Claim Ownershipافتح قلبك
Subscribed: 32Played: 347
Subscribe
© 2022
Description
Empowering women. How to find happiness. We will talk about your mental health
112 Episodes
Reverse
ليه كل ما نزعل بناكل؟ وليه بنرجع نزيد اللي خسيناه وأكتر؟ وليه بنبدأ دايت ونبوظه بعد أيام أو شهور؟! في الحلقة دي من بودكاست افتح قلبك، بنتكلم في واحدة من أكتر المشاكل اللي بتواجهنا وهي علاقتنا النفسية بالأكل، استضفنا د. نيللي شمس - استشاري التغذية العلاجية والصحة العامة - عشان نجاوب على الأسئلة اللي شاغلة بال كل ست بتحاول توصل لوزن مثالي وصحة نفسية متزنة. في الحلقة دي هتعرفي: هل المشكلة في الإرادة فعلاً ولا في الدايت اللي بتمشي عليه؟ إزاي نفسيتك ومودك بيتحكموا في شكل جسمك ووزنك؟ ليه الدايت بيفشل حتى لو التزمتي بالورقة والقلم؟ حقيقة حقن التخسيس سواء أوزمبيك او مونجارو أو غيرهم، هل هي آمنة ومين اللي مسموح له ياخدها؟ علامات الأكل العاطفي وإزاي تتجنبيه. خطوات عملية لبناء علاقة صحية ومستدامة مع الأكل بدون حرمان. شوفي الحلقة كاملة واعرفي إزاي تصالحي نفسك وتغيري علاقتك بالأكل من النهاردة، وشاركينا في التعليقات: إيه أكتر مشاكلك مع الدايت اللي بتخليكي متكمليش؟ #افتح_قلبك #د_نيللي_شمس #تغذية_علاجية #دايت #صحة_نفسية #الأكل_العاطفي #خسارة_وزن #علاقتنا_بالأكل #بودكاست
كتير مننا بيحس بالقرب من ربنا في رمضان، لكن بعد العيد المشاعر دي بتقل تدريجيًا، وهنا يجي السؤال المهم: إزاي نحافظ على روح رمضان طول السنة؟ في الحلقة الأخيرة من سلسلة تذوق العبادة كم بودكاست افتح قلبك في رمضان هنتكلم عن عبادة بسيطة لكنها من أعظم العبادات عند الله وهي الذكر. في الحلقة دي هنتكلم عن: ليه الذكر هو العبادة الوحيدة المرتبطة بالكثرة؟ ازاي تخلي الذكر عادة يومية في حياتك فضل الاستغفار والتسبيح والصلاة على النبي إزاي الذكر ممكن يغيّر نفسيتك ويقرّبك من ربنا نصائح عملية تساعدك تحافظ على روح رمضان بعد العيد الذكر عبادة سهلة تقدر تعملها في أي وقت وأي مكان، لكنها ممكن تكون مفتاح تغيير قلبك بالكامل، لو حبيت الحلقة شاركها مع حد ممكن تخليه مطمن، واكتب لنا في التعليقات: إيه أقرب ذكر لقلبك؟
هل القرآن فعلًا جزء أساسي من يومك ولا مجرد ضيف على حياتك في رمضان بس؟ صحيح إن رمضان شهر القرآن، بس علاقتنا بالقرآن مش المفروض تكون موسمية نرجع له شهر ونهجره باقي السنة. في الحلقة الثانية من سلسلة تذوق العبادة في رمضان من بودكاست "افتح قلبك"، بنقرب من القرآن كـ أكبر حامل للإيمان، ومصدر السكينة والشفاء للقلوب، وهنعرف ليه العلماء قالوا إن القرآن هو "المنادي للإيمان" في خواتيم سورة آل عمران؟ وإزاي تلاوة آيات بسيطة يوميًا ممكن تغيّر حالتك النفسية، وتنظّم مشاعرك، وتخفف همّك؟ في الحلقة هتتعلمي: إزاي تبدئي تقرئي القرآن حتى لو مش فاهمة كل المعاني يعني إيه "هجر القرآن"؟ وإزاي نحمي بيوتنا منه. خطوات عملية لورد يومي بسيط يخليكي "من أهل القرآن" الفوائد النفسية والروحية لتلاوة القرآن ليه تعليم أولادك القرآن استثمار ليكي قبل ما يكون ليهم لو قلبك مشتت لو حاسة بضغط أو ثِقل يمكن آية واحدة بس تكون بداية تغيير حقيقي 🤍 ابدئي بعلاقة بسيطة ومنتظمة وبنية صادقة مع القرآن، 🤍
عمرك فكرتي إن الصلاة ممكن تكون وسيلة علاج نفسي حقيقية؟ 🤔 أهلاً بيكي في أولى حلقات سلسلة "مفاتيح رمضان" من بودكاست #افتح_قلبك. في السلسلة دي، هنكون مع بعض في رحلة عشان نتعلم ازاي نتذوق حلاوة العبادة؟، وهنتكلم عن 4 عبادات أساسية بنعملها كل يوم، وازاي تقربنا من ربنا أكتر في رمضان، وبنبدأ النهاردة بأهم وأول مفتاح وهو "الصلاة". في الحلقة دي بنناقش ليه الصلاة هي العبادة الوحيدة اللي فُرضت في السماء؟ إزاي تحولي الصلاة من عادة يومية لرحلة حب وتواصل حقيقي مع ربنا؟ العلاقة بين الصلاة وتنظيم المشاعر والهدوء النفسي إزاي السجود ممكن يكون بداية الشفاء من القلق والتوتر؟ سر الإحساس بالأمان بعد ما تخلصي صلاة لو حاسة بفتور، و قلبك مرهق، و محتاجة ترجعي، الحل أقرب مما تتخيلي. اكتبي في التعليقات: إيه أكتر حاجة بتشغلك وقت الصلاة وبتخليكي مش مركزة؟
ليه بنخاف نحط حدود في علاقاتنا؟ وهل محاولاتنا "لتغيير" الطرف التاني هي اللي بتهز ثقتنا بنفسنا؟ النهاردة في حلقتنا من بودكاست "افتح قلبك"، ضيفتي هي أ/ سماح عبد الفتاح، مشيرة العلاقات الأسرية والزوجية، وهنتكلم عن الحقيقة اللي بنعرفها متأخر: إن محدش بيغير حد! هنتكلم عن "الحدود الصحية" كبديل لوهم التغيير، وإزاي التربية من الطفولة بتأثر على قدرتنا في التفاهم مع الشريك من غير ما نلغي نفسنا. في الحلقة دي هنتكلم عن: 📍 إزاي ترسمي حدود صحية من غير ما "تطلبي التغيير" وتسببي مشاكل؟ 📍 ليه الثقة بالنفس بتتهز لما بنفشل في تغيير اللي قدامنا؟ وإزاي ترجعيها؟ 📍 فخ "الكمال" وصورة "الزوجة السوبر هيرو" اللي المجتمع فرضها علينا. 📍 سر "التربية بالحب والدعاء" وبناء شخصيات مسؤولة في ولادنا. 📍 الفرق بين "وضع الحدود" وبين "الأنانية". 📍 علاقة طفولتنا بقدرتنا على وضع حدود وإحنا كبار. الحلقة دي هتساعدك تفهمي ليه محاولات التغيير بتستنزفك، وهتعلمك إزاي تحمي نفسك وتعيشي حياة زوجية أسعد بحدود واضحة وصحية. 🟢 شاركينا رأيك في الكومنتات: ايه الأفضل بالنسبة لك تحطي حدود للعلاقة من البداية، ولا تحاولي تقبلي الوضع على أمل إنه يتغير بعد الجواز؟
في الجزء الأول اتكلمنا عن إزاي ضغوط الحياة، النجاح، والغربة ممكن يدخلونا في الاكتئاب، والنهاردة بنكمّل الرحلة، لكن من زاوية أهم وهي الفهم، الوعي، والتعافي، وإزاي نحمي نفسنا قبل ما نقع في فخ الاكتئاب. في الحلقة دي، أنا وضيفتي كوتش لميس سيف – Mindset Architect - بنكمل كلامنا عن تجربة الاكتئاب الحاد اللي مرينا بها، وإزاي نقدر نفهمه ونتعامل معاه بدل ما ننكره أو نقلل منه، وإزاي ممكن الابتلاء يكون رسالة من ربنا عشان نكتشف قوتنا من جديد. في الحلقة دي هنتكلم عن: علامات الاكتئاب الخفية اللي كتير مننا مبياخدش باله منها في البداية الفرق بين التعب النفسي والاكتئاب الحقيقي، وليه إنكار المشكلة بيأخر التعافي ليه الناس القوية، الإيجابية، ممكن يبقوا أكثر عرضة للاكتئاب من غير ما ياخدوا بالهم؟ التغييرات المفاجئة في الحياة وإزاي عدم الاستقرار ممكن يضغط على نفسيتنا؟ خطوات عملية للتعافي والوقاية، ونعمل إيه لما نحس إننا داخلين على اكتئاب؟ الصحة النفسية كأولوية لينا ولولادنا تربية ولادنا على المسؤولية والوعي بدل الضغط والمقارنات تأثير المجتمع، المظاهر، والمقارنات على نفسية الأهل والأطفال
الكل بيشوف لحظة النجاح والوصول والنتيجة النهائية… بس قليل أوي اللي يعرف الطريق، الوجع، الاكتئاب، والتغييرات الصعبة اللي بنعدي بيها لحد ما نوصل لرسالتنا الحقيقية في الحياة. إزاي وصلتي لكده؟ سؤال دايمًا بيتسأل، والنهاردة في الحلقة دي من بودكاست افتح قلبك قررنا أنا وضيفتي كوتش لميس سيف – Mindset Architect إننا نشارككم محطات حقيقية وصعبة من حياتنا، محطات فرّقت وغيّرت كل حاجة. في الحلقة دي بنتكلم عن: إزاي الناجحين بيقعوا في فخ الاكتئاب الحاد الفرق بين النجاح والرضا الداخلي التحول المهني وتغيير المسار (Career Shift) الغربة وتأثيرها على الهوية وقرار الرجوع لمصر تربية المراهقين بوعي وبناء الثقة إزاي الألم يتحول لخبرة ورسالة تساعد الناس الحلقة دي رسالة لكل شخص مش سعيد في حياته حتى وهو ناجح، او بيمر بتغيير كبير ومش فاهم هو رايح على فين، ولكل أم وأب بيحاولوا يربوا ولادهم بوعي ويحافظوا على علاقتهم بيهم، انت مش لوحدك، احنا كنا هناك قبلك وعدينا منها ورجعنا أقوى.
هل كل أم بتشتغل لازم تحس بالذنب؟ وهل النجاح في الشغل معناه بالضرورة تقصير في البيت؟ في الحلقة دي من بودكاست #افتح_قلبك، بنناقش واحد من أصعب المشاعر اللي بتواجه الستات: "فخ الإحساس بالذنب والمثالية". ومن خلال قصة حقيقية لأم ناجحة جداً، هنعرف ليه مش قادرة تستمتع بنجاحها بسبب "أفكار مغلوطة" زرعها المجتمع والميديا في عقولنا. في الحلقة دي هنتكلم عن: ✅ إحساس الذنب عند الأم العاملة: هل هو دليل تقصير ولا مجرد وهم؟ ✅ إزاي المجتمع والإعلام زرعوا "جلد الذات" جوه كل أم؟ ✅ هل ينفع فعلاً تنجحي في شغلك وبيتك مع بعض؟ ✅ كذبة "الأم المثالية" وليه السعي للكمال هو العدو الأول لسلامك النفسي. ✅ خطوات عملية للتوازن بين أولويات الشغل والبيت من غير ما تمري باحتراق نفسي (Burnout). الحلقة دي رسالة لكل أم بتشتغل، أو قاعدة في البيت، أو محتارة بين الاتنين، عشان تفتكري دايماً: مش مطلوب منك تكوني مثالية، لكن مطلوب منك تكوني مرتاحة، وإنتي تقدري تنجحي في الاتنين، والقرار بيبدأ من وعيك إنتي.. مش من كلام الناس. 💙
ياترى الناس بتشوفك إزاي؟ تفتكري إيه الأثر اللي بتسيبيه لما بتمشي من أي مكان؟ وتفتكري الناس بتحس بإيه بعد ما يسمعوكي؟ اللي الناس بتقوله عنك هو الـ Personal Brand الحقيقي، مش اللي انتي بتقوليه عن نفسك، وده محور حلقة النهاردة من بودكاست #افتح_قلبك.في الحلقة دي بنستضيف خبيرة البراندينج واستراتيجيات العلامات التجارية نهال رجب واللي هتقولنا إزاي نبني هوية حقيقية بوعي تعبر عننا من غير تمثيل ومن غير ما نخسر نفسنا وسط ضغط الشغل والحياة. في الحلقة هتعرفي: ✔️يعني إيه براندينج شخصي، وازاي تبنيه صح؟ ✔️إزاي تكوني حقيقية من غير ما تخسري نفسك، والفرق بين الإبهار اللحظي والتأثير الحقيقي؟ ✔️ مفهوم "التوازن الواعي" وازاي تحمي نفسك من الاحتراق الذاتي (Burnout). ✔️ قوة كلمة "لا" وإزاي تحطي حدود (Boundaries) صحية في شغلك وبيتك. ✔️ فخ المثالية: ازاي تتغلبي على الخوف، الفشل، والـ Self Talk السلبي؟ ✔️ ليه الـ Me-time ضروري، وإزاي وقتك لنفسك بيخليكي أنجح كأم، كوتش، وموظفة.
هل بتحسي إن نفس نوعية الناس ونفس نوعية العلاقات بتتكرر في حياتك كأنه سيناريو فيلم وبيتعاد كل شوية بممثلين مختلفين؟ كل مرة بتحاولي تختاري صح وبرضه بتقعي في فخ الشخصيات التوكسيك؟! في الحلقة دي من بودكاست افتح قلبك بنتكلم عن سبب تكرار العلاقات الغلط، وإزاي جروح الطفولة والـ Inner Child ممكن تكون هي اللي بتتحكم في اختياراتك من غير ما تحسي. هتتعرفي في الحلقة على: لعنة المألوف: ليه عقلنا بيطارد "الوجع" اللي اتعود عليه في طفولته؟ جروح الطفولة الخمسة: إزاي الرفض، الإهمال، أو غياب الأمان بيخلوكي تختاري غلط النهاردة. فخ الـ Red Flags: ليه بنغمي عينينا عن العلامات الحمراء من أول يوم؟ تمرين الطفلة الداخلية: خطوات عملية للتواصل مع الـ (Inner Child) وبداية رحلة التشافي. سؤال التشافي: إزاي تعرفي الشخص ده طاقة من الماضي ولا طاقة للمستقبل؟ الحلقة دي هتساعدك تخرجي بره دور الضحية، وتبطلي تلومي نفسك، وتفهمي نفسك بوعي أكبر يساعدك تكسري دايرة العلاقات التوكسيك اللي بتمري بها وتفهمي أصل المشكلة فين الحلقة دي ممكن تكون أول خطوة تغيير حقيقية ليكِ
دايماً حاسة إنك مضغوطة وأي غلطة صغيرة من ولادك بتخليكي تنهاري وتنفجري؟ عمرك فكرتي إن عصبيتك دي ممكن تبقى جروح طفولتك اللي لسه متشافتش؟ في الحلقة دي من بودكاست #افتح_قلبك، بنستضيف ياسمين عمرو (Parenting Coach) عشان نجاوب على السؤال الأهم: نبتدي من الطفل ولا من الأم؟ في الحلقة دي هتتعلمي: ليه الصحة النفسية للأم أساس التربية الإيجابية إزاي جروح الطفولة بتظهر في عصبية الأم وتعاملها مع ولادها؟ إيه اللي بيحصل في مخ الطفل وقت نوبات الغضب (Tantrums) قاعدة ذهبية في التربية: ليه لازم نحضن الطفل وهو غلطان؟ إزاي نربي أطفال واثقين بدون خوف من الفشل إزاي تتعاملي مع شريك حياتك لو رافض أسلوبك في التربية؟ الحلقة دي مهمة لكل أم بتعاني من العصبية، ولكل ست مهتمة بـ التربية الإيجابية، ولكل أم عايزة تربي أطفال أصحاء نفسيًا ومتوازنين. ابنك مش محتاج أم مثالية، لكن محتاج أم فاهمة نفسها ومرتاحة
بعد الانفصال أو أي تجربة مؤذية، ممكن تحسي إنك واقفة مكانك ومش قادرة تمشي لقدام وكأن الدنيا انتهت، الحلقة دي من بودكاست "افتح قلبك" هتساعدك ترجعي لنفسك من تاني، وتفهمي جذور مشاعرك، وتتعلمي أدوات عملية هتساعدك في رحلتك للتشافي من جروح الطفولة بعد الانفصال. في الحلقة دي هنتكلم عن: ليه بنقف بعد الانفصال، ومبنقدرش نكمل؟ (السر وراء التعلق العاطفي). إيه علاقة جرح الطفولة باختياراتنا الغلط في العلاقات التوكسيك؟ ليه بننجذب لنفس الشخصية اللي بتوجعنا، وبنكرر نفس العلاقة؟ ازاي نرجع للطفلة اللي جوانا ونتواصل معاها؟ أدوات عملية للتصالح مع النفس
هل جروح الطفولة لسه مأثرة على حياتك وإنتِ كبيرة؟ ليه بنقع في نفس العلاقات وننجذب لنفس النوع من الأشخاص اللي بيكرروا نفس الجرح القديم؟ في الحلقة دي من بودكاست #افتح_قلبك، بستضيف الدكتورة دينا العالم وهنكشف سوا ازاي جروح الطفولة بتبدأ، وليه بترجع تظهر في اختياراتنا، علاقاتنا، وحتى نظرتنا لنفسنا. في الحلقة هتعرفي: يعني إيه جرح الطفولة وإزاي بيبان في تصرفاتنا ومشاعرنا واحنا كبار؟ أسباب انجذابنا لشخصيات مؤذية وتكرار نفس النمط. إزاي نكتشف جرحنا ونواجهه من غير لوم أو جلد ذات. علامات العلاقة الصحية، والمؤذية هل نقدر نعالج جروح الطفولة لوحدنا؟ وإمتى نحتاج متخصص؟ أهم خطوات وقواعد التعافي وبناء علاقة آمنة مع النفس. لو حاسة إن في نمط بيتكرر في علاقاتك، أو بتحاولي تفهمي نفسك أكتر، الحلقة دي هتساعدك تشوفي الصورة أوضح وتبدئي رحلة تعافي حقيقية. شوفي الحلقة للأخر، وقولي لي في التعليقات لو سبق ولاحظتي جرح طفولة أثّر على علاقتك؟ و لو حسّيتي إن الموضوع يهم حد تعرفيه، شاركيها معاه. 💛 #جروح_الطفولة #العلاقات #التعافي #بودكاست #الصحة_النفسية #افتح_قلبك
بتحسي إنك بتدي كتير لكل اللي حواليكي، بس مش عارفة تحبي نفسك أو تلاقي وقت ليكي؟ في حلقة النهاردة من بودكاست "افتح قلبك" هنتكلم عن مشكلة حب الذات وإزاي نتخلص من شعور الإرهاق النفسي اللي بييجي من قلة اهتمامنا بنفسنا وانشغالنا بمسؤولياتنا. وهكشف لك السر اللي غيّر حياة واحدة من عميلاتي، وخلّاها تحسّن علاقتها بنفسها وبالناس اللي حواليها، وإزاي استخدمنا أدوات الكوتشينج علشان تبدأ رحلة حب الذات خطوة بخطوة لحد ما بقت أحسن. واتفرجي على الحلقة عشان تعرفي تمرين دايرة الأولويات اللي فعلاً هيغيّر حياتك، وهيخليكي تشوفي أولوياتك على حقيقتها وتعيدي ترتيبها من جديد. اسمعي الحلقة للآخر وشاركيها مع صاحبتك اللي محتاجة تسمع الكلام ده النهاردة 💌 ومتنسيش تعملي التمرين اللي في آخر الحلقة! ولو حسيتي إنك محتاجة دعم أكتر وعايزة تحبي نفسك صح وتهتمي بها،
أنا مش واثقة في نفسي! يمكن دي الجملة اللي عمرك ما قولتيها بصوت عالي… علشان ميبانش إنك شاكة في نفسك، أو بتقارنيها بغيرك، أو لأنك دايمًا حاسة إن مهما عملتي، برده مش كفاية. ولأن كلنا بنمر باللحظة دي، الحلقة دي من بودكاست #افتح_قلبك معمولة مخصوص ليكي 💜 هنتكلم فيها عن: ليه بتحسي إنك مش كفاية وبتقارني نفسك بغيرك؟ إزاي الثقة بالنفس مهارة ممكن تكتسبيها وتطوريها؟ إيه هو المصدر الحقيقي للثقة بالنفس؟ تمرين بسيط جدًا هيساعدك تبني ثقتك بنفسك خطوة بخطوة. اسمعي الحلقة للآخر وشاركيها مع صاحبتك اللي محتاجة تسمع الكلام ده النهاردة 💌 ومتنسيش تعملي التمرين اللي في آخر الحلقة! ولو حسيتي إنك محتاجة دعم أكتر أو مش قادرة ترجعي ثقتك بنفسك لوحدك،
أنا مش كفاية! الكلمة اللي يمكن بتقوليها لنفسك كل يوم من غير ما تاخدي بالك، واللي بتخليكي طول الوقت مضغوطة، بتحاولي تكوني مثالية في كل حاجة، وفي الآخر بتحطي نفسك في آخر الأولويات. الصوت اللي جواكي، اللي دايمًا بينتقدك ويشكّك فيكي، سببه بسيط: إنك لسه مبدأتيش تحبي نفسك بجد، حتى لو بتقولي العكس. في الحلقة دي من بودكاست "افتح قلبك"، هنتكلم عن: المعنى الحقيقي لحب الذات ليه حب النفس مش أنانية؟ إزاي الصور الذهنية الغلط بتأثر على تقديرنا لنفسنا؟ 4 معوقات بتمنعنا نحب نفسنا خطوات عملية تعلي بها حبك لذاتك، وتتعاملي بلطف معاها وليه السعي للمثالية بيستهلكك بدل ما يكمّلك؟ اسمعي الحلقة للآخر، وشاركيها مع أي حد محتاج يحب نفسه من تاني 💛
العصبية الزايدة، التوتر المستمر، الصوت العالي، أو حتى الإحساس إنك مش كفاية… كلها علامات على إنك مش متصلة بطاقة الأنوثة اللي جواكي. والسبب في ده مش إنك ضعيفة، لكن لأنك مشغولة جدًا، ونسيتي تهتمي بنفسك وسط زحمة الحياة ومسؤولياتها في الحلقة دي من بودكاست "افتح قلبك"، هنتكلم عن طاقة الأنوثة الحقيقية بعيدًا عن الصور النمطية اللي المجتمع والميديا رسموها لنا. هتعرفي: إيه الفرق بين الأنوثة كمظهر والأنوثة كطاقة؟ إزاي تجارب الحياة بتأثر على أنوثتك؟ خطوات عملية ترفعي بيها طاقتك الأنثوية؟ ليه التعبير عن مشاعرك هو أهم خطوة للاتصال بذاتك؟ الأنوثة مش بس شكل أو مظهر خارجي، دي طاقة وشعور جواكي محتاجة وعي واهتمام...
هل بتحسي إنك مش قادرة تعبّري عن نفسك؟ بتمري بمواقف وبتبقي عايزة تتكلمي وتلاقي الكلام وقف؟ بتبقي متضايقة، متأثرة، أو حتى فرحانة وبرده ساكتة؟ في الحلقة دي من بودكاست "افتح قلبك"، هقولك ليه بنسكت حتى واحنا محتاجين نتكلم؟ وليه مبنقدرش نعبر عن مشاعرنا وعن اللي جوانا بسهولة للي حوالينا؟ هنتكلم مع بعض عن: الكبت العاطفي وتأثيره على صحتك النفسية إزاي التربية والمجتمع علمونا نسكت ونداري مشاعرنا الفرق بين إنك تختاري تسكتي، وإنك متقدريش تتكلمي تمرين بسيط هيساعدك تبدئي تعبّري عن مشاعرك وتفهمي نفسك بوضوح لو بتمري بضغط او تعب نفسي، ومش عارفة تحكي اللي جواكي لحد، وحاسة انهم مش هيفهموكي، متخافيش، انتي مش لوحدك، أنا هنا جمبك عشان اسمعك وادعمك.
حاسّة إنك تايهة ومش فاهمة نفسك؟ مش عارفة بتحبي إيه، ولا عارفة تكمّلي في شغلك ولا تغيّريه؟ حياتك ماشية، بس من جواكي مش مبسوطة؟ لو عمرك بين 25 و35، فالحلقة دي من افتح قلبك مخصوص عشانك. بشاركك فيها 4 أسباب مهمة ممكن تكون السبب في شعورك ده، وهقولك على تمرين بسيط هيساعدك تفهمي نفسك أكتر. 📌 هتعرفي في الحلقة: ليه ممكن تحسي إنك مش على طبيعتك؟ 📌 هتعرفي في الحلقة: ليه ممكن تحسي إنك مش على طبيعتك؟ تأثير التربية، والمجتمع، والمقارنة على إحساسك بنفسك تمرين بسيط يساعدك تكتشفي إيه اللي بيسعدك فعلًا وأول خطوة لازم تاخديها عشان تتصالحي مع نفسك وتعرفي طريقك
هل حاسة إنك تعبانة ومش قادرة تفرحي؟ بتصحي كل يوم بنفس التعب ومش عارفة ليه؟ في الحلقة دي من "افتح قلبك"، د. مي أبو زهرة بتشارك تجربتها الشخصية مع الاحتراق النفسي، وازاي قدرت تتعافى وتبدأ تهتم بصحتها النفسية بعد سنين من الضغط والغربة والطلاق. 🟣 هتعرفي: يعني إيه Burnout؟ وليه بنوصله فجأة؟ الفرق بين الكسل والتعب النفسي 3 أدوات ساعدتني أبدأ رحلة التشافي وإزاي تطلبي المساعدة وتسمحي لنفسك ترتاحي من غير ذنب
Comments
Download from Google Play
Download from App Store
United States