Claim OwnershipRobEarthChannel.CH
Subscribed: 0Played: 0
Subscribe
© Robert
Description
En Reisepodcast, mit gschichte vo underwägs. Selber erlebt, vo andere Reisende, und mängisch au eifach anderi sache.
22 Episodes
Reverse
Endlich simmer a i eusere Bootswerft acho. Nach monatelangem Warte werdemer usem Wasser ghobe und chönd afamge schaffe. Aber zersch müemer das Boot no Putze.Hui isch das nötig gsi. Dänn gib ich eu en Überblick über d Arbete womer am Boot scho gmacht händ und verzell e chli wie genau dass das eso ablauft.
Mir stecked in Gran Canaria fescht umd lerned debii alles über Seglerstereotype. Und churz druf abe sägled mer dänn doch no de Küste entlang in Süde vo Gran Canaria.
I dere episode verzell ich eu d Gschicht wie mer zu erschte mal uf eusem Boot gsägled sind! Vo Lanzarote uf Gran Canaria, grad 115 Seemeile. En wunderschöni Überfahrt, mir gsehnd Delphin und Meeresschildchrotte und sind begeistert vo de Segeleigeschafte vo eusem neue Boot!
Bootsumbau! Yay! Ich gibe e churzi Zämefassig vo enere super produktive Wuche bim Bootsumbau. Material organisiert, wasserdichti Türe agfange baue, mega guet vorah cho!
Ich gibe eu e Tour dur euses Expeditionsschiff TONLEI, vo Heck bis Bug. So chönd ihr eu es mentals Bild vo eusem Schiff mache, es "Traumschiff" sozusäge!
Jawohl, richtig ghört! Mir händ es Boot gchauft! Es richtig schöns Stahl-Expeditionsschiff. Mit dem werdemer die nächschte Jahr uf grossi Fahrt gah und es als Expeditionsbasis nutze. Endlich nüme Rucksackreise sondern mit emene Dihei d Welt entdecke!
Mer gönd wieder go sägle! Dasmal uf de Blue Pearl, enere wunderschöne Stahketsch wo emene Pirat namens Wolfgang ghört. Zäme mit de Brianna und em Thomas git das e wunderbari mischig wo für Unfug und Glächer sorgt. Mir sägled dur Wind und Wätter, und ankered vor alte Hippykommune. Und Meereslüchte hätts au!
Wow. Das isch eine vo de schönschte Skates gsi womer je gmacht händ. 44 km Vom El Teide in Richtig Meer. Dasmal aber ohni Rucksäck, die hämmer uf emene praktisch glägene Zältplatz deponiert. Dänn hämmer eus mit Autostopp uf de Gipfel vorgarbeited, bis d Strasse ufhöred, uf 2300m. Und vo det us eifach nume durab Richtig Meer. Zerscht dur Vulkanlandschaft, dänn dur Piniewälder und am Schluss dur en Eichewald. Herrlich.
I dere Episode gahts um zwei wunderschöni Wanderige wo mir uf Teneriffa gmacht händ. Dur archaisch ussehendi Nebelwälder, wo Flechte und Moos vo de Äscht hanged und mir jede moment demit grächned händ en Dinosaurier durs Unterholz stolziere zgseh.
Mir sind uf Fuerteventura und warted ufd Zuekunft. I de Zwüscheziit gwönemer eus a die vulkanischi Landschaft und händ d Glegäheit es Iisbad zneh. -D Ereignis us dere Episode sind irgendwänn im Herbscht 2021 passiert.-
Ich han wieder bock uf Meer. Also han ich mir en Segelkurs gönnt. En RYA coastal skipper kurs. I dem Kurs lern ich vorallem au Crewfüerig und mich a mini Rolle als Skipper zgwöhne. Mega cool gsi. Und direkt nachem Kurs bini nomal als Crew aghüred worde zum mit emene riiiesige Katamaran uf Teneriffa überezsägle. Wohooo!
De zweiti Teil vo mim Longboardabentüür in Fuerteventura. Es gaht immer no ue und abe, und es isch immer no wahnsinnig heiss. Was mer nöd alles uf sich nimmt...
Jetzt mal es solo longboard adventure. Ich versueche Fuerteventura de Längi nach z durskate, vo Nord nach Süd. Aber a de Küste hätts zviel Autos, drum gang ich durchs Gebirge im Landesinnere. Krassi Landschaft, mega viel Ufe und Abe, und wahnsinnig heiss...
I dere Episode skatemer wiiter über Lanzarote. Mer Übernachted a Nudischtestränd, fahred dur die lanzarotische Wiiabaugebiet, lerned netti Lüüt känne, und irgendwänn, irgendwie, chunt au no d Polizei is Spiel. Losed ine!
Mir sind uf Lanzarote und waged eus a die erschti Longboardstrecki. Grossi, schwäri Rucksäck und heissi Temperature bedüted zwar das de Schweiss in ströme flüsst, aber d Landschaft und d Erlebniss mached d Astrengig wieder wett.
Es paar Täg relaxe in Famara Beach. Surfe, fascht usgschlageni Zäh und luschtigi Vermieter!
Mer ligged vor Anker vor La Graciosa. Kyra und ich müend chräftig schaffe zum eusi Überfahrt verdiene. Usserdem gömmer go wandere, ich verirr mich im dunkle, und mir gsehnd em riisisge Stachelroche!
D Crew und s Boot sägled wiiter in Richtig Kanare. Langsam chömemer in Rhythmus vo Säcks und Näps.
Endlich startet eusi Überfahrt! 550 Seemeile bis id Kanare, viel Uufregig, und d Gfahr das Orcas euses Boot agriifed...
Tag zwei an Bord. Neui Crewmitglieder, Verproviantiere und d Kyra in luftiger Höchi.
Comments
Download from Google Play
Download from App Store
United States