Claim OwnershipBesta sætið
Subscribed: 103Played: 1,485
Subscribe
© Copyright 2024 All rights reserved.
Description
Besta sætið er hlaðvarp íþróttadeildar Sýnar. Þar er fjallað um allt sem skiptir máli í íþróttaheiminum.
73 Episodes
Reverse
Sólveig Jóhannesdóttir Larsen tilkynnti á samfélagsmiðlum í vikunni að fótboltaferli hennar væri lokið þrátt fyrir aðeins 25 ára aldur. Ferlinum lauk þó í raun fyrir rúmum þremur árum síðan en hún hefur ekki getað spilað eftir að hafa orðið fyrir mjaðmarmeiðslum í Svíþjóð. Hún var þá nýkomin út í atvinnumennsku eftir að hafa unnið bæði Íslands- og bikarmeistaratitilinn með Val 2022.
Atvinnumannadraumurinn varð því að martröð með meðfylgjandi andlegum þyngslum og ,eiðsli sem áttu þá að vara í örfáar vikur halda henni enn utan vallar og hafa raunar áhrif á daglegt líf hennar. Sólveig hefur ekki getað hlaupið síðan og glímir við verki dagsdaglega.
Að ljúka ferlinum fylgir sorg en einnig léttir þar sem hún horfir nú til framtíðar án þess að hafa bolta við tærnar. Hún fær bacherlorsgráðu í stjórnmálafræði í vor, stefnir í mastersnám erlendis í kjölfarið og fann sér nýtt lið þar sem hún er á lista Samfylkingarinnar í Kópavogi fyrir komandi sveitastjórnarkosningar.
Valur Páll Eiríksson settist niður með Sólveigu og ræddi undanfarin þrjú ár, þroskann sem þeim fylgdi og það sem fram undan er.
Það var nóg um að ræða í Besta sætinu í dag. KA-menn opnuðu veskið til þess að fá Danijel Dejan Djuric til sín úr atvinnumennsku, Bónus deildin bauð upp á dramatík og deildarmeistarar gætu verið krýndir í kvöld. Þá er áhugaverð helgi framundan í enska boltanum.
Brjálæði í Meistaradeildinni og hitað upp fyrir lokaumferðina í Olís-deild karla og einnig fyrir stóra umferð í Bónus-deild karla.
Farið yfir sirkusinn hjá Tottenham og sömuleiðis í Boganum þar sem enginn virðist þora að spila með sitt besta lið. Einnig er spáð í spilin fyrir risakvöld í Meistaradeildinni.
Farið yfir málefni handboltalandsliðsins og stöðu landsliðsþjálfarans, Snorra Steins Guðjónssonar, sem er ekki búinn að endursemja við HSÍ. Einnig er rýnt í spilin fyrir 16-liða úrslitin í Meistaradeild Evrópu sem hefjast í kvöld.
Einar Jónsson og Rúnar Kárason mættu og gerðu upp tapið gegn Króatíu í leiknum um bronsið á EM í dag. Liðið hafnaði í 4.sæti mótsins en framtíðin lítur vel út fyrir liðið.
Einar Jónsson og Rúnar Kárason gera upp undanúrslitaleik Íslands og Danmerkur á EM í handbolta með Aroni Guðmundssyni. Þriggja marka tap raunin 31-28 og draumur um gull úr sögunni en hetjuleg barátta stendur upp úr. Við tökum Danina næst, first nælum við í bronsið á sunnudaginn.
Jóhann Gunnar Einarsson, Einar Jónsson og Stefán Árni Pálsson gerðu upp stórsigur Íslands og Slóvenum sem gerði það að verkum að Ísland er komið í undanúrslit á EM í fyrsta sinn í 16 ár. Magnaðar árangur.
Þeir Sebastian Alexandersson og Rúnar Kárason gerðu upp sárt jafntefli Íslands gegn Sviss í milliriðli á EM í handbolta í dag. Liðið skoraði 38 mörk en fékk á sig 38. Möguleikinn á undanúrslitasæti varð lítill eftir úrslitin.
Ásgeir Örn Hallgrímsson og Rúnar Kárason, fyrrverandi landsliðsmenn fara yfir stórbrotna frammistöðu Strákanna okkar gegn Svíum í milliriðlum á EM í handbolta með Aroni Guðmundssyni. Átta mark sigur staðreynd, 35-27, draumurinn um undanúrslit lifir!
Ásgeir Örn Hallgrímsson og Jóhann Gunnar Einarsson ræddu leik Króatíu og Ísland við Ágúst Orra Arnarson. Svekkjandi eins marks tap varð niðurstaðan eftir slæman fyrri hálfleik. Vörnin lak og markvarslan var lítil á meðan fjögur víti fóru forgörðum hinumegin. Strákarnir okkar eru með bakið upp við vegg.
Einar Jónsson og Ásgeir Örn Hallgrímsson mættu og gerðu upp frábæran eins marks sigur á Ungverjum í lokaleik riðilsins á EM. Tvö stig í milliriðlinn eru klár.
Þeir Stefán Árni Pálsson, Jóhann Gunnar Einarsson og Einar Jónsson gerðu upp frábæran sigur á Pólverjum 31-23 á EM í handbolta. Liðið hefur farið vel af stað á mótinu og er með fullt hús stiga í riðlinum eftir tvo leiki og komið í milliriðilinn.
Þeir Aron Guðmundsson, Rúnar Kárason og Einar Jónsson fóru yfir sannfærandi þrettán marka sigur Íslands á Ítalíu í fyrsta leik liðanna á Evrópumóti karla í handbolta. Sigurinn samkvæmt áætlun, nú er að halda sjó og missa ekki dampinn. Þátturinn er í boði Orkusölunnar og Verkfærasölunnar.
Þeir Máté Dalmay og Ágúst Orri Arnarson mættu í Besta sætið og gerðu upp Eurobasket árið 2025 og lokaleikinn í riðlinum gegn Frökkum sem tapaðist með fjörutíu stigum.
Teitur Örlygsson var á línunni og gerði upp leikinn gegn Slóvenum. En þeir Benedikt Guðmundsson og Ágúst Orri Arnarson íþróttafréttamaður mættu einnig og fóru yfir tapið gegn Slóvenum. En í þeim leik voru jákvæð teikn á lofti.
Póllverjar unnu Ísland 84-75 í þriðja leik liðsins á Eurobasket í körfubolta. Íslenska liðið stóð sig vel í leiknum en ótrúlegar ákvarðanir undir lok leiksins hjá dómurum leiks kostuði sitt. Þeir Benedikt Guðmundsson, Magnús Þór Gunnarsson og Halldór Örn Halldórsson mættu í Besta sætið og gerðu leikinn upp.
Ísland tapaði með grátlegum hætti gegn Belgíu í öðrum leik Evrópumótsins í körfubolta. 64-71 lokaniðurstaðan í leik sem Ísland leiddi nánast allan tímann. Ólafur Ólafsson og Benedikt Guðmundsson gerðu leikinn upp með Ágústi Orra Arnarsyni.
Ísland tapaði fyrir Ísrael í fyrsta leik á Eurobasket í körfubolta. Leikurinn fór 83-71 og má segja að sigur Ísraelsmanna hafi ekki mikið verið í hættu. Þeir Tómas Steindórsson og Máté Dalmay mættu í Besta sætis hljóðverið og gerðu upp leikinn.
Kristófer Acox fer ekki á Evrópumótið í körfubolta sem hefst í lok ágúst. Tíðindin koma mörgum á óvart en þó ekki honum sjálfum. Landsliðsþjálfarinn tjáði honum í febrúar að hann myndi aldrei velja hann aftur. Kristófer tjáði sig um málið við Besta sætið.
Comments
Download from Google Play
Download from App Store
United States