Claim Ownership香港人的故事
Subscribed: 17Played: 65
Subscribe
© 香港中信
Description
留喺香港或者已經移居外地嘅香港人，來自唔同階層、各行各業；面對唔同處境或係人生階段，但都經歷到同一位上帝嘅真實故事。
風起了，就讓耳朵呼吸一下，細聽生命的每一個季節；
風過處，高山低谷，千迴百轉，娓娓道來你、我、祂的故事。
風起了，就讓耳朵呼吸一下，細聽生命的每一個季節；
風過處，高山低谷，千迴百轉，娓娓道來你、我、祂的故事。
36 Episodes
Reverse
唔知大家記唔記得喺 2012 年發生嘅南丫海難？今次同我哋分享嘅呢位爸爸，喺嗰一晚，同太太 同埋兩個囡囡經歷咗呢場生死一刻。一聲巨響，船身猛烈震動之後，就陷入一片漆黑同混亂。眼前完全係黑暗同死亡嘅威脅……
有人形容人生就係一場馬拉松，喺呢段人生長跑之中，有人堅持到底，有人中途放棄；有人對終點目標清晰，亦有人會喺途中迷失，唔知點解仲要咁辛苦跑落去。你又有冇試過，喺人生嘅賽道上，跑到氣喘喘，好辛苦，但仍未見到終點線！於是問自己，捱得咁辛苦，為乜呢？
一對畫家夫婦，佢哋藉住畫筆同愛心，喺香港呢個貧富懸殊嘅城市，點燃一盞盞盼望嘅燈火。喺深水埗嘅劏房、橋底，佢哋唔單止同貧窮人同行，仲帶領一班青少年走入呢啲被遺忘嘅角落，用藝術同關懷去接觸被忽視嘅心靈。
安徒生童話「醜小鴨」嘅故事，相信大部分人都有聽過，唔知你有冇聽過呢？又或者你有冇遇過有人喺成長路上經歷咗好多失落、唔如意嘅事，以致自我標籤為「醜小鴨」？
如果你身上突然出現咗一個「計時炸彈」，正係倒數當中，隨時會爆炸，你會點樣？好驚？夜晚仲係咪瞓得着？每日活喺恐懼同焦慮當中？
當你身處嘅手術室，冷氣壞咗，器械失靈，窗外仲傳嚟槍聲同炮火；而病人嘅生命，就係掌握喺你手上。你嘅心情會係點？病人就靠晒你，咁你又可以靠咩呢？
人生真係好奇妙，改變我哋人生軌跡嘅，可能係一句簡單嘅說話，或係一次偶然嘅相遇，甚至，只係一本書！今日同我哋分享嘅朋友，會同我哋講一個好奇特嘅經歷。當時佢完全唔在意，甚至冇諗過打開來睇。點知幾年之後，呢份禮物竟然成為佢人生嘅轉捩點……
細細個就喺家暴、嗌交、貧窮嘅環境長大，結咗婚以為可以脫離苦海，點知家庭壓力、親人離世、子女學習障礙，全部都一齊衝埋嚟。佢更自稱係「黑仔王」，覺得人生只會嘗到苦味……
曾經係風水師，仲將玄學同投資結合，生意做到好大規模，收入相當可觀。不過，一次意想唔到嘅經歷，令佢開始認真思考自己嘅人生，亦懷疑自己嘅工作價值，甚至對生命有咗新嘅追求。由一個專靠命理風水同計算搵生意嘅人，變成願意放棄高收入，祝福別人嘅生命。
一位真真正正「打出個未來」嘅男人，喺擂台上呢位硬漢可以話係所向披靡。不過，喺人生嘅擂台上，佢卻係輸得一敗塗地，一次又一次被擊倒！佢曾經成為階下囚，坐過監、跌落人生谷底，連家庭都差啲保唔住，佢最終能夠喺一片黑暗之中搵到新嘅出路……
單親爸爸呢幾個字，聽落就已經令人覺得好唔容易。既要獨力面對太太離世嘅悲痛，仲要養育子女，當中嘅眼淚、挫折相信唔會少。今日同我哋分享嘅弟兄，要獨力撫養一對年幼嘅仔女，好特別嘅係，佢從臺北故宮博物館嘅藝術珍品「翠玉白菜」，領悟到教養子女嘅重要原則，幫助仔女去尋找屬於自己嘅人生路！
人生原來可以有「TAKE TWO」？生命竟然可以重頭來過？今日要同大家分享嘅真實故事，你可能想像唔到一個人嘅人生可以爛到咁，但佢竟然可以「翻生」！佢唔止無死到，仲可以生活落去，而且過得精采、有意義，依家仲去幫助其他人！究竟佢遇到咩嘢人？或係有乜嘢奇遇，令佢嘅生命徹底反轉？
唔少人覺得，有時人生就好似行緊一條冇出口嘅樓梯，明知喺度轉圈，但又唔知可以點停落嚟。每日忙完工作、照顧家庭、應付人情世故，但喺夜闌人靜時，心入面只係覺得空虛、攰、甚至會問：生命究竟有咩意義？今日，我哋會聽到一位姊妹嘅生命故事，從初信嘅時候係「糊里糊塗」，到後來喺禱告之中真實經歷到上帝；呢個嘅歷程係點嘅呢？
喺香港呢個咁大壓力嘅城市，患上情緒病，例如抑鬱症，一啲都唔出奇，好多人會誤解咗患者，以為係佢睇唔開，唔識諗，唔識得積極正向思想！其實，抑鬱症，係一個身體出現咗問題嘅病。今次同我哋分享真實故事嘅姊妹，但突然間嘅一場大病，令佢墮入抑鬱症嘅黑暗深淵，將佢嘅人生完全顛覆，甚至徘徊喺自殺邊緣……
唔知大家有冇覺得，而家世界好似愈嚟愈複雜，又好混亂，令你產生一啲無力感？甚至有時會忍唔住問：「點解呢個世界會變成咁樣？如果真係有上帝，祢究竟去咗邊？」我會同大家分享一位姊妹點樣喺菲律賓同香港呢兩個好唔同嘅地方，睇見最黑暗嘅人性時，見證上帝嘅憐憫、公義同埋對生命嘅改變。
喺非常繁忙嘅香港生活之中，沉重嘅工作壓力同埋無可推卸嘅家庭責任，好多時會壓迫到我哋抖唔到氣，搞到個人好迷茫同疲憊。甚至會質疑：工作，除咗賺錢之外，係咪毫無意義嘅呢？
喺夫妻關係、婚姻嘅旅途中，你有冇試過因為彼此嘅誤解而感到氣餒、關係搞到好僵？今日嘅故事主角，同我哋分享佢同太太攜手走過35年婚姻嘅心路歷程。佢哋經歷過誤解、爭拗，但係亦發現咗溝通、聆聽、包容同愛嘅真正意義，更認識到唯有倚靠上帝嘅力量，呢份愛先至能夠歷久常新。等我們一齊來細心聆聽呢位丈夫嘅真實分享。
我哋今日嘅故事主角郭先生，佢曾經以為自己就係人生嘅主宰，無論係電腦網絡遊戲抑或現實生活，佢都鍾意自己掌控一切，由細到大，家庭又好、朋友又多，事業亦都順風順水，自信滿滿，認為自己乜都唔使靠人。但偏偏一次特殊嘅經歷，徹底打亂咗佢原本嘅人生觀，甚至令佢開始質疑自己過去一直相信嘅價值觀。究竟係咩事咁有力量，令佢突然轉向？一齊嚟聽下佢點講。
今日同我哋分享嘅姊妹，就係有咁樣嘅故事——佢細細個就要面對家人嘅冷漠、同學嘅欺凌，長大後喺職場，又面對人性嘅醜惡，點知就喺最無助嘅一刻，佢遇到咗一位喺佢嘅生命中最重要嘅知心友，改變咗佢嘅人生。呢位知心友係邊個？佢點樣幫姊妹走出黑暗？等我哋一齊嚟聽聽佢嘅見證！
唔知大家會唔會想像得到，若果喺你毫無心理準備之下，突然間一個你至親嘅人離世，嗰種痛楚、嗰份遺憾，會係幾咁令人難以接受！而今日同大家分享嘅香港人的故事，裏面嘅主角，用佢嘅說話去講，就係上咗一堂生死教育。不過呢一課，真係一啲都唔容易。佢點樣喺失去父親嘅悲痛之中，重新明白生命嘅意義，同埋基督信仰點樣俾到佢嗰份真實嘅安慰同埋盼望，一齊嚟聽聽佢嘅故事……
Comments
Download from Google Play
Download from App Store
United States