職牆破地獄 WorkplacePTU

以前職場講求「一技傍身」，有一門專業就可以打天下。但今時今日，識得多、做得廣，似乎比專精一門更吃香？究竟職場獎勵嘅係專業深度，定係技能廣度？🎧 今集由專才 VS 通才講起，拆解 AI 時代下嘅職場生存法則！#職牆破地獄 #WorkplacePTU

上一代相信「做多啲唔會蝕底」，新一代就會問：「我做多咗，究竟換到啲乜？」今集《職牆破地獄》就由兩代人嘅加班文化講起，討論 OT 究竟係責任感、職場潛規則，定係一種自我感動？💥 老闆放工後突然派任務，員工有冇權拒絕？💥 準時收工係識得劃界線，定係欠缺 Ownership？💥 有啲人明明冇嘢做，都要留到夜晚十點，究竟為乜？💥 有啲行業注定要 OT，公司係咪更應該提供彈性？💥 AI 都幫到手，點解我哋仲要日日加班？🎧 今集一齊拆解加班文化背後嘅世代矛盾！📩 你試過最離譜嘅 OT 經歷係乜？歡迎 DM 我哋 IG 分享！#職牆破地獄 #WorkplacePTU

有啲說話，返工第一日冇人教你。但做得耐，你總會聽過：「風水輪流轉。」「魚唔過塘唔肥。」「伴君如伴虎。」「槍打出頭鳥。」「識人好過識字。」呢啲所謂職場金科玉律，到底係人生智慧，定係上一代留下來嘅職場迷信？職場法則最麻煩嘅地方，就係——冇一條永遠成立。同一句說話，放喺唔同公司、唔同年代、唔同位置，可以完全係兩回事。所以與其問「邊條一定啱」，不如問：邊一條，你食過虧之後先真正明？主持人🎤：師爺，鑊少，新丁#WorkplacePTU 🔊 聲音節目，真誠破局 歡迎投稿或參與：email: [email protected]: @workplacePTUYouTube: @workplacePTU

「又係你呀？」以前嘅同事，可能有一日變成你嘅客；以前嘅客，可能轉個頭變成你老闆；甚至一個你以為今世都唔會再見嘅人，幾年後竟然坐喺你面試對面。職場個世界，可能真係比你想像中細。凡事留一線，唔代表冇底線。一段關係可以完，一件事可以停，只係未必要去到反目成仇。你今日種落嘅，可能幾年後先知道係咩果。🎧 今集一齊傾：職場上，你有冇試過多年後再遇返一個「估唔到會再見」嘅人？主持人🎤：師爺，鑊少，新丁#WorkplacePTU 🔊 聲音節目，真誠破局 歡迎投稿或參與：email: [email protected]: @workplacePTUYouTube: @workplacePTU

唔想再打工，係咪就代表要創業？有人覺得後生冇負擔，輸得起，係創業嘅最佳時機；亦有人認為，做咗一段時間、有客戶、有經驗同人脈之後先轉跑道，成功機會可能更高。但創業真正要面對嘅，從來唔只係有冇一個好Idea。創業最浪漫嘅時候，係大家坐低講願景、講想法、講未來。真正考驗關係嘅時候，係客人唔找數、現金流斷裂、工作量不平均，同埋幾時有錢分。主持人🎤：師爺，鑊少，新丁#WorkplacePTU 🔊 聲音節目，真誠破局 歡迎投稿或參與：email: [email protected]: @workplacePTUYouTube: @workplacePTU