Claim Ownership聽多啲廣東歌
Subscribed: 26Played: 243
Subscribe
© bluesky.channel
Description
廣東話Podcast｜🎵🎧🍿🎞📺
主要有3個系列
1. 幾分鐘講一首廣東歌，適合夜晚聽！
2. 吹水，主要吹下香港嘅娛樂同音樂
3. 故歌仔，音樂訪談
Follow me on IG @bluesky.channel
主要有3個系列
1. 幾分鐘講一首廣東歌，適合夜晚聽！
2. 吹水，主要吹下香港嘅娛樂同音樂
3. 故歌仔，音樂訪談
Follow me on IG @bluesky.channel
62 Episodes
Reverse
Let's Make The Stupid Famous！！！！
ToNick 將於4月份喺Star Hall舉行佢哋嘅第八個專場演唱會《Joy to the world》，解作「快樂至死」。三位成員分別用「盡興」、「活在當下」、「得到寂靜」去介紹呢場演唱會。訪問之後，我感受到呢個係一個以情緒主導嘅演唱會。
除咗介紹演唱會，仲問咗ToNick一啲二揀一題目，同埋了解下ToNick成員係點睇而家嘅網絡風氣，完整訪問仲可以睇YouTube 睇！
#先處理心情再處理事情
主持 bluesky and Lorjai💥
2023年最後一集Podcast，同Lorjai一齊輕輕回顧2023年嘅樂壇，再輕輕講下對今年叱咤嘅預測！
（建議skip 33:53-55:20 抱歉講漏咗Jeremy）
Sica可能係唯一一個喺幕前呈現社恐性格嘅香港藝人。今次嘅訪問認識到Sica真係好I！仲發現Sica原來會聽好多唔同類型嘅音樂！多謝Sic同兩位陌生人傾咗成個鐘！
完整訪問仲可以喺YouTube睇～
主持 Bluesky & Lorjai
相隔十個月，P1X3L終於出咗本年度嘅第一首派台歌《BOMB》！呢段時間三子忙緊咩？究竟出道接近三年但只有五首派台作品嘅P1X3L最缺嘅係咩？今年有機會仲有新作品推出？
Thanks George, Phoebus, Marco @P1X3L
主持 Lorjai & Bluesky
小巧簽過唔同唱片公司亦做過獨立歌手，究竟係咩原因令佢回心轉意返香港再簽公司做歌手？新嘅唱片公司俾到幾大自由度佢？
《瀟灑》概念嚟自賽斯嘅「意念創造實相」，呢句說話喺小巧決定瀟灑返香港期間一直出現喺佢嘅世界。今集訪問有啲心靈治療嘅感覺，聽吓小巧嘅諗法！
Follow us on IG @bluesky.channel 、Lorjai
今集訪問了Lorjai喜歡多年嘅雷同二友，由舊時講到新歌《路仍長》。訪問之後，我完全明白到點解雷同二友嘅歌有咁大嘅感染力！
仲有幾日就放榜！相隔一年再次同呀Dark做訪問，首先當然要關心下佢考DSE考成點啦 ✍️！大家都可以估下佢DSE嘅成績！我就想送啲祝福俾佢，祝佢有嘟嘟分啦！原來呀Dark暫時就只係打過一份工⋯⋯真係好幸福！雖然今次 #會議終結者 參與嘅部分就以往少，但佢有份畫MV嘅公仔㗎！Dark未來更加係向曲詞編監發展，希望自己包辦更多歌曲嘅製作！
Follow me on IG @bluesky.channel
雖然Phoebus上年以兩首慢歌出道登場，但其實佢一直都以做跳唱歌手為目標！由造星開始，佢每一次比賽都選擇跳唱歌為表演項目！其實新歌〈Bad〉原本係叫「以作品說壞」！咁Phoebus做過最壞嘅事係咩？而Phoebus又有幾壞？
P.S. I am so sorry...Phoebus靚仔到電親我枝咪，今集嘅音質有啲差，嚟緊我會放字幕版上YouTube
相隔半年再次同呀Yan做訪問，聽返上次嘅訪問發現呢半年佢都有幾大轉變，究竟點解佢會由隱世歌手變到而家打開YouTube就見到佢？用多咗Social media 係因為科技進步？公司有喺連登請打手？點解會用sexual tension嚟形容〈WANT〉？原來呀Yan對紋身有好多幻想喎😈💥！
Follow me on @bluesky.channel
相隔接近一年再次同Aiden做訪問，今次不停被Aiden大佬挑戰👿 出道一年令Aiden最大嘅轉變係更重視「人」！靚仔Aiden唔介意被稱為偶像派，因為一個偶像為自己嘅舞台其實都下咗好多苦工！感情中完全理性唔係人！水瓶座嘅Aiden想用新歌〈單曲循環症〉教大家以用理智角度去睇感情, 清醒啦！
今次仲有Lorjai一齊做訪問！Follow me on IG @bluesky.channel
彼岸花花語代表無盡嘅思念，生死兩隔，永不相見，象徵離別。細貓受Fans故事啟發而做咗〈彼岸花〉呢首歌，年輕人或者未必體會到生死呢個課題，試下幻想身邊最親嘅人離開係咩感受，可能我哋都會學識更加珍惜眼前人！
細貓喺韓國讀過音樂，亦會將學到嘅知識套用到自己單曲上。出咗幾首歌後，細貓發現韓國風格套用到香港音樂上未必合適，而觀眾亦未必接受。究竟韓文同廣東話歌係有咩分別？請去睇完整嘅訪問！音樂學院派出身嘅細貓會舉例示範解釋🫡
愚人節最啱就係⋯⋯表白！好多人或者都係跟返傳統情人節送花表白，但有冇諗過情人節嘅競爭好大？又好悶？買花又貴？何佩就提議，不如愚人節表白！聽到嗰下有啲驚😖，如果有商家下年用愚人節做招徠，可能係inspire by 何佩！
事源何佩每年都被小薯茄嘅四月一日情人節短劇所感動，由一年前開始寫下呢首歌嘅概念，再主動搵小薯茄合作！而小薯茄老閭高ling同阿富聽到歌曲就立即答應，不但冇改動歌曲內容，甚至聽完首歌之後反而改咗劇本。出街嘅劇本並唔係最初嘅版本，可能喺某個劇本下朱Mic表白成功🥺！
何佩喺演繹《如人不愚人》時，感覺比以前放鬆，而聲線聽落都同以往有所唔同。《如人不愚人》比較輕快、調皮，所以今次何佩錄音嘅時候都比較輕鬆，多咗啲表情配合，有啲似配音咁！最後靜靜雞講，雖然話呢首歌係for朋友、情人，其實何佩係想透過呢首歌同何粉表白！咁肉麻自己去聽個訪問啦🤭！
Follow me on IG @bluesky.channel
《海島與少年》係我暫時認為今年最亮眼嘅一首廣東歌，最初喺《全民造星 2 》對 Marco 嘅印象確實唔深刻，從P1X3L嘅作品中又難以聽到三子各自嘅風格。呢幾年對Marco嘅印象都係嚟自ViuTV節目（呢排真心鍾意睇《男女自然觀察學會》)。平時係節目中比較常見到Marco 搞笑嘅一面，估唔到今次嘅訪問可以認識到Marco理性嘅一面！
《海島與少年》歌詞係詞人鍾雪基於《大海男兒》以及同Marco溝通而寫出嚟，所以呢首歌好貼近到Marco嘅成長同想法。聽完新歌，我即刻去重溫《大海男兒》，感受到P1X3L三子當時嘅青蔥，同當初比確實係成長咗好多。 原來Marco由知道出solo歌，到歌曲面世只係用咗一個月時間準備，錄音都只係錄咗一個section⋯⋯而Marco本身最想要嘅出道作亦唔係而家呢首歌⋯⋯ 想知道更多關於Marco歌曲上嘅想法就睇訪問啦！Marco仲透露咗P1X3L 2023年嘅一啲動向！
Gladys有好多身份，相信大家對Gladys嘅作品都唔會陌生，近年喺YouTube、電視、電影都會見到佢嘅蹤影。Gladys相隔一年再推出音樂作品，喺訪問中多次提到「我好開心」，今次能夠做到自己想做嘅音樂風格嘅廣東歌都令Gladys好滿足。
以往Gladys做過啲三部曲歌曲，但今年Gladys希望以自肥為目標，想先完成自己喜歡嘅音樂類型。
#00000 #廣東歌
你覺得Gin Lee係一個鍾意隨心定有計畫嘅人？鍾意唱快歌定慢歌？想拎歌手獎定歌曲獎？ 訪問入面，你會發現到一個意想不到嘅答案！小孩先做選擇！ 處女座嘅Gin Lee對自己要求極高，每次表演都希望做到100分，但呢個階段嘅Gin Lee除咗追求表演上嘅質素，亦想俾到唔同「驚喜」俾觀眾。佢聽咗一個地球嘅Demo，又同Wyman好誠實咁分享好多自己內心嘅Fear，每部分都參與多咗，先成為到〈Dum Dum〉！
#dumdum #廣東歌 #音樂訪問 #hkmusic
可能好多人同我一樣都係由2015年先認識ONE PROMISE，但佢哋前身Empty係由2002年已經組成，所以計計埋埋其實佢哋夾咗20年band㗎啦！
被網民稱為「地獄黑仔band」嘅ONE PROMISE喺呢20年遇過好多難關，甚至而家四子都各自有副業需要兼顧。即使生活、工作幾忙碌，音樂仍然喺佢哋生命之中佔咗一個好重要嘅部分。話說佢哋答呢條問題嘅時候特別理直氣壯，可以感受到佢哋有幾鍾意音樂，而音樂都成為咗佢哋嘅必需品。
留意咗佢咁耐，知道佢份人比較隱世，平時都少用社交媒體，好多嘢都係靠今次訪問先知。希望你哋聽完訪問都會知道Who is Yan Ting！
Follow me on IG @bluesky.channel
#YanTing #周殷廷 #意外現場 #METANOIA #廣東歌
即使未知道付出嘅努力幾時會有回報，但繼續相信繼續Go，總會得到一啲嘢。
訪問同時喺Youtube有得睇！
Follow me on IG @bluesky.channel
今次同DEZ傾完計先發現佢諗嘢好全面，更會主動同公司提出諗法。由一開始自己嘅名到出歌、出show著咩衫，甚至將來出碟嘅方向，雖然有啲事情未必會喺短期內發生，但喺佢腦海入面已經有畫面！希望可以睇住佢慢慢實現到呢啲畫面！訪問片同時喺YouTube都有得睇！
原先只係一個新歌訪問，但好戲在後頭，後面講演唱會同一啲音樂歷程嘅部分仲精彩！訪問完之後更期待演唱會～ 最後仲令我同Lorjai @852multipolar 都拍手讚好！👏🏻👍🏻
（我講咗細個對泳兒嘅認識係邊一首歌，如果有聽追星嗰集應該知係邊首）
Follow me on IG @bluesky.channel
Comments
Download from Google Play
Download from App Store
United States