DiscoverL'instrumentala
L'instrumentala
Claim Ownership

L'instrumentala

Author: Radiotelevisiun Svizra Rumantscha (RTR)

Subscribed: 6Played: 113
Share

Description

L’emissiun preschenta furmaziuns da brass, armonias, fanfaras, musicas militaras, furmaziuns pitschnas, giubileums da Brass Bands u autras furmaziuns, anniversaris u eveniments actuals. L’emissiun preschenta er las capo-furmaziuns da quel gener da musica.
10 Episodes
Reverse
Ins po dir ch'igl ensemble da brass è naschì l'onn 1951 cun il Philip Jones Brass Ensemble. Philip Jones ha fundà questa gruppa d'instrumentalists da sturs ed ha cumenzà ad arranschar musica dals differents geners per la furma d'ensemble. Quella nova scena è creschida e vegnida pli e pli vasta enfin il di dad oz. En l'instrumentala dad oz pudais vus tadlar ina selecziun da las pli enconuschentas furmaziuns naziunalas ed internaziunalas. I spetga in'ura vasta ed interessanta, perquai che mintg'ensemble ha sviluppà ses agen stil e posseda in caracter unic.
Musica militara

Musica militara

2020-07-0101:02:14

En l'instrumentala dad oz pudais Vus as persvader da las abilitads ord las retschas da la musica militara. Nus avain pront in concert cun musica divertenta. Quella tanscha dal swing sur il marsch tar la polca, ed auter pli. D'udir èn tranter auter la musica d'infantaria dal regiment 36 sut la batgetta dad Alvin Muoth, la musica territoriala dal regiment 92, la Swiss Army Big Band, diversas musicas da recruts ed autras furmaziuns.
Musicals

Musicals

2020-06-2401:01:14

Chant, saut e gieu da teater en ina furma populara, quai è il musical. Listorgia dal musical modern ha cumenzà enturn lonn 1920 a New York. Sper il Broadway a New York è il musical dentant era sa derasà spert en in quartier da Londra – quels dus lieus èn anc oz las metropolas dal musical. «Linstrumentala» dad oz è emplenida cun enconuschentas melodias ord musicals sco «My Fair Lady», «Cats», «Evita», «Jesus Christ Superstar» cun il toc da partenza «Oklahoma». Musicantas e musicants da tut il mund èn prontas e sunan per Vus quellas enconuschentas melodias arranschadas per furmaziuns da brass. Redacziun: Christa Soliva
In di da stad

In di da stad

2020-06-1701:00:39

Stad, sulegl, temperaturas chaudas e vacanzas. E buna musica? Ma cler! E per lezza procura L'instrumentala dad oz. Dal marsch «Summer Winds», sur hits da stad dals ultims onns fin tar il saut grec «Zorbas Dance», tut quai ed anc blera musica che dat in zic atmosfera da stad pudais vus tadlar en l'emissiun dad oz. Redacziun: Christa Soliva
Il beltg Jan Van der Roost – in um cun bleras, bunas fatschas musicalas. Jan Van der Roost, naschì 1956 a Duffel (Belgia) è enconuschent qua tar nus surtut sco cumponist da musica per brass band, per furmaziun instrumentala e sco expert a concurrenzas da musica. Ch'el ha era scrit per autras occupaziuns (musica sinfonica, musica vocala, musica cameristica) ed en auters stils (neo-baroc, neo-classic) è strusch enconuschent. Surtut sias ovras per chor cun accumpagnament èn fitg interssantas e valan la paina da vegnir dadas – era qua en Svizra. I Colori della Gioia- dal 2018 datescha in disc cumpact cun talas ovras. L'instrumentala da RTR preschenta quest DC ed ha discurrì cun Corsin Tuor, in bun ami da Jan Van der Roost. Redacziun: Giusep G. Decurtins
Giubileums

Giubileums

2020-06-0301:01:26

Quest onn festiveschan la Societad da musica Danis-Tavanasa e la Societad da musica Vignogn il giubileum da 100 onns. La Societad da musica Sumvitg/Cumpadials fa schizunt festa per il 125avel onn dapi sia fundaziun. Pervia da la situaziun actuala han tuttas 3 musicas spustà la festa da giubileum sin l'auter onn ni sin la fin da l'onn. L'instrumentala dad oz fa dentant tuttina in zichel festa cun las musicas giubilaras. Viva la musica, viva la cumpagnia! Redacziun: Christa Soliva
En l'instrumentala dad oz tadlain nus ina selecziun cun megahits dals onns sesanta enfin oz. Dudir en hits e semperverds da pop sco; Sofia – Crocodile Rock – Ai se eu te pego – Gloria – Grüezi wohl Frau Stirnimaa ed anc blers auters. Interpretà vegnan questas melodias dentant betg dad Alvaro Soler, dad Elton John, da Michel Teló, dals Minstrels ni dad Umberto Tozzi, mabain dad enconuschentas furmaziuns da brass. Redacziun: Christa Soliva
Marschs da chanzuns svizras

Marschs da chanzuns svizras

2020-05-2001:02:53

Sco sin l'entir mund ha il marsch era en Svizra ina lunga tradiziun. Il marsch accumpogna gia dapi onns paradas militaras e civilas, embellescha festas da tuttas sorts e divertescha en salas da concert. Per oz avain nus pront marschs da chanzuns svizras. D'udir èn tranter auter il Graubündner Marsch cun la melodia «A Trun sut igl ischi», il marsch Appenzeller Gruss cun la melodia «Min Vatter isch en Appenzeller», il marsch da Trin, la marcia Ticinese, la marcha da Scuol ed anc blers auters marschs cun melodias enconuschentas. Redacziun: Christa Soliva
Atmosfera dad ESC

Atmosfera dad ESC

2020-05-1301:02:47

L'Eurovision Song Contest, ina da las pli grondas concurrenzas da musica internaziunala, avess gì lieu ils 16.05.2020 a Rotterdam en Ollanda. Sco tut las occurrenzas grondas è era igl ESC vegni annullà.   L'instrumentala dad oz è dentant tuttina pronta cun hits e semperverds che derasan almain atmosfera dad ESC. Nus tadlain hits sco «Rise Like a Phoenix», «Heroes», «Fairytale» e semperverds sco «Puppet on A String», «Swiss Lady» e natiralmain era la chanzun «Viver senza tei» dals Furbaz, ils participants da l'onn 1989. Interpretà vegnan questas chanzuns dentant betg da Conchita Wurst, da Pepe Lienhard ni da Sandie Shaw, mabain dad enconuschentas furmaziuns da brass ed armonia. Redacziun: Christa Soliva
Comments 
Download from Google Play
Download from App Store