Igice cya 2 ku mitwe yitwaje intwaro icukura amabuye y'agaciro muri DRC
ONU irarega M23 n'indi mitwe gucukura amabuye y'agaciro muri Kivu y'amajyaruguru
BBC Gahuzamiryango yijihije imyaka 30 imaze itangiye. Ni ibiki byayiranze muri iyo myaka
Ikiganiro Imvo n'Imvano kw'iyicwa rya General Qassem Soleimani, yishwe na Amerika
Mwaramukanye amahoro mwese muteze amatwi Imvo n'Imvano yo kuri uyu wa gatandatu tariki 16 z'ukwezi kwa 11 mu 2019. Ikiganiro cy'uyu munsi kirimo ibice bibiri : igice cya mbere kiribanda k'ukuntu mu cyumweru gishize, Leta y’u Rwanda yatangije gahunda yo kwigisha bamwe mu banyeshuri bahoze biga mu mujyi wa Goma muri Repubulika ya demokrasi ya Congo, mu buryo bwo kubategura gukomereza amashuri yabo mu Rwanda. Abanyeshuri barafashwa kuzashobora gukurikirana amasomo yabo muri gahunda y’icyongereza itandukanye na gahunda y’amasomo bigagamo mu Gifaransa mu gihugu cya Congo. Ibi bije nyuma y’aho u Rwanda ruburije abanyeshuri b’abanyarwanda gusubira kwiga mu mujyi wa Goma kubera icyorezo cya Ebola cyari cyadutse muri Congo. Icyo cyemezo ariko siko bose bakivugaho rumwe. Bamwe mu banyeshuri n'ababyeyi bavuga ko kuba barigaga mu gifaransa bakaba barabategetse kwiga mu Rwanda aho bazajya biga mu rurimi rw'icyongereza ari ukugora, kandi ko amashuri yo mu Rwanda ahenze, ibyo bikiyongera k'ukuntu babuzwa kujya muri Congo ariko bakareka abanyecongo bo bakaza mu Rwanda, ibyo bakabyita ukubarenganya. Abategetsi b'u Rwanda ariko ibyo barabihakana bakavuga ko byakozwe ku neza yabo. Imvo n'Imvano yagiye muri Rubavu kuganira n'abarebwa n'icyo kibazo bose. Baradusobanurira uko byifashe. Igice cya kabiri turaba tuganira n'umuntu ukina imiziki mu mazu y' urubyiniriro, bamwe bita DJ, Jean Aime Bigirimana, uba muri Canada akaba yarasuye Studio za BBC mu kwezi gushize kwa 10. Jean Aime Bigirimana wiyita akabyiniriro ka Jabig, anatwara igare, akaba yariyemeje kuzunguruka imigabane 3 y'isi, atwara amagare kugirango aheshe abana bo muri Afrika amagare. Abo bana ngo ni abakora ingendo ndende n'amaguru bajya kw'ishuri. Muri iki kiganiro ari kumwe n'umufasha izo ngendo Claudelle Mwenedata. Iki kiganiro murakigezwaho na Felin Gakwaya.
Imvo n'Imvano y'uyu munsi ni igice cya kabiri ku kibazo cy'umutekano ukomeje kuzamba mu karere ka Minembwe mu ntara ya Kivu y'epfo, muri Republika ya Demokarasi ya Congo. Mu mpera z'ukwezi gushize, ikigo cy'umuryango w'abibumbye gishinzwe ubutabazi OCHA cyateye akamo amahanga kivuga ko imibereho y'abaturage muri Kivu y'epfo ikomeje kumera nabi kubera imvururu ziterwa n'imitwe y'abitwaje intwaro irimo n'aba Mai Mai
Imvo n'Imvano y'uyu munsi yongeye kwibanda ku kibazo cy'umutekano ukomeje kuzamba mu karere ka Minembwe mu ntara ya Kivu y'epfo, muri Republika ya Demokarasi ya Congo. Mu mpera z'ukwezi gushize, ikigo cy'umuryango w'abibumbye gishinzwe ubutabazi OCHA cyateye akamo amahanga kivuga ko imibereho y'abaturage muri Kivu y'epfo ikomeje kumera nabi kubera imvururu ziterwa n'imitwe y'abitwaje intwaro irimo n'aba Mai Mai.
Dufatiye ku munsi mu Burundi bibutse ku nshuro ya 26, Melchior Ndadaye, umukuru w'igihugu wa mbere watowe n'abanyagihugu mu mwaka w'i 1993 akicwa amaze amezi 3 gusa ari ku butegetsi, Imvo n'Imvano y'uyu munsi yahisemo gusubiza amaso inyuma ireba umuco wo kudahana mu Burundi ku bwicanyi bwakorewe abategetsi n'abaturage b'u Burundi kuva icyo gihugu kibonye ubwigenge muri 1962.
Imvo n'imvano y'uyu munsi ku rupfu rwa General Major Fred Rwigema wayoboye FPR Inkotanyi