Claim Ownership獨毒讀不如眾讀讀
Subscribed: 24Played: 132
Subscribe
© dnreadalonereadtgtla
Description
由「界限書店」、「獵人書店」及「留下書舍」三間香港獨立書店共同營運——每周分享好書、聊聊八卦。
36 Episodes
Reverse
台北書展出差完成！大家有咩收穫？觀察到啲咩？最緊要係：點解賣得唔多書，都仲要年年過去？嘉賓｜作家梁莉姿字字研究所｜俊b（呂嘉俊）留下書舍｜Mandydirty press｜君宜（K編）界限書店｜Amber、Leanne、Lester鳴謝艺鵠主辦「A1017 嘈喧巴閉」！https://www.aco.hk/2026tibe
香港嘅獨立書店頒獎畀書，台灣就有獎頒返畀獨立書店！到底個獎點嚟？點樣選出得獎者？界限書店｜Leanne樹梅文化藝術基金會｜法拉「樹梅獨書獎」詳情：https://www.dushuawards.com/copy-of-%E9%97%9C%E6%96%BC%E6%A8%B9%E6%A2%85%E5%9F%BA%E9%87%91%E6%9C%83
港版本屋大賞出現了！到底籌備過程係點？大家有咩感受？獵人書店｜文萱、Wayne界限書店｜Amber、Leanne、Lester留下書舍｜Kris字字研究所｜俊b（呂嘉俊）
界限三人喺書展後各自開咗「暑期作業」書單～到底一個月可以睇幾多本書？！主持：店長呢與店長他書單：窄路前行不轉彎——獨立編輯人的故事（散文）H醫生一千零一夜（散文）夏花與秋葉（散文）餘生（訪談）不是博物館指南 This is Not a Bling Bling Museum Guidebook（評論）阿修羅時間（詩集）生態演替（詩集）離亂經（詩集）偵探冰室・金（小說）
好久沒有單獨做集數的獵人萱與W愧疚地營業了。原因是甚麼，當然是一年一度獨立書展！今年為甚麼叫「無處不閱讀」？和去年有甚麼分別？有甚麼新猶？好多內容都還未offical 宣傳的，想搶先知道？就要聽這個podcast啦。還有許多書展小reminder，聽完再來就是精明消費者！
今集係《Port Journal》創刊分享會嘅精華！有主編Jeff同兩位作者同大家分享～李照興〈重走絲路：才發現它不關於絲綢，也非一條路〉盧燕珊〈北京九年半的港燦文化藝術觀照 從客體觀象到主體顯靈〉
今集想叫大家去睇展～直面他者 抱擁脆弱@knock knock另外傾吓最近我哋睇咗嘅《音樂完全版》，漫畫怎樣啟發創作？最近在看什麼書？看漫畫可以聽Betcover!! ～咩都傾吓，希望大家聽得開心（會努力維持更新～嘉賓：Billy & Kenneth
長夢試Mic！試Mic！今集邀咗《睇字香港》作者Dave嚟傾傾佢本書～睇字對佢嘅意義？如何欣賞香港嘅美？點睇以遊香港為主題嘅書？好書推介？「美」的定義？咩都傾吓，希望大家聽得開心（會努力維持更新～嘉賓：Dave Choi @citywording
今集係Zolima Culture Guide #1《石漢瑞的香港》嘅分享會精華！一齊聽吓「香港設計之父」Henry Steiner嘅視覺宇宙係點嘅？
Free ride多時的獵人書店和留下書舍，終於上水了！闊別多時的齊人傾計，還有新成員 ── 長夢書店店主 Ella 加入。之後會努力維持更新（大概吧）。這一集，當然要了解一下新夥伴。以音樂為主題的長夢書店，店主 Ella 也是音樂人，除了開店會賣音樂相關的書，還會唱歌彈 bass，多才多藝。四間書店也會一起討論「搞活動」的困惑，獨立書店是不是一定要辦活動？市道不佳，活動報名人數經常不如理想，大家的對應方法是甚麼？
講咗呢啲：介紹LikerLand／電子書與紙本書？／Liker Land和一般平台有甚麼不同？／紙本書無意義？嘉賓：Liker Land Phoebe/ 好青年茶毒室 AlexLiker land電子書城：https://liker.land/好青年荼毒室：https://www.youtube.com/@corrupttheyouthhk
長洲係全港人煙最稠密嘅離島，人口有成兩萬！肯定唔係個個島民都包糯米糍、食大魚蛋、賣平安包啦，到底仲有咩面貌係我哋未知嘅呢？
兩位長洲人Sim同Yoyo合著《聽說長洲》，幾年間寫起25篇訪問同長洲大小趣聞舊事。雖然「兩代」係其中一章，但手藝同事業嘅繼承貫穿整本書，反映世代交替下，有啲嘢無奈失傳、有啲嘢得以流傳甚至創新。
呢本書出版後，又會唔會成為某個新人與某件舊事嘅契機？
如何書寫將軍澳這個常被標籤為「天橋之城」、「睡房城市」的新市鎮——或四十萬人的家？二十幾位來自區內區外的創作者，花上數月行行走走、反覆思量，試驗一種創新但貼地的地方述說模式，合力編寫專屬於此地的指南——《將軍澳，可以這麼說》。
邀請你，從書頁之間，以地方為本，重新發現將軍澳精彩的五十幾面！
主持：煙腸遮Jerry
#深度遊 #書店 #podcast #界限書店 #社區 #將軍澳可以這麼說
為配合政府推動深度遊，我地決定積極討論下遇到深度遊嘅遊客類型，以及深度遊於香港書店的可行性，並歸納出以下要點（笑）：
界限書店遇到的遊客種類分析
不同地區遊客的特色
各類遊客會購買的書種
政府推深度遊要包括書店嗎？
我們歡迎遊客與否
今次真係帶大家睇下遊客眾生相～歡迎介紹其他國家嘅朋友上黎界限，聽到尾有彩蛋（就是廣告）XD
主持：店長爸&店長呢
以上店長發言並不代表本店立場哈哈哈哈哈
#深度遊 #書店 #podcast #界限書店 #遊客 #獨毒讀不如眾讀讀
界限書店1.0前店長Ma嘅首次同最後一次登場！借《獨立書店似顏繪》說當年，你仲記得1.0嘅樣嗎？店長Ma最後嘅致謝及訣別。
終於聽到店長Ma真身喇！1.0的時候，店長Ma會間中躲在他小小的工作間，處理日常事務，通常幕後的工作總是比較少人看見，不如今次就聽聽在他位置所看見的。
無論如何，希望店長Ma日後一切安好，謝謝你開始了界限。
完全私心的一集。經濟不景氣，大家已經難捱，仲要遇上一啲無聊人三不五時 9up 投訴，某啲部門又無啦啦咁積極例行巡查……
咁大個香港，係咪連幾間小小嘅書店都容納唔到？與其自己一個嬲，不如搵埋行家一齊嬲，又不如錄低佢，同大家一齊嬲。
獵人第一次有嘉賓，但呢個嘉賓唔係第一次受邀lol 又係《誌》總編關震海様（さま）。今次嚟傾傾《香港職人》呢本好書背後故事。
（PS. 錄音是首次使用online meeting錄音軟件，所以有少許雜聲，先抱歉了）
傾咗呢啲：本書已經做咗兩年幾？點解揀呢幾個行業？邊個職人最深刻？點睇香港vs日本「職人」態度？
話說既然搬完舖，不如就講下我地兩個店長係搬舖上有無咩意見不合喇。
搬舖嘅過程好有趣，因為發現明顯我地大家無論思考，還是性格都南轅北轍，由開始決定要搬個下已經有好多唔同反應lol
咁啱因為店長呢對MBTI有啲認識，咁不如就跟住MBTI去解讀下究竟我地兩個點解咁唔同喇～
除左講各自有咩唔同，仲會講下我地理想中店長嘅模樣～
主持：界限書店店長爸&店長呢
MBTI屬性
店長呢：ENFP
店長爸：INFP/ISFP
精選：
知道要搬舖嘅反應？
搬舖邊個係大力士？
做左店長之後就成日病？
究竟兩個店長各自嘅社交模式有幾唔同呢？
話說，界限搬左新舖？！咁大件事大家知唔知呀～搬近左旺角站，多左水機同梳化，行街經過可以隨便上黎坐XD
新舖地址：旺角亞皆老街16號旺角商業大廈20樓A室
#獨毒讀不如眾讀讀 #podcast #界限書店 #開店日常 #MBTI #合作 #ENFP #ISFP #書店
《4拍4家族》上映數周，票房和聲勢，明顯不及同期的幾部本地作品。但其實，依電影的命題（記憶與遺忘），當中涉獵的議題（家人、和解、流散……），以及少有的「廣東歌音樂電影」類型，即使先不論作品好壞，會吸引到的討論度，理應比現時高。
導演賴恩慈是資深劇場工作者，但她形容，在商業電影市場上，自己是新手，也因此，在宣傳和定位上，一直懵懵憧憧，到發現大眾其實不了解電影的主題，更遑論入場時，已有點遲。
而她選擇瘋狂謝票，與觀眾交流，也呼籲喜歡作品的觀眾宣揚開去。她坦言票房失利已無法改變，但仍希望能讓更多觀眾看到自己的作品。
音樂無法成為電影的 gimmick，但成為她堅持的動力。她說，希望香港音樂電影的一扇門，可以由自己推開。即使這次光是推門已力竭，但至少為有意創作同類電影的人，留下一串門匙。
主持：「留下書舍」岑仔 ／ 嘉賓：《浮世薔薇》作者閭丘露薇
大概傾咗： 閭丘露薇係咪做過「戰地記者」？／《浮世薔薇》書名點解？／係咪有題材新聞唔寫得所以寫小說？／記者識寫新聞代唔代表識寫小說？／點解會被編輯批評又要大改？／小說是紀錄時代的好載體嗎？／無論用咩形式，其實都係講故仔。
Comments
Download from Google Play
Download from App Store
United States