляць ад Расіі? І гэта ў той час, калі расіяне набываюць да 10% ад усіх мінскіх кватэраў, што прадаюцца за месяц?
Таксама абмяркуем дзіўныя вынікі праверкі беларускага войска (ратаваць яго давядзецца Нацбанку і прэм'ер-міністру) і сувязь паміж дэмаграфічнымі хацелкамі Лукашэнкі і скасаваннем платнага аддзялення ў мінскім медуніверсітэце (усё ўзаемазвязана!).
Лукашэнка рыхтуе беларусаў да вайны, а беларускае выдавецтва рыхтуецца знішчыць пераклад Маркеса — Еўразум за 2 красавіка | Новости Беларуси за 2 апреля by Euroradio
Дзякуючы спецпрадстаўніку Трампа па Беларусі Джону Коўлу Лукашэнка нарэшце скінуў пару дзясяткаў кілаграм, смялей трымаецца на лёдзе і больш ваяўніча — перад сваімі генераламі. Ваяваць сабраўся. Відаць, і тут на яго ўплывае нешта амерыканскае… Можа, Трамп з яго то эканамічнымі, то рэальнымі войнамі. Ён ужо збіраецца закрываць НАТА, але хай бы перад гэтым адкрыў Армузскі праліў. Але што той праліў, калі ЗША, па словах Трампа, вайну ўжо выйгралі. Іншая справа, хто гэтым выйгрышам, на бяду Еўропе, можа скарыстацца…
Ці варта чакаць не толькі працягу, але і паглыблення кантактаў Вашынгтона і Мінска, і ці сустрэнецца Трамп з Лукашэнкам? Навошта Трампу гэтая сустрэча, і ці не будзе раўнаваць свайго малодшага брата Пуцін? Ці пойдзе беларускі калій транзітам праз Літву, і чым пагражае выхад ЗША з Ірана? На гэтыя ды іншыя пытанні ў эфіры Еўрарадыё адказвае амерыканіст, дарадца Агенцтва еўраатлантычнага супрацоўніцтва Антон Пянькоўскі.
Чым далей, ты больш жорсткай становіцца міграцыйная палітыка еўрапейскіх краін. Закранае яна ў тым ліку і беларусаў. Наяўнасць праблем з легалізацыяй на фоне шматлікіх сустрэч Ціханоўскай з лідарамі нараджае папрокі, што Офіс і дэмсілы ўвогуле вырашэннем і адвакацыяй праблем беларусаў не займаюцца. А можа, і ўвогуле імі не цікавяцца.
Чым адметная міграцыйная палітыка канцлера Германіі Мерца і як яна закранае інтарэсы беларусаў? Чаму Офіс Ціханоўскай і іншыя структуры дэмсіл не вырашаюць легалізацыйныя праблемы беларусаў, і ці варта верыць словам заходніх палітыкаў пра падтрымку беларусаў? Ці пойдзе Германія і ЕС увогуле па шляху замірэння з Лукашэнкам, і калі чакаць гэтага развароту? На гэтыя ды іншыя пытанні ў эфіры Еўрарадыё адказвае сяброўка Пашыранай рады беларускага аб’яднання ў Германіі Razam, каардынатарка фестывалю Minsk x Minga, супрацоўніца ўніверсітэта Пасау (The University of Passau) Хрысціна Дарапей
Калі прыгледзецца, то Саюзная дзяржава хавае ў сабе безліч магчымасцей як для беларусаў, так і для расіян. Да прыкладу, беларусы, якім грошы не пахнуць, могуць запісацца ў расійскае акупацыйнае войска і адправіцца зарабляць вялікія грошы на крыві. А расіяне, для якіх беларусы — “адзін з імі народ”, імкнуцца набыць у Беларусі кватэру і пераехаць жыць у краіну, дзе ўсё амаль як у Расіі, але без абмежаванняў у інтэрнэце і з добрымі дарогамі. Што праўда, для першых шлях па абраных дарогах Саюзнай дзяржавы завяршаецца мяснымі штурмамі і смерцю без выплат сям’і, а другіх чамусьці беларусы не асабліва любяць і вітаюць у сваёй краіне.
Ці сапраўды імкненне расіян пераехаць жыць у Беларусь стала масавай з’явай, і чым гэта можа быць небяспечна для беларусаў? Чаму расійскі і лукашэнкаўскі рэжымы працягваюць трымацца за праект “Саюзная дзяржава”, і чым адметна сёлетняе святкаванне так званага “дня адзінства”? Адкуль у Лукашэнкі столькі ваяўнічасці і смеласці, і пры чым тут Коўл? На гэтыя ды іншыя пытанні ў эфіры Еўрарадыё адказвае паліталагіня, экспертка стратэгіі і аналітыкі, міжнародная сакратарка Задзіночання беларускіх студэнтаў Аліна Харысава
26 сакавіка ў эфіры Еўрарадыё — папулярызатарка беларускай культуры, авантурыстка Марыя Грыц.
Мы апынуліся ў сітуацыі, калі нам проста неабходна зрабіць усё магчымае для захавання сябе, а яшчэ і захаваць тое сваё, што мы маем у душы, у сэрцы, у падсвядомасці ўрэшце рэшт. І гэта тычыцца не толькі тых, хто жыве ў Беларусі ва ўмовах бясконцых рэпрэсій і пераследу за іншадумства, але і тых, хто жыве ў складаных умовах вымушанай эміграцыі. Таму мы проста мусім штодня рабіць усё, ад нас залежнае, для такога захавання. І мы з гэтым справімся, і мы абавязкова вернемся са сваімі здабыткамі на Радзіму, перакананая Марыя Грыц.
Пра тое, чаму так важна захоўваць і выхоўваць у сабе беларускасць, ці патрэбна гэта нам, і навошта, мы і разважаем у праграме “Ідэя Х” з Марыяй Грыц.
Што п'юць дыпламаты — Еўразум за 1 красавіка | Новости Беларуси за 1 апреля by Euroradio
Беларуская сістэма адукацыі ўсё больш нагадвае інструмент дзяржаўнай палітыкі. Спачатку — ідэя перавесці медыцынскую адукацыю выключна на бюджэтную форму, што выклікала дыскусіі не толькі пра кадравы дэфіцыт, але і пра абмежаванне выбару для абітурыентаў. Потым — нечаканыя адукацыйныя перспектывы: улады заяўляюць пра студэнцкія абмены з Паўночнай Карэяй і падрыхтоўку спецыялістаў у рамках новага супрацоўніцтва.
На гэтым фоне ўзмацняецца і кантроль над самім адукацыйным працэсам. Пракуратура правярае “патрыятычнае выхаванне” школьнікаў і фактычна ўмешваецца ў змест адукацыі. Універсітэты становяцца пляцоўкамі для выязных судовых пасяджэнняў, дзе студэнтам дэманструюць пакаранні — у тым ліку за ўхіленне ад службы ў войску. Такія практыкі ўсё больш выглядаюць як сістэма запалохвання і ідэалагічнага ціску.
Што адбываецца з беларускай адукацыяй? Ці становіцца яна часткай механізма кантролю? І як гэта паўплывае на студэнтаў, выкладчыкаў і будучыню краіны?
Пра гэта і не толькі пагаворым з дарадцам Святланы Ціханоўскай па навуцы і адукацыі Паўлам Церашковічам у чарговым эфіры Еўрарадыё.
Download from Google Play
Download from App Store
United States
соловей, но молодой.
Все что показал Пазьняк, это уровень своего маразма. К сожалению.
Пустой пиздун - задушевник. Весь выпуск набор напыщенных фраз с нулевым смыслом.
у путена попросить помощи .... ой , ля , нечего дальше слушать.
Ладна, справядліва, што адказы былі і лепшыя, але праз самапавагі павагу да тэмы, я ўсё ж пакіну першапачатковы варыянт, што занадта вялікі для ютуба. Хай будзе, тэма - гонар! Беларуская нацыянальная ідэя, выключна на мой погляд, гэта дадзеная магчымасць, а каб не надавацца ў крайнасці, гэта магчымасць сёння для мяне і каханага мной чалавека, для вас і гледачоў, сялян і інтэлігенцыі, праваслаўнаму і каталіку, пісьменніку і таварышу маёру самому лічыць для сябе Беларуссю кожнаму сваё, гэта магчымасць для мяне марыць аб будучыні, каб не падвесці папярэднікаў, для кагосьці біцца ў сучасным дні за заўтрашні, гартуючы сэрца ў барацьбе ад самога ўчорашняга, для гісторыкаў спрачацца аб мінуўшчыне дзеля выключна нашае ды залежачае выключна ад нас будучыні; гэта магчымасць самому уяўляць сябе сваю Беларусь, гэта магчымасць марыць аб парламентскай рэспубліцы для палітыкаў, аб моцнай руцэ для чыноўнікаў, аб канстытуцыйнай манархіі для чалавека будучыні, аб нязбытным ідэалу для творцы, аб кутку н
Будаваць дарагу будзе сябр Пуціна?