Claim OwnershipVoll ine - Der Sportpodcast
Subscribed: 4Played: 265
Subscribe
© Andri Struzina & Oscar Sarmiento
Description
Voll ine ist ein Podcast bei dem zwei Freunde über die Welt des Sports diskutieren und debattieren. Einmal aus der Profi- und das andere Mal aus der Fansicht.
Instagram: @volline_podcast
Intromusik von Tim Bond & Profilbild von Xavier Esclusa Trias
.
Hosted on Acast. See acast.com/privacy for more information.
210 Episodes
Reverse
Ih de neuste Folg belüchtemer de Gwünn vo de Bronzemedaille vom Andri ah de European Championships in München und bewertet usserdem d'Schwizer Leistig als Gsamtes! Inelose lohnt sich also! Hosted on Acast. See acast.com/privacy for more information.
Mier hend wieder mal kei Ziit gha zum eus gschid vorbereite. Darum hemmer entschiede eus uf zwei Theme z'fokussiere wo mier guet verstönd: Formel 1 und d'European Championships 2022 in München! Wieder viel Gelabber und en chlini Überraschig ih de Mitti vo de Folg erwartet eu ;) Hosted on Acast. See acast.com/privacy for more information.
De Noe isch ned nur en begnadete Schwinger, sondern au es Multitalent. Ned nur isch er ih öppe 4 Sportarte en Crack, aber füehrt no dezue en GmbH und weiss gefühlt alles übers Chrafttraining! Ih dem Teil belüchtemer no speziell s'Saisonhighlight mit em Eidgenössische Schwing- und Älplerfest 2022 in Pratteln! Hosted on Acast. See acast.com/privacy for more information.
De Noe isch ned nur en begnadete Schwinger, sondern au es Multitalent. Ned nur isch er ih öppe 4 Sportarte en Crack, aber füehrt no dezue en GmbH und weiss gefühlt alles übers Chrafttraining. Teil 1 lohnt sich jetzt scho zum lose! (Teil 2 am Mittwuch) Hosted on Acast. See acast.com/privacy for more information.
Hosted on Acast. See acast.com/privacy for more information.
Während mier bim Podcaste weg de Hitz verschmachtet, stiegt bim Andri in Frankrich s'Internet us. Hüt rüehremer die üblich Struktur über Bord und redet eus chrütz und quer dur d'Aktualität vom Sport. Hosted on Acast. See acast.com/privacy for more information.
Kei Angst, du hesch ned plötzlich en True Crime Podcast abonniert (au wenn de Titel öppis anders suggeriert). Trotzdem gaht's die Wuche wild zue und her. Zerst verzellt de Andri eus alles zum sim Gesamtweltcupsieg im liechte Doppelzweier. Danach redemer über de Sieg vom Djokovic in Wimbeldon und em heimliche Star vom Turnier em Nick Kyrgios, vo ahgebliche Schläg im Ziel vo de schwizer Mountainbiker und z'letscht no vom Gständnis vom Mo Farah. Hemmer dich gwunderig gmacht? Denn los jetzt die neusti Folg! Hosted on Acast. See acast.com/privacy for more information.
Hüt hemmer ganz en spezielle Gast bi eus im Studio, zwar leider ned de Stefan Küng aber mit em Matt Fernandez en wahrhafte Radsportexperte! Nebst de Tour de France besprechemer de neui Megavertrag vom Kevin Fiala, alles rund um die neuste Vorfäll bezüglich Swiss Sport Integrity und zur Hanley Royal Regatta. Ih dem Sinn inelose lohn sich ;) Hosted on Acast. See acast.com/privacy for more information.
Hallihallo! D'Jungs vo Voll ine gend nachere Wuche Absenz ihres Comeback! Das mal alles sehr frauelastig mit Ultracycling, Equal Pay im Fuessball und S'Startverbot für Transgenderathlinne im Schwümmsport. Zuesätzlich belüchtemer im Thema vo de Wuche no s'Tracking vo sportliche Leistige und redet wieder mit gföhrlichem Halbwüsse über d'Vor- und Nachteil. Losed also ine und gönned eu die neusti Folg ;) Hosted on Acast. See acast.com/privacy for more information.
Hüt hemmer wieder mal eusi Recherchekünst uspackt und zum Thema Intermittent Fasting zur Leistigssteigerig nahgforscht. Eusi Result dezue findeder ab Minute 43. Vorher gihts s'übliche Gelabber zu eusere persönliche Wuche, Tennis, Fuessball und em neue Weltrekord im Ironman. Darum losed ine und gönned eu die neusti Folg vom Voll Ine Podcast ;) Hosted on Acast. See acast.com/privacy for more information.
Wie das euse Eismeister Oscar vorusgseid hed, schiitered d Hockey Nati ufem Weg zum WM Chübel. Dezue gids eusi Analyse und Kommentär. Fuessball isch a somene Wucheendi (CL-Final) natürli au es Thema. Wer mir als beschte Europäische Fuessballclub gsehnd und wieso de Kilian Mbappe ned zu Real gwechselt hed, erfahrsch au no…Zuedem gids no es paar Insights zum Rueder Weltcup 1 in Belgrad vu dem Weekend und was de Andri zude Performance vu sine KollegInne vum Schwiizer Kader meint. Leider leider hemmer denn s Thema vude Wuche müesse skippe, weil Fuessball wichtig. Zitat Oscar Sarmiento. Uf jede Fall chönd ihr euch ufs Thema “Interval-Fasten als Leistungssteigerung” ide nächste Folg vu Voll ine freue! Bis denn und hebed en Schöne!!! Hosted on Acast. See acast.com/privacy for more information.
Hüt gaht's wieder mal chli strukturierter zue und her. Nebst ere zwischebilanz zu de aktuelle Ishockey-WM, luegemer au no de Europa League Sieg vo Frankfurt ah und gsehnd, dass en Jubel au mal (wortwörtlich) chan is aug gah. Zuesätzlich belüchtemer im Thema vo de Wuche no de Querihstieg im Spitzesport, was es dafür brucht, was d'Herusforderige sind und nennet eu natürli au paar prominenti Bispiel! Darum wie immer: Inelose lohnt sich ;) Hosted on Acast. See acast.com/privacy for more information.
Dasmal gits en Sportpodcast im “20min Format”. Viel Bilder (im Chopf), viel Halbwüsse und wenig Hintergrund. Tönt sehr schlecht, trotzdem wirds glost ;) Nei Spass. Mier hend dasmal versuecht die viele Themene vu dere Wuche under ein Huet z bringe und für euch z diskutiere. En 19 jährige Tennisstar wo de neu Nadal sött si, en 22 jährige Fuessballer wo im Jahr 30 Mio verdient, en 22 jährige Schwiizer wo so vielfältig isch wie kein andere. Und denn natürlich no die zwei Podcast Talent wo jedi Wuche zwei Hörer verlüred. D’ Ice Hockey WM in Finnland isch auno es Thema und ah wellne Ort die wichtigste Ruederregattenene ide nächste 4 Jahr stattfinde werded…Viel gelaber wie immer garantiert! Hosted on Acast. See acast.com/privacy for more information.
Hallo liebi Fründe und Fründinne! I dere Folg gahts ned immer sehr sportlich zue und her. Nebst de Abentüür und Gschichte vu dem legendäre Meischterabig (is Stadion inne cho ohni Ticket und AirDrop mitm Simion) redemer au über die sportliche Aspekt vu dere Bombe Serie zwüschem EVZ und em ZSC. Suscht wämmer auno am FCZ ganz herzlich zum Schwizermeischter gratuliere, sowie On Running und em Fabian Cancellara für ihri neue Profi Trainings Teams im Liechtahtletik bzw. Velofahre. Meh dezue am Afang vude Folg. Suscht wird eifach no viel glabered über nötigs und unnötigs. Verzeihed üs! Olé Oleé Adé Hosted on Acast. See acast.com/privacy for more information.
Die Wuche hemmer ganz en spezielle Gast bi eus im Interview gha und zwar de Julian aka Juli aka Julie Müller. Er isch ned nur ehemalige U-23 Weltmeister und Spitzeruerder sondern au de Gründer vom Athletes Club ah de Universität St. Gallen. Was er so z'verzelle hett und wie mer in ihd Zange gnoh hend ghöreder ih de neuste Folg vom Voll Ine Podcast! Hosted on Acast. See acast.com/privacy for more information.
Hüt redemer usfüehrlich übers Thema Depressione im Sport, spezifisch über Postwettkampf Depressione. Mir hend wieder mal chli recherchiert und versucht, es möglichst guets Bild über das immer no tabuisierte Thema z erzüge. Danke au a Lucas Tramèr für sini ehrliche und idrückliche Schilderige. Nebst em grosse Thema redemer au über euse (ehemalig) Ishockey Nati Captain Raphi Diaz und die (ned so) neue Qualifikationsbestimmige fürd Ruederer ufem Weg nach Paris 2024. Löhnd üs wüsse was ihr zum wichtige Thema mentali Gsundheit meined und bliibed gsund! Euche Osci und Andri Hosted on Acast. See acast.com/privacy for more information.
I dere Folg gahts ned ums Eier sueche sondern um üsi versteckte Kommentatore Skills. Mer redet über gueti und schlechti Kommentatore, die sind ja für en wahre Fan ned weg z’ denke und versuechts au grad selber. Richtig peinlich oder doch ned so schlecht? S’ SRF wird sich das wohl länger überlegge müesse ;) Au de Federer chunt wieder mal vor und natürlich euse EVZ. Das und no viel meh ide hüttige Folg vu Voll ine. Machets guet! Hosted on Acast. See acast.com/privacy for more information.
Hüt präsentieremer eus wieder mal vo eusere Labbersite und besprechet under anderem de Sieg vom Roman und Barnabe am legendäre Boatrace in England, gebet eu es Update zu de Playoffviertelfinals im schwizer Ishockey und bespreched de ahkündeti Rücktritt vo de Nicola Spyrig. Usserdem verzellemer eu wieso Haferflocke völlig underbewertet sind und welli Sportler:inne eusere Meinig nah am beste usgsehnd. Inelose lohnt sich also wieder! Hosted on Acast. See acast.com/privacy for more information.
Eus wird en absoluti Ehr zuteil und zwar hemmer die zwei beste schwizer Ruederer im Interview! Sie verzelled eus alles zum Lebe in Oxford, em legendäre Boat Race und es wird villicht sogar bizeli trashtalked. Ih dem sinn, gebed eu die neusti folg vom Voll Ine Podcast! Hosted on Acast. See acast.com/privacy for more information.
Die hüttige Folg startet mit Formel 1, aber kei Angst, es isch numme en chline Teil. Die Wuche hed Cambridge University Boat Club ufem Sarnersee trainiert. Öb das flache Wasser de Gegner vum Roman und em Barnabé öppis bracht hend, gsemmer denn nächste Wuche bim Boat Race (Das isch es Ruederrenne uf de Themse zwüsche denne zwei Unis, wasmer au werdet thematisiere). Denn hemmer no es Fuessballpaket gschnüered, demit ihr au da ufem Laufende sind. S’ hüttige Hauptthema isch d Ash Barty mit ihrem Rücktritt vum Tennisthron. Das hed üs denn au zude grosse Diskussion zu Rücktritt im Spitzesport triebe. Sött eigentlich no spannend si ;) Hosted on Acast. See acast.com/privacy for more information.
Comments
Download from Google Play
Download from App Store
United States