Claim OwnershipSpektrum
Subscribed: 51Played: 3,507
Subscribe
© 2026 RSG
Description
Die Spektrumspan hou jou op hoogte met die jongste plaaslike en internasionale nuusgebeure.
2356 Episodes
Reverse
Reaksie op die opskorting van dr. Danie Odendaal se deelname aan die ministeriële taakspan oor bek-en-klouseer. Is daar lesse uit die Mandela-era wat vandag nog geld? Ons praat met 'n politieke ontleder ter herdenking van sy vrylating, vandag 36 jaar gelede. Stormweer veroorsaak groot skade in die Jansenville omgewing in die Oos-Kaap. Betogende inwoners van verskeie dele van Johannesburg is goed keelvol na meer as 20 dae sonder water.
Paul O'Sullivan sê misdadigers wil sy naam beswadder. Die March and March-beweging eis dat die regering 'n massadeportasie van ongedokumenteerde buitelanders uitvoer. Renosterstropery het in 2025 met 16% afgeneem teenoor 2024.
Kriminaliteit en korrupsie in die Ekurhuleni-metro is weer onder die vergrootglas by die Madlanga-kommissie. Japan se nuwe eerste minister wen 'n blitsverkiesing oortuigend. suid-Afrika se strategiese minerale sal waarskylik by die Mynbou Indaba in Kaapstad bespreek word.
Die polisietender aan Vusimuzi 'Cat' Matlala is onder die vergrootglas by die Madlanga-kommissie. Die personeelvereniging in die motorbedryf, Misa, verwelkom die verlenging van AGOA. 'n Uitbreking van bek-en-klouseer is in Humansdorp in die Oos-Kaap bevestig. Amerika en Iran begin met kernonderhandelinge in Oman.
Suid-Afrika is ingesluit in AGOA, maar waar laat dit die land met die VSA se 30%-tarief? Kommer oor die gesloer in die ondersoek oor die militêre operasie waaraan Iran deelgeneem het. ESKOM sal nie meer boetes uitreik aan kliënte wat nog nie hulle sonkragstelsels geregistreer het nie.
John Steenhuisen onttrek uit die DA se leierskap-wedloop. Talle vrae oor 'n burgemeester se lyfwagte wat na bewering 'n motoris doodgeskiet het. Nóg 'n groot daling in brandstofpryse om middernag.
John Steenhuizen onttrek uit die DA se leierskap-wedloop. Talle vrae oor 'n burgemeester se lyfwagte wat na bewering 'n motoris doodgeskiet het. Nog 'n groot daling in brandstofpryse om middernag.
Blouligbrigades is weer in die kollig, ná nog 'n noodlottige skietvoorval. Kritiek op die rits naamsveranderings in die Oos-Kaap en KwaZulu-Natal. Wêreld Vleilanddag word herdenk.
'n Nuwe getuie by die Madlanga-kommissie word glo reeds in die kommissie se tussentydse verslag genoem. Die Nasionale Persklub wys die KwaZulu-Natalse polisiekommissaris, Nhlanhla Mkhwanazi, aan as Nuusmaker van die Jaar. 'n Dokumentêre rolprent oor die Amerikaanse eerste dame, Melania Trump, word vandag wêreldwyd vrygestel.
'n Ondersoek begin na die ongeluk tussen 'n vragmotor en 'n minibustaxi in Isipingo in KwaZulu-Natal, wat elf lewens geëis het. 'n Onderwyser van Zeekoevlei Laerskool in die Wes-Kaap in verband met aanranding in hegtenis geneem, nadat 'n Graad 4-leerling glo lyfstraf opgelê is. Die omstrede tenderpreneur, Vusimuzi 'Cat' Matlala, is terug in die hof.
Die minister van landbou, John Steenhuisen, sê hofsake sal die verkryging van entstowwe vir bek-en-klouseer vertraag. Die eerste toetssaak van die taal- en toelatingsvereistes van die BELA-wet eersdaags in die hof aangehoor. Die March and March-beweging sê hulle sal nie deur die owerhede geboelie word nie.
Kritiek teen die beplande Weermagdag, wat R372 miljoen sal kos. Amerikaanse oudpresidente spreek hulle sterk uit teen ICE-agente se geweld teen Amerikaners. Ons praat met 'n kenner oor die oordrag van selfoondata.
ActionSA verwelkom nog twee organisasies onder wat hulle die 'groen sambreel' noem. Die Madlanga-kommissie hervat met 'n nuwe getuie. Lyfstraf word weer in alle erns as 'n alternatief tot tronkstraf voorgestel.
'n Gedenkdiens vir die 14 leerlinge wat vandeesweek in 'n taxiongeluk gesterf het. Skoolvervoer ontwrig weens 'n wegbly-aksie, nadat meer as 60 skoliervervoervoertuie in Gauteng geskut is. Ons praat met 'n misdaadkenner oor die Minister van Polisie se erkenning dat die mag nie opgewasse is teen bendes nie.
Nog klagtes word bygevoeg teen die bestuurder van die minibustaxi wat betrokke was by Maandag se noodlottige skoolvervoerbotsing in Vanderbijlpark. Die vrees vir onwettige mynwerkers noop inwoners van gemeenskappe wes van Johannesburg om uit hulle huise te vlug. Nog lande onderneem om deel te vorm van president Donald Trump se Vredesraad.
Sal geopolitieke spanning gesprekke by die Wêreld Ekonomiese Forum in Davos oorheers? Die departement van samewerkende regering besin steeds oor 'n datum vir vanjaar se plaaslike regeringsverkiesing. Werksaamhede by die Booysens-landdroshof in Johannesburg gaan voort ondanks gister se skietvoorval. Tersiêre instellings in KwaZulu-Natal waarsku dat toelating van eerstejaars op mededingende grondslag gedoen sal word.
Die Suid-Afrikaanse Varkvleisprodusente-organisasie bevestig dat die bek-en-klouseer-pandemie nou ook varke raak. Die voormalige OPOD-hoof en motorbomplanter, Robert McBride, getuig voor die parlement se ad hoc-komitee. Gauteng se Departement van Gesondheid pas die dodetal aan in gister se skoliervervoer-ongeluk in Vanderbijlpark 14 tot 12.
Skok oor die dood van 12 leerlinge wat in 'n gru-ongeluk in Gauteng sterf, presies 'n jaar ná die dood van elf ander leerlinge in dieselfde deel van die provinsie. Die soektog na twee tieners in die vloedgeteisterde Limpopo is vanoggend hervat. Die dodetal het intussen tot 20 gestyg. Ons bespreek die impak van British American Tobacco SA se besluit om later vanjaar sigaretproduksie in Suid-Afrika te staak.
Nog 'n mosie van wantroue is teen die burgemeester van Johannesburg gebring. Gift of the Givers spring in om te help nadat oorstromings groot verwoesting in Mpumalanga saai. Action SA stel nuwe wetgewing voor om fluitjieblasers beter te beskerm.
Padsterftes tydens die feesgety neem af in vyf provinsies. Die hoof van die Onafhanklike Onwikkelingstrust, Tebogo Malaka, bedank te midde van bewerings van korrupsie en omkopery. Luitenant-generaal Dumisani Khumalo getuig voor die ad hoc-komitee wat bewerings van politieke inmenging in die regstelsel ondersoek.
Comments
Download from Google Play
Download from App Store
United States