Claim OwnershipZeta
Subscribed: 0Played: 1
Subscribe
© 2025 Radio Galega
Description
O Diario Cultural Zeta é o espazo onde atoparás a cultura emerxente que se está facendo en Galicia, e tamén o lugar onde reflexionar dos temas que preocupan á xeración Zeta. Cos colaboradores Jesús Silva, Sara Donoso, Celia Eiras, Ana Abad de Larriva e Sica Romero. Entrevistas en profundidade, cuestionarios sen sentido e moito sentimento "antiboomer". Non perdas os nosos videopodcast no Youtube da Televisión de Galicia.
90 Episodes
Reverse
Hai que animarse un pouco. Imos xogar, veña. Rober trouxo varias lendas galegas non moi coñecidas e Paula, Germán e mais Ángel teñen que adiviñar de que localidade proceden. Non é nada fácil, eh. Pero non todo é xogar, tamén hai tempo para que os protagonistas sexan persoas moito máis interesantes ca nós. Por exemplo Ariadna Cordal, a convidada que trouxo ao Zeta Jesús Silva para falar dun ámbito moi pouco abordado e recoñecido: a investigación no eido audiovisual. O toque musical vén da man da nosa Celia Eiras. Bueno máis coincretamente do artistazo que convidou a pasarse polo programa: Maiko Leinad. Con el descubrimos a orixe do seu nome artístico e unha chea de cousas sobre o seu proceso creativo.
Comezamos forte o ano. Nestes tempos de agasallos, que hai máis bonito que unha boa xoia artesanal? Váinolo explicar Sofía Rivas, que coas súas mans crea verdadeiras marabillas. Sabemos de verdade todo o choio que leva facelas? Non é tan doado eh. Tampouco o é impulsar proxectos que se movan entre a investigación académica e a produción artística como o fai Nerea Cordeiro, a artista que nos trae nesta ocasión a nosa colaboradora Sara Donoso. E con Ana Abad bailamos. Bueno, bailar, bailar non. Pero falamos cunha bailarina e pedagoga de flamenco afincada en terras galegas: Ainhoa Linaza.
Como veñen de ser premiados e premiadas as gañadoras dos Xuventude Crea do 2023, quixemos traer a María Alborés, galardoada na especialidade de moda; e Pedro Rodríguez no eido literario coa novela curta ‘Alén da Néboa’. Mentres, Jesús Silva tráenos a experiencia de tres participantes no Novos Cinemas de Pontevedra; e Celia Eiras fainos un repaso por diversas panxoliñas galegas.
Escoitamos moita música, si. Pero de seguro que reparades menos do preciso en quen a mistura, nos produtores. Ademais, a música é especialmente relevante nas pezas audiovisuais para ambientar e transmitir. Así que hoxe no Diario Cultural Zeta falamos con Sebastian Black, produtor e Luis Álvarez, compositor de bandas sonoras. Sara Donoso, ademais, traeranos a Olaia Sendón e o seu proxecto fotográfico ‘Perpetuando’; e Sica Romero ao escritor Pablo Rañales, que vén de publicar ‘Os afogados’.
Se algo nos gusta neste programa é que nos expliquen e nos fagan entender mellor todo o que envolve ás diferentes disciplinas artísticas. Por iso a visita que nos fixo a fotógrafa e artista audiovisual Dan Grigore deixounos extasiados. Conectamos co proceso de creación dunhas imaxes impactantes e coñecemos de preto aspectos tan abstractos como “espir a alma”. Nesta “éxtase cultural” continuamos coas nosas colaboradoras Celia Eiras e Ana Abad de Larriva. A primeira dálle a volta á tortilla para afondar na crítica musical a través de voz de varios artistas que xa pasaron polo Zeta. Pola súa parte, Ana falou coa artista Constance Hurlé sobre a situación das artes escénicas en Galicia de cara á creación.
Se algo nos gusta neste programa é que nos expliquen e nos fagan entender mellor todo o que envolve ás diferentes disciplinas artísticas. Por iso a visita que nos fixo a fotógrafa e artista audiovisual Dan Grigore deixounos extasiados. Conectamos co proceso de creación dunhas imaxes impactantes e coñecemos de preto aspectos tan abstractos como “espir a alma”. Nesta “éxtase cultural” continuamos coas nosas colaboradoras Celia Eiras e Ana Abad de Larriva. A primeira dálle a volta á tortilla para afondar na crítica musical a través de voz de varios artistas que xa pasaron polo Zeta. Pola súa parte, Ana falou coa artista Constance Hurlé sobre a situación das artes escénicas en Galicia de cara á creación.
Cremos que por todas as veces que puxemos os temazos de De Ninghures podedes supoñer que nos fascinan. Efectiviwonder. Así que non sabedes a ilusión que nos fai que tres dos seus compoñentes estean no plató do Zeta para contarnos das súas orixes e sobre as curiosidades do videoclip que sacaron de Morena. O programa non baixa o nivel en ningún momento porque tamén está con nós María Suárez para reivindicar o seu labor como tradutora audiovisual a galego (non lle pidades avances de series ou pelis, é top secret). Ademais, deixamos espazo tamén para falar de natureza e paisaxe a través da fotografía, da man de David Torrado, cunha historia ben curiosa.
Tiveron que pasar máis dunha ducia de programas para que descubriramos a eurofán que Paula leva dentro. Nesta fantasía de episodio Rober, Amara e Germán teñen que adiviñar a lingua minoritaria (ou minorizada) na que están escritas as cancións eurovisivas que Paula vai soltando. Hai un claro campión. Noutra orde de cousas temos unha visita de luxo: a autora Antía Yáñez vén con Sica para falar, entre outras moitas cousas, de como é a vida dunha escritora millenial como ela. Poñemos o colofón con Iván Márquez, que nos conta como é traballar nun espectáculo de teatro musical como o de Peppa Pig.
Paula e Rober han de seguir pensando que a súa infancia lle importa a alguén. Traen neste programa unha canción cada un que lles transporta a eses momentos felices, sen responsabilidades, sen preocupacións… O conto cambiou e este tipo de cancións tamén. Que pasa se as comparamos coas de agora? Este é un programa moi chulo porque visitan o plató compañeiros da Facultade de Ciencias da Comunicación da USC para contarnos todos os detalles, os preparativos e o estrés previo ao FacomFest, o festival audiovisual que realizan os alumnos do centro. Todo coa presenza do noso queridísimo colaborador Jesús Silva. Como tamén queremos á nosa Sara Donoso, e máis se nos trae a xente tan fascinante como Lois Búa, que nos mete de cheo na arte da creación co propio corpo.
Toca voltar a infancia, esa etapa na que case non tiñamos responsabilidade algunha e tiñamos todo o tempo do mundo para devorar moreas de libros. Que tempos aqueles… Paula e Rober trouxeron un bo feixe de lecturas en galego de cando eran ben pequeniñas. Moita variedade pero un título mítico que comparten: son una familia de rapaces e rapazas, moitos deles loiros, viaxeiros… xa o sabedes, veña. Por este Zeta tamén pasan as nosas marabillosas colaboradoras Ana Abad de Larriva e Sica Romero. A primeira preséntanos a un premiado grupo de teatro de cuxo nome quedamos prendados: as Guapilongas! Fans totais. Como fans tamén nos fixemos do talento da escritora María Villamarín e súa capacidade para falarnos do desarraigo, da perda e unha chea de sentimentos máis que temos moitos de nós.
Está mal que o digamos nós pero este programa está moi, moi, moi chulo. Tiñamos ganas dende hai tempo de falar un pouco de música clásica, de zetas que apostan por este mundo tan des coñecido en termos mediáticos. Rober serviu para algo e trouxo a Sara Pérez, unha amiga violonchelista que nos resolve todas as nosas dúbidas (moitas) e que toca en directo! Que marabilla… Como marabillas sempre trae o noso Jesús Silva, que neste caso métenos de cheo na dirección de fotografía da man de Miguel Gomar, un rapaz que coa traxectoria que leva déixanos ós demais coma bots. Dj Lucho ou Luchiño ou Ángel métenos tamén un chisquiño no outro lado da festa, nesas persoas que sempre están poñendo o chunda chunda e que teñen que ter aguantado cada unha… Celia Eiras (ou Dj Bicha) trae a un Berto que a través de Fraga aka Don Manuel, está a petalo sobre os escenarios cunha música que, como mínimo, paga a pena escoitar.
Moita risita cos nervios que poden pasar os convidados cando sentan a responder preguntas… Pois imos darlle a volta á tortilla. Unha pluriempregada Sica vai ter que render contas ante Paula e Rober porque vén de gañar o Premio San Clemente de Literatura! (nós xa sabiamos que era unha campiona). Como agora xa se move entre a elite, pois tamén nos trae unhas reflexións e consellos de escritoras exitosas. “Consellos” como os que daban as revistas Como tú, Bravo ou SuperPop. Con que nostalxia (e cringe) conversamos delas coa nosa marabillosa produtora Amara. E como Paula non pode rematar un programa sen cantar un pouco, pois Celia trae a Héctor Rodríguez, do grupo Lontreira, para satisfacer os seus desexos (e saber tamén das potencialidades da música electrónica).
Roberto sigue en periodo de adaptación pero vai mellorando progresivamente (o de aturar a Paula). Falamos do Festival Luz Poética de Santiago de Compostela co seu director Diego Horschovski e tamén con dúas das participantes: Elena Fernández e Andrea Valle, que conforman o dúo poético musical Banaia Ela. Mirade se nos portamos ben que ata nos fixeron parte da súa performance 'Costuras' en pleno directo, coa lectura e actuación de Andrea e o violín de Elena. Falamos sobre dedicar a carreira profesional á arte, sobre os festivais de poesía, o traballo que hai detrás e moito máis! Ademais, a nosa colaboradora Ana Abad de Larriva presentounos á actriz Noa Covelo e todo o que está a facer en New York. Chámanos especialmente a atención bailar ao son das cidades, así que ollo que igual nos vedes bailando por Compostela. Ademais, Sara Donoso tráenos a Yasmina Luaces e a súa reinvención do rural facéndoo convivir coa arte.
Collémoslle o gusto a iso de facer a mochilas, coller os micros e ir a onde se coce o audiovisual galego. Así, fomos ao Festival Internacional da Coruña, o Intersección. Alí estivemos Paula Cantelar, Roberto González e Jesús Silva, en Palexco, con Breogán Laxe e Sabela Eiriz, ambos participantes na sección competitiva Galicia 2 coas súas obras. E tamén con Andrea Vázquez e as irmáns Noa e Lara Castro, que participan na sección Galicia pero na parte de exposición polas súas vinculacións ás artes plásticas. Tamén houbo tempo para charlar sobre a inciativa en si mesma de man do seu director: Gonzalo Veloso.
Entre falar de actuar por primeirísima vez con Carla Rivas no Corno a analizar minuciosamente con Celia Eiras o Ardén, o novo proxecto de Mondra, pasamos tamén por botar unhas verbas con Bewis de la Rosa sobre tradición e raíces. E non faltou Sara Donoso, que tamén nos trouxo unha novidade en Vigo: Ash Projects.
Collemos todo o necesario e fomos ata a porta do Teatro Principal de Santiago de Compostela co Diario Cultural Zeta para falarmos do Festival Curtocircuíto. Alí falamos co director Pela del Álamo de cine e de xente nova e de mulleres no cine. Tamén charlamos coa rapazada que presentou filmes para a sección de zetas 'Supernova' e tivemos tempo de comparar a actuación en teatro coa actuación perante unha cámara. Non marchamos sen ter a ocasión de falar con Arancha Brandón, a guardesa que conquistou a Vogue e que protagonizou a sección Terra deste ano. Un programa do máis completo!
Falamos de viaxar, do exulansis, de facer un Erasmus, dos choques culturais e lingüísticos e todo o relacionado con vivir noutro lugar. Todo acompañadas por Malva e Nee Barros. Mentres, Sara Donoso falounos do proxecto artístico 'Siempre Vacaciones' e Sica Romero trouxonos á exitosa escritora Andrea Maceiras para falarmos da súa nova novela 'Que se me pare o corazón se te esquezo'.
Podíase ter feito este programa na Fonsagrada porque falamos das Movidas deste concello que se plasmarán na curta '360 curvas' da que viñeron falar con Jesús Silva os seus creadores. Tamén viñeron os rapaces e rapazas que organizan a foliada da Fonsagrada, a responsable de Rebelico, un perfil dixital de información de música tradicional e mesmo falamos de proxectos internacionais con Ana Abad de Larriva.
No programa de hoxe temos un tempo de conversa sobre que somos, que nos caracteriza e a onde imos (a rapazada zeta, claro) para despois falar coa nosa colaboradora Sica Romero e coa súa invitada Violeta Meléndez, unha zeta que é Bookstagramer no seu perfil @littera_lupa. Tamén teremos tempo para falar coas rapazas que levan adiante o famoso e exitoso podcast O Faiado, a ver se subimos con elas e falamos de proxectos, dos que quedan no tinteiro e de como se levan cara arriba. E non pecharemos sen antes darlle un minucioso repaso ao novo disco de Grande Amore coa nosa colaboradora especializada en música, Celia Eiras.
Comments
Download from Google Play
Download from App Store
United States