Omam - أُمم مع ميرنا الزيني

في أول حلقة من الموسم التاني من بودكاست «أمم»، مع ميرنا الزيني، بنبدأ رحلة رمضان بحكاية من الجزء الأول من القرآن. قصتنا النهارده بتحصل في مدينة بابل، واحدة من أعظم مدن العالم القديم، مدينة كانت مليانة حياة وحركة، قبل ما الفتنة تدخلها وتغيّر ملامحها بالكامل. من زمن سيدنا سليمان عليه السلام، لحد قصة هاروت وماروت، بنحكي إزاي السحر انتشر، وإزاي التحذير الإلهي اتحوّل لاختبار صعب للقلوب قبل العقول. حلقة عن الفتنة، وعن إحساس الإنسان المضلل بالقوة، وعن اللحظة اللي يفتكر فيها إنه في مأمن… وهو مش كده. أمم الموسم التاني في رمضان بحلقة جديدة كل يوم، أوديو و فيديو، ينحكي فيها قصة من جزء من القرآن. Hosted by Simplecast, an AdsWizz company. See https://pcm.adswizz.com for information about our collection and use of personal data for advertising.

في العادة، بنستنى نهاية سعيدة لأي قصة إيمانية، انتصار المؤمنين وهلاك الظالمين. لكن، هل ممكن النصر يكون في الهلاك نفسه؟ وهل القصة فعلًا بتنتهي عند اللحظة دي، ولا ليها تكملة؟ في حلقة النهاردة هنسافر عبر الزمن لليمن، تحديدًا نجران في القرن السادس، قبل بعثة الرسول ﷺ. هنقابل ملك ظالم، وساحر عجوز، وولد صغير اتعلق بين طريقين مختلفين تمامًا. ولد المفروض يتعلم السحر ويبقى أداة الملك للسيطرة على الناس... لكنه بيختار طريق تاني خالص. طريق هيقلب المملكة رأسًا على عقب! إزاي الغلام الصغير بقى رمز للإيمان؟ وإزاي المواجهة بينه وبين الملك وصلت لأكبر اختبار في التاريخ؟ Hosted by Simplecast, an AdsWizz company. See pcm.adswizz.com for information about our collection and use of personal data for advertising.

في حلقة سيدنا إبراهيم ج٢ بيكمل رحلته في الدعوة، وبيتنقل بين بلاد الشام ومصر.طب إزاي اتجوز السيدة هاجر؟ وليه سابها هي وابنها الطفل الرضيع في الصحرا؟ وعمل إيه لما ربنا حطه قدام أعظم اختبار في تاريخ البشرية؟ Hosted by Simplecast, an AdsWizz company. See pcm.adswizz.com for information about our collection and use of personal data for advertising.

ليه سيدنا إبراهيم تحديدًا هو خليل الله؟ ليه هو الوحيد اللي بنصلي عليه في كل تشهد؟في الجزء الأول من قصته، بنرجع أكتر من ٤٠٠٠ سنة لورا، لأرض بابل في عهد النمرود، وبنشوف إزاي إبراهيم عليه السلام وقف لوحده في وش قومه، وحطم الأصنام، وواجه الملك الظالم بأقوى حُجة!إزاي نجا من النار؟ وإزاي خلّى النمرود يتصدم ومايعرفش يرد؟كل ده هتعرفوه في الحلقة دي! Hosted by Simplecast, an AdsWizz company. See pcm.adswizz.com for information about our collection and use of personal data for advertising.

 في الحلقة دي من بودكاست أمم هنتكلم عن رحلة قوم موسى ونجاتهم من فرعون، ونكشف فيها تفاصيل سنين التيه في الصحراء، وليه رفضوا دخول الأرض المقدسة، وإزاي انتهى بهم المطاف في مواجهة  جالوت. Hosted by Simplecast, an AdsWizz company. See pcm.adswizz.com for information about our collection and use of personal data for advertising.

مين هو ذو القرنين؟ هل هو شخصية حقيقية؟ هل كان ملك قوي ولا مجرد قائد عادي؟ وليه قصته في القرآن بدأت ولسه مخلصتش؟ في الحلقة دي، هناخدك في رحلة مع الملك الرحالة ذو القرنين، اللي ربنا مكنه في الأرض وأعطاه من كل شيء سببًا. هنمشي معاه في رحلته لثلاث أمم مختلفة، واحدة في مغرب الشمس، واحدة في مطلعها، والثالثة كانت بتعاني من خطر يأجوج ومأجوج. هنتكلم عن تفسير العلماء القدامى والحديثين للمناطق اللي زارها، وإزاي قصة ذو القرنين ارتبطت بشخصيات تاريخية زي الإسكندر الأكبر، وليه مصطفى محمود كان شايف إن مطلع الشمس ممكن يكون في المناطق القطبية. Hosted by Simplecast, an AdsWizz company. See pcm.adswizz.com for information about our collection and use of personal data for advertising.

في الحلقة التالتة من بودكاست أمم، هنتكلم عن قصة النبي عيسى بن مريم، واحد من أعظم الأنبياء وأصحاب المعجزات اللي أبهرت الناس. هنعرف حكايته من لحظة ميلاده؛ مرورًا بدعوته لبني إسرائيل، ومعجزاته اللي تجلت في إحياء الموتى وشفاء المرضى، وحتى رفعه إلى السماء. Hosted by Simplecast, an AdsWizz company. See pcm.adswizz.com for information about our collection and use of personal data for advertising.

إزاي كانت لحظة ولادة السيدة مريم لسيدنا عيسى؟ وإزاي واجهت مجتمعها بعد الحدث المعجزة ده؟ في الحلقة التانية من بودكاست أمم؛ هنتكلم عن واحدة من أصعب المحن اللي مرت بيها السيدة مريم، وهنتعمق في تفاصيل قصتها لحظة بلحظة.. من ألم الولادة لوحدها في الصحرا، لرد فعل قومها لما رجعت بطفلها! Hosted by Simplecast, an AdsWizz company. See pcm.adswizz.com for information about our collection and use of personal data for advertising.

في عام الفيل، أبرهة كان فاكر إنه هيقدر الكعبة، بس كانت فيه قوة أكبر بتحميها..في الحلقة الأولى من بودكاست أمم، هنحكي لكم حكاية أصحاب الفيل والعبرة اللي وراها.أشرف على كتابة المحتوى د/ محمد عبودة من جامعة الأزهر.  Hosted by Simplecast, an AdsWizz company. See pcm.adswizz.com for information about our collection and use of personal data for advertising.

أمم: قصص من القرآن بحكي يعيشك تفاصيلها، اسمعوه كل جمعة وثلاثاء طوال شهر رمضان. Hosted by Simplecast, an AdsWizz company. See pcm.adswizz.com for information about our collection and use of personal data for advertising.