Mannji eahkeda almmuhan ođđa sáddaga. Odne human veganeriid birra ja olles dán biergo-ášši birra. Manne lea servvodagas badjánan dát ášši ja mii lea čoavddus.
Odne lea oalle viiddis fátta, human veahá teologiija birra, muhto spiehkastan maiddái olgoriikapolitihkkii.
Šadden guovtti oasis dán báddet, nu ahte danne soaittat fuobmát ahte sullii gaskkamuttos rievdá jietna mus. Fertejin mannjelaš duogŋat oktii daid guovtti báddemiid. Muđui, otná sátta lea romantikkena birra (dat historjjálaš áigodat 1800-logus) ja movt mu mielas lea dat hirbmadit billistan gaskavuođa nissoniid ja dievdduid gaskkas.
Odne human guoimmuheami birra ja movt dát sáhttá du váikkuhit. Sávvámis guoimmuhan maiddái veaháš dán sáddágiin.
De lea luopmu nohkan ja ođđa sátta almmuhuvvo. Odne lea sáhka konflivtta birra ja mii dán máilmmi konflikta lea.
Sávan buohkaide buriid hellodagaid. Odne human dasto Biibbala birra ja maid dás oahppá. Ságastalan Logosa birra, Jesusa birra ja veahá praktihkalaččat maid dan oahpu birra. Dehálaš sátta mii soaitá buktit veahá eará perspektiivva go omd. báhppa dahje KRLE-oahpaheaddji. Sávan ahte guldalat dán sáddaga!
Maŋemus sátta ovdal healgga ja odne lea fáttá Proxy Warriorat ja movt iešguđet olmmošjoavkkut sáhttet geavahuvvon leamaš. Hirbmat gelddolaš sátta. Sávan maiddái buohkaide buori vahkkoloahpa!
Odne ja ikte eahkes lea Youtube mearridan bannet ja manahit olu olgešbeale kanálaid sin plattformas. Ii galgga leahkit lohpi muhtun (dábálaš ja rehálaš) oainnuid ovdanbuktit Youtubes. Muitalan mii lea geavvan, manne dát lea hirbmat dehálaš ášši otná servvodagas ja mat sáhttet bohtosat leahkit. Gelddolaš ja dehálaš sátta, dán gal ávžžuhan buohkaid guldalit. #VoxAdpocalypse
Odne human áigeguovdilis áššiid birra boazodoalus. Human Min Boazu konkursa birra ja ođđa láhkarievdadusevttohusaid birra ja movt dát soitet váikkuhit boazodoalu. (Báddejuvvon ikte eahkes, danin logan ahte Min Boazu konkursa geavai odne)
Viimmat guottet nohkan ja mun báddegoađán fas sáddagiid. Odne háliidan hupmat balu birra ja movt dát dovdu stivre du ja geavahuvvo maid stivren dihte du. Hirbmat gelddolaš ja ávžžuhan buohkaid guldalit!
De gal válddán healgga dainna sáddagiin. Odne lea nubbi sátta sosiála mediaid birra, dán háve eambbo kultuvrra ektui, šaddet gal goitge veahá spiehkasteamit dán sáddagis nai. Ávžžuhan guldalit mu ovddeš sáddaga sosiála mediaid birra maid!
Vajálduhtten dán ikte almmuhit, jus dii jáhkkibehtet dasa. Goitge, odne lea ođđa sátta ja mun human konservatisma birra ja makkár sivat dán ideologiijas leat. Maiddái loahpahan sáddaga veahá juvddálaččaid birra.
Bures boahtin ođđa sáddagii, fádda odne lea politihkka. Human áigeguovdilis áššiid birra, ja man joavdelas politihkka rievtti mielde lea.
Ođđa sátta odne. Otná sáddagis čiekŋudan veahá das maid mannán sáddagis dadjen, earenoamážit anistumi birra ja furrošeami birra ja maiddái homoseksualitehta birra.
Bures boahtin ođđa sáddagii. Odne lea hubmu suohtastallama birra ja veahá suddudeami birra, go soaittán veahá inspirerejuvvon dáid jurdagiidda beassážin. Sávan buohkain ledje fiinna beassážat!
Otná fátta lea evolušuvnna birra. Mun ovdanbuvttán oainnu movt dan sáhttá duođaštit ahte lea boastut ja ahte doaivvun go mun leago boastut/gielis.
De gal lea odne fas ođđa sátta! Otná sáddagis mun human Emma Elliane Oskal Valkeapääin. Son lea hirbmat čeahpes artista gii lea almmuhan skearru “Dovddut eai gielis” ja eará lávlagiid nugo “Návddašit” (ovttas DJ Ailoin). “Cuvkejuvvon lásehelbmot” almmuhuvvo fargga. Moai ságastalle su birra ja movt su artista-vásáhusat leat leamašan ja maiddái luođi birra ja otná dáidaga birra. Hirbmat gelddolaš sátta, ja mun giitán Emma Elliane go lea fitnan guossis.
Odne human klimáhtarievdadeami birra. Mun in jáhke ahte klimáhtarievdadeapmi lea nu stuora ášši go media ja eiseválddit govvidit, maiddái jáhkán ahte eiseválddit geavahit klimáhtarievdadeami stivren dihte du ja mu. Čilgen manne dán sáddagis, guldal!
Otná fátta lea mu mielas guovddážis mu eallinoaidnui. Sáddagis mun čilgen manne mun in luohte eiseválddiide ja olu das ahte manne eiseválddit ja politihkka lea nu movt lea.