Claim OwnershipCarretando
Subscribed: 5Played: 5
Subscribe
© 2024 Carretando
Description
O teu podcast sobre a política galega 😜🏛 Xornalismo interpretativo e divulgación politolóxica en autocaravana 🚐 #podgalego carretando.substack.com
36 Episodes
Reverse
O noso último podcast fala de Vigo, de Abel Caballero e do que hai máis aló da súa figura! O que había antes del, o que pode haber no futuro e tamén as propostas que achegan os candidatxs do resto de formacións políticas.
Un programa para traspasar as luces de Nadal e mirar a cidade máis grande de Galicia dende outra perspectiva da man de Uxía Miranda e Víctor Currás, xornalistas de Treintayseis e Faro de Vigo.
Neste novo episodio de Carretando seguimos na procura de dar a coñecer como funcionan as institucións europeas. Como de costume, no eido supranacional, da man de Roi P. Vila e Marta Casais, abordamos os retos exteriores dunha UE con fortes discrepancias internas ante un mundo en conflito.
De cara as Eleccións Europeas do vindeiro 9 de xuño, desde Carretando queremos abordar o papel do noso país no contexto europeo. Farémolo a través dunha serie de podcast sobre casos cercanos e presentes na axenda pública galega da man de Roi P. Vila e Marta Casais.
Neste primeiro episodio sobre Galicia e a UE falamos sobre política de reindustrialización, gobernanza e accountability a través do caso Altri, a celulosa que quere instalarse na comarca da Ulloa con fondos europeos.
Sube connosco na autocaravana que imos percorrer Europa!
Este episodio número 13 é o derradeiro da cuarta tempada de Carretando. Despedímonos dunha tempada moi frutífera para todas as persoas que formamos parte do proxecto. Moitas analistas, moitos temas a tratas e moitas gañas de falar sobre a nosa política teñen marcado esta cuarta tempada do podcast.
Neste episodio 13, falamos sobre o resultado electoral que se produciu o pasado 18F en Galicia. Desta volta, contamos con Román Varela, Carmen del Río e Yannick Juncal pola parte do equipo de Carretando; e con Marta Casais, Roi Pérez e Ana G. Liste como invitados de luxo.
Desfrutade do capítulo e descansade, que nós pronto volvemos!
Neste último faladoiro de Carretando de cara ás eleccións máis abertas en 15 anos no noso país, pasan pola autocaravana do podcast as nosas presentadoras, Carmen del Río e Román Varela. Como invitadas, temos con nós a Lucas Álvarez, Thais Fernández, Candela Estévez e Alberto Estévez.
Ademais, contamos cunha segunda mesa conformada por Javier Carnota (consultor e analista político), Pablo Díaz Bouza (xornalista), Marta Otero (xornalista de La Opinión), Ana G. Liste (xornalista de praza.gal) e Nerea Pazos (analista política e consultora).
Arredor das dúas mesas de faladoiro que se conforman neste duodécimo episodio de Carretando, as nosas invitadas debullan como se está a desenvolver a campaña electoral do 18F, así como do papel que están xogando os diferentes partidos e sobre os datos que amosan as enquisas publicadas.
Isto e moito máis neste novo episodio de Carretando!
Seguimos coas mesas de análise con convidadxs de luxo neste #Carretando18F falando do principal tema da semana: o #DebateCRTVG.
Con Belén Teiga, Manuel Ortigueira, Ana Luísa Bouza e David Lombao analizamos como lle foi a cada partido nel e tamén como lle podería afectar acudir ou non aos que están previstos. Asemade, trazamos a perspectiva xeral de como está a ser o devir da campaña electoral agora que comeza a recta final e imos afinando as nosas #PorraCarretando18F.
Agradecemento aos grupazos Nimbos e Familia Caamagno pola cesión da súa música para dárlle cor aos nosos programas.
En Carretando non perdemos de vista a cita do domingo 18 de febreiro e enchemos a nosa mesa de analistas e xornalistas para valorar como foi a precampaña e cales poden ser os principais temas da campañ.
Con Lara Salgado (Radio Galicia SER), Ana G. Liste (Praza.gal), Roi P. Vila (consultor político), Manuel Ortigueira (economista e analista político) e Yannick Juncal (politólogo de Carretando) falamos de sanidade, pellets, lemas de campaña, marcos...
Ah, e tamén facemos a #PorraCarretando18F. Sube na nosa autocaravana e desfruta.
No noveno episodio desta cuarta temporada, o equipo de Carretando debulla o escenario preelectoral de Galicia. Nomes propios, candidaturas e o estado dos diferentes actores e bloques políticos son motivo de debate entre o noso equipo.
Ademais, ao remate da conversa os membros da autocaravana fan a súa #PorraCarretando e salta algunha que outra sorpresa. Animámosvos a que fagades as vosas propias porras nas redes sociais de Carretando!
A piques de comezar a campaña electoral e coa crise dos microplásticos e as numerosas enquisas marcando a axenda, Carretando achégase á figura da líder da oposición e candidata do BNG á presidencia da Xunta de Galicia, Ana Pontón.
Facemos un repaso pola traxectoria da política sarriá, dende a súa toma de conciencia política no seu paso polo instituto, ata a súa andandura por Galiza Nova e a transformación orgánica que levou a cabo dentro do proxecto nacionalista. Agora, Pontón e o BNG afrontan unha oportunidade histórica, a de investir á primeira presidenta da democracia de Galicia.
Da man de Ana Luísa Bouza, da revista Luzes, e Juan Oliver, de Público, trazamos o perfil da esperanza nacionalista para este 18F.
Sube connosco nesta nova viaxe :)
En plena precampaña electoral e coa crise dos microplásticos marcando a axenda, Carretando achégase á figura do presidente da Xunta, Alfonso Rueda Valenzuela.
Do "non te metas en política" de seu pai, a ser presidente logo de case tres lustros ocupando postos institucionais de relevancia. Rueda enfróntase agora ao seu primeiro gran reto electoral: revalidar a maioría absoluta que lle deixou o seu predecesor, Núñez Feijóo. As figuras dos dous últimos presidentes do país están moi ligadas, xa que sempre foi o seu home de confianza, o seu número dous, co que levaron de novo o PP á Xunta coa famosa campaña do 2009. E así, cando Feijóo "o previsible" decidiu marchar a Madrid, as quinielas soamente apuntaban un nome.
Da man de Carlos Punzón, de La Voz de Galicia, e David Lombao, de praza.gal, trazamos o perfil deste burócrata de segunda liña que agora ten que poñer a súa cara nos carteis o #18F.
Sube connosco nesta nova viaxe :)
Galicia votará o vindeiro 18 de febreiro e nós seguimos coa programación habitual neste contexto de (agora xa de xeito oficial) precampaña. Continuamos abordando os grandes retos aos que nos enfrontamos cun episodio sobre despoboamento.
O reto demográfico é unha das cuestións fundamentais nun país a dúas velocidades, cun flanco occidental que conta con certo dinamismo e un oriental que esmorece. Como se vertebra o país?
Para responder a isto contamos coa participación de Carlos Ferrás, xeógrafo e profesor da Universidade de Santiago; e Antom Fente, de Interior Galego Vivo, que nos aportará unha visión máis política.
Benvidos, benvidas e benvides a unha nova viaxe na nosa autocaravana nunha ruta que ten unha primeira gran parada: o domingo 18F.
Mentres os partidos continuan coa precampaña cara as galegas, en Carretando comezamos a debuxar os perfís dos candidatos e candidatas á Xunta con Xosé Ramón Gómez Besteiro (PSdeG) como primeiro protagonista.
Tras arquivarse as causas que o obrigaran a dimitir e logo de sete anos apartado da vida pública, Besteiro volve ao lugar de partida, candidato á porta duns comicios autonómicos moi abertos. Da man dos xornalistas Cristina P. Marcote e Manuel Varela, repasamos a traxectoria dun político cunha biografía que se resume no ascenso, a caída e a resurrección; con paralelismos ao Manual de resistencia do seu amigo Pedro Sánchez.
Sube connosco nesta nova viaxe para coñeceres polo miúdo a quen os seus chamaron "o Messi da política galega".
Para a investidura de Pedro Sánchez como presidente do Goberno precisáronse acordos con oito partidos. O BNG foi unha desas forzas coas que o PSOE estableceu un pacto de investidura coa mirada centrada no país e cun claro sabor a precampaña.
O xornalista Luís Pardo sube na nosa autocaravana para analizar o contido do acordo, a reacción que obtivo por parte do Partido Popular e as implicacións que ten de cara as eleccións galegas nesta recta final.
Ponte cómodx e desfruta desta nova viaxe!
O xeito no que nos movemos polo territorio é un dos grandes temas do noso tempo e por iso en Carretando quixemos poñer a mirada en como o facemos os galegos e galegas. A mobilidade no noso país tivo sempre condicionantes como a dispersión territorial ou o desequilibrio demográfico, mais que transformacións se deben acometer para contar no futuro cun modelo que vertebre de modo xusto e sostible o territorio?
Para exploralo pasarán pola nosa autocaravana Mateo V. Cornado, doutor en Xeografía e investigador en mobilidade e transporte sustentábel; e Miguel Pazos, profesor de Xeografía Humana na USC.
Pon os auriculares e desfruta desta nova viaxe sobre como viaxamos.
A pasada semana celebrouse no Parlamento de Galicia o debate do estado da autonomía no que se trataron os temas, os problemas e as propostas transversais para toda a sociedade galega. O seu interese radica en que foi o primeiro DEA de Alfonso Rueda como presidente da Xunta, pero tamén o último antes de que as galegas vaiamos ás urnas, un escaparate no que os partidos se posicionan cara a cita electoral.
Para analizar e contextualizar todo o que deron de si estas xornadas, temos na autocaravana a dúas persoas que o seguiron moi de preto: David Reinero, de Praza.gal, e Beatriz Muñoz, de elDiario.es. Asemade, o noso politólogo Yannick Juncal encargarase do apartado divulgativo para explicar polo miúdo este acontecemento parlamentario.
Ven percorrer o Hórreo na nosa autocaravana!
O turismo é a primeira cuestión que imos abordar nesta tempada na que percorreremos os grandes temas para o noso país. Existe o turismo sustentable? Temos que reformular o modelo turístico actual da Xunta? Que hai máis alá do Camiño e do Xacobeo?
Para dárlle resposta a estas preguntas contaremos coa participación de Iria Caamaño, doutora en Dirección e Planificación do Turismo e profesora do Departamento de Socioloxía na UDC; e con Begoña Muiño, doutoranda cunha tese centrada no boom da intelixencia e observatorios turísticos. Tamén intervirá no programa Salvador Cobo, tradutor da obra de Rodolphe Christin, 'Contra el turismo', que complementará o tema desde un prisma diferente.
Sube connosco na autocaravana noutra volta pola Galicia turística!
A furgoneta de Carretando volve a percorrer os camiños do país na súa cuarta tempada. Desta volta, temos no horizonte o comezo do curso político en Galicia e as vindeiras eleccións autónomicas.
Todos os membros de Carretando participamos no faladoiro deste primeiro episodio para debullar como se atopan de forma os partidos en Galicia, tanto a nivel interno como de liderado.
Póñedevos cómodas e cómodos que arranca esta cuarta tempada!
Despois das vacacións de Semana Santa, o equipo de Carretando fai a súa seguinte parada ós pés da Muralla de Lugo. Debullamos o contexto electoral da cidade romana cara o 28M coa participación das xornalistas luguesas Jessica Fernández, de LugoXa, e David Lombao, de Praza.gal.
Na sección final, o candidato do BNG, Rubén Arroxo, expón que nestes catro anos conseguiron darlle “ese cambio a Lugo que tanto necesitaba”, convertendo a urbe nun lugar “activo e con moito dinamismo”. O resto de partidos achacaron problemas de axenda para poder atender a chamada de Carretando para o noso #MinutoCarretando.
Na segunda viaxe da nosa autocaravana polos concellos galegos facemos unha parada na cidade da Coruña. Analizamos a política coruñesa da man de dous coñecidos xornalistas como Marta Otero, de la Opinión de A Coruña e Pablo Díaz, de Radio Coruña Cadena Ser. Ademáis, contamos cos candidatos do PSdeG-PSOE, PPdeG, Marea Atlántica, BNG e Unidas Podemos para explicarnos os seus proxectos para a cidade de María Pita. No 3x02 tratamos de debullar quen se sentará no sillón da praza da heroína coruñesa e moito máis.
Na primeira parada destas eleccións municipais, o equipo de Carretando desprázase a Ourense para abordar cos xornalistas de La Región, Brais Iglesias e Sergio Conde, o contexto pre-electoral da cidade. Ademais, contamos cos candidatos do PSdeG, PPdeG e BNG para explicar o seu proxecto para Ourense.
Ó longo do episodio preguntámonos se repetirá Jácome como alcalde. Queremos saber se Manuel Cabezas ou Paco Rodríguez serán capaces de paralo e cal será o papel do BNG. Isto e máis, no 3x01 de Carretando.
Comments
Top Podcasts
The Best New Comedy Podcast Right Now – June 2024The Best News Podcast Right Now – June 2024The Best New Business Podcast Right Now – June 2024The Best New Sports Podcast Right Now – June 2024The Best New True Crime Podcast Right Now – June 2024The Best New Joe Rogan Experience Podcast Right Now – June 20The Best New Dan Bongino Show Podcast Right Now – June 20The Best New Mark Levin Podcast – June 2024
Download from Google Play
Download from App Store
United States