Kefaya Ba2a | كفاية بقى

في الحلقة دي، علاء مستضيف أقرب البودكاستات المجاورة لقلبهشباب اشتري مني في صالون كفاية بقى،قرروا يفتحوا الدفاتر القديمة… دفاتر الطفولة! و المراهقة و أيام الشقاوة اللي بجدحلقة كلها فضايح و كانت هتتمنع من العرض بس ربنا ستر لو فاكر إن طفولتك كانت بريئة، اسمع الحلقة دي… يمكن تفتكر حاجات كنت دفنتها من سنين.

في حلقة خاصة جدًا، علاء بيقرأ وبيعلّق على مواقف حقيقية جت منكم سواء كنتم ضحايا خدمة العملاء… أو أبطالها! من مكالمات عبثية، لطلبات غريبة، وردود أغرب دي حلقة هنفهم فيها إن الشكوى مش بس لربنا… دي كمان لموظف مش طايق يسمعنا.حلقة كلها فضفضة، ضحك، وتقدير حقيقي لكل حد اشتغل في الكول سنتر وطلع منه سليم!

في حلقة مفيهاش أي مجاملة، سيف زهران ضيف على صالون كفاية بقى، وبيكتشف معانا مفهوم "التعر**" الكلمة اللي كلنا بنقولها، بس قليل اللي بيواجه حقيقتها. سيف كالعادة بيشوف الدنيا من زاوية تضحّكك وتعيطك في نفس الوقت من القهر. حلقة كلها سخرية، فضايح مبطّنة، وأسئلة محدش بيحب يجاوب عليها. لو تعبان من كتر التعر** اللي بتشوفه في حياتك يبقى الحلقة دي ليك

في حلقة "خط اللانهاية"، علاء بيتكلم عن الماراثون الطويل بتاع الحياة… كل ما تخلص حاجة، تلاقي اللي بعدها طابور، وكل ما تقول "كده تمام"، يردوا عليك بـ"طب ناقص بس...". من أول الشغل، للدراسة، للجواز، للطلبات اللي بتنزل عليك في آخر لحظة و ملهاش نهاية.لو إنت من الناس اللي بتقول "أنا خلصت خلاص"، اسمع الحلقة دي… يمكن تكتشف إنك لسه في أول السطر.

في حلقة من العيار التقيل، مي سلامة بتحكي لنا عن حفلة العرسان اللي عدّوا عليها… من النصاب اللي فاكر نفسه أذكى واحد في الدنيا، للأمريكاني اللي عايش في مصر ومش فاهم أي حاجة،لللي اول ما هي رفضته قالها ظبطيني مع واحدة تانية ضحك، استغراب، وقصص أغرب من الخيال، بس حقيقية جدًا!

هو الجواز بقى مشروع اقتصادي؟ طب ليه العروسة عايزة شبكة في حجم عربية؟وليه العريس محتاج معجزة عشان يعرف يتجوز؟ في الحلقة دي، علاء بيتكلم بصوت كل شاب حاسس إن الجواز بقى صفقة خسرانة.كلام جد، بس بطريقته زي ما اتعودناساخر، صريح، و حقيقي و يمكن شوية جد المرة ديلو بتفكر تتجوز، اسمع قبل ما تطلع على المأذون.

في حلقة النهاردة، بنتكلم عن المكملات، وبنفك شفرة الـ"لايفستايل" اللي قالب علينا السوشيال ميديا. ضيفنا كريم جبرائيل، الكوتش اللي هيعملك بلان أكل ملوش طعم أوي بس صحي. بنحكي عن أغرب مواقف الچيم، أنواع الناس اللي بتقابلها هناك، وليه دايمًا في واحد بيزعق و هو بيتمرن. لو بتدخل الچيم علشان تتصور، أو بتروح تلحق الفورمة قبل سيزون الساحل !! .. الحلقة دي ليك.

في الحلقة دي، بنحكي عن مغامرات استخراج الڤيزا ، والكوارث اللي بتحصل قبل معاد بوردينج الطيارة، والطاووس إللي بيظهر في أي مكان !!!تابع الحلقة عشان تفهم إيه موضوع الطاووس دة

في حلقة العيد من بودكاست كفاية بقى، حبينا نخليها مختلفة شوية. المرادي استضفنا في الصالون شلة لوران جانج ، الجانج اتكلموا عن صداقتهم اللي بدأت في سيدي بشر… من ناس مش طايقين بعض، لعِشرة عمر ومواقف كتير وبلاوي أكتر 😂 حكوا عن اللي جمعهم، واللي فرقهم، وإزاي مهما تمر السنين… لسه هما هما: شلة لوران جانج #بودكاست_كفاية_بقى #علاء_الشيخ #comedypodcast #thepotcastproductions اشترك فى القناة الرسمية: https://www.youtube.com/@tpp.network?sub_confirmation=1 شاهد المزيد من المقاطع و الحلقات: https://www.youtube.com/playlist?list=PL7TpI0K9I87JKd80KoWFhtVyf9T2jY2vW بودكاست مصري ساخر بينتقد تصرفات وسلوكيات المجتمع، بصراحة وبدون أي تزيين للكلام. هذا البودكاست ١٨+ وليس لأصحاب القلوب الضعيفة. من إنتاج ذا بوتكاست برودكشنز - The Potcast Productions (TPP). تقديم: علاء الشيخ - Alaa El Sheikh تابعونا على: ذا بوتكاست برودكشنز - The Potcast Productions فيسبوك - https://www.facebook.com/thepotcastproductions إنستاجرام - https://instagram.com/thepotcastproductions تيك توك - https://www.tiktok.com/@thepotcastproductions

ولإن اللي بيحصلنا في العيد ميكفيهوش حلقة واحدة.. رجعنا بجزء تاني من "العيد فرحة؟" مكملين عن العادات والتقاليد اللي حافظينها ومزهقانا من أول خناقة "هنتغدى عند عيلتك ولا عيلة خطيبتك؟" لحد جملة طنط " إنت كبرت علي العيدية ياحبيبي فبعد كل ده... لسه حاسين إن العيد فرحة فعلا ولا إيه الكلام ؟😂 استنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست. #بودكاست_كفاية_بقى #علاء_الشيخ

كل سنة وإنتوا طيبين، العيد قرب عارفين ده معناه إيه؟ زيارات لا نهائية من ناس أول مرة تشوفهم في حياتك.. بس في الآخر.. هو يا ترى العيد فعلاً فرحة؟؟ في حلقة "كفاية بقى" المرة دي، اتكلمنا عن أجواء أول يوم عيد، وهل هو فعلاً فرحة ولا لأ؟ استنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست.

رمضان زي ما كلنا عارفين انه شهر الروحانيات والهدوء، بس رمضان في مصر حاجة تانية 😂 ولأن مصر مشهورة بأجواء رمضان من زينة وفوانيس، فهي كمان مشهورة بالخناقات غير المبررة، من أول “هنفطر فين يا جماعة؟” لحد الخناقات على المسلسلات في حلقة كفاية بقى بالله عليك اتكلمنا عن خناقات رمضان بكل أشكالها، وليه كلنا بنبقى مش طايقين نفسنا استنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست. #بودكاست_كفاية_بقى #علاء_الشيخ #comedypodcast #thepotcastproductions  

معاناة الشغالات مش بس في المسلسلات، دي موجودة في أرض الواقع بشكل أصعب. قررنا في صالون كفاية بقى المرادي نجيب معاناة حقيقية، مع ضيفتنا حنان البهي اللي هتكلمنا عن رحلتها مع الشغالات بأشكالهم وأنواعهم وإزاي كانت بتعاني معاهم. استنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست.#بودكاست_كفاية_بقى#علاء_الشيخ

دليلك الشامل للخروج من فطار الدفعة السنوي بأمان وسلام..حلقة تكشف كل ألاعيب الدفعة في التجمع السنوي المعروفاستنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست.#بودكاست _كفاية_بقى#علاء_الشيخ#comedypodcast#thepotcastproductions

بقالنا سنين محتارين في طقوس حياتنا في شهر رمضان.. كفاية بقىالحلقة دي ممكن نخليها مرجع علشان محدش يحتار تاني.

كفاية حركات قرعة بقى!!حلقة النهاردة اتجمع فيها معظم الحركات اللي بتعصبنا في رمضان وتضيع صيامنا، اتفرج واسمع الحلقة على يوتيوب وكل منصات البودكاست وقول لنا إيه الحركات القرعة اللي بتضايقك في رمضان؟!

لأول مرة صالون كفاية بقى في نسخته الرمضانية صالون "كفاية بقى" بالله عليك 🔥 الإعلانات تبان من برة مجال سهل لكن من جوا مقرمش ومليان 🤯 حلقة جديدة في الصالون مع علاء الشيخ وضيوفه المبدعين كريم عايش ونورهان معز، اتكلموا فيها عن الإعلانات المصرية وكواليسها وإزاي عدوا مع بعض بمواقف غريبة ومضحكة وصعبة وكله كان بيعدي وهما في فريق واحد. استنوا حلقتين كفاية بقى في نسخته الرمضانية "كفاية بقى بالله عليك" حلقتين كل يوم اتنين وجمعة على يوتيوب وكل منصات البودكاست.

حلقة اتكلمنا فيها عن الناس اللي ملهاش فيها وعاملة جامدة، لا منها بتقدر ولا منها بتسكت. رأيك مش هيغير الكون يا عديم الأهمية. بودكاست مصري ساخر، بينتقد حاجات وتصرفات وناس معينة في المجتمع، بصراحة وبدون رحمة أو مجاملات. هذا البودكاست ١٨+ وليس لأصحاب القلوب الضعيفة. من إنتاج ذا بوتكاست برودكشنز - The Potcast Productions (TPP).

في الجزء التاني من حلقتنا عن التدخل في حياة الناس، هنكمل كلامنا عن الشخصيات اللي بتحشر نفسها في كل حاجة، من اللي شايفين إن حياتك مشروعهم الشخصي، لحد اللي بيعملوا فيها خبراء في كل قراراتك، مهما كانت شخصية. بودكاست مصري ساخر، بينتقد حاجات وناس معينة في المجتمع، بصراحة وبدون رحمة أو تهاون، وبدون أي تزيين للكلام. هذا البودكاست ١٨+ وليس لأصحاب القلوب الضعيفة. من إنتاج ذا بوتكاست برودكشنز - The Potcast Productions (TPP)