藝術問米 Art Rice

藝術除咗用眼睇，仲可以點樣感受？今集上半部先由世界音樂嘅「聲音」出發。由阿迦汗音樂計劃《聲之墨境》，講吓中東現代音樂有咩特色，傳統音樂又點樣走到當代？再去到馬來西亞頂尖敲擊樂團「手集團」《銅話鼓事》，認識有千年歷史、源自爪哇同峇里嘅「甘美蘭」（Gamelan），聽吓古老敲擊樂點樣變成今日嘅聲音。下半部就飛去歐美睇藝術。先到荷蘭私人博物館 Museum Voorlinden，講吓私人博物館究竟有咩特色，同國家博物館又有咩分別？最後去到紐約 International Center of Photography（ICP），由 YSL 攝影展講起，睇吓時裝同攝影之間嘅關係。由中東、東南亞，到荷蘭、紐約——今集《藝術問米》，一齊由「聽」到「睇」，感受藝術嘅不同面貌。主持：▪️葉曉燕 Rachel @rachel.iphiuyin▪️Peter @PWWIMAGES▪️陳思維 Winky @winkychanszewai《藝術問米》▪️Apple Podcast▪️YouTube我哋希望以輕鬆有趣嘅清談形式將藝術帶到你身邊大家有乜關於藝術嘅嘢想知歡迎留言話俾我哋聽#廣東話講藝術 #藝術問米 #聲之墨境 #銅話鼓事 #甘美蘭 #MuseumVoorlinden #ICP #YSL

8月14日草間彌生離開咗我哋，享年97歲。提起草間彌生，大家可能立刻會想起波點、南瓜，一位患有精神病嘅紅髮婆婆。但成名之前嘅草間彌生，又係一個點樣嘅人？今集《藝術問米》就由草間彌生早期嘅奮鬥史講起，講吓佢點樣由日本走到紐約，喺資源人脈有限嘅情況下，硬闖當時嘅美國藝術圈。而1960年代末嘅美國前衛藝術，又究竟有幾激進？由繪畫、軟雕塑，到偶發（Happenings），草間彌生點樣喺呢個瘋狂年代搵到自己嘅位置？一位日本女性藝術家，究竟點樣喺競爭激烈嘅紐約藝術圈打滾？今集《藝術問米》，一齊由「成名之後」行返轉頭，睇吓草間彌生點樣成為今日我哋認識嘅草間彌生。主持：▪️葉曉燕Rachel @rachel.iphiuyin▪️陳思維Winky @winkychanszewai《藝術問米》▪️Apple Podcast▪️YouTubeInstagram : ArtRice.Podcast#廣東話講藝術 #藝術問米 #草間彌生 #YayoiKusama #1960sArt #AvantGarde

第61屆威尼斯雙年展攻略繼續放送！上集帶大家走訪主場館 Giardini，今集 Rachel 同 Winky 會講吓另一大展區 Arsenale。除此之外，仲會精選介紹幾個有趣嘅展館，包括台灣館、冰島館、阿聯酋館、智利館，同埋深入講解香港館，分享我哋對展覽內容、作品同策展方向嘅觀察。另外，主持亦會同大家傾吓平時睇展覽會留意咩？一個展覽點樣值得讚？有咩需要彈？（No offence，節目內容純粹主持人意見，與節目無關）主持：▪️葉曉燕Rachel @rachel.iphiuyin▪️陳思維Winky @winkychanszewai《藝術問米》▪️Apple Podcast▪️YouTubeInstagram : ArtRice.Podcast #廣東話講藝術 #VeniceBiennale #第61屆威尼斯雙年展 #Arsenale

威尼斯雙年展被譽為藝術界嘅「奧運會」，每兩年一次，吸引來自世界各地嘅藝術家、策展人同藝術愛好者朝聖。今年第61屆威尼斯雙年展正式揭幕，主題為 In Minor Keys，展期至十一月。今集主持人Rachel同Winky啱啱去完威尼斯，會同大家分享親身參觀今屆雙年展嘅所見所聞，同大家介紹威尼斯雙年展究竟係乜嘢，以及今年令我哋印象最深刻嘅作品同展館，又會傾吓咩係錄像藝術。 如果你計劃今年去威尼斯睇展，又或者一直對雙年展充滿好奇，今集亦會送上實用觀展攻略，幫你輕鬆規劃行程，唔怕睇到眼花繚亂！主持：▪️葉曉燕Rachel @rachel.iphiuyin▪️陳思維Winky @winkychanszewai《藝術問米》▪️Apple Podcast▪️YouTubeInstagram : ArtRice.Podcast#香港 #藝術教育 #artrice #廣東話講藝術 #藝術台 #藝術唔離地 #廣東話Podcast #威尼斯雙年展 #VeniceBiennale #第61屆威尼斯雙年展 #藝術展覽 #當代藝術 #觀展攻略

話咁快，一年已經過咗四分一。大家有冇為自己定下年度計劃嘅習慣？今年想做嘅事，而家又實行咗幾多？今集主持人會輕鬆分享年初定立嘅目標。作為創作人，大家可以點部署？節目第二部份，我哋會暢談「戲院禮儀」。究竟有咩行為最令人「抓狂」？入戲院睇戲，係咪俾咗錢就大晒？第二季第一集，終於出街。主持：葉曉燕Rachel @rachel.iphiuyinPeter @PWWIMAGES陳思維Winky @winkychanszewai ⁠⁠⁠⁠⁠https://www.artricepodcast.com⁠⁠⁠⁠⁠⁠Instagram : ArtRice.Podcast