DiscoverControvers
Controvers
Claim Ownership

Controvers

Author: Radiotelevisiun Svizra Rumantscha (RTR)

Subscribed: 2Played: 10
Share

Description

Il Controvers è l’emissiun da RTR nua ch’i vegn discutà davart temas actuals, cuntravers e politics. Il moderatur beneventa mintgamai 2 fin 4 giasts en l’emissiun e maina ina discussiun controversa.
27 Episodes
Reverse
Il settember datti ina super-dumengia da votaziun. Il suveran svizzer sto dar respostas a tschintg dumondas. Ina da quellas dumondas: Duai vegnir mess a disposiziun sis milliardas francs per novs aviuns da cumbat? La sanestra di na – ma questa giada para il cumbat da daventar pli difficil che avant sis onns, cur ch’il pievel svizzer ha refusà da cumprar ils aviuns dal tip Gripen. En il «Controvers» discutan la cussegliera naziunala Sandra Locher Benguerel PS cun il cusseglier naziunal Martin Candinas PCD.
Suenter dus mais «lockdown» tiran ils cussegliers guvernativs Marcus Caduff (PCD) e Peter Peyer (PS) bilantscha. Ed els van perina: La coordinaziun tranter Confederaziun ed ils chantuns avess pudì esser megliera. Omadus cussegliers guvernativs han concedì che la crisa da corona saja ina sfida. Forsa hajan els perfin sutstimà il svilup al cumenzament da la crisa. En ina crisa sco tar il coronavirus - la pli gronda dapi la Segunda Guerra mundiala - vegnia il federalissem en Svizra als cunfins, uschia il minister da sanadad Peter Peyer. El differenziescha dentant: Sin livel dal fatg, per exempel tranter ils medis chantunals, haja il barat funcziunà fitg bain. Sin livel politic saja el dentant pli critic sche la collavuraziun haja propi funcziunà bain. Quai saja segir anc d'analisar anc en detagl. Marcus Caduff numna surtut la communicaziun ina sfida, cunquai che la populaziun en las valladas dal sid hajan savens gì l'impressiun che Cuira na fetschia nagut. La regenza perencunter haja era magari stuì spetgar sin decisiuns da Berna e silsuenter communitgar a curta vista tge che las mesiras muntian per il Grischun.
Las mesiras èn daventadas pli e pli rigurusas en il chantun Grischun. Co va quai vinavant? Cura decida il chantun mesiras anc pli rigurusas? Èn ils ospitals preparads? Tge duain far butias restorants e hotels ussa? Tgi survegn sustegn finanzial? Las mesiras èn daventadas pli e pli rigurusas en il chantun Grischun. Co va quai vinavant? Cura decida il chantun mesiras anc pli rigurusas? Èn ils ospitals preparads? Tge duain far butias restorants e hotels ussa? Tgi survegn sustegn finanzial? Die Massnahmen im Kanton Graubünden sind strenger und strenger geworden. Wie geht das weiter? Haben wir bald die gleiche Situation wie in Italien? Sind unsere Spitäler vorbereitet? Was sollen Läden, Restaurants und Hotels jetzt machen? Controvers sucht live Antworten auf solche Fragen. Im Studio diskutieren die Regierungsräte: - Peter Peyer (PS), Leiter Justiz-, Polizei und Sanitätsdepartement - Marcus Caduff (CVP), Leiter Departement für Volkswirtschaft und Soziales Graubünden Moderaziun: Andri Franziscus Manader: Flavio Bundi #perVus #alpulsdalGrischun
La furmla magica per il Cussegl federal è en discussiun. I na gartegia betg pli d'integrar tut il spectrum politic. Tge midadas dovri? Fiss l'augment da set sin nov commembers ina buna soluziun? En il «Controvers» discutan las duas novas cusseglieras naziunalas Anna Giacometti PLD e Sandra Locher Benguerel PS cun il cusseglier naziunal reelegì, Martin Candinas PCD.
Cun questa sessiun va a fin la legislatura. Tge facit tiran ils cussegliers a Berna? Tge è grategià, tge main? Pertge na datti betg dapli progress en las grondas dumondas dal sectur da la sanadad, da l'AVS u dal clima? En il «Controvers» discutan Martin Schmid PLD, Stefan Engler PCD, Heinz Brand PPS e Silva Semadeni PS. Moderaziun e redacziun: Andri Franziscus.
La cunvegna da basa cun l'UE e la politica da clima procuran il mument per grondas discussiuns. Èn quai er las tematicas che decidan l’october davart il success a l'urna? Ussa cumenza plaun plaunet il cumbat electoral e la gnervusitad en las partidas crescha. En il «Controvers» discutan Magdalena Martullo-Blocher (PPS), Duri Campell (PBD) e Martin Candinas (PCD). Redacziun e moderaziun: Andri Franziscus.
La lescha da CO2 ha fatg naufragi. Ma dapi ch’il Cussegl naziunal ha ditg na, è capità bler. Blers giuvens demonstreschan per il clima, las partidas burgaisas sa movan. Tge dovri ussa? En il «Controvers» discutan il cusseglier naziunal dal la PPS Heinz Brand e la cussegliera naziunala Silva Semadeni da la PS. Redacziun e moderaziun: Andri Franziscus
Quatter candidatas per dus sezs. L’emna proxima vegnan elegids las successuras u ils successurs da Doris Leuthard e Johann Schneider-Ammann. In'elecziun para decisa, ina empermetta tensiun. E dovri suenter l'elecziun la roschada gronda en il Cussegl federal? En il «Controvers» discutan il cusseglier dals chantuns Stefan Engler PCD ed ils cussegliers naziunals Heinz Brand PPS e Duri Campell PBD. Moderaziun: Andri Franziscus.
La PPS lantscha bunamain mintg'onn in'iniziativa. Adina vegn messa en dumonda la relaziun da la Svizra cun l'UE. Il mument vegnan ramassadas suttascripziuns cunter la libra circulaziun da persunas. Ed il parlament discuta davart l'iniziativa cunter derschaders esters. En il «Controvers» discutan Heinz Brand da la PPS e Duri Campell da la PBD. Redacziun e moderaziun Andri Franziscus.
L’iniziativa per vatgas cun cornas less dar dapli subvenziuns als purs, sch’els na brischan betg davent las cornas a lur vatgas u er a lur chauras. Quest’iniziativa è vegnida inoltrada il 2016 cun 120’000 suttascripziuns dal pur Armin Capaul, oriund dal Grischun. Ussa vegn l’iniziativa discutada en il parlament. En il «Controvers» da RTR discutan Silva Semadeni (PS) e Duri Campell (PBD) dur da vatgas e subvenziuns. Moderaziun e redacziun: Andri Franziscus.
Il Cussegl federal vuless sbassar ils tschains d'aua. Ma ils chantuns e las vischnancas èn sa defendids cun success. Ina reducziun n’ha naginas schanzas en il parlament federal. Però: novas reglas stoi dar, la lescha actuala vala mo anc fin il 2019. Tge èn las proximas mesiras? Giasts en il «Controvers» da Berna èn il cusseglier dals chantuns da la PCD, Stefan Engler, il cusseglier naziunal bernais da la PLD, Christian Wasserfallen e Fadri Ramming, secretari da la Conferenza dals chantuns muntagnards. Redacziun e moderaziun: Andri Franziscus.
La mesadad da la legislatura per il parlament a Berna. Suenter las elecziuns avant dus onns hai gì num che surtut il Cussegl naziunal vegnia a far ina politica pli burgaisa. Ma è quai propi capità? Tge allianzas funcziunan en il parlament e tge èn ils projects per ils proxims dus onns? En il Controvers discutan la cussegliera naziunala Magdalena Martullo-Blocher da la PPS, la cussegliera naziunala da la PS, Silva Semadeni, ed il cusseglier dals chantuns, Stefan Engler dal PCD. Moderaziuns e redacziun Andri Franziscus.
«No Billag»: Catastrofa u schanza per insatge tut nov? L’iniziativa «No Billag» ha la finamira da stritgar las taxas da radio e televisiun. Quellas taxas che finanzieschan oz per gronda part la SRG SSR, ma era radios e televisiuns localas ordaifer ils centers gronds. Il Cussegl dals chantuns ha refusà l’iniziativa, la cumissiun dal Cussegl naziunal lascha però examinar variantas. Nus discutain cun ils cussegliers naziunals Martin Candinas (PCD) e Heinz Brand (PPS) sur da las consequenzas da l’iniziativa «No Billag» e sur da las differentas variantas.
Il Grischun ha tratg duas decisiuns impurtantas: Na als gieus olimpics e na al Parc Adula. Ma suenter quellas duas decisiuns impurtantas, resta la dumonda: Grischun, ed ussa? Tge far en la situaziun pauc confortabla per il turissem, il sectur da construcziun e las ovras idraulicas? E: tge pon far parlamentaris a Berna per lur chantun? Il Controvers discuta cun Silva Semadeni (PS), Duri Campell (PBD), Martin Candinas (PCD) e Martin Schmid (PLD). Moderaziun e redacziun: Andri Franziscus.
La regenza è persvasa che quest eveniment saja bun per il svilup economic e tecnologic dal chantun. Ils adversaris da lur vart vesan in grond privel per las finanzas e l'ecologia. Ed il mument mancan al Grischun ils partenaris. Èn gieus olimpics propi la meglra idea per il Grischun? Quai discutan trais cussegliers a Berna: Silva Semadeni da la PS, Stefan Engler da la PCD e Duri Campell da la PBD.
Il cumbat per la realisaziun da l’iniziativa cunter l’immigraziun da massa va en la fasa decisiva. Fin il favrer da l’onn proxim duess l’iniziativa dal pievel esser accumplida. La cumissiun predeliberanta dal Cussegl naziunal preschenta la soluziun «Preferir indigens da maniera light». Via geniala u violaziun da la constituziun? En il Controvers discutan Silva Semadeni PS, Heinz Brand PPS, Martin Candinas PCD e Martin Schmid PLD.
Il parlament discuta la terza refurma da las taglias per interpresas. E puspè mancan suenter la refurma raps a la Confederaziun. Danunder prender quels raps en in temp da las cassas vidas? Ils socialdemocrats planiseschan il referendum ed attatgan las partidas burgaisas. En il Controvers discutan Silva Semadeni dal PS, Magdalena Martullo-Blocher dal PPS e Stefan Engler dal PCD.
La lescha d'asil duai vegnir refurmada. Punct central: Il proceder d'asil vegn accelerà.
Proxim’emna vegn elegì in nov cusseglier federal. La Partida populara svizra (PPS) propona in ticket cun trais politichers. Ma nagin da quests trais para da propi persvader il rest dal parlament. Vegn elegì in candidat uffizial u ristga il parlament da nov in cumbat cun la PPS? E tge fa Heinz Brand en ils cas dals cas? Tge consequenzas hai per ils chantuns muntagnards da na betg pli esser preschent en il Cussegl federal? En il Controvers da Berna discutan il cusseglier dals chantuns Stefan Engler (PCD) ed ils cussegliers naziunals Heinz Brand (PPS) ed il nov elegì Duri Campell (PBD).
loading
Comments 
Download from Google Play
Download from App Store