Claim Ownershipeuroradiofm
Subscribed: 989Played: 146,765
Subscribe
© All rights reserved
Description
Free Belarus Radio - Радыё для Беларусі ад 2006 г. Музыка СHR Top 40/Alternative Rock + навіны пра краіну і свет, дыскусіі, гісторыі, інтэрв'ю.
4997 Episodes
Reverse
Статкевіч на волі, дэмсілы сварацца — Еўразум за 20 лютага | Новости Беларуси за 20 февраля by Euroradio
Тыдзень у беларускіх уладаў атрымаўся такі сабе. Расіяне вяртаюць мытны кантроль на мяжы з Беларуссю, каб абараніць(!) свой рынак ад беларускіх тавараў. Рыжанкова не пусцілі ў Вашынгтон. А Лукашэнку давялося апраўдвацца за выключанае вулічнае асвятленне і чарговы раз перажываць траўму 2020 года.
Затое ён выпусціў з-за кратаў Міколу Статкевіча, якога, аказваецца, "памілаваў" яшчэ паўгода таму.
Абмяркоўваем галоўныя тэмы і падзеі палітыкі і эканомікі Беларусі і свету з блогерам Аляксандрам Кныровічам.
На што Расія намякае Лукашэнку? — Еўразум за 19 лютага | Новости Беларуси за 19 февраля by Euroradio
У лютым Лукашэнка мог паехаць да Трампа, удыхнуць паветра свабоды і пашырыць свае гарызонты. Але замест гэтага абраў апраўдвацца перад расіянамі і выслухоўваць папярэджанні пра тое, што Расія не дапусціць умяшальніцтва ў яе справы з Беларуссю.
У дэмсілах — свае жарсці. Ціханоўская кажа еўрапейцам, што на рэжым трэба “ціснуць, ціснуць, ціснуць”, а яе апаненты сцвярджаюць, што такім чынам яна запавольвае працэс вызвалення палітвязняў.
Крытык падобных заяваў — кіраўнік Агенцтва еўраатлантычнага супрацоўніцтва і сябра Кааліцыі за вызваленне палізняволеных Валерый Кавалеўскі — у 16:00 па Мінску адказвае на нашы пытанні, датычныя гэтых трэкаў.
Украіна працягвае трымаць руку на “пульсе беларускага пытання”, і следам за прэзідэнтам Уладзімірам Зяленскім пра беларускую будучыню выказаўся міністр замежных спраў гэтай краіны Андрэй Сібіга. Па яго словах, украінцы вераць у “еўрапейскую будучыню беларускага народа пасля таго, як ён вызваліцца ад Лукашэнкі”. Таго самага грамадзяніна Беларусі, супраць якога Украіна толькі ў лютым 2026 года ўвяла персанальныя санкцыі за саўдзел у расійскай агрэсіі.
Што мяняе для Лукашэнкі ўнясенне яго ў санкцыйны спіс Украіны, і якой можа быць рэакцыя Мінска? Чаму Кіеў працягвае падвышаць стаўкі і эскаліраваць адносіны з рэжымам Лукашэнкі? Ці магчыма сёння “адарваць” Беларусь ад Расіі, і якія пагрозы нясе адмова ядзерных дзяржаў ад кантролю за распаўсюджаннем ядзернай зброі? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам
Лукашэнка змушаны апраўдвацца перад Крамлём за дыялог са Злучанымі Штатамі. Увогуле ў яго адрас Масква апошнім часам даслала цэлы каскад папярэджанняў, як праз Службу знешняй выведкі, так і праз прадстаўніцу МЗС Расіі Захараву. Аднак значнасць Беларусі для сябе падкрэслівае не толькі Масква, але і Еўропа. І гэта было пацверджана падчас Мюнхенскай канферэнцыі па бяспецы. Паўдзельнічаць у якой былі запрошаны як Святлана Ціханоўская, так і Марыя Калеснікава. З іх розным бачаннем ролі Еўропы адносна Беларусі і рэжыму Лукашэнкі.
Што так трыгерыць расійскую эліту, і чаму Лукашэнка ўсё адно паспрабуе захаваць амерыканскі трэк? Пра што сведчаць пагрозы з боку Масквы, і што там з “Арэшнікам”? Чаму для рэжыму абавязкова трэба паказальна пакараць усіх датычных “Справы Гаюна”, і ці варта спадзявацца на спыненне рэпрэсій? На гэтыя ды іншыя пытанні ў эфіры Еўрарадыё адказвае палітычны аналітык праекта "Позірк" Аляксандр Класкоўскі
19 лютага ў эфіры Еўрарадыё — пісьменнік, музыкант і выкладчык англійскай літаратуры ва ўніверсітэце Ханоя Дзяніс Трусаў.
Так склалася, што беларусы спрадвеку жывуць на тэрыторыі, якая стала памежжам Еўропы і Азіі. Мы нібыта рака паміж гэтымі двума берагамі розных культур, традыцый і палітычных сістэм. І гэта як стварае шмат нязручнасцей і трагедый, так і дае шмат шанцаў. Бо калі мы станем мастком паміж гэтымі двума берагамі розных цывілізацый, зможам з абедзвюх гэтых цывілізацый і чэрпаць, перакананы Дзяніс Трусаў.
Пра тое, чаму беларусы не навучыліся выгадна карыстацца станам памежжа, як у гэтым стане захаваць сваю ідэнтычнасць, і ў чым падабенства ды адрозненне беларусаў і в’етнамцаў, мы і разважаем у праграме “Ідэя Х” з Дзянісам Трусавым.
Лукашэнка пад санкцыямі і прэсам — Еўразум за 18 лютага | Новости Беларуси за 18 февраля by Euroradio
У аўторак кіраўнік Беларусі заявіў, што айчынная эканоміка знаходзіцца пад сур'ёзным прэсам. Прычым як з боку Захаду, так і з боку Усходу. Аднак, па яго словах, праблемы ствараюць і самі чыноўнікі. То ўрад і Нацбанк знаходзяцца ў "эйфарыі макраэканамічнай стабільнасці", то Наталля Пяткевіч "буксуе" і не прымае належных рашэнняў.
Чаму пастаянныя "разборы палётаў" не змяняюць сітуацыю? Што Лукашэнка мае на ўвазе пад "прэсам" з боку Расіі? Як айчынная эканоміка будзе вяртаццаа з ваеннага стану ў рэчаіснасць?
Гэта ды іншае ў 16:00 па Мінску абмяркоўваем з эканамістам, кіраўніком праекта "Кошт урада" Уладзімірам Кавалкіным.
Трамп збірае сваю Раду міру. Ужо вядома, што з удзельнікаў гэтага першага пасяджэння збяруць 5 мільярдаў долараў на “аднаўленне Газы”. Але Лукашэнка, адзін нібыта з “заснавальнікаў” гэта трампаўскай Рады, на яе пасяджэнне ў Вашынгтон не ляціць. Афіцыйна — праз шчыльны працоўны графік. Затое скідвацца “на Газу” не давядзецца. І Пуціну спакайней — не трэба перажываць за “малодшага брата”. А то ў Маскве ўжо нават рыхтавацца пачалі да транзіту ўлады на выпадак чаго трагічнага з Лукашэнкам…
Чаму Лукашэнка так паспешліва кінуўся апраўдвацца перад Грызловым і клясціся ў вернасці Пуціну і Расіі? Чаму Мінск не спяшаецца ісці з Трампам на “вялікую здзелку” і ці цікавая тая здзелка для Трампа па-ранейшаму? Чым адметная сёлетняя Мюнхенская канферэнцыя па бяспецы, і чаму выступленне на ёй Ціханоўскай спарадзіла столькі спрэчак у асяродку дэмсіл? На гэтыя ды іншыя пытанні ў эфіры Еўрарадыё адказвае палітычны аглядальнік Віталь Цыганкоў
На канферэнцыі па бяспецы ў Мюнхене Святлана Ціханоўская заклікала Еўропу не спыняць ціск на рэжым Лукашэнкі і заставацца, насуперак ЗША, “злым паліцэйскім” у пытанні гандлю з Мінскам за вызваленне палітвязняў. Гэта выклікала абурэнне ў той часткі дэмсіл, якія заклікаюць Еўропу перагледзець сваю палітыку адносна Мінска і распачаць перамовы з Лукашэнкам як хутчэй. “Святлана Ціханоўская спрабуе стрымаць Еўропу ад выкарыстання санкцыйных паслабленняў, якія могуць прывесці да вызвалення палітвязняў у Беларусі і спынення рэпрэсій”, — напісаў Валерый Кавалеўскі. Але адвакат Дзмітрый Лепрэтар перакананы, што гэта Кавалеўскі “сваёй рыторыкай запавольвае вызваленне палітвязняў”.
Што з сябе ўяўляе перамоўны трэк паміж Вашынгтонам і Мінскам, і які Big deal цікавы Трампу? Чаму Мінск не спяшаецца ісці з Трампам на “хуткую здзелку”, і ад каго Лукашэнка разлічвае атрымаць лепшую цану за свой “тавар”? Чаму для рэжыму непрымальныя спыненне рэпрэсій і аднаўленне законнасці, і пра якое вяртанне да нармальнасці сёння можна казаць? На гэтыя ды іншыя пытанні ў эфіры Еўрарадыё адказвае адвакат Дзмітрый Лепрэтар
Чарговая Мюнхенская канферэнцыя па бяспецы скончылася. Удзельнікі і арганізатары сцвярджаюць, што яшчэ ніколі на ёй не надавалася столькі ўвагі Беларусі, як сёлета. А было ж яшчэ і выступленне прэзідэнта Зяленскага, праграмная прамова дзяржсакратара ЗША Марка Рубіа, іншых палітыкаў, кіраўнікоў краін і экспертаў, да меркавання якіх не проста прыслухоўваюцца, а якімі кіруюцца ў выбудове стратэгіі і сістэмы бяспекі. Прычым не толькі рэгіянальнай. Адпаведна, варта прыгледзецца да таго, якія змены нас чакаюць і якім будзе “свет пасля Мюнхена”.
Што значнага прагучала ў Мюнхене гэтым разам, і якім будзе “свет пасля Мюнхена”? Што засталося ад суб’ектнасці Лукашэнкі, і пры чым тут Саюзная дзяржава? Ці магчыма сёння “адарваць” Беларусь ад Расіі, і якія пагрозы нясе адмова ядзерных дзяржаў ад кантролю за распаўсюджаннем ядзернай зброі? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кандыдаткай гістарычных навук, эксперткай па міжнароднай палітыцы Розай Турарбекавай
Наезд на Пяткевіч і інсайды Лукашэнкі — Еўразум за 17 лютага | Новости Беларуси за 17 февраля by Euroradio
BELPOL апублікаваў першую частку спіса беларускіх прадпрыемстваў, якія працуюць на расійскі ваенна-прамысловы комплекс. Прасцей кажучы, дапамагаюць расійскім акупацыйным войскам у іх вайне супраць Украіны. І такіх прадпрыемстваў сотні. Што сведчыць, у тым ліку, і пра фактычна татальную залежнасць беларускай эканомікі ад Расіі. Залежнасць, на фоне якой усе размовы пра імкненне “адцягнуць Беларусь ад Расіі” нават эканамістам падаюцца бессэнсоўнымі.
Што адбываецца на беларускім рынку працы і чаму нават на МАЗе не хапае рабочых? Чым тлумачыцца падзенне прамысловай вытворчасці, і ў чым прычына істэрыкі Тарбіна? Ці сапраўды залежнасць Беларусі ад Расіі ўжо практычна татальная, і ці магчыма сёння “адарваць” Беларусь ад Расіі? На гэтыя ды іншыя пытанні ў эфіры Еўрарадыё адказвае аўтар і вядоўца праграмы Оптымум на канале “Беларусы і рынак”, эканамічны аглядальнік Андрэй Махоўскі
Асуджанага рэжымам за “дзяржздраду”, а потым вызваленага па незразумелай працэдуры і дэпартаванага з Беларусі ксяндза Генрыха Акалатовіча напаткаў той жа лёс, як і іншых асуджаных палітвязняў: яго маёмасць па рашэнні КДБ была арыштавана, а зараз прадаецца з аўкцыёну. І калі раптам вызваленага з калоніі ксяндза аб’явяць у вышук як “збеглага”, гэта наўрад ці некага здзівіць. А ў гэты час праваслаўны і пралукашэнкаўскі протаіерэй Лемяшонак распавядае вернікам гісторыю “брата Алега” са Свята-Елісавецінскага манастыра, які стаў штурмавіком у расійскім акупацыйным войску, прыводзіць яго як прыклад і жадае “перамогі”… А ў Беларусь едзе “спеўны спецназ” з Расіі.
Чаму рэжым працягвае пераслед асуджаных ксяндзоў нават пасля іх вызвалення, і як да такога паставіцца Ватыкан? Ці не з’яўляюцца расповеды Лемяшонка пра “брата-штурмавіка Алега” прыхаванай агітацыяй ісці па кантракце ў расійскае войска, і пры чым тут хрысціянства? Пра што сведчыць вынік швейцарскага тура гандлярак “святымі сувенірамі” са Свята-Елісавецінскага манастыра, і чаму маўчаць святары пра рэпрэсіі? Пра гэта і шмат што іншае мы і разважаем у жывым эфіры Еўрарадыё з тэалагіняй, эксперткай у галіне рэлігіі, палітыкі і абароны правоў Наталляй Васілевіч
Падчас сёлетняй Мюнхенскай канферэнцыі па бяспецы вялікая ўвага была нададзена Беларусі. Нават адмысловая панэль беларускай тэме была прысвечана, на якой выступала Святлана Ціханоўская. Але гэта дыскусія была не адзінай падчас канферэнцыі — івэнтаў з удзелам беларускіх палітыкаў, экспертаў і журналістаў было некалькі. А гэта сведчыць пра змены ў разуменні ролі Беларусі ў сістэме еўрапейскай бяспекі — як мінімум.
Што прымусіла арганізатараў сёлетняй Мюнхенскай канферэнцыі па бяспецы столькі ўвагі надаць Беларусі, і хто прасоўваў такое бачанне праграмы канферэнцыі? Чым былі цікавыя іншыя івэнты, дзе ўзгадвалася Беларусь альбо бралі ўдзел прадстаўнікі Беларусі? Ці разумее Еўропа ролю Беларусі ў сістэме рэгіянальнай бяспекі, і ці атрымалася такое бачанне данесці да прадстаўнікоў ЗША? На гэтыя ды іншыя пытанні ў эфіры Еўрарадыё адказвае паліталагіня, экспертка стратэгіі і аналітыкі, міжнародная сакратарка Задзіночання беларускіх студэнтаў Аліна Харысава
Расія баіцца, што Беларусь яе кіне — Еўразум за 16 лютага | Новости Беларуси за 16 февраля by Euroradio
Цягам 2025 года амерыканскія дэлегацыі неаднаразова наведвалі Беларусь. Хоць пытанне вызвалення палітвязняў таксама ўзнімаецца, і людзі ў выніку з-за кратаў выходзяць (хай сабе і на ўмовах дэпартацыі з тэрыторыі Беларусі), але першасная задача гэтых перамоў для Вашынгтона — пытанні вайны ва Украіне і рэгіянальнай бяспекі. Вось толькі акурат наконт гэтага нічога не паведамляецца — у рэпартажах у асноўным асвятляліся жарты паміж Лукашэнкам і Джонам Коўлам пра прэпараты для пахудзення ці запанкі з сувенірнай крамы Белага дома, якія прынёс Коўл. Без асвятлення пазіцыі ЗША адносна, напрыклад, размяшчэння ў Беларусі расійскага “Арэшніка”.
Што прымушае Вашынгтон пашыраць адносіны з Лукашэнкам, і чым ён можа быць цікавы Трампу? Чым Лукашэнка “гандлюе” з ЗША, і ці сапраўды гэта тавар, які Белы дом згодны набываць доўга? Ці стала пагрозай для перамоў размяшчэнне ў Беларусі расійскіх “Арэшнікаў”, і які ўплыў на перамоўную пазіцыю Лукашэнкі мае Пуцін? На гэтыя ды іншыя пытанні ў эфіры Еўрарадыё адказвае экспертка па міжнароднай бяспецы, даследчыца Lawfare Institute Кацярына Шмаціна
Рэпрэсіі ў Беларусі працягваюцца, тая ж справа “Беларускага Гаюна” развіваецца, і ўжо нават пачуліся пагрозы з боку Расіі ў адрас суверэнітэту Беларусі. А пэўныя прадстаўнікі дэмсіл, разважаючы пра неабходнасць пачатку перамоў паміж ЕС і Лукашэнкам, кажуць пра тое, што нават “збеглыя” мусяць працаваць на падвышэнне і ўмацаванне “суб’ектнасці Лукашэнкі”. Бо інакш застанемся без Беларусі. Той Беларусі, якая сёння актыўна мілітарызуецца ва ўсіх сферах і пашырае працу на расійскі ваенны комплекс.
Чаму рэжым працягвае рэпрэсіі на фоне перамоў з ЗША, і якія знакі Еўропе падае Мінск? Чаму для рэжыму абавязкова трэба паказальна пакараць усіх датычных “Справы Гаюна”, і пра што сведчыць правал як “Гаюна”, так і ЧКБ ды Плана “Перамога”? Пра што сведчаць пагрозы з боку Масквы, і што там з “Арэшнікам”? Пра гэта і шмат што іншае мы і разважаем у жывым эфіры Еўрарадыё з прадстаўніком ініцыятывы BELPOL Уладзімірам Жыгарам
Прэзідэнт Францыі Макрон, выступаючы на Мюнхенскай канферэнцыі па бяспецы, заявіў, што ЕС павінен далучыцца да перамоў з Расіяй пра мір ва Украіне. Менавіта таму Францыя і накіравала свайго прадстаўніка ў Маскву. А як вынікае з інфармацыі з МЗС РБ, то і ў Мінск таксама. Са свайго боку Святлана Ціханоўская падчас дыскусіі “Беларусь у цэнтры ўвагі” адзначыла: “Пытанне Беларусі павінна быць часткай усіх перамоў пра бяспеку ў рэгіёне”. Тэма бяспекі ў рэгіёне, а значыць і вайны ва Украіне, была галоўнай на Канферэнцыі. Адпаведна пра яе выказваліся практычна ўсе: ад прэзідэнта Украіны Зяленскага і кіраўніка НАТА да дзяржсакратара ЗША Марка Рубіа і міністра замежных спраў Кітая Ван І.
Пра што сведчыць актывізацыя перамоў Францыяй, і якая роля ў гэтым працэсе адводзіцца Парыжам Лукашэнку? Чаму апошнім часам ізноў гучаць словы пра адсутнасць у Лукашэнкі суб’ектнасці, і як пытанне ўзмацнення гэтай суб’ектнасці звязана з заклікамі да ЕС распачаць перамовы з Лукашэнкам? Ці сапраўды рэжыму Лукашэнкі пагражае “пераварот”, і пры чым тут Масква? На гэтыя ды іншыя пытанні ў эфіры Еўрарадыё адказвае палітычны аглядальнік Радыё Свабода Валерый Карбалевіч
Download from Google Play
Download from App Store
United States
соловей, но молодой.
Все что показал Пазьняк, это уровень своего маразма. К сожалению.
Пустой пиздун - задушевник. Весь выпуск набор напыщенных фраз с нулевым смыслом.
у путена попросить помощи .... ой , ля , нечего дальше слушать.
Ладна, справядліва, што адказы былі і лепшыя, але праз самапавагі павагу да тэмы, я ўсё ж пакіну першапачатковы варыянт, што занадта вялікі для ютуба. Хай будзе, тэма - гонар! Беларуская нацыянальная ідэя, выключна на мой погляд, гэта дадзеная магчымасць, а каб не надавацца ў крайнасці, гэта магчымасць сёння для мяне і каханага мной чалавека, для вас і гледачоў, сялян і інтэлігенцыі, праваслаўнаму і каталіку, пісьменніку і таварышу маёру самому лічыць для сябе Беларуссю кожнаму сваё, гэта магчымасць для мяне марыць аб будучыні, каб не падвесці папярэднікаў, для кагосьці біцца ў сучасным дні за заўтрашні, гартуючы сэрца ў барацьбе ад самога ўчорашняга, для гісторыкаў спрачацца аб мінуўшчыне дзеля выключна нашае ды залежачае выключна ад нас будучыні; гэта магчымасць самому уяўляць сябе сваю Беларусь, гэта магчымасць марыць аб парламентскай рэспубліцы для палітыкаў, аб моцнай руцэ для чыноўнікаў, аб канстытуцыйнай манархіі для чалавека будучыні, аб нязбытным ідэалу для творцы, аб кутку н
Будаваць дарагу будзе сябр Пуціна?