Claim OwnershipSBS Karen - အဲးစ်ဘံအဲးစ် ကညီ
Subscribed: 5Played: 63
Subscribe
© Copyright 2025, Special Broadcasting Services
Description
Independent news and stories from SBS Audio, connecting you to life in Australia and Karen-speaking Australians. - တၢ်လၢအလီၢ်အိၣ်လၢနကဘၣ်သ့ၣ်ညါအီၤခဲလၢာ် ဘၣ်ဃးတၢ်အိၣ်မူဖဲကီၢ်အီစ-တ့လယါအပူၤ- တၢ်ဟ့ၣ်ကူၣ်၊ တၢ်သံကွၢ်သံဒိးဒီး တၢ်ဂ့ၢ်တၢ်ကျိၤ လၢအဘၣ်ဃးဒီး နၦၤတ၀ၢ သ့ၣ်တဖၣ်။
781 Episodes
Reverse
တၢ်ခးသံပှၤဂီၢ်မုၢ်ကဲထီၣ် ပှၤသံအိၣ်အဂၤ ၁ဝ ဝံၤအလီၢ်ခံပှၤခဲနဒၢ်ဖိသ့ၣ်တဖၣ်အိၣ်ပှဲၤဒီးတၢ်သူၣ်အုးသးအုးန့ၣ်လီၤ. တၢ်အံၤမ့ၢ်ဝဲ ထံကီၢ်အံၤအပူၤ တၢ်ခးသံတၢ်ဂီၢ်မုၢ်ဂီၢ်ပၤ ကဲထီၣ်သးအနးကတၢၢ်သ့ၣ်တဖၣ်အကျါတခါန့ၣ်လီၤ. ပှၤခးသံတၢ်တဂၤန့ၣ် ခးသံဝဲဒၣ်ပှၤအဂၤ ၁ဝ လၢအပၣ်ဃုာ်ပှၤကၠိဖိ ဃုဂၤ, ဒီး ပှၤအဂုၤအဂၤ လၢအဒၣ်စ့ၣ်အါမးဘၣ်ဒိဘၣ်ထံးဝဲဒၣ်န့ၣ်လီၤ.
Did you know that IVF is not the first, but in fact the last step in a sequence of fertility treatments? In Vitro Fertilisation is regulated by state and territory laws. It can also be expensive and emotionally challenging. Here’s what to expect when aiming to start a pregnancy with IVF in Australia. - တၢ်လၢ IVF န့ၣ် အတမ့ၢ် ပတီၢ်အဆိကတၢၢ်တခါဘၣ်န့ၣ်နသ့ၣ်ဧါအီၤစ့ၢ်ဧါ, နီၣ်နီၣ်တခီ တၢ်အံၤမ့ၢ်ဝဲ တၢ်ကူစါယါဘျါ ဖိအိၣ်တသ့ဘၣ် အပတီၢ်လၢခံကတၢၢ်တခါန့ၣ်လီၤ. တၢ်လၢ IVF န့ၣ် ကီၢ်စဲၣ်ဒီး ကဝီၤဒိၣ်တၢ်ပၢသ့ၣ်တဖၣ် ဖီၣ်ဂၢၢ်အီၤဒီး သဲစးတၢ်ဘျၢန့ၣ်လီၤ. မ့ၢ်ဝဲတၢ်တခါလၢအတၢ်လၢၤဘူၣ်လၢၤစ့အိၣ်အါမးဒီး ဆီတလဲ သးအတၢ်တူၢ်ဘၣ်သ့ၣ်တဖၣ်သ့ဝဲစ့ၢ်ကီးန့ၣ်လီၤ. ဖဲအီစထြ့လယါကီၢ်ပူၤအံၤ မ့ၢ်အိၣ်ဒီးတၢ်ပညိၣ်လၢ ကအိၣ်ဒီးဟုးသးခီဖျိ တၢ်မၤန့ၢ်အီၤဒီး IVF န့ၣ် ကဘၣ်မုၢ်လၢ်ပာ်တၢ်မနုာ်သ့ၣ်တဖၣ်လဲၣ်.
Practise speaking the dialogue from episode #103 Talking about online dating (Med) - မၤလိထံသးလၢ ပှၤခံဂၤတၢ်တဲသကိးတၢ်ဖဲတၢ်မၤလိအဲကလံးကျိာ်အကူာ် #103 တၢ်တဲသကိးဘၣ်ဃးတၢ်ပာ်အဲၣ်တီဖဲလီမုၢ်ပျီ (အီးလဲ)အပူၤ (Med)
Learn everyday English phrases for online dating. Practise expressions like “match,” “ghosted,” and “slide into DMs” while improving your speaking skills. - မၤလိသကိးဘၣ်ဃးကိးနံၤဒဲးတၢ်သူအဲကလံးကျိာ်ဝီၢ်ကူာ် လၢတၢ်ပာ်အဲၣ်တီဖဲလီမုၢ်ပျီအပူၤ. ဖဲနမၤဂ့ၤထီၣ် နတၢ်ကတိၤကျိာ် တၢ်သ့တၢ်ဘၣ်သ့ၣ်တဖၣ်အံၤအခါန့ၣ် ပကသူဝဲဒၣ်ဝီၢ်ကူာ် “match”, “ghosted” ဒီး “slide into DMs” သ့ၣ်တဖၣ်အံၤန့ၣ်လီၤ.
ကၠိသ့ၣ်တဖၣ်စးထီၣ်ဒီး ကၠိဖိသ့ၣ်တဖၣ်က့ၤထီၣ်ကဒီးကၠိလံအဃိ, အီစထြ့လယါကီၢ်စၢဖှိၣ်ပၢၤကီၢ်သ့ၣ်တဖၣ် ဃ့ထီၣ်ဝဲကၠိသ့ၣ်တဖၣ်လၢ အကကွၢ်ဃုဝဲဒၣ် ပှၤကၠိဖိလၢအအိၣ်ဒီး တၢ်ပနီၣ်လၢ တၢ်ဒုးဖျီဆူၣ်အီၤသ့ၣ်တဖၣ်န့ၣ်လီၤ.
ဒ်သိးလၢအမ့ၢ် တၢ်ပာ်ပနီၣ်ဒီး တၢ်ဟ့ၣ်ဂံၢ်ဟ့ၣ်ဘါ ကညီသးစၢ် လၢအဟ့ၣ်လီၤသးမၤတၢ်ဖဲကညီတဝၢပူၤသ့ၣ်တဖၣ်အဂီၢ် တနံၣ်တဘျီန့ၣ် Phan Foundation ဃုထၢဟ့ၣ်လီၤဝဲ တၢ်လၤကပီၤဆူ ကညီသးစၢ် လၢတၢ်ဆှၢနုာ်အမံၤသ့ၣ်တဖၣ်အကျါ တဂၤန့ၣ်လီၤ.
Learn practical English phrases for getting organised and managing daily tasks, including planning ahead, meeting deadlines, and staying on top of responsibilities. - မၤလိသကိး အဲကလံးတၢ်ကတိၤဝီၢ်ကူာ် လၢတၢ်သုးကျဲၤ ရဲၣ်ကျဲၤပာ်တၢ်ဒီး ရဲၣ်သဲကတီၤ ကိးနံၤဒဲးတၢ်ဖံးတၢ်မၤသ့ၣ်တဖၣ်, လၢအပၣ်ဃုာ် တၢ်ရဲၣ်ကျဲၤဆိပာ်စၢၤတၢ်ဖံးတၢ်မၤ, တၢ်အိၣ်ဖှိၣ်မုၢ်နံၤမုၢ်သီသ့ၣ်တဖၣ်, ဒီး အိၣ်ဒီးတၢ်ဟံးမူဒါလၢပှဲၤသ့ၣ်ဖၣ်န့ၣ်လီၤ.
Like in most countries, public transport in Australia is the cheapest way to get around. It includes trams, buses, trains and ferry services. And each state or territory has its own transport network. However, navigating Australia’s public transport system with ease requires knowing the basics around how it works and what to expect. - ဒ်သိးဒီးထံကီၢ်အါဘ့ၣ်အသိး, တၢ်ဝံစိာ်တီဆှၢကမျၢၢ်ဖဲအီစထြ့လယါကီၢ်ပူၤအံၤ မ့ၢ်ဝဲကျိၤကျဲအပှ့ၤဘၣ်ကတၢၢ်တဘိလၢ တၢ်ဟးထီၣ်က့ၤလီၤအဂီၢ်န့ၣ်လီၤ. ဖဲတၢ်ဝံစိာ်တီဆှၢကမျၢၢ်အကျါန့ၣ်ပၣ်ဃုာ်ဒီး, ထြဲမ်, ဘၢးစ်, လ့ၣ်မ့ၣ်အူ ဒီး ကဘီထံ လၢအစိာ်ဆှၢတၢ်သ့ၣ်တဖၣ်န့ၣ်လီၤ. ကီၢ်စဲၣ်ဒီး ကဝီၤဒိၣ်တၢ်ပၢ တဘ့ၣ်စုာ်စုာ်န့ၣ် အိၣ်ဒီး အနီၣ်ကစၢ်ဒၣ်ဝဲ ဝံစိာ်တီဆှၢဝဲၤကျိၤ ပှာ်ယဲၤန့ၣ်လီၤ. ဖဲတၢ်ပာ်ဖျါအံၤအပူၤန့ၣ်, နကမၤလိဘၣ် တၢ်ဝံစိာ်တီဆှၢကမျၢၢ် အခီၣ်တဃာ်တနီၤ, လၢအပၣ်ဃုာ် ဖဲပှၤဘၣ်မူဘၣ်ဒါ သမံသမိး န ထံးကဲး—လဲးမး အခါ နကဘၣ်မုၢ်လၢ်ပာ်တၢ်မနုၤသ့ၣ်တဖၣ်လဲၣ် ဒီး ပှၤဒိးတၢ်ဖိ အတၢ်သကဲးပဝး ဖဲလဲၣ်တကလုာ် လၢတၢ်ပာ်ပနီၣ်အီၤလၢအမ့ၢ် တၢ်တူၢ်လိာ်အီၤတသ့ဘၣ် သ့ၣ်တဖၣ်လဲၣ်အဂ့ၢ်န့ၣ်လီၤ.
ဖဲလါဒံၤစဲဘၢၣ်အတီၢ်ပူၤန့ၣ် တၢ်ပာ်ဂၢၢ်ပာ်ကျၢၤဝဲဒၣ်လၢ Nipah—နံးဖၣ် ဘဲရၢးစ် ဘၣ်ဝဲဒၣ်ပှၤခံဂၤဖဲကီၢ်အ့ဒံယါ West Bengal ကီၢ်စဲၣ်ဒီး ပှၤလၢအဘၣ်အိၣ်လီၤဆီ ခီဖျိတၢ်ခိးကွၢ် တၢ်ဆါအံၤ အတၢ်အိၣ်သးန့ၣ် အိၣ်ဝဲ အစှၤကတၢၢ် ၁၉ဝ ဂၤန့ၣ်လီၤ.
လီၢ်ခၢၣ်သးစ့တၢး—Reserve Bank of Australia အတၢ်မၤအါထီၣ်စ့ဘ့ၣ်အလုၢ်အပှ့ၤ လၢစ့အ့ၣ်အါထီၣ်အံၤ မ့ၢ်တၢ်မၤကတၢၢ်ကွံာ် တၢ်ပာ်ပတုာ်ဃးတၢ်မၤထီၣ်စ့အ့ၣ်လၢခံနံၣ်ဘျဲၣ်အတီၢ်ပူၤန့ၣ်လီၤ. လီၢ်ခၢၣ်သးစ့တၢးမၤအါထီၣ်စ့အ့ၣ်အဃိ ကဲထီၣ်ဝဲဒၣ် မ့ၣ်ဆၣ်လၢ ထံရူၢ်ကီၢ်သဲး တၢ်ဂ့ၢ်လိာ်ဘှီလိာ် ဘၣ်ဃးစ့သိၣ်သွံအါထီၣ် စ့အလုၢ်အပှ့ၤလီၤန့ၣ် မ့ၢ်အကဲထီၣ်ခီဖျိအသးလၢ ပဒိၣ်အတၢ်သူတၢ်စွဲဧါ မ့တမ့ၢ် ပှၤနီၣ်တဂၤ အတၢ်လိၣ်ဘၣ်အဃိဧါန့ၣ်လီၤ.
Victoria's High Country စးထီၣ်ကဒါက့ၤဝဲ တၢ်ဟးဃူၤကွၢ်ဃု Dezi Freeman လၢအမ့ၢ် ပှၤလၢအဘၣ်တၢ်ပာ်တၢ်ကမၣ်အီၤလၢအမၤသံပၢၤကီၢ်, နာ်သက့ ပှၤဃိထံတၢ်သ့ၣ်တဖၣ် ခဲကနံၣ်အံၤန့ၣ် နာ်ဝဲဒၣ်လၢ ပိာ်ခွါလၢအသးနံၣ်အိၣ် ၅၆နံၣ်တဂၤအံၤန့ၣ် အတၢ်အိၣ်သးအိၣ်အါလၢအသံလံန့ၣ်လီၤ. Mr Freeman အံၤ ဘၣ်တၢ်ပာ်တၢ်ကမၣ်အီၤလၢ အမၤသံဝဲဒၣ်ပၢၤကီၢ်ပှၤဘၣ်မူဘၣ်ဒါခံဂၤ ဒီး ပၢၤကီၢ်သၢဂၤတဂၤန့ၣ် မၤဘၣ်ဒိဆါဝဲနးနးကလဲာ်, ဖဲလၢအပူၤကွံာ်တနံၣ် ပၢၤကီၢ်ပှၤဘၣ်မူဘၣ်ဒါသ့ၣ်တဖၣ်အံၤ ဒိးန့ၢ်ဘၣ်တၢ်ကလုၢ်လၢ ဘၣ်လဲၤကွၢ်ဃုဃိထံတၢ်ဖဲ ခိခိၣ်ဟီၣ်ကဝီၤ တၢ်လီၢ်လၢအဘူးဒီး ဝံးထိရံယါသဝီဖိ Porepunkah အခါန့ၣ်လီၤ. ခဲကနံၣ်အံၤန့ၣ် ပၢၤကီၢ်သ့ၣ်တဖၣ် ဟးကွၢ်ဃုတၢ်အသီတဘျီ လၢအပာ်ဝဲတၢ်ပညိၣ်လီၤဖဲ Mount Buffalo National Park သ့ၣ်ပှၢ်ပျံၤကွီၤဟီၣ်ကဝီၤဖးလဲၢ်အပူၤန့ၣ်လီၤ.
Going camping is an incredible way to experience Australia’s great outdoors whilst also taking a break from technology and daily routines. We unpack the benefits of camping, the preparation required, the equipment you should consider taking, and how to be a considerate camper. - နမ့ၢ်အဲၣ်ဒိးန့ၢ်ဘၣ် အီစထြ့လယါကီၢ် ဝ့ၢ်ချၢအတၢ်လဲၤခီဖျိန့ၣ်, တၢ်လဲၤဟးကသုၣ်ကသီဆီလီၤဒဲဖဲပှၢ်လၢ်ကျါန့ၣ်မ့ၢ်ဝဲကျိၤကျဲလၢအဂ့ၤတခါန့ၣ်လီၤ. မ့ၢ်ဝဲတၢ်ခွဲးတၢ်ယာ်တခါလၢ နကအိၣ်ဘှံးအိၣ်သါဘၣ်, အိၣ်ဒီးတၢ်က့ၤဘျးစဲလိာ်က့ၤသးဒီးန့ဆၢၣ်, ကးတံာ်လီၤကွံာ်နီၣ်ဘျးသဒၢ (ဒ်သိးတၢ်ကွၢ်ကီ ခီဖၠူၣ်ထၢၣ်, ကွဲၤထံၣ်ဟူဒီး လီတဲစိသ့ၣ်တဖၣ်) ဒီး ပာ်ပတုာ်ကွံာ် ကိးနံၤဒဲးတၢ်ဖံးတၢ်မၤ အတၢ်ဝးတရံးသးသ့ၣ်တဖၣ်န့ၣ်လီၤ. ဖဲနတၢ်လဲၤကျဲအပူၤ ဒ်သိးအကအိၣ်ဒီးတၢ်သူၣ်မုာ်သးမုာ် ပှဲၤဒီးတၢ်သ့ၣ်နီၣ်အဂီၢ်, လၢပှၤကညီဒီး န့ဆၢၣ်ခိဃၢၤခံခါလၢၤအဂီၢ် နဘၣ်အိၣ်ဒီးတၢ်ပာ်လီၤဆိပာ်စၢၤတၢ်ရဲၣ်တၢ်ကျဲၤသ့ၣ်တဖၣ်, ဘိၣ်ထီၣ်တၢ်ပီးတၢ်လီဃံးဃီၣ်ဒီၣ်ဖိ ဒီး တၢ်ဆီလီၤပာ်လီၤဒဲတစိၢ်တလီၢ်ဂ့ၤဂ့ၤန့ၣ်လီၤ.
Learn how to talk about things that make you laugh. Practise phrases that help you share stories, react to jokes, and enjoy conversations more. - မၤလိသကိးဘၣ်ဃးတၢ်ဂ့ၢ်လၢအမၤနံၤနၤသ့ၣ်တဖၣ်. မၤလိတၢ်ကတိၤဝီၢ်ကူာ်လၢအကမၤစၢၤနၤ ဒ်သိးနကတဲလီၤနဂ့ၢ်နကျိၤသ့ၣ်တဖၣ်, တၢ်ခီဆၢကဒါက့ၤတၢ်ကတိၤလၢအလီၤနံၤသ့ၣ်တဖၣ်, ဒီး အိၣ်ဒီးတၢ်တဲသကိးလၢအပှဲၤဒီးတၢ်သူၣ်ဖှံသးညီသ့ၣ်တဖၣ်အဂ့ၢ်.
ဟီၣ်ခိၣ်ဒီဘ့ၣ်အပူၤ တနံၣ်ဘၣ်တနံၣ် ပှၤအိၣ်တဆူၣ်ဘၣ် အိၣ်လၢအကကွဲၢ်အါမး မ့ၢ်လၢတၢ်အီၣ်သ့ၣ်တဖၣ်တအိၣ်ဒီးတၢ်ပူၤဖျဲးဘၣ် မ့တမ့ၢ် တကဆှီဘၣ်အဃိ န့ၣ်လီၤ. တနီၤနီၤန့ၣ် လၢကန့ၢ်ဘၣ်ကျိၣ်စ့အဘျုးအဖှိၣ်အဂီၢ် ဆါလီၤဝဲတၢ်အီၣ်လၢအတမ့ၢ်တၢ်နီၣ်ကီၢ်ဘၣ် ဒ်သိးဒီးတၢ်ဆါလံၣ်အီၣ်လီအီၣ်တၢ် မ့တမ့ၢ်ဘၣ်တခီ ကျးထီၣ်ဝဲတၢ်အီၣ်လံာ်လၢ အတမ့ၢ်တတီဘၣ်သ့ၣ်တဖၣ်န့ၣ်လီၤ. အီစထြ့လယါ ပှၤစဲအ့ၣ်ဖိသ့ၣ်တဖၣ် တ့ဒုးအိၣ်ထီၣ်ဝဲကျိၤကျဲအသီသ့ၣ်တဖၣ်လၢတၢ်ကခီဆၢဒုးထီဒါမၤလီၤမၢ်ကွံာ်ဝဲဒၣ် တၢ်ကီတၢ်ခဲလၢ အလီၤလၢဒီလၣ် ဘံလယၢၢ်အါမးသ့ၣ်တဖၣ်အံၤန့ၣ်လီၤ.
Australia Day—အီစထြ့လယါကီၢ်မုၢ်နံၤ ဘၣ်တၢ်ပာ်ပနီၣ်အီၤသကုၤထံကီၢ်ဒီဘ့ၣ် ဃုာ်ဒီးတၢ်ဟ့ၣ်လီၤ တၢ်ကဲထီၣ်ထံဖိကီၢ်ဖိလံာ်အုၣ်သးအမူးသ့ၣ်တဖၣ်ဒီး အီစထြ့လယါဖိအဂ့ၤကတၢၢ်လၢဒီနံၣ်ညါ—Australian of the Year ခိၣ်ဖးတၢ်လၤကပီၤသ့ၣ်တဖၣ်န့ၣ်လီၤ. ဖဲမုၢ်နံၤအဝဲအံၤန့ၣ် ပှၤအဘီးရကၠံၤနၢၤဒီး ထီရ့ၣ်စထြ့ၣ်အးလဲဒၢၤ သကုၤထံကီၢ်ဒီဘ့ၣ်အပူၤ သ့ၣ်တဖၣ်စ့ၢ်ကီး ပာ်ဖှိၣ်ထီၣ်အသးဒီး မၤဝဲတၢ်သ့ၣ်နီၣ် လါယနူၤအါရံၤ ၂၆ အနံၤ ဒ်အမ့ၢ် Invasion Day—တၢ်နုာ်လီၤဂုာ်ဆူၣ်ဂုာ်ပျိတၢ်အမုၢ်နံၤ အတၢ်လဲၤထီၣ်ပာ်ဖျါသးသ့ၣ်တဖၣ်န့ၣ်လီၤ.
ပှၤလၢအမၤန့ၢ်ဝဲဒၣ် ၂ဝ၂၆ အီစထြ့လယါဖိအဂ့ၤကတၢၢ်လၢဒီနံၣ်ညါ ခိၣ်ဖးတၢ်လၤကပီၤသ့ၣ်တဖၣ် ဘၣ်တၢ်ဘိးသ့ၣ်ညါလီၤအီၤဖဲ National Arboretum တၢ်လီၢ်လၢအအိၣ်ဖဲခဲၤဘၤရၤန့ၣ်လီၤ. ပှၤလၢအဒိးန့ၢ်ဘၣ် ခိၣ်ဖးတၢ်လၤကပီၤလၢခံကတၢၢ် ၃၃ဂၤအံၤ စးထီၣ်ဝဲဒၣ်လၢ ပှၤမူပျီဖိ တုၤလီၤဝဲဒၣ်ဆူ မံၤလၤသၣ်ဒိၣ်စိပတုာ် သ့ၣ်တဖၣ် ခီဖျိတၢ်ပာ်ပနီၣ် အဝဲသ့ၣ်တၢ်ဟ့ၣ်လီၤသး လၢအီစထြ့လယါပှၤကရၢအကရိအဂီၢ်န့ၣ်လီၤ. ပှၤလၢခံကတၢၢ်အပတီၢ် ၃၃ဂၤအံၤ တၢ်ဟ့ၣ်လီၤအီၤခိၣ်ဖးန့ၣ် တၢ်နီၤဖးလီၤအီၤအိၣ်ဝဲဒၣ် လွံၢ်ခါ လၢအပၣ်ဃုာ် Senior Australian of the Year—ပှၤအီစထြ့လယါသးပှၢ်အဂ့ၤကတၢၢ်လၢဒီနံၣ်ညါ, Young Australian of the Year — ပှၤအီစထြ့လယါသးစၢ်အဂ့ၤကတၢၢ်လၢဒီနံၣ်ညါ ဒီး Local Hero — လီၢ်ကဝီၤပှၤဒူပှၤဃိၤပှၤတူၢ်ဆါသးသ့ၣ်တဖၣ်န့ၣ်လီၤ.
တၢ်ဃိထံသ့ၣ်ညါအသီတခါ ပာ်ဖျါထီၣ်ဝဲဒၣ် မ့ၢ်ထိၣ်ဒီး ပှၤဝါဖံးဖိအိၣ်ဆိးအါဟီၣ်ကဝီၤအပှၤတဝၢန့ၣ် ကလုာ်ဒူၣ်အါကလုာ်အထူအထံးအိၣ်ဆိးအပှၤတဝၢသ့ၣ်တဖၣ် လဲၤခီဖျိဘၣ်တၢ်ကွၢ်ဃုလၢလံာ်ဟ့ၣ်ခွဲးတအိၣ်ဘၣ်အနီၣ်ဂံၢ်အါဝဲဒၣ်သၢဆးဒီးတဝာ် န့ၣ်လီၤ.မ့ၢ်ကွၢ်လၢ တၢ်ပဲၤထံနီၤဖး ဝံးထိရံယါပၢၤကီၢ် တၢ်သူတၢ်စိကမီၤလီၤဆီ အတၢ်ကွၢ်ဃုန့ၣ်, ပှၤဝါဖံးဖိအိၣ်ဆိးအါပှၤတဝၢန့ၣ် တၢ်မၤကမၣ်သဲစးတၢ်ဘျၢအနီၣ်ဂံၢ်နီၣ်ဒွးမ့ၢ်အိၣ်အါဒၣ်လဲာ် တၢ်အံၤကဲထီၣ်အသးဒ်အံၤ အိၣ်ဝဲဒၣ်န့ၣ်လီၤ.
တၢ်စူၤဒိၣ်ဒိၣ်မုၢ်မုၢ်ကဲထီၣ်ဝံၤအလီၢ်ခံ, ညၣ်ကမီ လၢအမ့ၢ် Bull shark—ဘူလ် ရှၣ် အကလုာ် အတၢ်လူၤအ့ၣ်ပှၤကညီဖဲ နယူဆီၣ်သ်ဝံ ဟဲအါထီၣ်ချ့မးအဃိ တၢ်ကးတံာ်လီၤအါထီၣ် ပီၣ်လဲၣ်ကၢၢ်နံၤ သ့ၣ်တဖၣ်န့ၣ်လီၤ.
January 26 is one of the most debated dates in Australia’s history. Often described as the nation’s birthday, the day marks neither the formal founding of the colony nor the creation of the Commonwealth. Instead, it reflects a layered history shaped by colonisation, political decisions, and ongoing First Nations resistance. Understanding what actually happened on January 26 reveals why the date is experienced so differently across the country. - လါယနူၤအါရံၤ ၂၆ သီန့ၣ် မ့ၢ်ဝဲဒၣ် မုၢ်နံၤမုၢ်သီလၢ တၢ်ဂ့ၢ်လိာ်ဘှီလိာ်အီၤအိၣ်အအါကတၢၢ် ဖဲအီစထြ့လယါကီၢ် အတၢ်စံၣ်စိၤတဲစိၤအပူၤန့ၣ်လီၤ. အါစုအါဘျီန့ၣ် တၢ်ပာ်ဖျါအီၤဒ်သိး ထံကီၣ်အံၤ အအိၣ်ဖျဲၣ်မုၢ်နံၤ, နာ်သက့ မုၢ်နံၤအံၤ တမ့ၢ်တၢ်ပာ်ပနီၣ် တၢ်ဒုးအိၣ်ထီၣ် တၢ်နုာ်လီၤမၤလဲၢ်အီၣ်ကီၢ် အမုၢ်နံၤလၢအဖိးသဲစးဘၣ်အသိး တမ့ၢ် တၢ်တ့ဒုးအိၣ်ထီၣ် ခီးမီဝဲသ် ထံကီၢ်စ့ၢ်ကီးဘၣ်. နီၣ်နီၣ်တခီ မ့ၢ်ဝဲဒၣ် တၢ်ဆဲးကလၤ ပာ်ဖျါထီၣ်ဝဲ တၢ်နုာ်လီၤမၤလဲၢ်အီၣ်ကီၢ် အက့ၢ်အဂီၤ တၢ်စံၣ်စိၤတဲစိၤ အကဘျံးကထြၢသ့ၣ်တဖၣ်, ထံရူၢ်ကီၢ်သဲး အတၢ်ဆၢတဲာ်သ့ၣ်တဖၣ်, ဒီး ပှၤထူလံၤဖိ အတၢ်ဆဲး ပၢၢ်ဆၢတၢ်န့ၣ်လီၤ. တၢ်သ့ၣ်ညါနၢ်ပၢၢ် တၢ်မနုၤကဲထီၣ်အသးနီၣ်ကီၢ်ဖဲ လါယနူၤအါရံၤ ၂၆အနံၤအဂ့ၢ်န့ၣ် ပာ်ဖျါဝဲဒၣ် မုၢ်နံၤအံၤ အတၢ်လဲၤခီဖျိအိၣ်လီၤဆီလိာ်အသး ဖဲထံကီၢ်ဒီဘ့ၣ်အံၤအပူၤန့ၣ်လီၤ.
မိၢ်ပၢ်လၢအလဲၤပာ်အဖိဆံးဖဲတၢ်အံးထွဲကွၢ်ထွဲဖိသၣ်ဆံးအလီၢ်သ့ၣ်တဖၣ် ခဲကနံၣ်အံၤအတၢ်အုၣ်ကီၤအိၣ်လံ လၢအကအိၣ်ဒီးစ့တၢ်မၤစၢၤဆီၣ်ထွဲ အမျးကယၤ ၉ဝ လၢတနွံ သၢသီအဂီၢ်, ဒီးမ့ၢ်အကြၢးဒိးန့ၢ်ဘၣ်တၢ်မၤစၢၤဆီၣ်ထွဲအံၤစ့ၢ်ကီးဧါန့ၣ် အတလိၣ်မၤပှဲၤ တၢ်သံကွၢ်နီတမံၤဘၣ်. တၢ်ဆီၣ်ထွဲမၤစၢၤအံၤ ကလီၤလၢဝဲဒၣ် စ့ဒီလၣ် အကကွဲၢ် ၄၃ဝ လၢဆူမဲာ်ညါလွံၢ်နံၣ်တီၢ်ပူၤအဂီၢ် ဘၣ်ဆၣ်သနာ်က့ ပဒိၣ်စံးဝဲဒၣ် ဟံၣ်ဖိဃီဖိ လၢအထိကလးအါမးသ့ၣ်တဖၣ် အကဒိးန့ၢ်ဘၣ်ဝဲ တၢ်ဘျုးတၢ်ဖှိၣ်န့ၣ်လီၤ.
Comments
Download from Google Play
Download from App Store
United States