Claim OwnershipElle ja Májjá máilbmi
Subscribed: 0Played: 0
Subscribe
© Guldal Rec
Description
Oahpásnuva bussáčivgga guoktáin Elliin ja Májjáin. Soai orruba muhtin rukses dálus guhkkin Bizobázovuovddis. Doppe soai orruba ovttas dálueamidiin, spiinniin, gusain ja vuonccáiguin, ja riebaniin, garjjáin ja visot daiguin eará elliiguin mat orrot vuovddis das lahka. Čuovo sudno girjás vásáhusaid. "Elle & Májjá máilbmi" lea digitála muitalusráidu smávvamánáide podkast-hámis. Ráidu almmuhuvvo sihke davvisámegillii ja dárogillii. Das lea gehppes ja álkis giella, ja ulbmil lea stimuleret mánáid iežaset govahallannávcca guldaleami bokte. Norgga beale Sámediggi lea dorjon prošeavtta ruđalaččat.
"Elle ja Májjá máilmmi" muitaleaddji lea Biret Margrethe Oskal.
Dát podkásta gávdno maiddái dárogillii, dan namma lea "Elle og Majjas univers".
"Elle ja Májjá máilmmi" muitaleaddji lea Biret Margrethe Oskal.
Dát podkásta gávdno maiddái dárogillii, dan namma lea "Elle og Majjas univers".
36 Episodes
Reverse
Elle ja Májjá ávvudeaba sámi álbmotbeaivvi ja doallaba konseartta Bizobázovuovddi elliide. Dá lea guhkebuš episode mas beasat gullat buori oasi dain lávlagiin maid Elle ja Májjá láveba liikot lávlut.
Elle ja Májjá gullába biellojienaide, go dievva sávzzat leat boahtán šilljui. Dálueamit áigu beaskidit ulluid sávzzain, ja Elle ja Májjá veahkeheaba.
Elle ja Májjá vásiheaba ođđabeairuohta vuosttaš geardde, ja gullaba ártegis jienaid almmis.
Elle ja Májjá fitnaba sirkusis, gos deaivvadeaba amas elliin mas lea hui guhkes njunni. Mii son dat lea elliid?
Elle ja Májjá veahkeheaba oarri čohkket borramuša dálvái.
Elle ja Májjá jurddašeaba ahte dielkogobbá lea gárvodan karnválii go lea nu earálágan go eará goppát, ja soai maid háliideaba gárvodit karneválii.
Elle ja Májjá oahpásnuvvaba Heavdne-Bierain, gii oahpaha sudno gođđit heavnnifierpmi.
Elle ja Májjá eaba dieđe mii odne lea beivviid ja vuolgiba jearrat spiinnis. Diehtá go son spiidni?
Elle ja Májjá olgouvssa bajil lea vieksábeassi. Go Ovllá-eanu boahtá njeaidit dan, de gal vieksát bijadit su maŋŋái. Elle ja Májjá jurddašeaba ahte vieksát leat stoahkame sistena.
Elle ja Májjá leaba borran beare olu lákcajieŋa ja sudnos šaddá hui baikaheahti. Dál gal lea hoahppu gávdnat vuogas báikki gosa heivešii baikit.
Olbmot hupmet ahte fargga bohtet juovllat. Elle ja Májjá eaba dieđe mat juovllat leat, ja leaba hui gealdagasas.
Elle ja Májjá fuomášeaba stuora, ruoná áđa almmis mii dánse seavdnjadin. Dat lea guovssahas.
Mánáidgárdi fitná Bizobázovuovddis geahččame elliid, ja Elle ja Májjá nu illudeaba go mánát bohtet.
Olbmot hupmet ahte fargga šaddá bajándálki, muhto Elle ja Májjá eaba dieđe mii bajándálki lea.
Elle ja Májjá áiguba veahkehit dálueamida mihtidit iešguđetge gaskkaid, ja gávnnaheaba ahte hivssetbábir lea buorre mihtidanreaidu.
Elle ja Májjá leaba hejot oađđán danne go čuoika lea sudno givssidan ija miehtá. Odne soai vuolgiba čuoikabivdui.
Elle ja Májjá leaba fitname spiinni luhtte, muhto de gahččá Elle spiinnegárdái. Vuoi vuoi movt soai duolvaba.
Elle ja Májjá vuolgiba fanasmátkái, muhto bártideaba veaháš. Gii son sudnuide boahtá veahkkin?
Vielppis borrá visot bussábiepmu viesus. Elle ja Májjá šaddaba vuolgit ohcat biepmu eará sajis.
Elle ja Májjá leaba murjjiid borrame go guovža iđista. Lea go son guovža siivui?
Comments
Download from Google Play
Download from App Store
United States