Pola Retradio en Esperanto

En la 1454-a E_elsendo el la 15.02.2026 ĉe www.pola-retradio.org: • Hodiaŭ la heroo de nia felietono pri koninda polo estas Stefan Norblin, plastikisto, pentristo, karikaturisto, ilustristo, projektanto de internoj, arkitekturo kaj modo. Ni koncentriĝas pri lia trijara estado en Hinda Unio en la jaroj de la 2-a mondmilito, kaj liaj verkoj por hinduniaj maharaĝoj. • En la komenca kulturkroniko – post la kalendarfoliaj retroplukaĵoj ni informas pri interesa ekspozicio el la limo de scienco kaj arto „Spegulo – inter iluzio kaj realo”; pri la partopreno de Lodzo en la finna legomaratono dediĉita al „Muminoj” okazinta fine de januaro; pri la refunkciigita astronomia horloĝo en Gdansko, unu el la kulturhavaĵoj de la urbo. • En la E-komunuma segmento ni informas pri la 38-a Esperantologia Konferenco. Ni memorigas pri la unua literatura konkurso Kálmán Kalocsay [www.literaturavivo.com]. Ĉeokaze ni prezentas lian primovadan poeziaĵon „La fundamento kaj la palalco”. • Kun profunda bedaŭro ni eksciis pri la dua inundo, kiu plagis la produktejon Vinilkosmo. En tiu kunteksto ni memorigas la titolan kanton el la lasta albumo aperinta ĉe ĝi – „La nova ĝardeno” de Vojaĝo. La programinformon akompanas reta foto prezentanta iun el la pentraĵoj de Stefan Norblin farita dum lia estado en la Hinda Unio. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1453-a E_elsendo el la 10.02.2026 ĉe www.pola-retradio.org: • Hodiaŭ denove ni proponas enrigardi iujn el la lastatempe venintaj al la redakcio E-gazetoj. Temas pri la 1-a, februara numero de Esperantolehti; pri la lasta numero de „La Informilo Esperanto” de la Orient-Franca E-Asocio; pri la 11-a numero 2025 de „La Revuo Orienta”. • En la komencaj aktualaĵoj – post la Kalendarfolio kun elektitaj datoj ligitaj kun la 10.02 – ni informas pri la plej bonaj eksterlandaj studentoj en Pollando 2026; pri novaj studoj rilate robotikon kaj mekatronikon en Vroclavo. • Nia scienctema rubriko estas dediĉita al la esplorrezultoj pri dormo kiel universala, biologia fenomeno karakterizanta ne sole cerbohavulojn; al promesoplenaj esploroj de sciencistoj el Poznano pri ebleco kultivi japanan zingibron en Pollando. Tiun informon akompanas reta foto pri la realigitaj kultivaĵoj. • Muzike ni proponas fragmenton de la kanto „Espero brilas en la mallumo” por la vortoj de Andreo Rygielski aperinta en oficiala kanalo de @WaveSculptor. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. ­ La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1452-a E_elsendo el la 05.02.2026 ĉe www.pola-retradio.org: • Antaŭ du semajnoj, la 22-an de januaro pasis la 18-a mortodatreveno de Claude Piron. La 26-an ni memoros pri lia 95-a naskiĝdatreveno. En la kunteksto de tiuj du datrevenoj ni memorigas la arkivan interparolon de red. Ewa Krach, en kiu Claude Piron rakontas pri sia esperantistiĝo kaj influo de Esperanto je la profesia laboro. • En la komenca kulturkroniko – post la kalendarfolio kun elektitaj historiaj datoj el la 05-a de februaro – ni informas pri polaj artistoj kun kaj atendantaj pliajn filmpremiojn; pri la daŭranta en Varsovio interesa ekspozicio pri  rilatoj inter la reĝaj familioj Sobieski kaj Stuart. • En la E-komunuma segmento ni memorigas pri la ebleco anonci sin ĝis la 15-a de februaro por la volontulado en Graz (uea.org/gk/1278a1). Rico Giacommetto invitas por la 106-a Brita E-Kongreso en Lestero (24-26.04.2026). • Hodiaŭ ni proponas aŭskulti kune fragmenton de la kanzono „Neĝoŝtormo” en la jutuba profilo de Esperanto Vivo. La reta foto akompananta la programinformon prezentas Varsovion sub dika tavolo de neĝo, kiu iom degelas, sed la vintro daŭre regas. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1451-a E_elsendo el la 30.01.2026 ĉe www.pola-retradio.org: • Hodiaŭ ni i.a. informas pri la semajnfina gvidado tra la ekspozicio „Vojaĝo” en la Nacia Biblioteko en Varsovio, kiu la plej proksiman sabaton okazos ankaŭ en Esperanto. • En la komencaj aktualaĵoj – post la Kalendarfolio kun elektitaj datoj ligitaj kun la 30-a de januaro – ni retrorigardas al la 81-a datreveno de la liberigo de la hitlerana koncentrejo Auschwitz citante el la porokaza deklaro de UEA. Ni informas pri la 60-jariĝo de la unua rentransplanto en Pollando; pri la multfunkcia ŝpurveturilo Bufo projektita de polaj studentoj. En la fino ni proponas Leterkestan renkontiĝon. • Muzike – reference al la 135-a naskiĝdatreveno de Julio Baghy – ni prezentas la plej novan muzikigitan version de lia versaĵo „Ĉe fenestro de vagonaro”. La akompana al la programinformo reta foto rilatas al la informo pri la unua transplanto de renoj en Pollando antaŭ 60 jaroj. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1450-a E_elsendo el la 25.01.2026 ĉe www.pola-retradio.org: • Antaŭ nia mikrofono gastas hodiaŭ Jarosław Parzyszek el Fondumo Zamenhof en Bjalistoko, kun kiu ni interparolas pri la solene lanĉita lastvendrede (23.01.2026) en la bjalistoka Zamenhof-centro reredaktita libro de Roman Dobrzyński „La Zamenhof-strato” en la lingvoj pola kaj angla. • En la komenca kulturkroniko – post la kalendarfolio kun elektitaj historiaj datoj el la 25-a de januaro – ni informas pri la literatura premio de Odette kaj Léon Chertok por la polaj raportistinoj Hanna Krall kaj Anna Bikont; pri la bitigataj objektoj de la Nacia Muzeo en Varsovio; pri ekspoziciata fragmento de la donaco de Basil Alkazzi por la Nacia Muzeo en Gdansko. • En la E-komunuma segmento ni prezentas la mesaĝon de UEA lige kun la Internacia Tago de Edukado (uea.org/gk/1277a1) kaj pri IKU dum la 111-a UK en Graz (uea.org/gk/1276a1). • Hodiaŭ ni proponas aŭskulti kune fragmenton de la kanzono de Feri Floro „Lasu, ke dolor’ estu pardonita”. La reta foto akompananta la programinformon prezentas la aspekton de la  ĵus aperinta, reredaktita libro de Roman Dobrzyński „La Zamenhof-strato”. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1449-a E_elsendo el la 20.01.2026 ĉe www.pola-retradio.org: • Al sukcesoj de Vinilkosmo 2025 kaj frontataj de ĝi defioj en 2026 ni donas hodiaŭ apartan atenton kaj nian felietonan informon akompanas fragmente du muzikpecoj el ĝiaj aŭtune aperigitaj bitalbumetoj: de la tulua-okcitania Vojaĝo (Eĉ unu muron) kaj de la hispana-okcitana Kaj Tiel Plu (Kiel estas tiu glaso). • En la komencaj aktualaĵoj – post la Kalendarfolio kun elektitaj datoj ligitaj kun la 20-a de decembro – ni informas pri la novjara renkontiĝo kun reprezentantoj de eklezioj kaj sociaj malplimultoj, pri Róża Czacka patrono de 2026, pri kreskanta eksporto de pola viskio, pri novaj produktoj el la ceramika fabriko en Bolesławiec, • Nian sciencan rubrikon ni dediĉas al la unua etapo de usonaj-britaj esploroj pri la influo de sociaj retejoj je psika bonfaro de junaj personoj. • La akompana al la programinformo foto prezentas edukatojn de Blindulcentro en Laski, establita de Róża Czacka. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1448-a E_elsendo el la 15.01.2026 ĉe www.pola-retradio.org: • Pasintsemajne en la plej granda aglomerejo de vespertoj en Pollando okazis la internacia nombrado de ĉi tiuj bestoj. Tiu evento estas la okazo por nia felietono pri vespertoj en Pollando kaj en la mondo kaj ilia signifo en diversaj kulturoj. • En la komenca kulturkroniko – post la kalendarfolio kun historiaj datoj el la 15-a de januaro – ni informas pri interesa ekspozicio en Katowice pri etnoalternativoj; pri murpentraĵo (muralo) en la hispana Zaragozo dediĉita al la pola romano „Manuskripto retrovita en Saragossa”; pri la japana arto en lako prezentata en Krakovo. • En la E-komunuma segmento ni informas pri la nunjaraj Baltiaj E-Tagoj okazontaj en Rigo, Latvio – – https://www.esperanto.de/eo/bet. • Hodiaŭ por la muzika interludo en nia elsendo ni elektis iun el la plej novaj kantoj el la Brazila Kolekto „Fidinda amiko”, kiun en E-versio kantas Flavio Fonseca. La reta foto akompananta la programinformon rilatas al la prezentata en Krakovo la japana lakoarto. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1447-a E_elsendo el la 10.01.2026 ĉe www.pola-retradio.org: • Hodiaŭ ni donas multan lokon al E-literaturo jen informante pri la konata hispana libro nun aperinta en Esperanto “Réquiem por un campesino español” (Rekviemo por hispana kamparano) de Ramón José Sender; pri la unua (januara) eldono 2026 de E-sumoo; pri la proksimiĝanta 135-a naskiĝdatrevo de Julio Baghy (kun la citado de la rilata teksto de Baldur Ragnarsson el Juna Amiko). • En la komencaj aktualaĵoj – post la Kalendarfolio kun elektitaj datoj ligitaj kun la 10-a de decembro – ni informas pri la decido de la uniaj landoj pri la interkonsento kun Mercosur; pri la ortografia reformo en Pollando; pri la daŭra skeptikeco de poloj rilate la unian valuton – eŭro. • Muzike ni adiaŭas la forpasintan la 5-an de januaro 2026 Ĵak Le Puil prezentante lia kanzonon „Revenas mi” el la KD de Vinilkosmo „Sen elizi’’’. La akompana al la programinformo foto prezentas vintre dormantajn  vespertojn. La  10-an de januaro 2026 en la Fortikaĵo Międzyrzecz okazis ilia ĉiujara nombrado . • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1446-a E_elsendo el la 05.01.2026 ĉe www.pola-retradio.org: • En la unua E-elsendo de la 2026-a jaro la Redakcio deziras al ĉiuj aŭskultantoj kaj radioamikoj pacan, ĉiuspece prosperan kaj sukcesan Novan Jaron. • En la Trarigardo de la E-Gazetaro ni proponas kunfoliumi kun ni la 8/9-an kaj 10-an paperajn numerojn de „La Revuo Orienta”. Ni enrigardas la elektronikan version de la decembra „Novaĵoj Tamtamas” el Jokohamo, Ni citas el la sonversio de la decembra numero de „Tempo” de Kroata E-Ligo kaj fine ni ĵetas la rigardon al la ĵus veninta januara numero 2026 de „Ora Ĵurnalo” el Gotenburgo. • Komence post la Kalendara Folio kun historiaj eventoj, ligitaj kun la 5-a de januaro ni informas pri la komenco de la nova tradicio, ĉiusabata hisado de la Pola Flago super la Prezidenta Palaco en Varsovio kaj pri la morgaŭaj Epifaniaj Paradoj, kiuj moviĝos tra ĉirkaŭ unu mil polaj urboj, urbetoj kaj vilaĝoj. • En la kulturkronika rubriko ni parolas pri la novaranĝita Artgalerio de la Eŭropa Arto en Krakovo, pri ekspozicio kolektinta tolaĵojn de polaj artistoj aktivantaj en la t.n. Munkena Skolo. • En la E-komunuma segmento ni referencas al la Novjaraj Bondeziroj de UEA. Ilia plena teksto estas legebla ĉe https://uea.org/gk/1274a1. Ni informas pri la gajninto de la Premio Maertens 2026, Alekso Miller. Plena teksto legeblas ĉe: https://uea.org/gk/1275a1. • Hodiaŭ muzike akompanas nin Anna Osmakowicz en fragmento de la pola kristnaska kanto „Di’ naskiĝas”. La reta foto akompananta la programinformon rilatas al la morgaŭa festo de Tri Reĝoj. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1445-a E_elsendo el la 30.12.2025 ĉe www.pola-retradio.org: • La gasto de nia elsendo estas Yves Nevelsteen, konata E-aktivulo, kun kies agado plimulto el ni renkontiĝis. Jen E-Vikipedio kaj Komputeko, jen aldoniĝintaj kun la tempofluo Eventa Servo kaj Markonomoj. • En la komencaj aktualaĵoj – post la Kalendarfolio ligita kun elektitaj datoj ligitaj kun la 30-a de decembro – ni jarfine eksciu, kiel poloj taksas sian ekonomian situacion en 2025; kial kaj kiel polajn lernantojn inspiras la pentroarto de Van Gogh; kial Krakovo havas la plej belan historian urbocentron en Eŭropo. • Nian sciencan rubrikon ni dediĉas al la sufloroj de sciencistoj, ke la plej efika maniero konservi la junan cerbon estas lerni lingvojn. Ju pli multe des pli bone. • Muzike akompanas nin fragmente la plej nova kanzono de Kaj Tiel Plu „Je l’unua la naskiĝ’” el ĝia plej nova bitalbumeto „Je la kvara” aperinta ĉe Vinilkosmo. En la fino Feri Floro kantas pri paco. La akompana al la programinformo foto evidente aludas al baldaŭ komenciĝonta 2026-a jaro kaj la tostado…por ĝia prospero kaj i.a. paco. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1444-a E_elsendo el la 25.12.2025 ĉe www.pola-retradio.org: • Ĝojplenan Kristnaskon! Serenajn festotagojn al ĉiuj aŭskultantoj, amikoj kaj  konatoj! • Konfome al la festa karaktero de la tago, ankaŭ nia elsendo proponas festan etoson, kiu speguliĝas jam en nia Kalendarfolio de la 25-a de decembro. Komence ni informas pri la plej malnova pola kristnaska kanto en la krakovaj arkivejoj; pri pingloarboj kaj ilia ornamado en polaj domoj, kiu tradicio havas jam 200-jaran historion; pri kristnaskaj donacoj kaj alvoko, ke porinfanan kristnaskan donacon konsistigu libroj. • La nunjara Universala Kongreso en Brno estis la okazo por multaj interesaj renkontiĝoj kaj interparoloj. Iun – aparte taŭgan por la festa tago – ni faris kun Istvan Ertl, eksciante iom pri liaj familiaj aferoj kaj gratulindaj atingaĵoj kaj planoj. • Nia muzika ornamo en la hodiaŭa elsendo evidente ligiĝas kun Kristnasko. En la kunteksto de nia antaŭmikrofona renkontiĝo kun Istvan Ertl aŭdiĝas fragmente i.a. ĉeĥa kaj hungara kristnaskaj kantoj en Esperanto. La foto akompananta nian hodiaŭan programinformon, evidente ligiĝas kun la daŭranta Kristnasko. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1443-a E_elsendo el la 20.12.2025 ĉe www.pola-retradio.org: • En la hodiaŭa elsendo kadre de Leterkesto ni interparolas kun Tamara t.e. Haesim PAK el la Suda Koreio pri la uzo de E-elsendoj en ŝia aŭtuna-printempa kurso por koreaj esperantistoj, ĉefe por trejni la kapablon aŭskuli la parolatan lingvon. • En ampleksa kulturtema kroniko – post la kalendarfoliaj informoj ligitaj kun la 20.12 – ni informas pri arĝentaĵoj de la varsoviaj firmaoj nun en konstanta ekspozicio; pri la nunjara eldono de la krakova konkurso por la kristnaskaj kripetoj; pri nova registro el Pollando en la listo de Unesko-heredaĵo; pri arasoj (murtapiŝoj) kaj modernaj figuraj teksaĵoj (abakanoj) en Wawel-kastelo. • En la E-komunuma segmento ni informas pri pliaj progresoj por okazigo de la 113-a UK en Litovio. Ni memorigas, ke ĝis la fino de la kristnaska IKUE-konkurso restas nur tri tagoj. • Muzike akompanas nin fragmente la kanzono „Oceano” el la bita albumeto de Vojaĝo aperinta ĉe Vinilkosmo. La reta foto ĉe la programinformo ilustras la salikbranĉan korboplektadon el Pollando, nun en la listo de Unesko. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1442-a E_elsendo el la 10.12.2025 ĉe www.pola-retradio.org: • En la komenco de la elsendo vi trovas elektitajn historiajn datojn rilatajn al la 10-a de decembro. Sekvas ilin aktualaĵoj pri ok polaj esploristinoj, kiuj ricevis la premiojn L’Oréal-UNESCO por Virinoj kaj la Scienco; pri la finiĝinta sezono de lueblaj publikaj bicikloj 2025. • Nian sciencan temon ni dediĉas al enplantaĵo – PRIMA-protezo por homoj suferantaj degeneron de flava makuleto. • En nia E-komunuma segmento ni referencas al Tago de Homaj Rajtoj kaj porokaza mesaĝo de UEA; ni informas pri la inaŭguro de la ekspozicio VOJAĜO en la Nacia Biblioteko en Varsovio dediĉita al Lucien Péraire; ni peras la alvokon de IKUE partopreni en la IKUE-konkurso “Paŝoj de Espero: survoje al Kristnasko”. Oni atendas ĝis la 23.12.2025 preĝon, poemon, mediton (ĝis 800 vortoj) aŭ kanton ĉe la adreso ikuekonkursoj@gmail.com. • En la elsendo muzike akompanas nin Hirosi Nobukuni per fragmento de la originala E-kanto „La ekiro de l’ cignar’”. Mélanie Prin per kristnaska kanto ilustras la informon de IKUE; Kritnaskaj ornamoj ekde la komenco de decembro ornamas polajn placojn; nian programinformon ornamas tiu de antaŭ la Reĝa Kastelo en Varsovio. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.

En la 1441-a E_elsendo el la 05.12.2025 ĉe www.pola-retradio.org: • En la hodiaŭa programo vi trovas du malgrandajn sonfragmentojn el la inaŭgura parolado de UEA-prezidanto, Fernand Maia, per kiuj li jen inaugŭras la 6-an Virtualan Universalan Kongreson, jen li sciigas la lokon de la UK-2027, Melburno. • En la kulturtema kroniko – post la kalendarfoliaj informoj ligitaj kun la 05.12 – ni informas pri ekspozicio dediĉita al la judaj lingvoj daŭranta en la varsovia muzeo Polin; pri la Recita Konkurso „Kresy” (randregionoj) destinita al poloj loĝantaj en la iamaj orientaj vojevodioj de Pollando okazanta semajnfine en Bjalistoko. • La plia parto de la elsendo estas dediĉita al elstaraj esperantistoj forpasintaj lime de novembro kaj decembro. Baze de la GK de UEA ni proksimigas la silueton de longjara laboranto de CO de UEA en Roterdamo, Rob Moerbeek. • Hodiaŭ ni adiaŭas la forpasintan la 1-an de decembro konatan polan esperantistinon el Toruń, Teresa Nemere. En sia laboro en la tiea Etnografia Muzeo ŝi kreis i.a. spacon por kunlaboro pri folkloraj temoj, en kiu la pontan rolon ludis Esperanto. El nia arkivo ni prezentas fragmenton de intervjuo, kiun antaŭ multaj jaroj ŝi donis al nia redakcio ĝuste pri utiligo de Esperanto en sia profesia laboro. • La programinformon akompanas malnova foto de Teresa Nemere inter popolaj artistinoj. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1440-a E_elsendo el la 30.11.2025 ĉe www.pola-retradio.org: • En la komenco de la elsendo ni prezentas tristan informon, kiu venis jam post la finpretigo de la programo, pri la forpaso de elstara membro de la E-komunumo, Rob Moerbeek. • Hodiaŭ nia antaŭmikrofona gasto estas Jérémie Sabiyumva, la laŭvican jam fojon estrarano de UEA respondeca pri aktivula maturigo kaj Afriko. Ĝuste E-movado en Afriko, kaj la unua UK en Tanzanio estas temo de nia antaŭmikrofona renkontiĝo. • La komencaj aktualaĵoj rilatas al la dinamika evoluo de vinproduktado en Pollando; al ripoziga-turisma atrakciaĵo en Szczecin, Fabriko de Akvo; pri mil plantataj kverkoj omaĝe al la 1000-jara jubileo de la kroniĝo de la unua pola reĝo. • La sciencan rubrikon ni dediĉas al la freŝa novaĵo pri ebla malkovro de malluma materio. • Same kiel en aliaj landoj kaj lokoj oni preparas sin al la antaŭkristnaska periodo. Pri enorme pompa propono de Varsovio vi aŭdos sekve. • Muzike ni proponas fragmenton de la brazila kanzono Tropikulino, kiun kantas Vicente Sales. Nia programakompana foto el fb prezentas la ridetandan vizaĝon de ĵus forpasinta, karmemora Rob Moerbeek. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.

En la 1439-a E_elsendo el la 25.11.2025 ĉe www.pola-retradio.org: • Nian hodiaŭan felietonon ni dediĉas al la varsovia verdaĵplena kvartalo Marysin Wawerski, en kies tombejo okazis ĉi-matene la lasta adiaŭo de la konata pola esperantisto, Roman Dobrzyński. Nian programinformon akompanas foto pri „Sobieski-arbaro”, la dua plej granda komplekso de arbaraj parkoj en Varsovio, troviĝanta i.a. najbare de Marysin Wawerski. • En la kulturtema kroniko – post la kalendarfoliaj informoj, ligitaj kun historiaj eventoj de  25.11 – ni informas pri ekspozicio de skulptaĵoj de Szymon Ołtarzewski en Romo; pri la premio Živa, plia nunjara distingo por la Muzeo de Siberiekzilitoj en Bjalistoko; pri la varsovia ekspozicio de Adam Kossowski, kies 120-a naskiĝdatreveno pasos la 5-an de decembro. • En la E-komunuma segmento ni informas pri Erasmus+ por studi Esperanton kiel interfakan kampon por transnacia novigado; pri TEJO en la estraro de CoNGO; pri kelkaj E-eldonaĵoj kun hispanlingva tradukparto prezentitaj al la ekstera publiko de Madrido. • Muzike akompanas nin fragmente la kanto de TEAM „Rakonta silentado”’. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Interalie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1438-a E_elsendo el la 20.11.2025 ĉe www.pola-retradio.org: • En nian variteman programon enkondukas kalendarfolia retrorigardo, kiun sekvas aktualaĵoj. Ni informas pri rezolucio de la Sekureckonsilio de UN-o rilate Gazao-sektoron Ni informas pri aŭkcio per objektoj rilataj al la viktimoj de la 3-a Regno, kiu ne okazis pro la interveno i.a. de polaj aŭtoritatoj. • La scienca rubriko koncernas  ostan gluon de ĉinaj sciencistoj, kiu  povos revolucii ortopedion kaj la konferencon dediĉitan al la malkreskanta nombro de birdoj en nia medio. • Hodiaŭ ni raportas pri la 10-a Memorialo Lucija Borčić kaj prezentas rezultojn de la ligita kun ĝi tradukkonkurso. Alia E-komunuma temo koncernas la daŭrantan eventon en Pisa, Italio – Zamenhofa Aranĝo Toskana. • En novembro pasis la 40-a datreveno de la unua kortransplanto en Pollando kaj tio estas la lasta temo de nia elsendo. • Muzike ni prezentas fragmente la kanzonon de La Mondanoj „Laktokoktelejo” el ilia, ĵus lanĉita de Vinilkosmo, albumeto. La programinformon akompanas foto pri paseroj, unu el la birdospecioj dramece malmultiĝanta en nia medio. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.

En la 1437-a E_elsendo el la 15.11.2025 ĉe www.pola-retradio.org: • Nia hodiaŭa elsendo grandparte estas dediĉita al la memoro de la forpasinta la 13-an de novembro 2025 konata pola esperantisto, Roman Dobrzyński. Ni i.a. referencas al la Gazetara Komuniko de UEA – uea.org/gk/1266a1. El nia arkivo ni memorigas ampleksan interparolon el 2006, faritan en la E-Redakcio de Pola Radio, post lia trimonata instruado de Esperanto en Ĉinio. • En la kulturtema kroniko – post la kalendarfoliaj informoj ligitaj kun la 15.11 – ni informas pri unu el la patronoj de 2006 en Pollando, kiu estas la fama pola reĝisoro Andrzej Wajda. • Muzike ni memorigas kanzonon de la kabareto de la pola E-junularo Verda Simio funkcianta en la 60-aj jaroj de la pasinta jarcento „Fluas Wisła tra ebena land’”. Roman Dobrzyński aktive ĝin partoprenis, verkis kaj tradukis por ĝia repertuaro. La programinformon akompanas foto el la E-Tagoj de Krakovo, en kiu krom Roman Dobrzyński troviĝas Raia Androvska kaj Barbara Pietrzak. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Ineralie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.

En la 1436-a E_elsendo el la 10.11.2025 ĉe www.pola-retradio.org: • Hodiaŭ antaŭ nia mikrofono gastas d-ro Gabriel Beecham. La renkontiĝo dum la 110-a UK estis la okazo ekscii i.a. pri lia vojo al Esperanto, kiu alkondukis lin al la posteno de la prezidanto de la Brita Asocio de Esperanto. Pri lia profesia laboro kiel kuracisto anestezisto. • La komencan parton de la elsendo, krom prezento de kelkaj historiaj datoj ligitaj kun la dato 10.11, ni dediĉas al temoj ĉirkaŭ la morgaŭa pola Nacia Festo, la 107-a datreveno de la reakirita suvereneco. Ni informas pri la 100-jariĝo de la varsovia Tombo de Nekonata Soldato, pri festokaza komuna kantado de la pola himno en polaj lernejoj, pri la 12-a Internacia Paderewski-festivalo en Varsovio. • La sciencan rubrikon ni dediĉas al la kreskanta kvanto de psikaj perturboj inter uzantoj de ChatGPT, pri kio atentigis Open AI. • La reta foto ornamanta la programinformon prezentas la varsovian Tombon de Nekonata Soldato. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.

En la 1435-a E_elsendo el la 05.11.2025 ĉe www.pola-retradio.org: • En nia hodiaŭa leterkesta programero – krom trakti aktualajn korespondaĵojn ni decidis prezenti mallongan interparolon kun nia slovena aŭskultanto, Peter Grbec renkontita en la 110-a UK, kiu dividas siajn opiniojn pri niaj elsendoj. • En la kulturtema kroniko – post la kalendarfoliaj informoj ligitaj kun la 05.11 – ni informas pri portreto de Dürer prezentata en Krakovo; pri pentristaj Rubens-spuroj en Silezio; pri 31 novaj objektoj en la Listo de nemateria kulturheredaĵo de Pollando. • El la E-komunuma segmento eblas ekscii pri la revuo Esperantologio-Esperanto Studies (EES) akirinta sciencan agnoskon en Italio; pri Amikeca Premio de la ĉina registaro por Rafael Zerbetto. • Muzike ni memorigas la kanzonon de Ĵomart „Pasero”. La reta foto/grafikaĵo de Maria Skłodowska lige kun la 120-jariĝo de ŝia prelego en Sorbono devenas el la paĝo de Pola Radio. • En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia redakcio ekde 2003. La elsendo estas aŭdebla en Jutubo ĉe la adreso: https://www.youtube.com/results?q=pola+retradio&sp=CAI%253D Ineralie pere de Jutubo, konforme al individua bezono, eblas rapidigi aŭ malrapidigi la parolritmon de la sondokumentoj; eblas transsalti al ajna serĉata fragmento de la elsendo.