Athyglisbrestur á lokastigi

Hjalti Vigfússon, gesturinn í fyrsta þætti af Athyglisbresti á Lokastigi, í áður óbirtum bónusþætti um stórmyndina A Star is Born.

Klámkynslóðin, Eymdin og lausnin á loftslagsvandanum. Kamilla Einarsdóttir hefur marga fjöruna sopið, hún er einn skemmtilegasti rithöfundurinn í augnablikinu og heldur fylgjendum sínum á Twitter á tánum. Nýjasti Athyglisbresturinn fjallar að þessu sinni um hugðarefni Kamillu, ást hennar á tónleikum, vinnu hennar á strippstað rétt fyrir aldarmótin, það að elska eymdina og lausn hennar á loftslagsvandanum. Svo tölum við að sjálfsögðu um heita gaura og piss.

Ásdís María er söngdrottning (hún keppti í Söngvakeppni sjónvarpsins áður en það var nett að gera það), lagahöfundur sem býr í Berlín og ógeðslega fyndin gella. Salka og Ásdís kynntust þegar Ásdís kyssti strákinn sem Salka var að deita, óafvitandi. Núna er Ásdís María sjúk í að horfa á geðveika sleika í kvikmyndum og fer yfir nokkra af sínum uppáhalds í þessum glænýja þætti af Athyglisbrestinum. Mwah mwah, kiss kiss.

Hugleik Dagsson þarf vart að kynna. Maðurinn er ekki bara teiknimyndasöguhöfundur og grínisti heldur líka hlaðvarpssmiður, sem þýðir að það eru til hundruðir klukkustunda af upptökum af honum að tala. Við veltum fyrir okkur allskonar mikilvægum hlutum eins og hvernig maður vaxar eiginlega punghár, hvort það sé tilefni til að cancella Hugleik og hvort Lóa og Salka séu yfirleitt réttu manneskjurnar í það. Fyrst og fremst er hann eins og frændaímynd okkar í gríni og gefur okkur góð ráð eins og að við verðum að prófa sveppi.

"Can a man and a woman truly ever be in an instagram story together?" Loksins fengum við þriðju bestu okkar úr grín-tríóinu Fyndnustu mínar í pod-ið, enga aðra en fjöllistakonuna Rebeccu Scott Lord. Við ræðum sýninguna Björn Bragi Djöfulsson, fjölskylduhátíð í álveri, Millionaire Matchmaker, Pokémon og þá uggvænlegu staðreynd að þetta er líklegast illkvitnasti þáttur Lóu hingað til. ATH þátturinn fer mestmegnis fram á engil-saxnesku!

Leikkonan Eygló Hilmarsdóttir er athyglisbrests drottning, tbh. Salka, Lóa og Eygló tala um eldfima umræðuefnið... BARNEIGNIR og loftslagsvánna í þessum fyrsta hluta af Athyglisbrestinum. Afhverju ætti fólk að sleppa því að eignast börn? Afhverju drepum við þá okkur ekki bara strax? Er níhilismi afbrigðilegur? Bæði Salka og Eygló eru með BIG REVEAL í þættinum. Þátturinn var svo langur að við skiptum honum í tvo hluta, sem er bara best fyrir alla.

Seinni hluti Athyglisbrests með Eygló Hilmarsdóttir. Við höldum áfram að svara áleitnum spurningum en höfum horfið frá umræðum um loftslagsvánna. Spurningar: Hvað er menningarmóment vikunnar? Hvað er menning? Afhverju hlustar Eygló ekki á vinsæla tónlist? Hún er vintage og hlustar á vínyl-plötur! Þetta og margt margt fleira í ATHYGLISBRESTI Á LOKASTIGI. P.S. FÓLK Á EKKI AÐ VERA SEGJA HLUTI VIÐ ÓLETTAR KONUR.

Hann er spunaleikari, sketsahöfundur, leikskáld og hefur helgað líf sitt gríninu. Hann er Pálmi Freyr Hauksson. Við tölum um allt! í þessum 700aðsta þætti af Athyglisbresti á lokastigi. Við tölum um GRÍN, fyrsta uppistandið hans Pálma, versta GIGGIÐ hans. Spuna! Hlutina sem við horfðum á þegar við vorum lítil, alka (já, við erum enn að vinna okkur í gegnum kynslóðarbundið trauma sem tengist alkahólisma) Við hverfum aftur til seinni heimstyrjaldar (við erum sagnfræðingar) og hellaða þætti sem Pálmi er nýbúinn að horfa á. Þessi athyglisbrestur inniheldur allt þetta góða dót, trúnó, grín, dramatík og rönt.

Berglind Festival er 13. gesturinn í Athyglisbresti á lokastigi og er mikill heiður að fá hana í podcast-hljóðverið. Við tölum um Ingó og nýja lagið hans KENYA sem hann samdi í Úganda. Við tölum ekki um hlutinn sem allir voru að ræða þessa vikuna Re*******r*æ*** og *nnu*Sv***. Berglind festival hellir sér yfir fyrirbæri sem hún hefur kynnst óþarflega náið í PLASTLAUSUM SEPTEMBER, já hún er að taka þátt ÞVÍ HÚN ER WOKE QUEEN. Lóa Björk hellir sér yfir litla bróður Sölku, sem er 8 ára. Við tölum um áhrifavalda Landsbankasparnaðarherferðina því jú ef það er ekki spegill á samtímamenningu þá vitum við ekki hvað er það. Verði ykkur að góðu, elskum ykkur.

Það er komið að leiðarlokum.... í bili! Gestur lokaþáttarins var drottningin Hekla Elísabet. Umræðuefni þáttarins var Metoo-ráðstefnan í Hörpu, J-Lo, stráka, kynlíf, vídjóleigur, menntaskólalífið, grunnskólalífið, Guðna Th, Guðna Th og kynlíf. Hvað ef Gréta Thunberg myndi tjá sig um vændi? Væri hún sama woke-queenið þá? Hvaða vegferð er samfélagið á? Við vitum það ekki og þessi lokaþáttur mun ekki svara því!

Salka og Lóa eru BACCK baby. Í fyrsta þætti í 2.seríu af Athyglisbresti ræða þær Skaupið, Tinderlaugina og Golden Globes og sérstaklega aðkomu Ricky Gervais. Ekki missa af sjóðheitum takes, ranti vikunnar og athyglisbrestinum.

HÆ! Nú ræða stelpurnar þættina The Circle og Tinderlaugina í þaula. Samfélagsmiðlar eru gerviheimur sem hefur svo mótandi áhrif á hvernig við upplifum allt og því er löngu kominn tími á góða þætti sem fjalla um samfélagsmiðla. The Circle eru geggjaðir þættir en á allt annann hátt en Tinderlaugin, og já við erum ennþá að tala um Tinderlaugina og við erum að tala um Keppanda númer 2.

Þriðji þáttur í annari seríu af Athyglisbresti á lokastigi fjallar um leikhús, kynslóðarbil og Ísland. Ættum við að yfirgefa Ísland? Eigum við von á heimsfaraldri? Stelpurnar eru LIVING. En jörðin, er hún dying?

Salka og Lóa fá til sín gest að þessu sinni, í fjórða þætti af Athyglisbresti á lokastigi. Það er engin önnur er ólétti tvíburinn, sviðshöfundurinn og blaðakonan Alma Mjöll Ólafsdóttir. Þær ræða ráðningu Útvarpsstjóra, rasismann sem kemur upp á yfirborðið í kjölfar útbreiðslu kórónaveirunnar og Goop, nýjan netflix þátt Gwyneth Paltrow. Við erum living, en ert þú living?

NRK- sjónvarpsþættirnir Exit, Söngvakeppni sjónvarpsins, botnhegðun og Bernie Sanders. Málefni vikunnar tækluð á óyfirvegaðan en einlægan hátt. Elskum ykkur.