Claim OwnershipMoiesstudio
Subscribed: 55Played: 1,197
Subscribe
© Média de Service public 100,7
Description
Besser informéiert an den Dag
1831 Episodes
Reverse
Wosst Dir, datt et zu Duelem ee réimeschen Theater aus dem Joer 10 viru Christus gëtt? Wa jo da sidd Dir warscheinlech ënner de puer Raren hei am Land, déi dëse Site kennen. Dovu ginn op alle Fall d’Gemeng Duelem zesumme mam Kulturministère, dem INRA (Institut national de recherches archéologiques ) a weideren Associatiounen aus. Si wëllen de gallo-réimesche Site méi bekannt maachen. Ricciacum, wéi Duelem zur Réimerzäit genannt gouf, war deemools nämlech weit iwwer déi heiteg Grenzen eraus bekannt. D’Sté Bisenius war bei enger Visitt vum archeologesche Site zu Duelem dobäi.
... mat katastrophale Konsequenze fir déi zivil Populatioun: 30 Millioune Leit leiden Honger. Explikatioune vum Thomas Kauffmann vun der ONG Care Lëtzebuerg
D'CSV-Europadeputéiert Isabel Wiseler-Lima freet sech iwwer de Walausgang, weist awer drop hin, datt d'Orban-Vermächtnis net vun haut op muer aus der Welt ze schafen ass.
An der EU gouf e Sonndeg den Owend op ville Plazen opgeotemt: Datt de Viktor Orbán an Ungarn no 16 Joer ofgewielt gouf, gouf zu Bréissel allgemeng ganz positiv opgeholl. Den ungaresche Premier blockéiert zanter Joren ëmmer nees Decisiounen op europäeschem Niveau - elo gëtt erwaart, datt eng méi konstruktiv Approche en vue ass. An Ungarn ass ëmgedréit d’Hoffnung grouss, datt Bréissel déi agefrueren EU-Suen ënner där neier Regierung geschwë fräischalt.
Wéi séier kann dann elo domat gerechent ginn, datt déi Blockagen op béide Säiten opgehuewe ginn? Explikatiounen vun eiser EU-Korrespondentin Danièle Weber
Ëmmer manner Leit aus den Nopeschlänner kommen op Lëtzebuerg schaffen - dofir ëmmer méi Leit aus net-EU-Staaten, esou eng Etüd vum LISER. Explikatioune vum Joël Machado
Wéi huet hir Missioun genee ausgesinn? An ass alles regulär ofgelaf? Mir froen de Gilles Baum vun der DP, ee vun den 3 Lëtzebuerger Observateuren.
Wéi wëllt d'Regioun am Norde vum Land sech zukünfteg ausriichten a wat ass vun der Vakanzesaison 2026 ze erwaarden? Doriwwer schwätze mir mat der Lynn Schüssler vum ORT Éislek.
Mir froen den Eric Buttini, Astrophysiker am Naturmusée.
D'Uelzecht ass an engem schlechten Zoustand. Si fléisst eemol queesch duerch Lëtzebuerg a kritt zimmlech alles ze spieren, wat hei geschitt. Lëtzebuerg soll seng Gewässer bis Enn 2027 eigentlech an ee gudden Zoustand bréngen. Wéi kann d'Uelzecht dat Zil jee erreechen, wa Bevëlkerung a Wirtschaft weider wuessen? Ëm déi Fro geet et an eiser neier Serie am Zeenewiessel, dem 100,7-Doku-Podcast.
Elo sinn zwou vun den am Ganze sechs Episode vun der neier Serie disponibel. D'Pia Oppel aus der Zeenewiessel-Ekipp verréit, wat Iech hei erwaart.
Mir froen eise Korrespndent Philip Crowther op der Plaz.
Dir hutt Loscht ee Concertsowend mat klassesch-romantesche Kläng aus dem Mierscher Theater ze erliewen? Eise Klassiksender Opus iwwerdréit de Fréijoersconcert vum Orchestre National des Jeunes du Luxembourg an hirem Dirigent Pit Brosius. Déi jonk Museker:innen huelen Iech mat a Wierker vu Wolfgang Amadeus Mozart, Joseph Haydn a Jean Sibelius.
De Lex Kauffmann huet fir eis den Detail a verréit: Deen Owend ass net just eppes fir d'Klassik-Kenner!
Mir schwätze mam Simon Hoffmann vun der ASBL ProVelo.
Ouschteren ass den traditionellen Optakt vun der Touristesaison zu Lëtzebuerg an do war dëst Joer keng Ausnam. D’Campingsplazen uechtert d’Land si mëttlerweil gutt besicht. De Luca Di Santolo war sech dëser Deeg e Bild vum Betrib um Camping op der Kockelscheier maachen.
De Jeff Schinker huet sech d'Selektioun fir eis ugekuckt.
An der Schoul zu Rued-Sir gouf bannent de leschten zwee Deeg intensiv geraumt a gebotzt, fir datt de Schoulbetrib e Méindeg nees normal ufänke kann. Um Ouschterweekend waren Onbekannter an d’Gebai agebrach an hunn do randaléiert an haaptsächlech technescht Material futtigemaach.
E Sonndeg ass et nees esouwäit: Am Cyclissem steet Paris-Roubaix um Programm. Eng Course, déi fir vill Vëlosfans nieft dem Tour de France zu de groussen Highlighte vun der Saison zielt. De Grond, firwat dës Eendagescourse esou bekannt a beléift ass, sinn déi sëllege Pavé-Secteuren, déi de Coureuren an dem Material alles ofverlaangen. Méi Detailer huet de Jo Diseviscourt fir eis.
Den Ëmweltministère huet finanziell Hëllefe fir d'Ewechmaache vun Näschter op privaten Terraine festgeluecht. Wéi kann een dovu profitéieren? D'Sonja Thill gëtt Prezisiounen.
Dee renomméierten Alpefuerscher Werner Bätzing gesäit d'Grënn beim Klimawandel, awer och bei engem falsche Sécherheetsgefill bei de Schi- a Snowboardfuerer.
Mat der Hausse vun den Energiekäschte geet och de Joresinflatiounstaux erop. De STATEC schafft hei bei senge Previsioune mat verschiddenen Zenarien. Mëttlerweil géif et net méi nëmmen drëm goen, d’Inflatioun virauszesoen. Aufgab vum STATEC wier et och, d’Warscheinlechkeet vun ënnerschiddleche geopoliteschen Zenarie virauszesoen.
250 Demandë wieren an den éischten dräi Stonne bei der Steierverwaltung agaangen, esou den Direkter Jean-Paul Olinger am 100,7-Interview. Zënter 2022 kann ee seng Steiererklärung och mat Hëllef vum sougenannten elektroneschen Assistent maachen. Dësen Tool géif all Joer weider ausbaut ginn. Bis Steierjoer 2028 hofft d’Verwaltung op 85 Prozent digital Steiererklärungen ze kommen. E wäite Wee, well den Ament reechen nach ronn 70 Prozent hir Deklaratioun iwwer Pabeier eran.
Comments
Download from Google Play
Download from App Store
United States