GLASSROOM جلاس روم

الكوتشينج أو الCoaching من أهم الحاجات اللي بدأت تنتشر، بس مش كل الناس فاهماه أو عارفة ايه قيمته. هل كلنا محتاجين لكوتش؟ وهل في تخصصات فيه؟ حديث مع حسام الغروري في جلاس روم عن العلاقات الانسانية وعلاقة الانسان بخالقه. حسام الغروري هو كوتش علاقات، مستشار عائلي ومدرّب معتمد في تصميم الحياة ومؤسس ومالك معهد Core the Relationship Institute اللي بيقدمر ورش عمل تطويرية تساعد الأفراد والأزواج على بناء علاقات أقوى.

تحديات المستقبل محتاجة تفكير من دلوقتي، وبسرعة! التفكير والتخطيط لده محتاج كلنا نشارك فيه، أفراد وشركات. في الحلقة الرابعة من جلاس روم اتكلمت مع زياد علي، مؤسس مشروع وبودكاست (٢٠٤٣)، عن تحديات المستقبل وريادة الأعمال وثقافة الشركات وإزاي نقدر نعمل مشاريع تغير الحاضر والمستقبل.

الابداع كلمة ممكن يكون ليها ألف معنى، بالذات في عصر التفريق بين الواقع والمصطنع فيه بقى صعب. في الحلقة التالتة من جلاس روم، اتكلمت مع هشام عفيفي، واحد من أكتر الناس المختلفة والملهمة في السوشيال ميديا ومجال الاعلانات عن قصته ورحلته في فهم نفسه والبحث عن الابداع والمشاعر اللي بنحس بيها ورا شغلنا وتحدياتنا الشخصية.

الادمان مش مجرد شئ خطر أو حد عنده مشكلة، لكنه تجربة كلنا مرينا بيها بإختلاف الدرجات وكل تجربة ادمان ليها أسبابها وطريقة فهمها وعلاجها. في الحلقة التانية من ⁠جلاس روم⁠ اتكلمت مع محمد حازم عن الادمان وأنواعه وعلاقته باحتياجاتنا الطفولة والصدمات والأهم إن اتكلمنا عن مفاتيح نفهم ونتعامل بيها مع نفسنا. كمان اتكلمنا عن الاباحية وأسبابها وإزاي الشخص يتخلص منها بدون ما يدخل في دوامة الادمان. تقدروا تتواصلوا مع ضيف الحلقة محمد حازم من خلال اللينك https://linktr.ee/muhsherif

في الأوقات اللي فيها عدم استقرار، كلنا بيبقى عندنا خوف وقلق، بالذات في الاقتصاد والأمور المادية. دا بيحصل بشكل أساسي لأن مش كلنا فاهمين الاقتصاد بشكل واضح ومش عارفين ايه ممكن يحصل وإزاي نتصرف صح في فلوسنا. الحلقة الأولى في جلاس روم كانت مع مصطفى الشنيطي، أحد أهم خبراء الاقتصاد الاستثماري في مصر، اتكلمنا عن الاقتصاد والاستثمار والفرق بينهم، وايه أنواع الاستثمار، واتكلمنا عن الاستهلاك وخطر شركات التمويل للأفراد.

أفكار لها قيمة، داخل غرفة من الزجاج.تجربة من زياد علاء الدين.Sharing what matters, in a glassroom.An experience by Ziad Aladdin.