Claim OwnershipSBS Karen - အဲးစ်ဘံအဲးစ် ကညီ
Subscribed: 5Played: 63
Subscribe
© Copyright 2025, Special Broadcasting Services
Description
Independent news and stories from SBS Audio, connecting you to life in Australia and Karen-speaking Australians. - တၢ်လၢအလီၢ်အိၣ်လၢနကဘၣ်သ့ၣ်ညါအီၤခဲလၢာ် ဘၣ်ဃးတၢ်အိၣ်မူဖဲကီၢ်အီစ-တ့လယါအပူၤ- တၢ်ဟ့ၣ်ကူၣ်၊ တၢ်သံကွၢ်သံဒိးဒီး တၢ်ဂ့ၢ်တၢ်ကျိၤ လၢအဘၣ်ဃးဒီး နၦၤတ၀ၢ သ့ၣ်တဖၣ်။
722 Episodes
Reverse
အဲးလ်ဘနံးဆံး ပဒိၣ်ဟ့ၣ်လီၤဝဲ အီစထြ့လယါ ပှၤကူၣ်သ့လၢ ဒွဲလၤသ့ၣ်တဖၣ် တၢ်မၤနၢၤဖးဒိၣ်တခါ မ့ၢ်လၢအပာ်လီၤ တၢ်ဆၢတဲာ် တဲာ်တဲာ်ဖျုဖျု လၢအပဲၤလီၤတဲာ်ကွံာ်ဝဲ တၢ်ပျဲလၢ တၢ်ကဟံးန့ၢ်ကလီ နီၣ်ကစၢ်ပၢ တၢ်ဖံးတၢ်မၤလၢတၢ်တ့ဒုးအိၣ်ထီၣ်အီၤသ့ၣ်တဖၣ် ဒီး သူအီၤလၢ တၢ်မၤလိ ယီၣ်ကူၣ်ဆး—AI တၢ်အဒိ (models) သ့ၣ်တဖၣ်အဂီၢ်န့ၣ်လီၤ. ပှၤသ့တ့ဒုးအိၣ်ထီၣ်တၢ်သ့ၣ်တဖၣ်အံၤ ပတြၢၤဝဲ တၢ်ဆၢတဲာ်အံၤတဘျီဃီ ဒီးစံးဝဲဒၣ် လၢအမ့ၢ် ခီၣ်ခါအရ့ဒိၣ်တခါ လၢတၢ်လဲၤကျဲဆူအဘၣ်တကပၤအဂီၢ်, ဒီးမ့ၢ်ဝဲကျဲဒါလီၤအသးတခါလၢ Copyright and AI Reference Group, ခွဲးယာ်ဟံးဒိဒီး AI တၢ်ပာ်ဖျါထီၣ်တၢ်ဂ့ၢ်ဒိးသန့ၤကရူၢ်အဂီၢ် ဒီး မ့ၢ်စ့ၢ်ကီးတၢ်ဆၢတဲာ်လၢ ခီၣ်ခါဆူညါတခါအဂီၢ် လၢတၢ်မၤသီထီၣ်ဂ့ၤထီၣ် အီစထြ့လယါကီၢ် ခွဲးယာ်ဟံးဒိသဲစးတၢ်ဘျၢသ့ၣ်တဖၣ်အဂီၢ်န့ၣ်လီၤ.
Learn how to split the bill in English. Discover useful expressions for sharing costs, shouting rounds, and transferring your share easily. - အဝဲအံၤန့ၣ်မ့ၢ်ဝဲ တၢ်မၤလိဘၣ်ဃး တၢ်နီၤဖးလီၤ စရီဃ့က့ၤတၢ်အပှ့ၤ မ့တမ့ၢ် တၢ်အဘူးအလဲန့ၣ် ကဘၣ်တဲအီၤလၢအဲကလံးကျိာ်ဒ်လဲၣ်အဂ့ၢ်န့ၣ်လီၤ. ကသ့ၣ်ညါအါထီၣ် တၢ်ကဲဘျုးလၢတၢ်ပာ်ဖျါထီၣ်တၢ်ပာ်သးအဂီၢ် လၢအဘၣ်ဃး တၢ်နီၤဟ့ၣ်လီၤတၢ်လၢၤဘူၣ်လၢၤစ့၊ တၢ်ပှ့ၤဟ့ၣ်လိာ်သးတၢ်တဂၤတဘျီ, ဟ့ၣ်နီၤလီၤတၢ်လၢနဘၣ်န့ၢ်အီၤသ့ၣ်တဖၣ်ညီကဒၣ်ဖိအဂ့ၢ်သ့ၣ်တဖၣ်န့ၣ်လီၤ.
Australia is home to the world’s oldest living cultures, yet remains one of the few countries without a national treaty recognising its First Peoples. This means there has never been a broad agreement about sharing the land, resources, or decision-making power - a gap many see as unfinished business. Find out what treaty really means — how it differs from land rights and native title, and why it matters. - အီစထြ့လယါကီၢ်အံၤ မ့ၢ်ဝဲ ဟီၣ်ခိၣ်ဖျၢၣ်လုၢ်လၢ်ဆဲးလၤလၢအသးပှၢ်ကတၢၢ်အိၣ်ဆိးအဟံၣ်အဃီ, နာ်သက့ ပၣ်ဃုာ်ဒံးဝဲဖဲ ထံကီၢ်စှၤကိးဘ့ၣ်ဒဲးအကျါ လၢအတအိၣ်ဒီး တၢ်အၢၣ်လီၤလံာ်ဃံးဃာ် လၢတၢ်ပာ်ပနီၣ်အပှၤထူလံၤဖိန့ၣ်လီၤ. တၢ်အံၤအခီပညီမ့ၢ်ဝဲ ဘၣ်ဃး တၢ်နီၤလီၤဟီၣ်ခိၣ်ကပံာ်, တၢ်အိၣ်ယၢၤသ့ၣ်တဖၣ်, မ့တမ့ၢ် တၢ်မၤတၢ်ဆၢတဲာ်အတၢ်စိကမီၤသ့ၣ်တဖၣ်န့ၣ် တၢ်သးလီၤပလိာ်တအိၣ်နီတဘျီဒံးဘၣ် — လၢပှၤအါဒံအါဂၤထံၣ်အီၤဒ်အမ့ၢ် တၢ်ဖံးတၢ်မၤလၢအတဝံၤတတဲာ်ဒံးဘၣ်တခါန့ၣ်လီၤ. တၢ်အၢၣ်လီၤလံာ်ဃံးဃာ်အခီပညီနီၣ်နီၣ်န့ၣ်မ့ၢ်မနုၤလဲၢ် — လီၤဆီလိာ်အသးဒီး ဟီၣ်ခိၣ်လီၢ်ခွဲးယာ်ဒီး ထူထံးခိၣ်တီဒ်လဲၣ်, ဒီး ဘၣ်မနုၤအရ့ဒိၣ်လဲၣ်န့ၣ် ဃုသ့ၣ်ညါအါထီၣ်အီၤဖဲအံၤတက့ၢ်.
ခဲကနံၣ်အံၤ အၣ်စံၣ်ယၣ်—ASEAN တၢ်အိၣ်ဖှိၣ်ဖးဒိၣ် ၄၇ဝီတဝီန့ၣ် ဘၣ်တၢ်မၤအီၤဖဲ မလ့ရှါကီၢ်အဖၢမုၢ်န့ၣ်လီၤ. တၢ်အိၣ်ဖှိၣ်တၢ်တၢၣ်ပီၣ်တဲသကိးအပူၤ တၢ်မုၢ်လၢ်လၢ အကပာ်တၢ်ပညိၣ်လီၤဖဲ တၢ်မၤပနံာ်တၢ်ကၤ ဒီး ဟီၣ်ကဝီၤ ဘံၣ်ဘၢဂ့ၢ်ဝီအပူၤ — ဒီးကီၢ်အမဲရကၤကီၢ်ခိၣ် Donald Trump စ့ၢ်ကီး ထီၣ်ဝဲတၢ်အိၣ်ဖှိၣ်ဖးဒိၣ်အံၤန့ၣ်လီၤ. ကိတိာ်ခိၣ်ကျၢၢ် Anthony Albanese စ့ၢ်ကီးထီၣ်ဝဲတၢ်အိၣ်ဖှိၣ်ဖးဒိၣ်အံၤဒီး စံးဝဲလၢ အဝဲအတၢ်ပညိၣ်လၢတၢ်လဲၤတဘျီညါအံၤန့ၣ်မ့ၢ်ဝဲ တၢ်ဘံၣ်တၢ်ဘၢဒီး တၢ်ဖံးတၢ်မၤလၢ ပှၤအီစထြ့လယါအဂီၢ်န့ၣ်လီၤ.
ပၢၤကီၢ်လၢအခီဆၢထီဒါ တၢ်မၤတၢ်စုဆူၣ်ခီၣ်တကးသနူ သကုၤအီစထြ့လယါကီၢ်ဒီဘ့ၣ်အပူၤ စးထီၣ်မၤဝဲ တၢ်ဟူးတၢ်ဂဲၤအသီတခါ လၢအတၢ်ပညိၣ်မ့ၢ်ဝဲ တၢ်ဟ့ၣ်လီၤဒုးသ့ၣ်ညါပှၤကညီသ့ၣ်တဖၣ်တၢ်ဂ့ၢ်တၢ်ကျိၤ လၢအဘၣ်ဃး ဖဲတၢ်ဒုးထီဒါတၢ်လၢအအိၣ်ဒီးကျိစုကဝဲၤသ့ၣ်တဖၣ်မ့ၢ်ကဲထီၣ်အခါ အဝဲသ့ၣ်ကဘၣ်ဒီသဒၢလီၤအနီၣ်ကစၢ်အသးဒ်လဲၣ်အဂ့ၢ်န့ၣ်လီၤ. တၢ်ဘံၣ်တၢ်ဘၢဂ့ၢ်ဝီပှၤဘၣ်မူဘၣ်ဒါသ့ၣ်တဖၣ်အံၤစံးဝဲဒၣ် အီစထြ့လယါကီၢ်အံၤ အိၣ်ဒီးတၢ်လီၤဘၣ်ယိၣ်လၢ တၢ်ကမၤတၢ်ဒုးထီဒါလၢအပၣ်ဃုာ်ဒီးစုကဝဲၤသ့ၣ်တဖၣ်, လီၤဆီဒၣ်တၢ်ဖဲတၢ်လီၢ်လၢပှၤအိၣ်ဖှိၣ်ရိဖှိၣ်အါသ့ၣ်တဖၣ်ကျါ, ဘၣ်ဆၣ်သနာ်က့ ထံကီၢ်အံၤ တၢ်မၤတၢ်စုဆူၣ်ခီၣ်တကး အတၢ်ဒုးထီဒါတၢ်န့ၣ် အိၣ်ဒ်ဝဲဖဲမၤအသးသ့အပတီၢ်န့ၣ်လီၤ.
အီစထြ့လယါပှၤဃိထံသ့ၣ်ညါတၢ်တဖၣ် ဃုထံၣ်သ့ၣ်ညါဘၣ်ဝဲလၢ တၢ်ဒုးအီၣ်နုၢ်ဖိန့ၣ် ဒီသဒၢ ပိာ်မုၣ်သ့ၣ်တဖၣ် လၢကဒုးထီဒါဝဲ နုၢ်ခဲစၢၣ်တၢ်ဆါ လၢအမ့ၢ် တၢ်သူၣ်ထီၣ်အဝဲသ့ၣ် နီၣ်ခိဂံၢ်တြီဆၢ အဂံၢ်သ့ၣ်တဖၣ်န့ၣ်လီၤ. ဖဲတၢ်ဃုထံၣ်သ့ၣ်ညါအသီအပူၤန့ၣ်စံးဝဲဒၣ်, တၢ်ဒၢထီၣ်ဖိမ့တမ့ၢ်အိၣ်ဒီးဟုးသး ဒီး တၢ်ဒုးအီၣ်နုၢ်ဖိန့ၣ် ဒုးအိၣ်ထီၣ်ဝဲ တၢ်ဒုးထီဒါတၢ်ဆါဃၢ်ဘၣ်ကူဘၣ်ဂာ် T-cells လၢအမၤစၢၤအိၣ်ခိးတြီဆၢဝဲ ဆဲလ်လၢအတဘၣ်ဘျီးဘၣ်ဒါဘၣ်သ့ၣ်တဖၣ် လၢအကဆီတလဲအသးဆူခဲစၢၣ်သ့သ့ၣ်တဖၣ်န့ၣ်လီၤ.
Choosing to legally change your name is a significant life decision that reflects your personal circumstances. Each year, tens of thousands of Australians lodge an application through the Registry of Births, Deaths & Marriages. If you’re considering a change of name, this episode takes you through the process. - တၢ်ဃုထၢလၢ ကဆီတလဲနမံၤ လၢအဖိးဒီးသဲစးတၢ်ဘျၢန့ၣ်မ့ၢ်ဝဲဒၣ် တၢ်ဆၢတဲာ်အရ့ဒိၣ်ဖဲနတၢ်အိၣ်မူအပူၤတခါ လၢအဆဲးကလၤဝဲဒၣ်နနီၣ်ကစၢ်အတၢ်အိၣ်သးသ့ၣ်တဖၣ်န့ၣ်လီၤ. နာ်သက့ လီၤကမၢကမၣ်တခါန့ၣ်, ကိးနံၣ်ဒဲး ပှၤအီစထြ့လယါဖိလၢအဆီတလဲအမံၤခီဖျိ တၢ်သြီနုာ်မံၤစရီ လၢတၢ်အိၣ်ဖျဲၣ်, တၢ်သံဒီး တၢ်ဒိးတ့ဒိးဖျီ—Registry of Births, Deaths & Marriages ဝဲၤကျိၤအပူၤန့ၣ် အိၣ်ဝဲဒၣ်လၢ အကထိကလးအါမးန့ၣ်လီၤ. နမ့ၢ်အိၣ်ဒီးတၢ်ဆိကမိၣ်လၢ နကဆီတလဲနမံၤ အခီၣ်ထံးတဖျၢၣ် မ့တမ့ၢ် မံၤလီၢ်ခံ ဟံၣ်ဖိဃီဖိ အမံၤတခီ, နကဘၣ်မၤအီၤဒ်လဲၣ်အဂ့ၢ်န့ၣ် တၢ်ပာ်ဖျါအကူာ်အံၤ ကဆှၢဝဲနၤတဆီဘၣ်တဆီန့ၣ်လီၤ.
ဖဲနွံကတၢၢ်အတီၢ်ပူၤ ပှၤလၢအပာ်ဖျါထီၣ်တၢ်ထီဒါသ့ၣ်တဖၣ် ကွံာ်ဝဲပၢၤကီၢ်ဒီး လၢၢ်ဒီးပလီလၢအအိၣ်ဒီး မဲာ်ကလာ်က့သ့ၣ်တဖၣ်ဝံၤအလီၢ်ခံ တၢ်သံကွၢ်အိၣ်ထီၣ်ဒီး တၢ်ပူၤဖျဲးဖဲမဲလ်ဘၢဝ့ၢ်ကျဲဖီခိၣ်သ့ၣ်တဖၣ်န့ၣ်လီၤ. ဖဲမုၢ်ဒဲး—မုၢ်ခီၣ်ထံးနံၤ တၢ်ပာ်ဖျါထီၣ်တၢ်ထီဒါအကတီၢ် ပၢၤကီၢ်ဘၣ်ဒိဘၣ်ထံးခံဂၤဝံၤအလီၢ်ခံ ဝံးထိရံယါပၢၤကီၢ် မုၢ်လၢ်လၢကဖီၣ်အါထီၣ်ဝဲ ပှၤမၤကမၣ်တၢ်သ့ၣ်တဖၣ်န့ၣ်လီၤ.
ထံလီၢ်ကီၢ်ပူၤဂ့ၢ်ဝီကိတိာ် Tony Burke စံးဝဲဒၣ် ဒ်သိးတၢ်ပာ်ပနီၣ် ကီၢ်ချၢတၢ်သ့တၢ်ဘၣ်သ့ၣ်တဖၣ်ကသ့အဂီၢ် ခဲကနံၣ်အံၤ ပဒိၣ်မၤဝဲတၢ်မၤအဖၢမုၢ်န့ၣ်လီၤ.
Learn how to talk about fashion, and how to compliment someone in English, perfect for parties and cultural events. - ဖဲပၣ်တံၣ်ဒီး လုၢ်လၢ်ဆဲးလၤ မူးပွဲသ့ၣ်တဖၣ်အပူၤ ကပတြၢၤ စံးဂ့ၤစံးဝါ ပှၤတဂၤဂၤဒီး တဲဘၣ်ဃးတၢ်ကယၢက့ၢ်ဂီၤအဂီၢ် ကဘၣ်ကတိၤအီၤလၢအဲကလံးကျိာ်ဒ်လဲၣ်န့ၣ် ပကမၤလိသကိးအီၤန့ၣ်လီၤ.
ပှၤဟီၣ်ခိၣ်ဖိခွဲးယာ်သဲစးဂ့ၢ်ဝီပှၤသ့ပှၤဘၣ်စဲၤနီၣ်သ့ၣ်တဖၣ် ဃ့ထီၣ်ဝဲကီၢ်စၢဖှိၣ်ပဒိၣ်လၢ အကဒုးအိၣ်ထီၣ်ကီၢ်စၢဖှိၣ်ပှၤဟီၣ်ခိၣ်ဖိခွဲးယာ်သဲစးတၢ်ဘျၢန့ၣ်လီၤ. ပှၤသ့ပှၤဘၣ်စဲၤနီၣ်သ့ၣ်တဖၣ် စံးဝဲလၢ တၢ်အံၤမ့ၢ်တၢ်ခွဲးတၢ်ယာ်ဖးဒိၣ်တခါ လၢကဒုးအိၣ်ထီၣ်သဲစးတၢ်ဘျၢအံၤအဂီၢ်န့ၣ်လီၤ.
Australia is home to an array of diverse and beautiful wildlife, and knowing how to respond when you encounter wildlife in your home or on your property will help protect our precious wildlife species whilst keeping you, your family and your pets safe. - အီစထြ့လယါကီၢ်ပူၤအံၤ တၢ်မံၤလၤဆၣ်ဖိကီၢ်ဖိအိၣ်ဝဲအကလုာ်အါမးဒီး ဖဲနဟံၣ် မ့တမ့ၢ် နတၢ်သူၣ်ထီၣ်အပူၤ နမ့ၢ်ထံၣ်တိနိၣ်ဒီး တၢ်မံၤလၤဆၣ်ဖိကီၢ်ဖိသ့ၣ်တဖၣ်အခါ တၢ်သ့ၣ်ညါပာ်စၢၤလၢကဘၣ်ခီဆၢအီၤဒ်လဲၣ်န့ၣ် ကမၤစၢၤဒီသဒၢဝဲ ပတၢ်မံၤလၤဆၣ်ဖိကီၢ်ဖိလၢအလုၢ်ဒိၣ်ပှ့ၤဒိၣ်သ့ၣ်တဖၣ်, ဒီး ကပာ်ဝဲနၤ, နဟံၣ်ဖိဃီဖိဒီး ဆၣ်ဖိကီၢ်ဖိလၢနဘုၣ်အီၤသ့ၣ်တဖၣ် ပှဲၤဒီးတၢ်ပူၤဖျဲးန့ၣ်လီၤ.
ပှၤအံးစရ့ခဲလၢာ် ၂ဝဂၤလၢ Hamas ဖီၣ်ကမဲဒုးဃာ်အီၤဖဲ Gaza သ့ၣ်တဖၣ် ဘၣ်တၢ်ပျၢ်ထီၣ်ကွံာ်အဝဲသ့ၣ်လံန့ၣ်လီၤ. တၢ်အံၤမ့ၢ်ဝဲ Gaza တၢ်မုာ်တၢ်ခုၣ် အတၢ်ရဲၣ်တၢ်ကျဲၤ အခီၣ်ထံးတပတီၢ် လၢအမ့ၢ်ဝဲ စံၣ်စိၤဒိၣ်အတၢ်လဲလိာ်တခါန့ၣ်လီၤ. ပှၤပးလဲးစတဲဘူးထီၣ် ၂ဝဝဝ ဂၤဃၣ်ဃၣ် လၢအဘၣ်တၢ်ဖီၣ်ဒုးဃာ်အီၤဖဲ အံးစရ့ဃိးပူၤသ့ၣ်တဖၣ်စ့ၢ်ကီး ဘၣ်တၢ်ပျၢ်ထီၣ်ကွံာ်အီၤ ဒီးအဝဲသ့ၣ်အါတက့ၢ်န့ၣ် က့ၤကဒါဝဲဆူ ပှၤပးလဲစတဲဖိအတၢ်ပၢအလီၢ် လၢအအိၣ်ဒီး တၢ်ဟးဂူာ်ဟးဂီၤခီဖျိတၢ်ဒုးတၢ်ယာ်သ့ၣ်တဖၣ်န့ၣ်လီၤ. ကီၢ်အမဲရကၤကီၢ်ခိၣ် Donald Trump စံးဝဲဒၣ်လၢ အံးစရ့ဒီး—ဟါမါစ် အတၢ်ဒုးတၢ်ယာ်အံၤဝံၤဝဲလံ, နာ်သက့ တၢ်တၢၣ်ပီၣ် ကၢၣ်ကီၣ်သ့ၣ်တဖၣ် ဆဲးအိၣ်ဒ်ဝဲဖဲ Egypt ကီၢ်အပူၤ ဒီး တၢ်မုာ်တၢ်ခုၣ် လၢဆၢကတီၢ်ယံၤထၢအဂီၢ်န့ၣ် ကဘၣ်ဒ်ဝဲဖးယံၤန့ၣ်လီၤ.
အီစထြ့လယါကီၢ်ပူၤအံၤ ပိာ်ခွါအတၢ်အိၣ်သယုၢ်သတွၤ ဘၣ်အိၣ်လီၤဖျဲၣ်လီၤဟိန့ၣ် တၢ်ပာ်ဖျါအီၤဒ်အမ့ၢ်တၢ်ဂ့ၢ်ကီဖးဒိၣ်တခါ, ဒီး ဖျါလၢ အဟဲအါထီၣ်ကွ့ၢ်ကွ့ၢ်စ့ၢ်ကီးန့ၣ်လီၤ.ပှၤတဝၢတၢ်ဖိးတံၢ်စဲဘူး အတၢ်အိၣ်လီၤဖျဲၣ်လီၤဟိအံၤ ဘၣ်ဒိဘၣ်ထံး ပိာ်ခွါသ့ၣ်တဖၣ် သးအတၢ်အိၣ်ဆူၣ်အိၣ်ချ့ဒီး တၢ်အိၣ်မုာ်ဆိးပၢၤ တကးဘၣ်, တၢ်အံၤလီၤလၢစ့ၢ်ကီး အီစထြ့လယါမုၢ်ကျိၤဝဲၤကွာ် ဒီလၣ်လၢအဘံလယၢၢ်အါမးန့ၣ်လီၤ.ဘၣ်မနုၤလၢပိာ်ခွါသ့ၣ်တဖၣ်အိၣ်ဖျါလၢအဘၣ်ကွၢ်ဆၢၣ်မဲာ်ဒီး တၢ်အိၣ်သယုၢ်သတွၤ, အိၣ်လီၤဖျဲၣ်လီၤဟိအါဒိၣ်မးလဲၣ်န့ၣ် တယံၤဒ်ဘၣ်တၢ်ဃိထံသ့ၣ်ညါတခါပာ်ဖျါဝဲအတၢ်စံးဆၢန့ၣ်လီၤ.
ဖဲလါစဲးပထ့ဘၢၣ် ၁၁သီ မုၢ်ဘူၣ် — မုၢ်ဃုနံၤန့ၣ် ကညီကျိာ်ကၠိလၢအအိၣ်ဖဲမဲလ်ဘၢမုၢ်နုာ်တပၤ အိၣ်ဒီး ကၠိဖိ ၁၂တီၤသ့ၣ်တဖၣ် အတၢ်ဖျိထီၣ်ကၠိ အမူးန့ၣ်လီၤ. တနံၣ်အံၤပှၤကၠိဖိလၢ အဖျိထီၣ်ကညီကျိာ်ကၠိ ၁၂တီၤသ့ၣ်တဖၣ်အိၣ်ဝဲအဂၤ ၁ဝဘျဲၣ်န့ၣ်လီၤ.
ဖဲလါအီးကထိဘၢၣ် ၉သီအနံၤန့ၣ် တၢ်ဆှၢနုာ်လီၤဝဲဒၣ်သဲစးတၢ်ဘျၢဖဲကီၢ်စၢဖှိၣ်ဘျီၣ်ဒိၣ်အပူၤ ဒ်သိးကပတုာ် တၢ်မၤကစၢ် လၢတၢ်ထုးကွံာ် ခွဲးလၢတၢ်ကြၢးမၤန့ၢ်အီၤသ့ၣ်တဖၣ် ဖဲလၢဟံၣ်ဖိဃီဖိသ့ၣ်တဖၣ်ဘၣ်ကွၢ်ဆၢၣ်မဲာ်ဒီး တၢ်အၢအၢသီသီ လၢအဝဲသ့ၣ်အိၣ်ဖျဲၣ်လီၤဝဲဒၣ်အဖိလၢအသံအခါန့ၣ်လီၤ.
Springtime in Australia brings warmth, blossoms, and longer days—but also the peak of pollen season. For millions of Australians, this means the onset of hay fever and allergy-induced asthma. - တၢ်ကိၢ်ထီၣ်သီ မ့တမ့ၢ် တၢ်ယီၤထီၣ်သီအံၤ ဟဲစိာ်ဝဲ တၢ်မဲထီၣ်ဖးထီၣ်သီသ့ၣ်တဖၣ်, မုၢ်နံၤလၢအထီဒီး တၢ်ကလၢၤဒိၣ်ထီၣ် — နာ်သက့ မ့ၢ်စ့ၢ်ကီး ဖီကမူၣ်ဒံဆူကလံၤကျါအါအါဂီၢ်ဂီၢ်အတၢ်ဆၢကတီၢ်န့ၣ်လီၤ. လၢပှၤအီစထြ့လယါအကကွဲၢ်အါမးသ့ၣ်တဖၣ်အဂီၢ်န့ၣ်, တၢ်အံၤအခီပညီမ့ၢ်ဝဲဒၣ် hay fever ဒီး တၢ်ဖိးလိာ်ဒီးသွံၣ်ထံ တၢ်သးဘံး သ့ၣ်တဖၣ်စးထီၣ်အဆၢကတီၢ်န့ၣ်လီၤ.
ကညီပှၤဒ့တၢ်ဖိ အဲလ့ာ် လၢအသးနံၣ် ၃၄ တဂၤ ဒုးအိၣ်ထီၣ်ဝဲအနီၣ်ကစၢ်ဝဲ ဒၢးဖီၣ်တၢ်ကလုၢ်ပနံာ်တၢ်ဖံးတၢ်မၤ လၢအအိၣ်ဖဲ မဲလ်ဘၢဝ့ၢ် မုၢ်နုာ်တကပၤဒီး တကတီၢ်ဃီန့ၣ်အဝဲမ့ၢ်စ့ၢ်ကီး ဖၠၣ်စိမိၤကၠိဖိတဂၤလၢအမၤလိဝဲဘၣ်တၢ်ကလုၢ်အဂ့ၢ်— Bachelor of Audio ဒီးတနံၣ်အံၤန့ၣ် မ့ၢ်ဝဲတၢ်မၤလိ အဆၢကတီၢ် လီၢ်ခံကတၢၢ်န့ၣ်လီၤ.
ကသံၣ်သရၣ်သရၣ် သရၣ်မုၣ် လၢအအိၣ်ဒီးလံာ်ပျဲ—Registered Nurses အကထိကလးအါမး ဖဲကီၢ်ဒီဘ့ၣ်အပူၤ ကန့ၢ်မၤအါထီၣ်တၢ်သ့တၢ်ဘၣ် ဘၣ်ဃးတၢ်နဲၣ်လီၤကသံၣ်ကသီသ့ၣ်တဖၣ်, ညီနုၢ်လၢတၢ်မၤအီၤသ့ဒၣ်ထဲ ကသံၣ်သရၣ်ဖးဒိၣ် ဒီကထၢၣ်သ့ၣ်တဖၣ်န့ၣ်လီၤ. တၢ်အံၤမ့ၢ်ဝဲတၢ်ဆီတလဲမၤသီထီၣ်က့ၤ အီစထြ့လယါကီၢ်ပူၤကသံၣ်ကသီအပျီမုၢ် — ဒီးပှၤဆါအသးသမူအါမးန့ၣ်လီၤ.
Indigenous Australian athletes have long inspired the nation, uniting communities and shaping our identity. Olympian Kyle Vander-Kuyp and Matildas goalkeeper Lydia Williams are two such Indigenous athletes that have shaped our national identity. Their stories show the power of sport to foster inclusion, equality, and pride for future generations. - အီစထြ့လယါပှၤထူလံၤဖိပှၤလိာ်ကွဲတၢ်ဃ့ၢ်ဖုသ့ၣ်တဖၣ် အိၣ်ဒီးတၢ်ဟ့ၣ်ဆူၣ်ထီၣ်ထံဖိကီၢ်ဖိသ့ၣ်တဖၣ်ယံၤတ့ၢ်မးလံအသိး မၤဃူမၤဖိးဝဲ ပှၤဝၢသ့ၣ်တဖၣ်ဒီး ပာ်ဖျါထီၣ် ပနီၣ်ကစၢ် အတၢ်က့ၣ်ပနီၣ်သ့ၣ်တဖၣ်န့ၣ်လီၤ. ပှၤလိာ်ကွဲပြၢတၢ်ဖဲအိးလါဘ့းတၢ်လိာ်ကွဲပြၢအပူၤ Kyle Vander-Kuyp ဒီး Matildas ပှၤဖီၣ်ကိ (ပှၤခိးတၢၣ်ဖျိ) Lydia Williams သ့ၣ်တဖၣ် မ့ၢ်ဝဲဒၣ်ပှၤထူလံၤဖိ ပှၤလိာ်ကွဲတၢ်ဃ့ၢ်ဖုခံဂၤ လၢပာ်ဖျါထီၣ် ပပှၤကလုာ်က့ၢ်ဂီၤ အတၢ်က့ၣ်ပနီၣ်န့ၣ်လီၤ. အဝဲသ့ၣ် အဂ့ၢ်အကျိၤသ့ၣ်တဖၣ် ဒုးနဲၣ်ဖျါဝဲ တၢ်ယူၤယီၣ်ပာ်ကဲ တၢ်ပာ်လုၢ်ပာ်ပှ့ၤ ပှၤကိးဂၤဒဲးအတၢ်နုာ်လီၤပၣ်ဃုာ်, တၢ်တုၤသိးထဲသိးဒီးတၢ်ခွဲးတၢ်ယာ်သ့ၣ်တဖၣ်န့ၣ်, ပှၤထူလံၤဖိ တၢ်ဃ့ၢ်ဖုပြၢအပှၤလိာ်ကွဲဖိသ့ၣ်တဖၣ် ကဲထီၣ် ဒီကလုာ်အသူၣ်ကံၢ်သးလဲ လၢအကါဒိၣ်, ထိၣ်ဟူးထိၣ်ဂဲၤစၢၤသွဲၣ်တစိၤဘၣ်တစိၤ လၢကဂဲၤပျုၢ်ကျဲးစၢးတၢ်အဂ့ၤကတၢၢ် ဒီး ကဲအီစထြ့လယါကီၢ်ခၢၣ်စးလၢအပှဲၤဒီးတၢ်ပာ်ကဖၢလၢသးန့ၣ်လီၤ.
Comments
Download from Google Play
Download from App Store
United States