Claim OwnershipKolkom Dakatra - كُلكم دكاترة
Subscribed: 3Played: 24
Subscribe
© 2024 Kolkom Dakatra - كُلكم دكاترة
Description
كلكم دكاترة, بودكاست رح نحكي و ندردش فيه مواضيع تغذوية كتيرة.
23 Episodes
Reverse
للأسف، و من بشاعة أساليب الإستعمار، التجويع عادة ما يتم استخدامه كأداة في الحرب، للضغط و إرغام الشعوب على الاستسلام.اسمعوا الحقة حتى تعرفوا اكثر عن الموضوع، آثاره و شو ممكن يكون دورنا
موضوع حلقتنا التانية رح يكون عن السياده الغذائية، كيف ممكن يكون السيطرة على الأراضي، المياه، الغذاء و غيرها من البديهيات تستغل للتحكم بالمجتمعات .حلقه شيّقة و فيها كتير معلومات عن الواقع الفلسطيني.
في هذه الحلقة ، نغوص في تاريخ الصحة والطب خلال فترات الاستعمار و نتحدث عن فلسطين كنموذج، ونستكشف كيف شكلت هذه الأمور مفاهيمنا الحديثة عن الصحة والممارسات الطبية. ننظر إلى كيف أثر الاستعمار على النظم الصحية في المناطق المستعمرة وكيف تم استغلال مواردها وشعوبها في سبيل المفاهيم الاستعمارية.
حبينا نعمل مجموعة مقتطفات من حلقة الموسمين بنتمنى تعجبكم مش رح نطول عليكم كتير ورح نرجع بموسم جديد، بس من هون لوقتها خليكم معنا
جسمنا عبارة عن شبكة كبيرة من المواد الكيميائية و الهرمونات اللي بتتغير بشكل دائم و خلال مراحل الحياة المختلفة، كيف جسم الانثى بالتحديد بمر بهاي التغيرات و شو ممكن ينعمل من جانب تغذوي لتقليل التأثيرات و اكتر من هيك بكتير رح يكون ضمن حلقتنا.
بمناسبة اسبوع الرضاعة الطبيعية و اللي ماخذ سنة 2023 سمة 'دعم الأمهات العاملات' حلقتنا اليوم بتناقش هاد الجانب، كيف ممكن فعلاً يكون النا دور بدعم الأمهات المرضعات و ليش ضروري يكون النا هاد الدور
معقول يكون للمشاهير دور في زيادة نسبة الحساسيات مثل حساسية الحليب (اللاكتوز) و حساسية الغلوتين؟ بهالحلقة رح نعرف أكتر عن هذه الحساسيات, ليه زاد انتشارها, الفرق بين التشخيص الطبي و التشخيص الذاتي؟ و اكيد رح نحكي عن دور التغذية بهاي الحالات
المزاج و التغذية بينهم روابط كتيرة منها مباشرة و منها معقدة، شو هي هاي الروابط، و كيف بتأثروا ببعض و شو بنقدر نعمل لحتى نحسنهم، هاد موضوع حلقتنا لليوم.
شو التغييرات اللي بتصير بالجسم اذا صار عنا 6 packs؟ شو معقول نخسر لما بنخسر الدهون بالجسم؟ تابعونا بهاي الحلقة عشان تعرفوا اكتر عن هاي التأثيرات من ناحية تغذوية و رياضية. خصوصاً انه رح يكون معنا ضيف مميز متخصص في مجال الرياضة و اللياقة البدنية. ضيفنا هو: المدرب محمود الريان، مُدرب معتمد للمدربين و متخصص بالتعامل مع تأهيل الإصابات الرياضية و تحسين اللياقة البدنية.
رح نعرف بهاي الحلقة معلومات اكثر عن المرارة ووظيفتها وايش المشاكل الي ممكن تسببها واذا جد بتفقع مرارتنا او لا !وكيف ممكن نظامنا الغذائي الصحي يساعد على تقليل مشاكل المرارة
الأنظمة النباتية صارت خيار لكتير من الأشخاص بالعالم لأسباب مختلفة. بهاي الحلقة بنحكي شو هي الأنظمة النباتية، شو فوائدها الصحية و البيئية، و كيف ممكن تكون جزء من نظامنا الغذائي.
الحلقة الأولى من هاد الموسم بتحكي عن مفهوم الجوع الخفي اللي للأسف صارت حالاته تزيد بشكل كبير، بالحلقة بنحكي شو تعريفه، اكثر انواعه انتشاراً و تبعاته الصحية و الاقتصادية و طبعاً كالعادة شو ممكن نعمل لنحل هاي المشكلة.
من آلاف السنين و العسل جزء مهم من حياتنا لاستخدامات تغذوية و علاجية كتيرة. بس مثل كل شي، إله إيجابيات و سلبيات مهم نعرفها لحتى نقدر ندخله بنظامنا بأحسن شكل ممكن.من شو بتكون، كيف بأثر علينا، و مين ممكن يستخدمه و مين لأ؟ هاد كله موضوع حلقتنا لليوم عن العسل!
كل فتره منسمع عن نوع أدوية، اللي بتركز على تكسير الدهون او لزياده الحرق او لتنحيف الخصر او طبعا تقليل الوزن.. و اكتر من هيك بكتيرحلقه اليوم رح تحدد الأنواع اللي معترف فيها من مؤسسة إداره الغذاء و الدواء، طريقه عملها داخل الجسم، فتره تأثيرها و الأعراض الجانبية الممكنةاسمعوا الحلقه حتى تعرفوا اذا الأدويه هي فعلاً الجواب لخسارة الوزن
النشاط البدني جزء مهم من حياتنا و عادة بس نسجل بنادي رياضي بكون عنا أهداف معينة بدنا نوصلها، بس القصة ما بتوقف هون! نوعية الأكل و نمطه و المكملات اللي ممكن نستخدمها بتخلينا عنجد نوصل للهدف بشكل أفضل و اسرع. شو هي و كيف نستعملها و قبل ولا بعد؟ هاد رح يكون موضوعنا للحلقة.
متلازمة تكيس المبايض حالة عم نسمعها عنها أكتر و أكتر و لكنها لسا مش كتير مفهومة للناس و أسبابها و أعراضها مبهمة. بهاي الحلقة رح نحكي لشو وصلنا علمياً بهيك حالة و كيف ممكن نمط الغذاء و غيره يكون إله دور.
حمية الكيتو من الحميات الرائجة جداً بمجال تخفيف الوزن، لكن مثل كل شيء في إيجابيات و سلبيات، حلقة اليوم بتحكي عن مبدأ عمل الحمية، و كيف ممكن نقلل من السلبيات المرتبطة فيها، و هل هي مناسبة لكل حد؟ اسمعوها لتعرفوا أكتر.
ككل بداية جديدة، بكون في خطط و أهداف و كتير مرات بتكون مرتبطة بالتغذية و الصحة! حلقة اليوم بتحكي عن كيفية الاستمرارية و أهميتها لحتى نكمل كل السنة بنفس الهمة و نوصل للهدف المطلوب.
الفترة الأخيرة صار في كتير حكي على ضرائب السكر و أثرت على انتخابات بكذا بلد، ليش الموضوع هالقد مهم و شو هي تبعاته و ليش السكر بالذات؟ هاد موضوع الحلقة.
يا ترى هل السوشال ميديا عنجد الها تأثير على حياتنا الصحية؟ خلونا نعرف هذا الحكي بالحلقة الثالثة من برنامج كلكم دكاترة
Comments
Download from Google Play
Download from App Store
United States