Discover
بتاع اقتصاد
بتاع اقتصاد
Author: ahmed talaat bta3ektsad
Subscribed: 681Played: 4,667Subscribe
Share
© ahmed talaat bta3ektsad
Description
هدفنا نشر الوعي المالي وتبسيط الاقتصاد لكل الناس. بنناقش مواضيع متنوعة زي الاستثمار، ريادة الأعمال، الذهب، البورصة، وأحدث المشاريع العقارية، كل ده بأسلوب بسيط ومباشر.
خليك معانا وخد خطوة أقرب لتحقيق استثمارك الذكي! 💡
📢 تابعنا عشان متفوتش أي حلقة جديدة!
خليك معانا وخد خطوة أقرب لتحقيق استثمارك الذكي! 💡
📢 تابعنا عشان متفوتش أي حلقة جديدة!
48 Episodes
Reverse
تشتري دلوقتي قبل الغلا، ولا تستنى لحد ما يبقى معاك الكاش؟ ولو الحاجة ممكن تغلى بعد كام شهر، إزاي تعرف إذا كان التقسيط النهارده هيوفّر عليك فعلًا؟البودكاست برعاية تطبيق EFG Hermes One http://onelink.to/khp78uفي حلقة «اشتري قبل الغلا» من بودكاست بتاع اقتصاد، أحمد طلعت بيستضيف وليد حسونة، مؤسس فاليو (Valu) ورئيسها التنفيذي، عشان نفهم إزاي نحسب قرار الشراء قبل ما نلتزم بقسط شهري. بنتكلم عن الفرق بين سعر الكاش وإجمالي اللي هتدفعه بالتقسيط، وإزاي التضخم وتغيّر الأسعار ممكن يأثروا على القرار، وإمتى الاستعجال في الشراء يحمّلك التزام كان ممكن تستغنى عنه.في الجزء الأول من الحلقة بنتكلم عن:- الكاش ولا التقسيط؟ إزاي تفرّق بين حاجة محتاجها دلوقتي وحاجة ممكن تأجّلها، وإيه اللي تحسبه قبل ما تشتري عشان خايف من الغلا؟- عروض «بدون فوائد» بتشتغل إزاي؟ مين بيتحمّل تكلفة التمويل، وإيه اللي يخلي التاجر مستعد يقدّم العرض؟- التمويل الاستهلاكي ولا الكريدت كارد؟ إيه الفرق في طريقة الموافقة، وإزاي التأخر في السداد ممكن يأثر على تاريخك الائتماني والـI‑Score؟- قسط صغير على مدة أطول ولا قسط أكبر وتخلص بدري؟ إزاي تقارن إجمالي التكلفة وتسيب مساحة في مرتبك للمصاريف الطارئة؟ وإمتى السداد المعجل ممكن يوفّر عليك بعد حساب رسومه؟وفي الجزء التاني بندخل في كواليس فاليو:- إزاي تجربة تقسيط تذكرة طيران ألهمت وليد حسونة بفكرة فاليو، وإزاي الفكرة اتحولت لشركة مدرجة في البورصة المصرية؟- ليه فاليو اختارت الأردن للتوسع؟ وإيه الاختلاف اللي شافه وليد بين السوق المصري والسوق الأردني؟- إزاي بدأت الشراكة مع أمازون في التقسيط على Amazon.eg، وإزاي العلاقة التجارية اتطورت لحد دخول أمازون مساهمًا في فاليو؟- ليه الشركة اختارت تهدّي وتيرة نموها في فترة المنافسة الشديدة؟ وإزاي بتوازن بين زيادة التمويلات وتقليل مخاطر التعثر؟وفي آخر الحلقة، بنسأل وليد سؤالين بنسألهم لكل ضيف في بتاع اقتصاد: إيه عاداتك المالية؟ وبتستثمر فلوسك في إيه؟ وبيحكي عن اختياراته الشخصية في العقار والأسهم والاستثمار في الشركات الناشئة.لو حاجة محتاجها سعرها 20 ألف جنيه كاش أو 24 ألف على سنة، هتشتري كاش، هتقسّط، ولا هتستنى؟ اكتب قرارك وليه في التعليقات. ولو عندك سؤال لوليد حسونة، اكتبه لنا.اشترك في القناة يا غالي، وابعت الحلقة لصاحبك اللي محتار بين الكاش والتقسيط. الحلقة متاحة كمان على المنصات الصوتية.#بتاع_اقتصاد #وليد_حسونة #التقسيط #Valu #التمويل_الاستهلاكي#اشتري_قبل_الغلا #بتاع_اقتصاد #وليد_حسونة #التقسيط #فاليو #Valu #التمويل_الاستهلاكي
الحلقة برعاية تطبيق EFG Hermes One http://onelink.to/khp78uوبرعاية تطبيق حالا للتمويل الاستهلاكي في الحلقة دي من بودكاست «بتاع اقتصاد»، أحمد طلعت بيستضيف شريف نبوي، وبنتكلم عن اللي بيحصل في الأسواق، وإزاي المستثمر يفكر وسط الأخبار المتلاحقة وتقلبات الأسعار.في الحلقة هنتكلم عن:• هل إحنا قدام تصحيح ولا أزمة اقتصادية عالمية؟• تبيع إمتى؟ وإمتى تستنى أو تشتري؟• هل الطروحات الجديدة بتسحب السيولة من البورصة؟• ليه الذهب ممكن ينزل رغم الحروب؟ وإيه المختلف في الفضة؟• الدولار في مصر رايح فين؟• هل صعود المؤشر معناه إن السوق كله بيكسب؟• إزاي تنوّع استثماراتك فعلًا، وتتفادى تكرار نفس المخاطر في أكتر من صندوق؟• إزاي تستخدم الذكاء الاصطناعي عشان تسأل أسئلة أحسن قبل الاستثمار؟• إيه اختيارات شريف للاستثمار خلال ٢٠٢٧؟اكتب لنا في التعليقات: إيه أكتر سؤال أو إجابة غيّروا نظرتك للاستثمار؟اشترك في القناة وفعّل الجرس، وابعت الحلقة لصاحبك اللي بيتابع الأسواق. اشتراكك وتفاعلك بيفرقوا معانا وبيساعدونا نقدم حلقات أكتر.وتقدر تسمع بودكاست «بتاع اقتصاد» على كل المنصات الصوتية.الحلقة للتوعية والنقاش، والآراء المطروحة مش توصيات مباشرة بالشراء أو البيع.
كل حاجة هتبقى بالكهربا… بس إزاي تستعد للتحوّل ده وتوفّر في فاتورتك؟ وهل توفير الطاقة بيبدأ وينتهي عند «اطفي النور والتكييف»؟في الحلقة دي من بودكاست «بتاع اقتصاد»، أحمد طلعت بيستضيف المهندس وليد شتا، الرئيس التنفيذي لشنايدر إلكتريك لأفريقيا والشرق الأوسط، في حوار عن مستقبل الكهرباء والتكنولوجيا، وتأثيرهم على بيتك وشغلك وفلوسك.بنتكلم عن:• إزاي نقلّل استهلاك الكهرباء في البيوت والشركات والمصانع؟• إمتى الـSmart Home يبقى استثمار بيوفّر، وإمتى يبقى رفاهية؟• إيه اللي لازم تعرفه قبل ما تشتري عربية كهربائية؟• ليه الذكاء الاصطناعي ومراكز البيانات بيستهلكوا طاقة كبيرة؟ وإزاي التكنولوجيا نفسها تساعد في التوفير؟• هل الطاقة الشمسية فوق البيت أو في الكومباوند مجدية اقتصاديًا؟• إزاي التحوّل في الطاقة والتكنولوجيا بيغيّر فرص الشغل والمهارات المطلوبة؟الحلقة اتصورت بمقر البورصة المصرية بالقرية الذكية.قولنا في التعليقات: لو هتستثمر في حاجة واحدة، تختار عربية كهربائية، ولا طاقة شمسية، ولا تجهيز بيتك بتكنولوجيا توفّر الكهرباء؟ وليه؟اشترك في قناة «بتاع اقتصاد» وفعّل الجرس علشان تتابع الحلقات الجديدة، وابعت الحلقة لحد بيفكّر يشتري عربية كهربائية أو يقلّل فاتورة الكهربا.#بتاع_اقتصاد #وليد_شتا #الكهرباء
إزاي صناديق الاستثمار الجريء بتختار الشركات اللي تحط فيها فلوسها؟ وليه شركة بتاخد تمويل، وشركة تانية بتترفض؟**في الحلقة دي من بودكاست «بتاع اقتصاد»، أحمد طلعت بيستضيف كريمة الحكيم من Plug and Play، علشان نفهم عالم الاستثمار الجريء والشركات الناشئة من الألف للياء.بنتكلم عن رحلة كريمة في ريادة الأعمال والاستثمار، وإزاي صناديق رأس المال الجريء Venture Capital بتشتغل، وبتجمع فلوسها منين، وبتقيّم الشركات وتحقق أرباحها إزاي.وكمان بنناقش:• إيه اللي المستثمر بيدوّر عليه في الشركة ومؤسسيها؟• إيه أسباب نجاح وفشل الشركات الناشئة؟• هل الأفراد يقدروا يستثمروا في صناديق الـVC؟ وإيه المخاطر ومدة الاستثمار؟• ليه شباب Gen Z مهتمين بتأسيس شركات بدل الوظيفة؟• إيه فرص ريادة الأعمال في الصعيد والمحافظات؟• إزاي المستثمر بيتخارج؟ وإيه دور الاستحواذات والطرح في البورصة؟• إزاي الذكاء الاصطناعي ممكن يغيّر مستقبل الشركات الناشئة؟• تبدأ منين لو عندك فكرة مشروع وبتدور على تمويل؟قول لنا في الكومنتات: لو معاك فلوس تستثمرها، تدخل شريك في شركة ناشئة ولا تشتري أسهم في البورصة؟ وليه؟اشترك في القناة وفعّل الجرس علشان تتابع حلقات بتاع اقتصاد مع ضيوف من عالم الاستثمار والاقتصاد والبيزنس.المحتوى للتوعية والمناقشة، ومش توصية باستثمار معين.\#بتاع_اقتصاد #كريمة_الحكيم #الاستثمار_الجريء #ريادة_الأعمال #PlugAndPlay
ليه دومتي اتقسمت؟ وإزاي تغيّرات سعر الدولار بتأثر على الشركات والأسعار؟ وإيه الفرق بين إدارة شركة أغذية وإدارة نادٍ جماهيري بحجم الأهلي؟في الحلقة دي من بودكاست «بتاع اقتصاد بالبورصة المصرية»، أحمد طلعت بيستضيف محمد الدماطي في حوار عن كواليس دومتي، من الشركة العائلية للطرح في البورصة، وأسباب تقسيم الشركة وخطط التوسع في الأجبان والمخبوزات.بنتكلم عن تأثير الدولار على تكلفة الإنتاج، والفرق بين الشركات اللي بتبيع في السوق المحلي واللي بتصدّر، وإزاي ظروف الاقتصاد غيّرت فرص النجاح وتحديات البيزنس في مصر.وكمان بنناقش استثماراته في الشركات الناشئة، ونصائحه للي عايز يبدأ مشروع أغذية، ورأيه في استعراض قصص نجاح رجال الأعمال.ومن دومتي للنادي الأهلي، بنفتح ملف الاستثمار الرياضي ومصادر دخل الأندية، وفكرة طرح شركة الكرة في البورصة، والفرق بين مسؤولية الإدارة قدام المساهمين وقدام ملايين المشجعين.وفي النهاية، أسئلة سريعة وترتيبه الشخصي للاستثمارات: لو معاه ١٠ ملايين جنيه، يختار إيه وليه؟








