Bíófíklar

Rauða myllan úr smiðju stílistans Baz Luhrmann hefur heillað og fælt frá margan einstaklinginn í gegnum tæpan fjórðung af öld. Sumir syngja, klappa, stappa og frussugrenja yfir rómantíkinni hjá bóhemanum Christian og gleðikonunni Satine á meðan aðrir fussa og sveia líkt og grautfúli Hertoginn sjálfur. Sigga Clausen er aftur snúin í stúdíóið til Kjartans og Tomma til að ræða þennan einstaka og geysivinsæla “glymskrattasöngleik”. Það var hennar frumkvæði að Bíófíklar myndu gægjast í þetta partý og svipast á bakvið rauðu tjöldin. Þá er hlustandi hvattur til að staupa í sig Absinthe-skotið og sækja klútana.  Þetta er hin eina sanna Moulin Rouge!Efnisyfirlit:00:00 - Dómsdagur Hefnenda07:10 - Opnunarmynd Smárabíós16:37 - Þessi galni strúktúr…26:08 - Eina ‘frumsamda’ lagið34:17 - “Rauða tjalds-þríleikurinn”41:06 - Hvað vilja allir? 51:03 - Hatur á söngleikjum57:26 - ‘Pan og scan’ hugleiðingar01:10:38 - Einelti í Hollywood

Glen Powell bregður sér í ’Tom Cruise gírinn’ í nýjustu myndinni eftir breska nördagullið Edgar Wright. Þá fetar Powell líka lauslega í fótspor Arnolds Schwarzenegger í þessari uppfærsluaðlögun á samnefndri skáldsögu eftir Stephen King… sem gerist einmitt árið 2025.Stórskotalið leikara skýtur hérna upp kollinum um allar trissur til að umkringja Powell með alls konar gúmmelaði og orku. Mætti jafnvel segja að Wright sé sjálfur kominn í allt annan gír en venjulega. En hefur hann enn Wright-stöffið?Hingað til hefur það sennilega ekki leynt sér að Bíófíklar eru ágætir aðdáendur leikstjórans, en þeir Kjartan, Tommi og Atli Freyr skelltu sér á The Running Man og (en ekki hvað?…) hlupu beint í stúdíó Podcast stöðvarinnar til að hljóðrita upplifun sína.  Efnisyfirlit:00:00 - Bilanir í Álfabakka08:43 - The Punning Man16:48 - Filmógrafía Wrights25:34 - The Running Man ’2531:41 - Reglurnar eru…40:15 - Colman Domingo!47:02 - Léttspillar hér54:21 - Samantekt

Frankenstein hefur í margra ára raðir verið draumaverkefni leikstjórans Guillermo Del Toro og - þökk sé Netflix - hefur aðlögun hans loks orðið að veruleika.Með þessari einlægu og fallegu aðlögun sem og persónulegri túlkun leikstjórans hefur öllu verið tjaldað til, með breytingum sem kunna að falla í kramið hjá áhorfendum eða jafnvel bara alls ekki. Kjartan, Tommi og Atli Freyr koma sér í gotneskar stellingar og rýna í það sem óhætt er að kalla eina umtöluðustu stórmynd þessa árs - og hvers vegna hún er svona mikil gullkista af meme’um (e. “mímum”).Efnisyfirlit:00:00 - Sexý gotneskir hönkar…06:02 - Mátturinn hjá Del Toro14:23 - Cameron kom til bjargar…24:25 - Nálgun á klassískri skepnu31:49 - Rauðvín og víðlinsur41:31 - Praktíska hönnunin48:07 - Ofbeldi milli kynslóða59:54 - Samantekt

Predator myndirnar eru orðnar eins margar og þær eru ólíkar í gæðum, þó oft vilji margur einstaklingurinn meina að flestar þeirra séu ekkert sérstakar. Hins vegar er víða viðurkennt að fyrrum bíórýnirinn Dan Trachtenberg hafi fundið hina langþráðu orku- og gæðasprautu sem serían þurfti eftir að hann fékk taumana á henni með Prey og Killer of Killers. En þá er Badlands næsta skrefið í þeirri vegferð hjá leikstjóranum sem siglir trúlega í eitthvað enn metnaðarfyllra.Kjartan, Tommi, Atli Freyr og Birgir Snær skoða hvort Badlands sé annað kærkomna eintakið í myndabálkinn eða enn eitt feilsporið - og hvort ræman komist hjá svokallaða Disney-stimplinum.Efnisyfirlit:00:00 - Um Portal Trachtenbergs03:37 - Predator og The Predator12:46 - AvP og Predators20:26 - Prey26:52 - Predator: Killer of Killers34:24 - Badlands án spilla47:17 - Leggir og léttir spillar54:15 - Samantekt (og óvæntur gestur)

Hvað er langt síðan þú horfðir síðast á The Princess Bride? Er Reservoir Dogs kannski besta Tarantino-myndin? Hvers vegna ákvað Michael Heneke að endurgera Funny Games fyrir vestrænan markað?Auður Svavarsdóttir er aftur sest í stúdíóið til Kjartans, Tomma og Atla og leiðir hún þá í gegnum sínar Topp 10 uppáhalds ‘repeat viewing’ kvikmyndir. Við tökurnar veit megnið af strákunum ekki neitt hverju skal búast við, en kostulegar umræður spinnast út frá fjölbreyttum lista Auðar, og hvað gerir þessa tíu titla svona persónulega fyrir henni.Efnisyfirlit:00:00 - Saló í Bíó Paradís06:55 - Festen 11:12 - Yellow Submarine16:06 - The Craft21:40 - Reservoir Dogs34:53 - Funny Games44:51 - Cry Baby51:52 - The Rocky Horror Picture Show58:50 - The Princess Bride01:05:42 - Zodiac01:10:32 - Harold and Maude

Flestir þekkja til tölvuleikjaseríunnar, jafnvel fólk sem hefur aldrei spilað stakan Mortal Kombat leik. Í áratugaraðir hefur hann þótt einn sá vinsælasti og vantar alls ekki úrvalið af bíómyndum og teiknimyndum. Vörumerkið hefur haldist gífurlega sterkt en á miðjum tíunda áratugnum var lítið um kvikmyndaðar aðlaganir á tölvuleikjum en ljóst er að Paul W.S. Anderson myndin frá 1995 hafi malað gull í miða- og myndbandssölu víða um heim. Ekki er þó hægt að segja það sama um framhaldið sem lenti með vandræðalegum skelli tveimur árum eftir útgáfu forverans. Án þess að skafa neitt frekar af því er framhaldsmyndin af mörgum talin ein versta kvikmynd fyrr eða síðar og hafa áhorfendur lengi deilt um hvort það spili inn í skemmtanagildi hennar eða hvort hún sé hreinlega bara algjör viðbjóður.Bíófíklarnir Bjarni Gautur og Sindri Gretars setja sig í ýktar stellingar með Tomma til að ræða hæðirnar, lægðirnar, trollið hjá senuþjófinum Christopher Lambert, hinn óneitanlega kraft tónlistarinnar í myndunum báðum og hvort sé eitthvað sé viðbjargandi í slakari ræmunni - eða jafnvel endurræsingunni frá 2021 (því, jú, það er víst önnur ‘Mortal Kombat II’ á leiðinni…).Upp með hnefana og eyrun. Þetta verður (undarlega) blóðlaust…Efnisyfirlit:00:00 - “Ekkert blóð…”05:12 - Engin lógík, bara gaman10:05 - Íkoníska þemað og Kano hreimurinn15:44 - Lore’ið í tölvuleiknum22:10 - Paul W.S. Anderson heilkennið25:22 - Mortal Kombat: Annihilation…32:00 - “Hvað er að gerast í þessari mynd!?”40:55 - “Checkov’s Animality”47:07 - Þróun slagsmálasena53:01 - Hvað varð um John R. Leonetti? 58:24 - Stærsta gæðahrapið?

Ótrúlega handahófskenndir og tilgangslausir spurningaleikir eru oft hrikalega skemmtilegir og nú skal hefja nýjan slíkan lið. Annað en á við um ‘Súrt og svarað’ er þó hægt að vinna eitthvað með nú umræddum leik og eru einnig rétt svör sem leitast er eftir.Kjartan hlóð í þennan frussuskemmtilega leik sem skiptist í þrjá flokka og nýtur hann þess óneitanlega í botn að fylgjast með Tomma og Atla Frey klóra sér í sitthvorum hausnum yfir flippinu öllu.Hlustandi er hvattur til að taka þátt og vera með í dauðu þögnunum… Efnisyfirlit:00:00 - “Orð þeirra eru lög”04:13 - Hemsworth og geimverurnar09:14 - Þrýstingur væntinga13:11 - “Með stutt, ljóst hár…”21:27 - Betri en Avatar?25:38 - Gervigreind og Musk’ismi30:06 - F-bombur…35:27 - Úr gríni í heimildarmynd41:26 - Næstu sex… (leikarar)55:52 - Um Jurassic Park…01:08:49 - Um The Thing01:16:00 - Um Cloud Atlas01:29:55 - Niðurstaða

Bíófíklar setja sig í Hrekkjavökustellingar og ræða eina af betri myndum Davids Cronenberg í þaula. Hryllingsmyndin The Fly með Jeff Goldblum og Geenu Davis er allmörgum kunnug en mögulega gæti annað átt við um þá mörgu staðreyndarmola sem henni fylgja. Kjartan, Tommi, Atli Freyr og Frikki búa sig undir ógeðið og skiptast á að lofsyngja þessa vönduðu en sögulega ógeðsllegu bíómynd. Hlustandi er í klessu hvattur til að njóta með og fræðast meira um þennan fræga harmleik, sem er í senn fullkomlega gilt dæmi um að endurgerðir þurfi ekki að vera alltaf af hinu slæma.Út með vængina og niður með kjálkana, þetta verður tryllt…Efnisyfirlit:00:00 - Undirbúningur og uppruni09:06 - Afbrýðissemi Goldblums14:15 - Myndlíkingar með brellum22:37 - Seinni bavíaninn…29:41 - Um body-horror’inn…38:35 - Þegar skepnan tekur yfir47:07 - The Fly II (1989)58:20 - “Þessi fer í safnið!”01:04:47 - Samantekt

Þrátt fyrir að fyrsta regla Slagsmálaklúbbs David Fincher sé sú að það megi ekkert ræða hann, er nærri ómögulegt að ræða ekki þessa kvikmynd sem víða er talin ein sú áhrifamesta frá seinni hluta tíunda áratugarins.Myndin fjallar um skrifstofumann sem þjáist af svefnleysi sem leitar allra leiða til þess að breyta lífi sínu. Þegar hann kemst í kynni við sápugerðarmann sem undirbýr slagsmálaklúbb tekur hversdagurinn á sig aðra mynd og hlutirnir eru alls ekki eins og þeir virðast í fyrstu. Það þarf ekki að leita langt til að sjá að ekki var tekið vel í Fight Club á sínum tíma.Myndin hlaut dræma aðsókn og voru gagnrýnendur annaðhvort á því að hér væri um að ræða meistaraverk eða hrokafulla þvælu. Margir sáu hana sem kvikmynd sem væri að hvetja til slagsmála, hryðjuverka og tja… extreme karlmennsku, á meðan aðrir ræddu um myndina í þaular þar sem hún er akkúrat krítík á karlmennsku, neytendur, hjarðarhegðun o.fl.Til langs tíma litið er „költ“ staða myndarinnar ótvíræð og eru fáar myndir frá leikstjóranum Fincher sem hefur verið jafn oft vitnað í. Þau Kjartan, Tommi og Auður Svavarsdóttir brjóta nú fyrstu tvær reglur klúbbsins og ræða þessa merkilega misskildu ræmu og ýmsar merkilegar staðreyndir um hana.Undir lok þáttar birtist jafnframt óvæntur fastagestur (hví ekki?) Mögulega er hann ímyndun.Efnisyfirlit:00:00 - Að ræða myndina “pólitískt”05:32 - Fullkomin uppskrift að geðrofi10:03 - Leyfið til að gráta15:59 - Það má ekki spyrja spurninga24:13 - “Er í lagi?”27:16 - Kínverski endirinn32:09 - “Fight Club er Disney mynd”39:17 - “Engir stólar á setti”43:06 - Staðreyndir sturlaðar54:14 - Upphaf og endir58:38 - Óvæntur gestur mætir

Hvernig ætli það sé að vera maki Pearl? Hvaða bíóskrímsli væri ömurlegast að þurfa að búa með sem nágranna? Hvaða franchise-framlengingar mega endanlega deyja út? Frikki fastagestur er sestur með Kjartani og Tomma til að svara og viðra þessar og miklu fleiri snarsteiktar pælingar. Sumar hverjar spurningarnar eru innsendar og endurnýttar, en þó skal einu lofa; þessar eru hressar. Sérstaklega þá í ljósi þess að inn í þetta blandast alls konar fjölbreytni í svörum og svölum útúrdúrum.Sjáum hvernig Frikka gengur.Beint í ruglið.Efnisyfirlit:00:00 - Frikki og Borderlands01:20 - “The Thing í kjallaranum”07:07 - Pearl eða Misery?09:04 - Franchise-framlengingar19:05 - Að vera fastur í senu…25:21 - Slither eða Brundlefly?29:24 - Gæðahrap og sokkabrúður (aftur…)35:41 - Söngleikurinn Saló39:06 - Framhaldsmyndir eður ei43:26 - Að kljást við…46:00 - Hvaða ‘final girl’ vinnur í slag?47:46 - “Einni senu of löng”…55:47 - Neo, Morpheus eða Trinity?58:28 - Versta rímeikið… (klassískt)01:02:52 - Stúdíó Rogens01:07:30 - ‘Kicking & Screaming’

Leikstjórinn og handritshöfundurinn Paul Thomas Anderson (P.T.A.) hefur aldrei gert sömu myndina tvisvar. Langt í frá. Filmógrafía þessa manns hefur sjaldan talist til mikilla stórvinsælda hjá meginstraumnum (ekki nema Boogie Nights teljist þar með) en óneitanlega hefur hann átt sér dygga aðdáendur á meðal kvikmyndaáhugafólks - og ekki síður Óskarsakademíunni... Bíófíklarnir Kjartan, Tommi og Óli Bjarki tóku nýverið ‘P.T. Ander-þon’ og eru mættir til að bera saman topplista sína, auk þess að taka létta krufningu á því hvað það er sem einkennir ‘P.T.A.-mynd’ og hans umræðuverðu fjölbreytni. 

Efnisyfirlit:00:00 - *hvað* er P.T.A-mynd?11:40 - The Master21:20 - Magnolia34:00 - Boogie Nights46:06 - There Will Be Blood54:32 - Punch-Drunk Love01:02:12 - Phantom Thread01:13:00 - Hvað með hinar?

Þeir Leonardo DiCaprio og Paul Thomas Anderson snúa saman bökum sínum ásamt stórskotaliði þekktra leikara og öflugra nýliða. One Battle After Another hefur verið mikið í umræðunni og ástæðurnar kunna að vera tvær; Hún er mjög vel tímasett pólitísk ádeila og er af ófáum talin með betri myndum ársins. Þess að auki er um að ræða langdýrustu mynd Andersons til þessa.Við mækinn er sestur Óli Bjarki Austfjörð með Kjartani, Atla Frey og Tomma til að stúdera meintu gæðin og umrædda hæp þessarar myndar. Og vissulega eru tengsl hvers og eins við PTA metin í samhengi þess hvar hún raðast upp við aðrar gæðamyndir frá þessum ágæta leikstjóra.Samantektin er spoiler-laus fyrsta hálftímann. Nánar í yfirlitinu að neðan.Efnisyfirlit:00:00 - Jól hjá P.T.Aðdáendum08:48 - Hvergi fengið að slaka16:08 - Fjármagnið á skjánum21:57 - Pólitík og eltingarleikir29:09 - “Svo blatant satíra”33:33 - Spoiler umræða hefst...39:55 - Ævintýri Willu46:45 - “Svo lítill í sér”51:10 - Að leika með hárinu54:13 - Samantekt

Arnór Steinn Ívarsson, úr hlaðvarpinu Tölvuleikjaspjallið, er mættur stálhress í stúdíóið til Bíófíkla (sem kaldhæðnislega er sama stúdíó og hýsir fyrrnefnda hlaðvarpið) til að ungan en furðulegan undirflokk: Tölvuleikjakvikmyndir, eða réttar sagt, aðlaganir á tölvuleikjum í bíóformi.En hver er metríkin eða kríterían fyrir slíkar myndir? Snýst þetta um hversu trú myndin er þeim tölvuleik (eða seríu) sem hún er byggð á eða einfaldlega hvort myndin standi sjálfstæð sem kvikmyndaupplifun?Arnór, Kjartan og Tommi reyna að svara eitthvað af þessum spurningum og mætti hver þeirra með sinn eigin stórfurðulega lista. Því ekki var beinlínis úr haug af gæðaefni að velja…Efnisyfirlit:00:00 - Meðmæli Arnórs02:05 - Borderlands eða Mein Kraft?06:43 - Að grípa í strá…16:03 - Warcraft (2016)19:22 - Need for Speed (2014)23:23 - The Angry Birds Movie (2016)25:27 - The Super Mario Bros. Movie (2023)31:42 - The Super Mario Bros. (1993)37:31 - Sonic/Sonic 2/Sonic 343:04 - Ratchet & Clank (2016)46:01 - Mortal Kombat (1995)55:55 - Street Fighter (1994)01:02:22 - Pokémon: The First Movie (1999)01:09:00 - Samantekt

Braindead (e. Dead Alive) er á meðal fyrstu furðuverka nýsjálenska múltítaskarans Peter Jackson, sem varð almenningi fljótt kunnugur eftir gerð Lord of the Rings þríleiksins. Upphafsskref Jacksons í splatter-hryllingi og ýmis konar flippaðri smekkleysu eru þó stórmerkileg og vel þess virði að skoða.Kjartan, Tommi og Frikki kíktu á dellumynd Jacksons sem hefur víða verið talin ein blóðugasta ef ekki subbulegasta mynd fyrr eða síðar. Þetta er það sem flokkast í það minnsta undir ‘ælupokamynd’. Er enn eitthvað til í þessu eða hafa tímarnir breyst?Efnisyfirlit:00:00 - Frikki og Grease 206:49 - “Ég mana þig”-myndin10:09 - Úr Bad Taste…15:52 - Upprisa Jacksons24:00 - Aðeins dýpra…30:51 - Hetjusaga ómenna41:59 - Staðreyndir sturlaðar52:41 - Yfir í samantektina…

Robert Zemeckis hefur ekki verið á vörum almennings í sama kalíberi og Spielberg, Lucas, Cameron eða fleiri brautryðjendur í vestræna stórmyndageiranum. Það er að vissu leyti einkennilegt miðað við filmógrafíuna og sögulega status frægustu titlana; Romancing the Stone, Back to the Future I-II-III, Who Framed Roger Rabbit, Forrest Gump, Cast Away, The Polar Express o.fl. Þýðir það þá að lægðirnar voru of lágar?Bíófíklar fengu til sín Stefán Atla Rúnarsson til að rank'a og ræða sarpinn frá Zemeckis, ýmis konar tækni- og gervigreindartengt og ekki síst marga hverja brautryðjandi framleiðslugaldrana sem fóru í nokkur verk Roberts.Og af hverju talar aldrei neinn um The Walk? eða Beowulf? Hvað með Here eða Death Becomes Her!? Efnisyfirlit:00:00 - “Byssurnar, mar”04:41 - Af hverju Zemeckis?15:41 - Cast Away (2000)25:08 - Contact (1997)32:04 - Forrest Gump (1994) og The Walk (2015)39:46 - BTTFII (1989) og Death Becomes Her (1992)43:50 - Who Framed Roger Rabbit (1988)49:10 - The Polar Express (2004)59:02 - Back to the Future (1985)01:11:01 - Vanmetnari titlarnir01:21:40 - Bíótrend og gervigreind

Matrix-sería Wachowski-systranna kom, sá og sigraði heiminn um gott skeið* í kringum aldamótin. Það sem upp úr því spratt varð einkennilega frjó, frumleg, fjölbreytt og heldur betur umdeild kvikmyndasería sem hefur núna spannað nokkrar framhaldsmyndir, tölvuleiki, myndasögur og stuttmyndir.Margt hefur áður verið rætt í þaula um þennan bálk en Bíófíklar reyna hér að diskútera sarpinn allan og tilheyrandi speki, þemu og (auðvitað!) allt djöfulsins kúlið! Íris, Kjartan og Tommi skoða Matrix-myndirnar fjórar til flokkunar ásamt gæðaröðun á The Animatrix-stuttmyndunum (ó, já, allur pakkinn!). Þess að auki fylgja miklar vangaveltur um kynjamyndir, einstakling, samfélög, ástina, jaðarhópa, val, kjarnakonur og fleira rammpakkað. Þar að auki má spyrja sig hversu hinsegin Matrix-myndirnar eru, hvort Neo sé raunverulega nýstárleg túlkun á Þyrnirós og hvað útsendarinn Smith stendur fyrir.Þýðir þá ekki annað en að staupa í sig rauðu pilluna, smella sér í leðrið, opna eyrun og greina með okkur myndmálið og allan kóðann. Reynt er eftir fremsta magni að gúffa allt í sig af bestu lyst, sem er þó hægara sagt en gert þegar það er engin skeið. En allt fyrir ástina!Prógrammið skiptist í...The Matrix The AnimatrixThe Matrix ReloadedThe Matrix Revolutions The Matrix Resurrections Ítarlegra efnisyfirlit:00:00 - Ekki vera Paul02:32 - Serían öll05:43 - The Matrix (1999)12:42 - “Kúl gellur!”20:28 - Frá Smith til…27:26 - Kynjahugmyndir og samfélag36:10 - “Svakalega hinsegin”43:11 - Neo er Þyrnirós47:21 - The Matrix Revisited (2001)50:11 - The Animatrix (2003)57:10 - Matriculated01:02:54 - World Record01:09:40 - Detective Story01:14:01 - Kid’s Story01:17:15 - Final Flight of the Osiris01:20:24 - The Program01:24:30 - Beyond01:27:27 - The Second Renaissance 01:39:49 - The Matrix Reloaded (2003)01:49:18 - Pixlapíka, camp og gaman01:57:33 - Val eða orsakasamhengi02:02:31 - The Matrix Revolutions (2003)02:11:11 - Brostið hjarta og allt blautt02:19:33 - The Matrix Resurrections (2021)02:27:55 - Lana í fíling02:44:07 - Samantekt og framtíðar(vá)spá

Atli Þór Einarsson og Atli Steinn Bjarnason úr hlaðvarpinu Videoleigan eru sestir í stúdíóið með Bíófíklum til að ræða eina óvenjulega (late-)‘90s ofurhetjumynd.Hasarblaðagrínmyndin Mystery Men er gjörsamlega drekkhlaðin hæfileikafólki og furðulegum bröndurum, en þess að auki er fullt við framleiðsluna sem vert er að ræða og brjóta heilann yfir. Síðan að sjálfsögðu er nóg til að krukka í varðandi ágæti þessarar ‘niche’-költ myndar. Og ógrinnið af gestarullum sem þarna fylgir.Setjið á ykkur skikkjurnar og verið með í þessari ringulreið.Efnisyfirlit:00:00 - Með Atla og Atla06:08 - Hasarblaðamyndir14:25 - Aðsókn vs. gæði22:04 - Videoleigan rís30:45 - Um Mystery Men 34:32 - Logandi gulrót38:25 - Hvílíka leikarasúpan50:01 - Klám, prump og diskó55:58 - “Hvað er þessi mynd?”01:00:01 - Það sem vantar…01:15:43 - Aðsókn á góðu ári01:23:05 - Legasía og samantekt01:37:10 - The Master of Disguise (?!) o.fl.

Gott andrúmsloft, sterkir leikarar og geggjuð tónlist. Þetta eru gjarnan einkenni betri myndanna úr filmógrafíunni hjá Michael Mann. Auk þess virðast allflestir karlmenn tengjast kvikmyndinni Heat einhverjum órjúfanlegum böndum, einhverra hluta vegna.Páll Eyjólfsson er aftur snúinn frá Lúxemborg til að spjalla við Kjartan og Tomma en að þessu sinni varð Mann fyrir valinu. Þá stokka þeir þrír upp sína topplista úr sarpi Manns og getur hlustandi dæmt sjálfur um hver við mækinn sé mesti Mann-fræðingurinn á svæðinu. (Að öllum líkindum er það Páll.) En þá er bara að demba sér í múdið.Efnisyfirlit:00:00 - Karlar, græjur og Mann…07:37 - Heat15:03 - Mann-fræðin20:19 - Miami Vice28:11 - The Jericho Mile31:51 - The Last of the Mohicans38:03 - Collateral48:40 - Thief53:20 - Manhunter01:00:28 - Heat… aftur01:22:18 - The Insider01:29:51 - Heat 201:39:35 - Yfir í… söngleiki01:46:07 - Markaðurinn í dag

Ein umtalaðasta svarta kómedíuhrollvekja þessa árs, virðist vera, frá fyrrum grínaranum sem færði okkur eina heldur betur óvænta Barbarian árið 2022.Kjartan, Tommi, Friðrik og Birgir Snær gramsa í, rýna í og kryfja nýjustu myndina frá Zach Cregger; hina forvitnilegu og stórvinsælu Weapons. Úr nægu er allavega að taka og reynt er eftir fremsta magni að kafa djúpt í þessa margbrotnu mystík. Hvað í déskotanum er þessi mynd að segja eða gera og af hverju er hún að skapa svona mikið umtal? Og af hverju hafa Kjartan og Friðrik ekki séð Barbarian?!Byrjum þar...Efnisyfirlit:00:00 - Heitasta handritið06:37 - Spoiler-laus 'samantekt'19:27 - Justine (spillar)30:45 - Archer40:50 - Paul53:43 - James01:03:37 - Marcus01:17:01 - Alex01:38:07 - Hvað svo?01:45:02 - Niðurstaða

Patrick Bateman er meira en þessi týpíski ‘Wall Street lúser’ (eða hvað?), þó enginn annar virðist sjá það. En hvað er það sem lætur Bateman tikka? Hvað er hægt að segja um þetta rotna samfélag og ekki síður þennan hóp sem hann tilheyrir? Veit hann raunverulega eitthvað um Phil Collins eða er þetta allt saman bara gríma? Auður Svavarsdóttir kíkti til Kjartans og Tomma til að ræða helstu spurningar, svör og stúderingar í tengslum við költ-klassíkina American Psycho, og hvernig myndin stenst samanburð við umdeildu bókina eftir Bret Easton Ellis. Auður segir American Psycho vera eina af sínum uppáhaldsmyndum og virðist vera eini einstaklingurinn innan þessa hóps sem getur frætt okkur manna mest um hina gallsúru American Psycho 2…Setjið á ykkur heyrnartólin og komið ykkur fyrir í góðu húsasundi. Þetta verður geggjað!Efnisyfirlit:00:00 - Hver á flottasta nafnspjaldið?07:59 - Að fitta inn11:36 - Ímyndun eða ekki ímyndun16:33 - Löggan og ritarinn25:52 - Allir eru með grímur32:13 - Fight Club dilemman39:30 - Úr fyrstu íi þriðju persónu46:35 - ‘80s períódan52:52 - American Psycho 2 og samantekt