Claim Ownershipإيه الحكاية؟
Subscribed: 487Played: 4,019
Subscribe
© شباك - shebbaknet
Description
برنامج سياسي تحليلي، يسلط الضوء على أهم القضايا في مصر ويناقشها من زاوية تحليلية، يأتيكم كل إثنين وجمعة الساعة 8 مساءا بتوقيت القاهرة
298 Episodes
Reverse
في 8 ديسمبر 2024، استيقظ السوريون والعالم على خبرٍ لا يُصدّق: سقوط نظام بشار الأسد بعد أكثر من 14 عامًا من الدم والدمار.. لحظة انتصار لا توصف، صارت الشوارع ميادين للدموع والزغاريد، واختفى الخوف ليحلّ مكانه صوت "الحرية".
سنة 2005 دخل التوك توك مصر بدون قرار ولا تخطيط، انتشر وبقى وسيلة نقل وباب رزق لملايين المواطنين، وكل ما تحاول الحكومة تنظمه أو توقفه دايمًا بيرجع أقوى، لكن فجأة وزارة الإنتاج الحربي طرحت السيارة الكيوت، بهدف استبدال التوك توك.في الحلقة دي بنحكي قصة التوك توك من يوم ما دخل مصر لحد لحظة المواجهة مع البديل الجديد، وبنسأل: هل الكيوت فعلاً بديل مناسب ولا بيزنس كبير لصالح الجيش؟ و يا ترى مين المستفيد الحقيقي منه؟
في بلد بيُسكت فيه الصوت قبل حتى ما يتكلم، بيبقى السؤال: هو الشيخ محمود شعبان اختفى ليه؟ وليه يتحول أستاذ جامعي لرمز من رموز القهر في سجون السيسي؟من زنزانة انفرادية "لا يدخلها نور ولا رحمة"، خرجت رسالة مسرّبة تكشف حجم المعاناة المهينة اللي بيتعرّض لها الشيخ داخل المعتقل. إضراب عن الطعام، حرمان من أبسط الحقوق، وانتهاكات بتكشف إن السجن مش بس حبس جسد.. ده كسر روح.كيف وصل شيخ أزهري، معروف بحضوره القوي على الشاشات بعد الثورة، إلى زنزانة مظلمة في العقرب؟ وليه اتحول من ضيف دائم في الإعلام إلى معتقل بتُمنع عنه الزيارة؟
هل مصر محتاجة 100 سنة عشان تنهض؟ طيب ماذا عن كوريا الجنوبية وألمانيا واليابان وغيرهم من الدول اللي حققت نهضة اقتصادية في فترة زمنية قصيرة؟ في الحلقة دي، بنحلل تصريحات السيسي في الأكاديمية العسكرية، واللي كشفت طريقته في إدارة الدولة، ورأيه في الملفات اللي المفروض يناقشها مع الشعب، مش مع الطلبة العسكريين. ليه السيسي بقى يتجنب أي لقاء مع المدنيين وليه بقت أغلب خطاباته موجهة للجيش؟ وإزاي تصريحات زي مصر محتاجة 100 سنة بتخفي فشله في تحقيق وعوده للمصريين؟ #شباك #إيه_الحكاية #عبدالرحمن_عمر
قرار ترامب بتصنيف فروع من الإخوان كمنظمات إرهابية مش مجرد عنوان سياسي... ده تحوّل جذري في نظرة أمريكا للإسلام السياسي بعد 7 أكتوبر! لكن ليه دلوقتي؟ وليه "بعض الفروع" مش الجماعة كلها؟ البيت الأبيض بيشتغل بهدوء على بناء ملف قانوني ضد أجنحة بعينها في مصر ولبنان والأردن، بينما الخطاب الرسمي بيحاول إقناع الداخل الأميركي قبل ما يخاطب الخارج. في المقابل، الإخوان بيردوا بنفي قاطع، وبيشوفوا القرار جزء من ضغوط إماراتية وإسرائيلية – مش نابع من وقائع قانونية.
في حلقة النهاردة، بنناقش الصراع الخفي بين السعودية والإمارات، الإخوة الأعداء اللي بيتنافسوا على قيادة الخليج والشرق الأوسط.ليه الإمارات خسرت صفقة الـ F-35؟ وليه السعودية بقت الأقرب لواشنطن رغم إنها رافضة التطبيع حتى الآن؟ وإزاي السودان بقى ساحة مواجهة بين الرياض وأبوظبي؟ هنشوف تفاصيل التنافس السياسي والعسكري والاقتصادي، ونعرف ليه السنين الجاية هيكون فيها صراع أكبر على قيادة المنطقة بين السعودية والإمارات.
هل يعيد التاريخ نفسه؟ في سابقة هي الأولى منذ وصوله للحكم، السيسي يعترف رسميًا بوجود "انتهاكات انتخابية" ويطلب من الهيئة الوطنية إعادة النظر في نتائج البرلمان! فهل هي صحوة ضمير أم خوف من مصير مبارك؟ في هذه الحلقة نقارن بين انتخابات 2024 في عهد السيسي وانتخابات 2010 تحت حكم مبارك، ونكشف كواليس الصراعات داخل الأجهزة السيادية، والارتباك غير المسبوق في إعلام الدولة، وتحوّل الروايات بعد بيان السيسي. هل ما يحدث مؤشر على شرخ داخلي في نظام الحكم؟ ما الذي يدفع نظام أمني إلى كشف عوراته علنًا؟ وهل تدخل السيسي يكشف هشاشة سلطته أم ذكاء سياسي لكسب الأرضية الشعبية؟ الإجابات الكاملة، والمفاجآت التي لم تُكشف من قبل. تابع للنهاية وشاركنا رأيك… هل فعلاً السيسي بيخاف من مصير مبارك؟ 📢 لا تنسَ الإعجاب، الاشتراك، وتفعيل الجرس ليصلك الجديد أولاً بأول.
في الحلقة دي من برنامج إيه الحكاية، هنكشف مع بعض واحدة من أخطر وأعمق شبكات النفوذ داخل مصر، شبكة مكوّنة من سبعة رجال إماراتيين أصبحوا ماسكين مفاتيح قطاعات حيوية: الموانئ، القمح، السكر، العقارات، الطاقة، المياه، البنوك، الدواء، وصولًا للأراضي والسواحل. – إزاي طحنون بن زايد بقى اللاعب الأخطر في اقتصاد مصر – إزاي منصور بن زايد دخل من بوابة التنمية والبنية التحتية – ليه محمد العبار بقى شريك مصر في أرضها – وإزاي الباقي بيبنوا شبكة نفوذ ممتدة بتأثر على حياة كل مصري
📉 في 2010، كانت مصر رايحة ناحية لحظة فاصلة.. نظام فاكر إن السيطرة الكاملة بتمنع السقوط، لكن اللي حصل كان العكس تمامًا. من تزوير فجّ في الانتخابات، لاختفاء المعارضة بالكامل، لحد انفجار الشارع بعدها بشهور قليلة. 📊 انتخابات 2020 في عهد السيسي بتعيد نفس السيناريو.. لكن بمستوى أعلى من الإحكام والتجميل. تزوير ما قبل التصويت، برلمان جاهز قبل الاقتراع، وقوائم موجهة بتختصر المشهد كله في صورة واحدة: لا صوت يعلو فوق صوت السلطة. 🔍 من تيران وصنافير لبيع الشركات، من قوانين الجباية لقمع الاحتجاج.. برلمان ما بيمثلش الناس، لكن بيشرعن كل اللي بيمسهم. هل ده برلمان؟ ولا ختم رسمي على أوامر فوقية؟ وهل فعلاً السكوت معناه رضا؟ ولا بداية انفجار صامت؟
في الأيام الأخيرة انتشرت مشاهد صادمة من داخل الحرم المكي، لاعتداءات على معتمرين مصريين، وده فتح باب كبير من الجدل عن سبب تكرار الحوادث دي، وهل فعلاً المصريين بيتعرضوا لمعاملة مختلفة؟
أول مسلم يفوز بعمدة نيويورك.. وتحدّى ترامب واللوبي الصهيوني علنًا!شاب مسلم من أصول مهاجرة، بيهتف لفلسطين في شوارع نيويورك، وبيدخل التاريخ كأول عمدة مسلم لأكبر مدينة أمريكية! إزاي قدر زهران ممداني ينتصر على أندرو كومو، ويقلب الطاولة على نظام انتخابي بأكمله؟
افتتاح المتحف المصري الكبير اتقدّم كأكبر حدث ثقافي في تاريخ مصر الحديث، لكن خلف الاحتفال المبهر في حكاية تانية عن مشروع بدأ من التسعينات، واتحوّل في النهاية لأداة دعاية سياسية. في حلقة النهاردة من إيه الحكاية، عبد الرحمن عمر بيحكي قصة المتحف من أول "صدفة فاروق حسني" لحد افتتاح السيسي، وبيسأل: هل فعلاً ده إنجاز ثقافي ولا مجرد محاولة جديدة لتجميل صورة السيسي؟
في حلقة النهارده من إيه الحكاية، هنفتح ملف من أخطر الملفات في السودان: سقوط الفاشر… المدينة اللي كانت رمز الصمود في دارفور، واللي اتدمرت بالكامل على إيد ميليشيا حميدتي، بدعم وتمويل مباشر من الإمارات. إزاي مدينة كاملة تقع في أيام؟ إزاي آلاف المدنيين يتقتلوا وسط صمت دولي؟ وإزاي الإمارات بقت بتستخدم ذهب السودان وسلاحها علشان توسّع نفوذها على حساب دم الناس؟
ليه السيسي لسه خايف من باسم عودة رغم أنه معتقل من 12 سنة؟ في الحلقة دي بنحكي قصة وزير الغلابة، ونربطها بقصة ديلما روسيف، رئيسة البرازيل السابقة اللي خرجت من السجن عشان تحكم بلدها وتخدم شعبها. إزاي الاتنين اتشابهوا في النشأة والنضال والسجن؟ وليه تجربة ديلما بتطرح سؤال مهم: هل ممكن باسم عودة يعيش تجربة شبيهة في مصر بعد رحيل السيسي؟ تحليل سياسي جديد يجاوب على سؤال الخوف من الكفاءة، ويفكك سر الحملة الإعلامية اللي شنها إعلام السيسي ضد وزير محبوس من 2013.
الإمارات الأيام دي بقت في وش عاصفة جديدة بعد تصريحات الإعلامي عماد الدين أديب على قناة "سكاي نيوز" الإماراتية، واللي هاجم فيها اتفاق وقف النار في غزة بعنف، وقال صراحة إنه “أُصيب باكتئاب” لما شاف إن ترامب سمح لحمـ ـاس تفضل تدير غزة خلال الفترة الانتقالية. التصريحات دي فتحت باب كبير للجدل وكشفت نغمة جديدة في الإعلام الإماراتي اللي بقى يهاجم المقاومــ ـة ويدعو لتجريمها سياسياً وفكرياً وحتى شعبياً! الإمارات اللي بتقول إنها “وسيط سلام” اتفضحت في نفس الوقت بتقارير إسرائيلية كشفت عن دعمها العسكري لجيش الاحتلال أثناء حرب غزة، وعن رحلات شحن خرجت من أبوظبي لمطارات إسرائيلية محمّلة بالمعدات.
في الحلقة دي من إيه الحكاية، بنجاوب على السؤال الصعب: إيه اللي مستني غزة بعد الحرب؟ الحلقة بتبدأ من مقال نشرته مجلة The Nation بعنوان "إسرائيل تخسر الحرب"، وبتحلل إزاي إسرائيل فشلت سياسيًا رغم تفوقها العسكري، وإزاي غزة، رغم الدمار، قدرت تعيد تعريف الصراع من جديد، وتكسب تعاطف العالم، وتوحد الفلسطينيين، وتوقف موجة التطبيع العربي، وأخيرا بنسأل هل تكون نهاية الحرب فرصة حقيقية لقيام دولة فلسطينية مستقلة؟
غزة أخيرًا بتنفس الصعداء بعد سنتين من حرب دموية مدمرة.. في ٨ أكتوبر ٢٠٢٥ تم توقيع اتفاق وقف إطلاق النار اللي أجبر ترامب نتنياهو عليه بعدما فشل في تحقيق أهدافه. الشوارع في غزة اتحولت لفرحة وزغاريد وأعلام، والناس لأول مرة من شهور نامت من غير صوت صواريخ. الاتفاق بيشمل وقف القتال، تبادل أسرى، وانسحاب جزئي لقوات الاحتلال، وكمان فتح الباب لدخول مساعدات ضخمة. الفيديو ده هيفتح معاك ملفات مهمة جدًا: هل المقاومة انتصرت فعلًا على الاحتـ، ـلال؟ إزاي ترامب أجبر نتنياهو على قبول وقف الحرب؟ وليه السيسي غير موقفه بعد سنتين من التردد في مفاوضات شرم الشيخ؟
في ذكرى نصر أكتوبر، بنحلل إزاي مصر قدرت تنهض من النكسة وتحقق انتصار 1973. مع مقارنة بين أجواء النكسة في 1967 بأجواء مصر تحت حكم السيسي. لو عايز تعرف هل مصر دلوقتي أقرب للنصر ولا للهزيمة؟ تابع الحلقة كاملة.
المغرب الأيام دي بيشهد موجة غضب شبابي جديدة بقيادة جيل زد، الجيل اللي كبر على "تيك توك" و"إنستغرام" بدل "فيسبوك" و"تويتر"، واللي بيعتمد على "ديسكورد" و"تيليغرام" في التنظيم والحشد. الاحتجاجات دي مختلفة عن 2011.. المرة دي المطالب اجتماعية وحياتية قبل ما تكون سياسية: 🏥 مستشفى يعالج الناس بكرامة 📚 تعليم محترم يفتح باب المستقبل 💼 وظيفة تدي للشباب أمل في بكرة الشرارة كانت مأساوية: وفاة 8 سيدات في مستشفى حكومي بأغادير بسبب نقص الرعاية الطبية، واللي فضحت انهيار المنظومة الصحية قدام الناس كلها. في المقابل، الحكومة بتنفق مليارات على الملاعب والبطولات، وبتسيب القطاعات الأساسية منهارة. الفيديو ده هيفتح معاك ملفات مهمة جدًا: إيه الفرق بين جيل يناير 2011 وجيل زد 2025؟
في حلقة النهاردة من إيه الحكاية بنحلل أبرز تصريحات السيسي خلال زيارته للأكاديمية العسكرية، ونكشف اعترافاته النادرة عن موقف مصر من حرب غزة والمناورات المشتركة مع أمريكا. كما نتعرف على الهدف الحقيقي من تأسيس الأكاديمية وعلاقتها بفكرة إعادة صياغة الشخصية المصرية، قبل أن نستعرض ما حدث لكل من إسماعيل الإسكندراني وشروق وفا.
Comments
Download from Google Play
Download from App Store
United States