Metal Cervelat

Yo liebi Lüüt, mir hend e Buckelist Moment erlebt. Mir sind offiziell als Podcast ufem Open Air Gränichen Flyer. Vorfreud stiigt fürs diesjährige Festival und ja, es git wieder zMorge mit Metal Cervelat. Chömmed mit eus go kaffele am Samstig Morge ide Sounderia Stage. Es wird sau lustig und mir chönnd chum warte.Mir gönnd hüt na de Flyer duure und checked mal welli schwiizer Bands alles scho ahkündet worde sind. De Brian hemmer au chönne ahlüte zum chöne vo sinne Grindcore Expertise profitiere.Und susch wird wie immer biz dumm gschnurred, as usual :).

Gruezi mitenand, das Jahr het erst gad gstartet und scho simmer alli wieder busy mit Recording Sessions, Konzerte und und und. Nicht desto trotz hemmer paar Minute gfunde zum zsamme schwatze und chömmed bald mal wieder mit e neui Folg, wer weiss vlt sogar schneller als in 2 Wuche, villicht?So wie dini lieblings local band immer seit, bliibed gspannt weil big things coming ;)

Hüt simmer im Broken Fate Proberuum gelandet und hend e bizeli über alles geredet. Mir hend nostalgischi Stories vomne junge Rickördens ghört wo Broken Fate als Teenager kenne glernt het, d'Jungs hend au über ihri Tours und bisherige Erfahrige ufd Bühni verzählt und vieles, vieles meh. Isch eifach bööös gsi.

Wenn alli ide Wiehnachts- und Neujahrsferie sind, das isch dann de perfekte Moment für e Hardcore Show. Wie wärs mit e sold out Show i de Schüür? Genau det simmer gsi, und hend na biz was für eu gfilmet. Hardcore United gits siit einigi Jahr und sowiit mir wüssed isches immer Sold Out, het ballered. Übrigens hüt gits usnahmswiis übelst Selbstpromo eusersiits.Bruchsch Mixing, Mastering oder wotsch e Aftermovie vo dini Show? Dann schriib doch am Ricky (@rbg_production). Suechsch nach e knackigi Nu Metal Band? dann hausch am beste Eversis. Suechsch nach e komischi Hardcore Band? dann schriibsch mal Taoist. Suechsch Punk? Matchbox WhispersHesch Angst? Fear Lab.Eusi negschti Shows:23.1 Wacken Metal Battle mit Fear Lab, Chokedamp, My Last Hour und Sons Of Coherence7. Februar i de Metbar Lenzburg: Taoist & Declass6. März: Eversis Plattentaufi im Werkk, Baden zsamme mit Drawn By Evil und Decreate

Hüt chömmedmer langsam in Wiehnachtsstimmig und werdet deep, philosophisch, explored e bizeli die Welt vo Bürgerkunde, Taoismus und hend e gueti alti Homesession. Es wird au e bizeli geranted, was gemäss Dr. Bella guet für die Seele isch.Siit 3 Johr machemer das ganze scho, und es macht tatsächlich immerna Spass liebi Lüüt. Bald gits wieder Metal Cervelat Awards. Weissch du vomne Release womer ned verpasse sölled? Dann lahns eus wüsse ide Kommentär!

Dieses Jahr sindmer wieder am Eye See You Festival debi gsi, debi hemmer mal öpis anders usprobiert. Hier findsch de Recap wo mir für Folg #82 ufgnoh hend

Hey mir hend scho länger nüm e intime Folg zu zweit gha, also etzt hemmer üs wieder Ziit gnoh und über 2 Stunde über Gott und die Welt gelabbered. Eye See You Festival, Creepy Cute Cult Party, unzählige Konzerte im November sowie über Bandcamp, AI Bands und sonstiges hemmer geredet und geranted. Crowdkill Report hemmer natürli au wieder paar Mal erwähnt, checkeds unbedingt ab die sind richtigi Journaliste und listet usfuehrlich alli Konzerte und Releases ah, jedi Mentig, nur für di.Ah übrigens, gahn etzt as Summerside für A Small District & Eversis go vote unter “https://www.summerside.ch/bandvoting” wege support your locals und so, aber nur wenn Lust hesch ;).

De Carlo und de Ädu vo Deafsight hend üs bsuecht und mit üs übere ihri neui Musik, Zuekunftsplän, Background Story und vieles meh verzählt. De Ädu kennsch villicht vo A Small District und de Carlo isch de ehemalige Sänger und Gründigsmitglied vo Breakdown Of Sanity. Die ersti Single vo Deafsight "Never Erase" chasch etzt überall lose wo du Musig lose chasch!

Bruder Dammis isch zBesuech gsi und het mit eus über Memes, Internet Culture, Minecraft, Youtube Rabbitholes, Musik und über einiges mehr diskutiert. Ricky het mega Freud a die neui Kamera und hofft Ihr hend au Freud :)

Hüt simmer zBesuech im Proberuum vo de Internationale Wacken Metal Battle Sieger Band, Expellow!Ihr kenned Mik und Nici bereits vo Metal Cervelat Folg #36 wo mir im März 2024 ufgnoh hend. Siit dem isch aber vieles passiert und sie teiled mit eus ihri Erfahrig am Wacken Metal Battle mit und was susch no alles passiert isch :)Falls die Folg unterhaltsam findsch oder a Mik und Nicci öpis mitteile wotsch? Dann schriibs mal dunne i de Comments ^^

Hoi liebi Lüüt, hüt simmer wieder mal da zum eu über die wunderschöni Local Community z'belästige. Gönnd a Shows, nutzed de Repost Funktion uf IG und nehmed eui casual Brudis mit a Shows, nur so wird die lokali Szene grösser <3

Saletti mitenand. Mir sind nani vo eusi Sendigspause zrugg, hend aber öpis bsonders für eu us üsem Archiv. Anina & Thimo hend uns im September 2024 im Rahme ihrer Vertiefigsarbeit fürd Berufsschule interviewt. Hend ihr eus scho immer welle biz besser kenne lerne? dann isch das hier eui Chance :)

Saletti mitenand, mir sind zrugg im Studio und hängeds mal e Rundi mit eu, verzähled mal über Gott und die Welt und holy hell gits viel Konzert i negscht Ziit.

Part III vo de Open Air Gränichen 2025 Saga isch endli mal da. De Samstig isch heavy gsi, mir hend einiges meh a Interviews gha nachdem mir scho de Live Podcast ufgnoh hend, sgit also gnueg zum lose. Merci vielmal Open Air Gränichen, merci a alli Bands wo mit eus gschwatzt hend, es het mega Spass gmacht. Hier gits e chline Übersicht:00:00:00 Intro00:07:01 Zirka00:39:21 Yannick vo Paleface01:06:33 Drill01:19:41 Final Story01:42:35 Trust The Shark02:12:40 Recap mit LeaCheerio und bis zum negscht Jahr!

Am Samstig Morge am Gränichen hemmer zum erste Mal e Live Podcast gmacht. Isch e absolute neui Erfahrig für eus, mir sind e biz nervös gsi aber es het mega Spass gmacht. Merci a alli wo so frueh ufgstande sind und eus zuegluegt und zueglost hend. Es spezielles Dankeschön am Open Air Gränichen für die Chance, ufd Bühni dörfe so öpis machen, am Timo für die Technik/Sound und au am Liechttechniker Gentleman wo nach 40min Schlaf ufgstande isch nur um eus Liechter iizrichte!

Das Jahr sindmer wieder am Open Air Gränichen debi gsi, sowohl hinter die Kulissen sowie auf der Bühni. Es isch nass gsi, es isch luut gsi, und Hauptsache hets brutal Spass gmacht. De schwiizer Sigma Festival isch hammer gsi, diesmal lieferemer eu de Podcast in 3 Parts. Bald chömmed also die negschti Episodene dezue ;)

Mir sind mitts ide Festival Season und es chömmed paar sehr cooli Sache. Zum erste Mal hemmer e Liveschaltig via Handy, was super klappt het und eus zeigt, das mir eifach eusi liebi Lüüt ide Szene ab jetzt mitem Handy terrorisiere chönnd. Vorfreude uf Open Air Gräniche herrscht und wenn brav bis am Endi losisch, gits vlt. e chline Spoiler für di ;)

Yo saletti mitenand, mir sind zrugg ide MC Headquarters und berichted e biz über die Szene, was mir alles i letzt Ziit gmacht oder ned gmacht hend und was susch na für Musik usecho isch. Es paar Konzerte chömmed au gli, also losed mal inne und gönnd eui Local Scene go supporte.Ihr findet eus natürli au im "Mosh Stübli" Discord Channel, falls ihr mal mit eui liebi Mitmensche ide Szene plaudere wönnd (üs inklusive)

Hüt gits e kurzi und sponti Folg usem Wald, defür gits spannendi Gspräch rund ums Greenfield, Linkin Park Absage, was de Brian alles während dem GF gmacht het wil er ned am GF debi gsi isch, und susch no Gschicht usem Lebe vo Metalnerds.

Wenn du gmeint hesch, dass de Bella in zviel bands spielt und zviel Projekte startet, dann besser haltisch di fest, denn die Brudis vo Crowdkill Report sind da. Mir hend mit de Jungs 3h lang über Moshpit Culture, Hardcore shows, Willie Nelson, warum Dying Fetus so Genius sind, Vocal Techniques, und und und geredet, diskutiert und debatiert.Crowdkill Report mached the Lord's work, checked die brudis mal ab ( uf Youtube erhältlich, bald uf Spotify)Chum ide Mosh Stübli (Discord) mit eus alli go hänge und wird Teil vo dere wunderschöni Community :).