DiscoverCuntrasts
Cuntrasts
Claim Ownership

Cuntrasts

Author: Radiotelevisiun Svizra Rumantscha (RTR)

Subscribed: 5Played: 10
Share

Description

Il num Cuntrasts è program. L’emissiun viva da cuntrasts da stil, da differentas avischinaziuns a temas variads. Ils Cuntrasts, l’emissiun emnila da 25 minutas, preschenta e reflectescha temas, midadas, svilups e moviments dal mund rumantsch, relevants per la Rumantschia e per il Grischun.
60 Episodes
Reverse
Cuntrasts dals 08.12.2019

Cuntrasts dals 08.12.2019

2019-12-0800:25:30

Per pudair viver dal ir cun taxi en las valladas muntagnardas dovri dapli che mo in auto ed in telefon. Il maletg dal taxi che spetga sper la staziun, da l'auto da persunas cun la glisch cun scrit si «Taxi» sin tetg, quel maletg na vala betg en muntogna. E quai entschaiva gia tar l'auto sez: Il taxi en muntogna è per il solit in pitschen bus. En muntogna è il taxist a medem temp era pur ubain accumpagnader da transports spezials ubain schizunt sepultur. Casper Nicca ha accumpagnà trais da quels taxists da muntogna en lur mintgadi multifar. Uschia è il film «I scurlatta – ir cun taxi en muntogna» sin via cun Margret e Marco Jäger da Sur, cun Ignaz Furger da Mustér e cun Herbert Michael da Donat. Viadis plain surpraisas, invistas ed aventuras.
Cuntrasts dals 01.12.2019

Cuntrasts dals 01.12.2019

2019-12-0100:25:21

Am 15. Juli 2018, nach dem Hochamt, verkündet Marcel Köhle, der junge und überaus geschätzte Pfarrer von Breil/Brigels, seinen Rücktritt. Er hat sich verliebt und beschlossen, seinen künftigen Weg zusammen mit seiner Partnerin fortzusetzen. Die Kirchgemeinde ist bestürzt, niemand hatte etwas geahnt. Nach seinem Rücktritt zieht sich Marcel Köhle aus der Öffentlichkeit zurück. Er weist alle Interviewanfragen zurück. Er brauche Zeit, um über seine Zukunft nachzudenken. Nun, anderthalb Jahre nach diesem Entschluss, ist er zum ersten Mal bereit, Rede und Antwort zu stehen. Im Film von Radiotelevisiun Svizra Rumantscha (RTR) «La crusch cun l’amur» erzählt Marcel Köhle zum ersten Mal öffentlich seine Geschichte: sein Dilemma, sich zwischen Beruf und Frau, zwischen Liturgie und Liebe, zu entscheiden.
Cuntrasts dals 17.11.2019

Cuntrasts dals 17.11.2019

2019-11-1700:23:08

Ils glatschers èn per murir – quai n’è betg pli ina prognosa, ma la realitad actuala. Speranza na datti en sasez nagina. Las redacturas Isabelle Jaeger e Bertilla Giossi han vulì savair, tge che quels fatgs signifitgan per il Grischun. Perquai han ellas visità quatter dals 444 glatschers grischuns: Sin il Vadret Pers sa regordan las guidas da muntogna Jachen Egler e Stefan Felix dal glatscher dad ina giada, sin il Vorab lavura Valentin Cathomas per preparar las pistas, sin il Vadret da Lischana dattan Ursula Hofer e Felix Keller tut, per ch’il glatscher muribund sappia er furnir en avegnir l’aua per la chamona – e la fin finala mussa il glaziolog Felix Keller sin il Morteratsch, tge visiuns che san daventar projects reals.
Cuntrasts dals 10.11.2019

Cuntrasts dals 10.11.2019

2019-11-1000:25:16

Ils 13 da settember 1931 fa la glieud da Furna en il Partenz in pass, che fin lura nagin en Svizra ha gughegià: Eleger ina dunna sco plevonessa. In scandal che fa lingias grassas en l’entira Svizra. Greti Caprez-Roffler ha 25 onns, in diplom da teologia ed in pop da 9 mais. La plevonessa va a viver en chasa-praveda cun ses novnaschì, ses um lavura sco inschigner a Turitg. Las autoritads confisceschan la facultad ed ils bains da la plaiv, ma la plevonessa lavura gratuitamain vinavant. Suenter sia mort va la biadia Christina Caprez sin ils fastizs da l’emprima dunna cun ina praveda cumplaina en Svizra. Ella chatta l’istorgia da l’emancipaziun dad ina dunna, che pretendeva il mai udì da lezzas uras: suandar sia clamada, esser mamma e viver l’amur e la sexualitad sco ch’ella leva. Ina dunna cun in grond curaschi ch’aveva ses pretsch – betg mo per ella.
Cuntrasts dals 03.11.2019

Cuntrasts dals 03.11.2019

2019-11-0300:25:41

Cadonau fa vin. Vin rumantsch, cun nums sco «Gion Gialet», «il Cardun» ubain «la Randulina». E quai a Quinten, da l'autra vart dal Lai Rivaun. En la pitschna vischnanca, ch'ins cuntanscha mo cun la bartga. Ma enfin che Hanspeter Cadonau è arrivà a Quinten èsi stà in lung viadi. Hampi Cadonau, che sa numna sez gugent in «punk», è stà lavurer da guaud, ustier en il Portugal e blers onns construider da tunnels sin il entir mund. Ussa ha el chattà ses port en l’idilla sper il lai. Dentant bler pli ruassaivla, n’è sia vita betg vegnida. Casper Nicca ha accumpagnà il viticultur oriund da Vuorz durant in onn cun la camera, ed ha uschia survegnì ina invista en ina vita nunconvenziunala dad in Rumantsch.
Cuntrasts dals 27.10.2019

Cuntrasts dals 27.10.2019

2019-10-2700:25:03

Las elecziuns èn finidas, il parlament nov è elegì – e per il Grischun eri cler da l’entschatta: I dat tschintg sezs en il Cussegl naziunal e be tschintg pon ir a Berna. 95 da 100 candidatas e candidats han stuì turnar cun mauns vids da la dumengia d’elecziun. E tuttina han els decis da candidar. Pertge insumma candidar? Isabelle Jaeger ha dà cun trais dals 100 in sguard davos las culissas da l’elecziun 2019: cun il cusseglier naziunal Duri Campell (PBD), che n’è betg pli vegnì elegì, malgrà ch’el ha fatg dapli vuschs che divers da quels che pon uss ir a Berna, cun Anna Giacometti (PLD), ch’è daventada dad ina che duai far vuschs per la partida a quella che ha fatg las pli bleras vuschs, e cun Marc Andriu Carigiet (PVL giuvna), che ha cumplenì l’avust 18 onns e n’ha betg mo elegì per l’emprima giada, ma ha gist er candidà sez per il Cussegl naziunal.
Cuntrasts dals 06.10.2019

Cuntrasts dals 06.10.2019

2019-10-0600:25:00

Avant 10 onns ha il pasterner-pastizier Reto Schmid da Sedrun gì in’idea: Far ina turta da nuschs per l’entir mund. Il 2014 venda el sia emprima turtina da nuschs. Oz producescha sia conditoria 5 milliuns turtinas ad onn ed exportescha en 13 pajais. Per cuntanscher sias finamiras ha Reto Schmid deditgà sia vita cumplainamain a la fatschenta cun la turitina. Però quai ha ses pretsch: nagin temp liber, notgs curtas enfin fitg curtas e nagina peda per maridar. Il film «Il grond pec pign » – in film sur da success e sacrifizis.
Cuntrasts dals 29.09.2019

Cuntrasts dals 29.09.2019

2019-09-2900:26:06

L’aua è l’origin da tut. E l’aua è da chattar quasi dapertut – era en las istorgias da «Cuntrasts». Tge far, sche l’aua è malnetta? Nus mussain, pertge ch’i dat adina puspè fecalias en l’aua da baiver en il Grischun. Pervi da l’aua netta e minerala vegnivan pli baud ils giasts en il Scuol Palace a Nairs a far la cura. Suenter in temp da crisa è l’hotel vegnì reavert questa stad. Ma tgi èn quests investurs-milliardaris? E per finir: Cura avais vus spons larmas la davosa giada?
Cuntrasts dals 08.09.2019

Cuntrasts dals 08.09.2019

2019-09-0800:25:25

Tge fiss ina vita senza utopias? La pli famusa da l'umanitad vegn ad esser la tur da Babilon. Ma er il Grischun ha gì adina puspè ideas utopicas, ultimamain la Porta Alpina, la Femme de Vals u il Parc Adula. «Cuntrasts» è ì a la tschertga dad utopias grischunas – projects gigantics mai realisads. Il 1905 è naschida l'idea dad ina via navigabla tras las Alps. In auter project plain fantasia era quel da metter ina gronda part da l'Engiadina sut aua per far energia electrica. Ed in inschigner vuleva far concurrenza a las Viafiers da la Jungfrau ed ir cun ses tren anc pli ensi, sin il Piz Bernina. En la Val d'Avras vulevan investurs da Genevra construir ina citad da retorta cun 10'000 letgs. Il film «Utopias grischunas» da Ruedi Bruderer mussa, co che questas ideas èn naschidas e pertge ch'ellas èn restadas utopicas.
Cuntrasts dals 01.09.2019

Cuntrasts dals 01.09.2019

2019-09-0100:24:02

Gianna Olinda Cadonau è ina da las organisaturas da las festivitads per il giubileum «100 onns Lia Rumantscha» ch’han gì lieu l’avust a Zuoz. Sco commembra da la direcziun da la Lia Rumantscha e manadra da la partiziun cultura raquinta ella en ils «Cuntrasts» da ses highlights persunals dal festival. Il 2016 ha Gianna Olinda Cadonau publitgà ses emprim cudesch da poesias – duas tematicas en sias poesias èn tranter auter l’identitad dubla e l’India. En il discurs cun Rico Valär raquinta ella da sias experientschas sco uffant da pel stgira adoptà e creschì si en l’Engiadina. Ed ella discurra er da ses divers viadis en l’India, sin ils fastizs da ses origin.
Cuntrasts dals 25.08.2019

Cuntrasts dals 25.08.2019

2019-08-2500:25:50

«I dat els, ils muments ventiraivels en la vita». Annatina Miescher, ina psichiatra a New York cun ragischs engiadinaisas è persvasa ch'ella sto vairamain tgirar questas varts zuppadas tar ses pazients. Susanna Fanzun ha visità l'onn 2007 Annatina Miescher en la metropola americana e scuvert uschia era istorgias tut narras. Annatina Miescher viva e lavura anc adina a New York. L'amicizia cun l'artist Not Vital maina ella oz dentant puspè dapli en la patria da sia mamma, l'Engiadina Bassa. Il film «La dunna cun la corna» è in dad 8 purtrets filmics che «Cuntrasts» mussa durant la stad.
Cuntrasts dals 18.08.2019

Cuntrasts dals 18.08.2019

2019-08-1800:26:03

La Lia Rumantscha ha festivà quests dis a Zuoz ses anniversari da 100 onns. Ma tgi e tge è quella Lia? E tge ha ella fatg tut quests onns? L’emissiun Cuntrasts ha fatg visita a Zuoz e mussa ina schelta or da la festa ed or da l’istorgia da l’instituziun rumantscha: cun gratulants e participantas, cun poetins e fabulunzas, cun teatrists e musicistas, cun problemins e sfidas, cun resuns e reacziuns, cun passà e futur.
Cuntrasts dals 11.08.2019

Cuntrasts dals 11.08.2019

2019-08-1100:25:28

En scola media deva Gieri sin la gnerva a blers. Pli u main uschia al descrivan ses anteriurs collegas da scola e sport ed era ses scolasts. Il 'stroli' Gieri Cathomas da Sumvitg ha dentant fatg carriera. El ha studegià medischina e gudogna oz ses raps cun la medischina da bellezza. Petra Rothmund ha accumpagnà el l'onn 2012 tar sia lavur a Moscau. Gieri Cathomas fa anc oz la medema lavur, pliras giadas l'onn va el en Russia a la tschertga da nova clientella per la Swiss Prevention Clinic SA. Il film «Gieri il stroli» è in dad 8 purtrets filmics che «Cuntrasts» mussa durant la stad sco reprisa.#perVus #cuntrasts
Cuntrasts dals 04.08.2019

Cuntrasts dals 04.08.2019

2019-08-0400:26:18

Dapi l’onn 1998 è stà il medi Gian Linard Meyer da Samedan regularmain en l’anteriura colonia portugaisa da São Tomé. El ha stgaffì sin quest’insla avant la costa africana ina clinica per extirpar malsognas d’egls. Romano Venziani e Ruedi Bruderer han fatg l’onn 2005 in purtret da Gian Linard Meyer che aveva decidì quella giada dad emigrar a São Tomé, nua ch’el aveva construì entant era pliras scolas, scolinas, ateliers da cusunzas, mensas socialas e staziuns sanitaras. Oz è Gian Linard Meyer puspè en Svizra e viva en la chasa da tgira Promulins a Samedan. Il film « Fiat Lux – L’engaschi dal medi Gian Meyer a São Tomé» è in dad 8 purtrets filmics che «Cuntrasts» mussa durant la stad sco reprisa.
Cuntrasts dals 28.07.2019

Cuntrasts dals 28.07.2019

2019-07-2800:26:01

Oriundamain ha Patricia Scarpatetti vulì ir mo in onn en Honduras e s’engaschar per uffants en miseria. Il voluntariat en ina chasa d’uffants ha dentant midà tut sia planisaziun da vita. Paula Nay è stada il 2017 en Honduras ed ha accumpagnà la Surmirana en sia atgna chasa d’uffants. Patricia Scarpatetti è anc oz a San Pedro Sula, nua ch’ella porscha a ses uffants in’insla dal cletg. Il film «Patricia Scarpatetti – Mamma per 36 uffants» è in dad 8 purtrets filmics che «Cuntrasts» mussa durant la stad sco reprisa.
Cuntrasts dals 27.07.2019

Cuntrasts dals 27.07.2019

2019-07-2700:26:03

Für einen guten Kaffee ist Daniel Badilatti weit gereist. Kaffee ist für ihn, der mit der höchstgelegenen Kafeerösterei in Europa wirbt, das A und O. Martin Valär hat ihn 2003 nach Indonesien auf die Insel Sumatra begleitet, wo der Engadiner jahrelang eine lokale Kaffeekooperative unterstützt hat. Heute ist Daniel Badilatti dabei, seine Kaffeerösterei in jüngere Hände zu legen. Trotzdem engagiert er sich noch für ein Projekt auf einer Kaffeeplantage in Nicaragua.
Cuntrasts dals 21.07.2019

Cuntrasts dals 21.07.2019

2019-07-2100:26:03

Per in bun café è Daniel Badilatti viagià lontan. Café è tut per el che fa reclama cun sia brassaria da café la pli autsituada en l’Europa. Martin Valär ha accumpagnà l’onn 2004 a Daniel Badilatti en l’Indonesia sin l’insla da Sumatra, nua che l’Engiadinais ha sustegnì durant onns ina cooperativa da café locala. Oz è Daniel Badilatti per surdar sia brassaria a la proxima generaziun, tuttina s’engascha el anc en in project sin ina plantascha da café en il Nicaragua. Il film «Daniel Badilatti – Café en il sang» è in dad 8 purtrets filmics che «Cuntrasts» mussa durant la stad sco reprisa.
Cuntrasts dals 14.07.2019

Cuntrasts dals 14.07.2019

2019-07-1400:25:17

Tgi sa, forsa che era voss egliers da sulegl derivan da la firma taliana Safilo? La probabilitad è gronda, Safilo è numnadamain il segund grond producent mundial d’egliers. Cura che Casper Nicca è sta cun sia camera il 2016 a Padova en l’Italia tar la Sursilvana Luisa Delgado Deplazes, era ella la CEO da questa firma multinaziunala cun 8000 lavurers. Oz n’è Luisa Delgado betg pli tar Safilo, ella abita ussa en l’Engiadina e cusseglia concerns multinaziunals sco IKEA u interpresas da commerzi online sco ao.com u Orchard Mile. Il film «Luisa Delgado – La CEO» è in dad 8 purtrets filmics che «Cuntrasts» mussa durant la stad sco reprisa.
Cuntrasts dals 11.07.2019

Cuntrasts dals 11.07.2019

2019-07-1100:25:08

Am Schamserberg, da kennen sie alle die Donata. Eine ganz spezielle Frau, den anderen immer einen Schritt voraus. Donata Clopath war Biobäuerin und bot in Donat Ferien auf dem Bauernhof an, als noch kein Touristiker je davon gesprochen hatte. Bertilla Giossi hat in ihrem Film 2007 jedoch gezeigt, dass dies nicht immer einfach und lustig war. Auch wenn Donata Clopath heute pensioniert ist, ist sie noch immer mit Leib und Seele Bäuerin und Angestellte ihres Nachfolgers.
Cuntrasts dals 07.07.2019

Cuntrasts dals 07.07.2019

2019-07-0700:25:08

Enta Schons tuts ch'enconuschan la Donata. Ina dunna tut speziala, adina in pass avant ils auters. Donata Clopath fascheva la pura bio e purscheva a Donat vacanzas sin il bain puril, cura che quai n’era anc nagin tema tar ils turistichers. Bertilla Giossi ha mussà il 2007 en ses film che tut quai n'è betg adina stà simpel e legher. Er sche Donata Clopath è oz pensiunada, è ella anc adina cun corp ed olma pura ed emploiada da ses successur. Il film «La Donata» è in dad 8 purtrets filmics che «Cuntrasts» mussa durant la stad sco reprisa.
loading
Comments 
loading
Download from Google Play
Download from App Store